Austurland - 18.04.2013, Page 12

12 18. APRÍL 2013
Skeifan 3E-F · Sími 581-2333 · Fax 568-0215 · www.rafver.is
K Ä R C H E R S Ö L U M E N N
F A G M E N N S K A A L L A L E I Ð
Háþrýstidælur
Teg: HD 6/16-4 M
Teg: HD 6/16-4 MX
■ Vinnuþrýstingur
30-160 bör
■ 230-600 ltr/klst
■ 15 m slönguhjól
■ Stillanlegur úði
■ Sápuskammtari
■ Túrbóstútur + 50% Teg: HD 10/25-4 S
■ Vinnuþrýstingur
30-250 bör
■ 500-1000 ltr/klst
■ Stillanlegur úði
■ Sápuskammtari
■ Túrbóstútur + 50%
Vinnuþjarkar ætlaðir til daglegra nota
Hitaveitu &
gasskápar
Blikksmiðjan Vík ehf / Skemmuvegur 42, 200 Kópavogi / kt. 4309850279 / Sími: 557-1555 / blikkvik@blikkvik.is
fyrir sumarbústaði og heimili
Gæði • Þjónusta • Öryggi
Hitaveituskápar
Við sérsmíðum og eigum líka hitaveitukassa á lager.
Einnig smíðum við mikið af kössum á kerrur, bíla ofl.
Fáanlegir í mörgum litum.
Gasskápar
Eigum gasskápa á lager. Læsanlegir
og smíðaðir úr áli.
Láttu ekki stela af þér kútunum!
Fjórhjólalagerinn
Stapahrauni 7 • 220 Hfj • Sími 588 3355
www.4h.is
Mikið úrval auka og varahluta
í flestar gerðir hjóla.
Fjórhjólalagerinn
Stapahrauni 7 • 220 Haf • S. 588 3355
www.4h.is
Eigum til reimar í miklu
úrvali í flestar gerðir
snjósleða og fjórhjóla.
Norðfjarðargöng
Oddskarðsgöng voru grafin á árunum 1972-1977. Þau eru því
meira en aldarþriðjungs gömul, barn
síns tíma, og uppfylla engan veginn
kröfur sem gerðar eru til jarðganga í
dag. Þetta er engin frétt því þetta hafa
allir vitað um langan tíma. Samt hefur
ekkert verið gert í þessu og ný jarðgöng
eru aðeins til í draumum íbúa um betri
samgöngur.
Það var meðvituð ákvörðun fyrri
stjórnvalda að nota ekki opinbera
fjármuni í gerð nýrra jarðganga
milli Eskifjarðar og Norðfjarðar. Í
aðdraganda hrunsins voru áherslurnar
einfaldlega aðrar. Landsbyggðin var
látin líða fyrir vöxtinn á suðvestur
horni landsins og notuð sem kælispírall
á ofþanið hagkerfi þéttbýlisins allt
þar til upp úr sauð. Landsbyggðin
var afgangsstærð og sviðið var gefið
öðrum eftir. Norðfjarðargöng voru
ekki á dagskrá stjórnarflokkanna
fyrir hrun. Hagfræðisnillingarnir sem
reiknuðu okkur að endingu fram af
bjargbrúninni, sáu ekki forendur fyrir
slíkri framkvæmd og sjá ekki
enn.
Undir forystu Vinstri
grænna eru framkvæmdir
við ný Norðfjarðargöng að
hefjast. Tilboð í byggingu
ganganna á að opna 16.
apríl (kannski búið að því þegar þessi
grein birtist) og í framhaldinu verður
gengið til samninga við verktaka um
að hefja framkvæmdina. Þessu stóra
verkefni hefur Vinstri grænum tekist
að hrinda í framkvæmd þrátt fyrir þá
miklu erfiðleika sem við er að glíma
vegna afleiðinga hrunsins. Þetta gátu
þeir aftur á móti ekki sem sögðust eiga
nóg af peningum fyrir nokkrum árum.
Þá var ákveðið að nota þá fjármuni
til annars þar sem aðrar pólitískar
áherslur réðu för.
Með gerð nýrra jarðganga milli
Norðfjarðar og Eskifjarðar verða til
ótal tækifæri fyrir íbúa Fjarðabyggðar
sem áður hafa verið ómöguleg vegna
samgönguerfiðleika. Breytingin verður
ekki síst á sviðum heilbrigðis- og
menntamála auk annarrar
opinberrar þjónustu sem
mun batna og nýtast
íbúum betur en hingað til.
Atvinnusvæðið mun stækka,
atvinnumöguleikar aukast og
umhverfi þeirra fyrirtækja
sem fyrir eru á svæðinu mun taka
stakkaskiptum í kjölfar nýrra ganga.
Góðar samgöngur koma ekki af
sjálfu sér eins og reynsla Austfirðinga
sýnir best. Þegar ríkissjóður var tómur
og ríflega það, vegna þeirrar útreiðar
sem á endanum leiddi til hrunsins, varð
að leita nýrra leiða til að fjármagna
gerð nýrra Norðfjarðarganga. Það
tókst þrátt fyrir hávær mótmæli sem
nú eru reyndar þögnuð. Þetta er rétt
að hafa í huga nú þegar ákveðnir
stjórnmálaflokkar lofa skattalækkunum
og afnámi sértekna til framkvæmda,
komist þeir til valda. Norðfjarðargöng
eru undir í þeirri umræðu og þá hvort
af þeim verður eða ekki.
Björn Valur Gíslason
Varaformaður Vinstri grænna
björn Valur
Gíslason
Stöndum saman
Síðustu ár hef ég starfað á sviði nýsköpunar og þróunar hjá
Austurbrú (áður Þróunarfélagi
Austurlands) ásamt því að sitja í
bæjarstjórn Fjarðabyggðar. Þó seint sé
hægt að segja að ég sé hokin af reynslu
af pólitík þá hefur hún samt sem áður
kennt mér á stuttum tíma að það eru
gríðarlega mörg brýn verkefni sem
þarf að vinna og oft á tíðum höfum
við fengið að finna fyrir því sem lengst
búum frá stjórnsýslunni að erfiðara er
að sækja það sem flestum ætti að þykja
eðlileg og sjálfsögð þjónusta. Það vill
nefnilega þannig til að auðveldast er
að skera niður lengst frá sér og höfum
við oft þurft að bragða á því meðali.
Ef við snúum okkur að stóru
málunum og því grunnstefi sem
Sjálfstæðisflokkurinn hefur talað
fyrir, þá er það mín trú, að við vinnum
okkur út úr vandanum sé okkur gefið
svigrúm og tækifæri til þess. Verkefnin
framundan eru sannarlega ærin og
næstu ár munu fyrst og
fremst snúast um bætta
hagstjórn og forgangsröðun
verkefna.
Mikilvægt er að vinna
að raunhæfum lausnum
til handa öllum heimilum
í landinu og forgangsraða í þágu
þeirra. Lausnirnar eru mismunandi
eftir aðstæðum fólks og höfum við
sett fram skýrar leiðir er varða m.a
niðurgreiðslu húsnæðislána á næstu
4-5 árum í gegnum skattakerfið. Eitt
besta stjórntækið sem ríkisvaldið getur
notað til þess að hjálpa heimilum í
landinu er að lækka skatta og þar með
hækka ráðstöfunartekjur fólks. Það er
aðgerð sem kemur öllum til góða enda
skattar með stærstu útgjaldaliðum
heimilanna. Við viljum lækka
tekjuskatt og hækka þar með útborguð
laun okkar allra sem gefur okkur
tækifæri á að velja sjálf hvernig við
ráðstöfum launum okkar í stað þess að
fela það stjórnmálamönnum
við Austurvöll.
Umræðan á síðustu
vikum hefur snúist að
mestu leyti um skuldsett
heimili og hvernig sé hægt
að koma þeim til bjargar á
sem skemmstum tíma. Þó mér komi
ekki til hugar að gera lítið úr þeim
vanda sem virkilega er alvarlegur
þá verðum vil líka að vanda okkur
í umræðunni því það eru fleiri mál
sem eru brýn og þarfnast úrræða. Þar
ber hæst heilbrigðis- og velferðarmál,
menntamál og samgöngumál en
allt eru þetta málaflokkar sem þarf
að forgangsraða betur og vinna að
uppbyggingu, landinu okkar til heilla.
Í þágu heimilanna mun
Sjálfstæðisflokkurinn forgangsraða
rétt. Það er kominn tími til að nýta
tækifærin, kominn tími til aðgerða,
tími til sóknar – í þágu okkar allra.
Ásta Kristín Sigurjónsdóttir
Meiri sátt
Eitt af því sem Björt framtíð leggur mikla áherslu á er sátt og
samræður. Mörgum kann að finnast
þetta heldur ómerkilegt stefnumál.
Sumir líta á sátt sem veikleikamerki
og einhverjir telja að sátt sé óraunhæf
enda snúist stjórnmál um að ná fram
málum með góðu eða illu. Þá eru
þeir til sem telja það útilokað að ná
nokkurri sátt þegar íslensk stjórnmál
eru annars vegar.
Meiri sátt er hins vegar mikilvæg.
Við stöndum frammi fyrir miklum
áskorunum og glímum enn við
eftirköst hrunsins. Peningar eru af mjög
skornum skammti og þörf er á aðhaldi
og forgagnsröðun verkefna. Það er hins
vegar mjög slæmt að allar aðgerðir
skuli miðast við eitt kjörtímabil. Það
segir sig sjálft að það er ekki vinnulag
sem skilar góðum árangri. Það er
því ekki bara skynsamlegt heldur
beinlínis nauðsynlegt að stjórn og
stjórnarandstaða nái sátt um mikilvæg
mál. Að hlustað sé á ólík
sjónarmið og leitað sé lausna
í stað þess að ala á ósætti.
Alltof algengt er að farið sé af
stað með mál sem engin sátt
ríkir um. Þau tekst jafnvel
ekki að klára og enda því
ofan í skúffu þegar ný stjórnvöld taka
við. Slíkt er sóun á tíma og fjármunum.
Við þurfum líka að sammælast um
það hvernig við stundum stjórnmál.
Við höfum vanist orðræðu sem þekkist
vart utan stjórnmálanna. Fólk hikar
ekki við að tala niður til pólitískra
samferðarmanna og túlka skoðanir
þeirra rétt eins og þeir séu ekki færir
um það sjálfir. Fólki eru gerðar upp
skoðanir og uppnefni og gífuryrðin
fjúka hægri vinstri. Þá eru jafnvel dæmi
um að stjórnmálamenn geri grín að
útliti þeirra sem þeir skilgreina sem
andstæðinga. Við hjá Bjartri framtíð
teljum að nú sé mál að linni og þótt
fyrr hefði verið.
Þannig hljómar ein af
áherslum Bjartrar framtíðar:
„Gerum störf Alþingis
uppbyggilegri með breyttum
þingsköpum. Breytum
stjórnmálunum. Vinnum
að friði. Tölum af virðingu
og sanngirni um hvert annað. Þannig
eflum við traust“.
Þessi áhersla lætur kannski ekki
mikið yfir sér. Það er ekki víst að
fólk staðnæmist sérstaklega við
hana þegar það rennir í gegnum
áherslurnar á bjortframtid.is. En þetta
er meginástæðan fyrir því að ég féll
fyrir Bjartri framtíð. Það þarf meiri sátt,
meiri virðingu og meiri frið í íslensk
stjórnmál. Að því viljum við í Bjartri
framtíð vinna og vonumst til að sem
flestir leggi okkur lið.
Brynhildur Pétursdóttir skipar
1. sæti á lista Bjartrar framtíðar í
Norðausturkjördæmi
Ásta kristín
Sigurjónsdóttir
brynhildur
Pétursdóttir
AðsENdAr grEiNAr