Fréttablaðið - 14.02.2015, Qupperneq 44

FÓLK|HELGIN
Axel Einar Guðnason, rekstrarstjóri Hjallastefn-unnar, byrjaði að hlaupa
fyrir þremur árum og var fljótur
að koma sér í maraþonform.
Hann fór í fyrsta maraþonið
í apríl í fyrra og var eini Ís-
lendingurinn sem var skráður í
Walt Disney World-maraþonið
í Orlando í byrjun janúar. Hann
missti hins vegar af rástímanum
og ekkert varð af hlaupinu. Axel
segir ferðina hafa einkennst af
klúðri, eftir marga streitudaga.
„Við hjónin vorum á leið á
ráðstefnu í Flórída helgina eftir.
Þegar það lá fyrir fór ég að at-
huga með hlaup á svæðinu og
langaði að nýta ferðina. Það var
annað hvort Disney-maraþonið
í Orlando eða Mississippi Blues-
maraþonið í Jackson sem komu
til greina. Hið síðarnefnda hefði
þýtt viðbótarferðalag svo
Disney-hlaupið varð ofan á.“
HAFÐI EKKI MISST ÚR ÆFINGU
Axel tók þátt í London-mara-
þoninu í apríl í fyrra og byrjaði
að æfa fyrir Disney-hlaupið í
september. „Ég æfði samkvæmt
prógrammi fjórum sinnum í viku
og missti aldrei úr, þrátt fyrir
alls kyns veður far. Viku fyrir
brottför fór yngri dóttir okkar
að suða um að koma með. Úr
varð að við keyptum flugmiða
fyrir hana. Kvöldi fyrir brottför
byrjaði sú eldri og við vorum
í miklu pati að panta enn einn
flugmiða og útvega tilskilin leyfi
rétt fyrir flug.“
ALLT GEKK Á AFTURFÓTUNUM
Þegar fjölskyldan var komin í
Leifsstöð kom í ljós að dollar-
arnir höfðu gleymst heima. „Þeir
lúrðu í nærfataskúffunni minni,“
upplýsir Axel. Þá var fjölskyldan
með hangikjöt fyrir frænku í
farteskinu og þurfti að fara sér-
staka leið í gegnum bandaríska
landamæraeftirlitið. „Það þýddi
talsverðan aukarúnt og skrif-
finnsku. Á hótelinu kom svo í
ljós að við höfðum gleymt kjöt-
inu í ísskápnum heima. Svona
mætti lengi telja og var allur
fókusinn af hlaupinu farinn út
um þúfur,“ rifjar Axel upp. Hann
segir það þó enga afsökun. „Í
grunninn var það ég sem lagði
allt of seint af stað í hlaupið og
hafði ekki haft rænu á að fá leið-
beiningar um hvert ég átti að
mæta. Það gerist ekki aftur.“
Hótelið þar sem fjölskyldan
dvaldi var tveimur kílómetrum
frá rásmarkinu. „Rásmarkið var
inni í Epcot, einum Disney-garð-
inum, en hlaupið er í gegnum
eina fjóra Disney-garða, að
því að mér skilst,“ segir Axel
með semingi. „Ég lagði af stað
um nóttina, enda er ræst eld-
snemma, og ætlaði bara að fara
stystu leið að rásmarkinu, eins
og ég er vanur. Fljótlega byrjaði
vesenið. Lögreglan var búin að
loka öllum aðkomuleiðum og
vísaði á aðalinnganginn sem
var töluvert langt í burtu enda
garðurinn á stærð við Garðabæ.
Umferðin var líka alveg brjáluð
enda búið að loka öllum götum
vegna hlaupsins. Þarna rann
tíminn í raun frá mér. Lokatil-
raunin var að fara úr bílnum og
biðja einn lögregluþjóninn um
að hleypa mér í gegn. Því var
auðvitað kurteislega hafnað.
Þegar ég fór svo að skoða
leiðbeiningarnar eftir á sá ég
að þátttakendur áttu að mæta
við rásmarkið klukkutíma fyrir
hlaup. Ég lagði af stað klukku-
tíma fyrir hlaup svo þetta var í
raun dauðadæmt frá upphafi,“
lýsir Axel. Hann var þó fljótur að
sjá björtu hliðarnar.
HEYRÐI SKOTHVELLINN Í
FJARSKA
„Sorgin varði bara rétt á meðan
ég var að labba aftur á hótelið
með skottið á milli lappana.
Þá heyrði ég í Sollu stirðu, eða
einhverri álíka, sem var að hita
liðið upp. Svo ómaði auðvitað
bandaríski þjóðsöngurinn og
byssuskotið þegar hlaupið var
ræst. Þar sem ég stóð í einungis
kílómetra fjarlægð sá ég líka
bjarmann af flugeldasýningunni
sem efnt er til í upphafi hlaups.“
HEFÐI ALDREI FENGIÐ VIÐTAL Í
FRÉTTABLAÐINU
Axel fór með fjölskyldunni í nær-
liggjandi verslunarmiðstöð og
fékk sér svínarif og Starbucks-
kaffi í sárabætur. „Ég huggaði
mig við að vera ekki með harð-
sperrur og keypti mér hlaupa-
sokka til að undirstrika það að
ég léti þetta ekki stoppa mig
og væri hvergi nærri hættur að
hlaupa. Facebook-vinir Axels
gátu svo lesið eftirfarandi orð-
sendingu: „Lagt inn í reynslu-
bankann í dag, framvegis mun
ég mæta á réttan stað á réttum
tíma. Missti af hlaupinu sem er
auðvitað fúlt en ekkert sem Star-
bucks og Calvin Klein geta ekki
læknað. Gengur betur næst.“
Axel ákvað strax með sjálfum
sér að þetta hefði átt að fara
svona. „Ég hefði aldrei fengið
viðtal í Fréttablaðinu annars.
Það hefði fáum þótt merkilegt
ef ég hefði farið þetta hlaup og
klárað á þremur og fjörutíu.“
NÝTILKOMINN ÁHUGI
Axel heldur áfram að hlaupa í
öllum veðrum og vindum. Fjöl-
skyldan hyggst flytja tímabundið
til Orlando í sumar og segir hann
alls ekki útilokað að hann skrái
sig til leiks í Disney-hlaupið að
ári. „Þá hugsa ég að ég tjaldi í
rásmarkinu kvöldinu áður.“
Hann segir ávinninginn af
öllum æfingunum sitja eftir og
er eðli málsins samkvæmt í fínu
formi. Spurður hvort hann hafi
alltaf verið í íþróttum segir Axel
það fjarri lagi. „Ég var í fótbolta
og handbolta í gamla daga en
svo byrjaði maður að reykja og
drekka og var farinn að safna fá-
einum aukakílóum. Ég var gæinn
sem svindlaði í öllum skóla-
hlaupum með því að stytta mér
leið en svo fullorðnast maður
auðvitað. Ég hitti svo gamla
íþróttakennarann minn í Flens-
borgarhlaupi á dögunum. Ég var
þarna rauður, móður og másandi
og sagði henni að nú væri ég bú-
inn að borga allt svindlið til baka
með vöxtum og verðbótum og
dráttarvöxtum. Eftir það féllumst
við í faðma.“
Axel skrifar nýtilkominn
hlaupaáhuga helst á gráa fiðring-
inn. „Ég þakka fyrir að hann sé
ekki verri en þetta, Hlaup er frá-
bær hreyfing og ansi ávanabind-
andi. Er það ekki alltaf þannig að
mesta eftirsjáin er að hafa ekki
byrjað fyrr?“ ■ vera@365.is
MISSTI AF MARAÞONHLAUPI
KLÚÐUR Axel Einar Guðnason varð fyrir því óláni að missa af rástíma í Walt Disney World-maraþoninu í Orlando í byrjun árs.
Hann hafði æft fyrir hlaupið síðan í september og ekki misst úr eina æfingu. Hann sleikti sárin í nærliggjandi verslunarmiðstöð með
Starbucks í annarri og svínarif í hinni. Hann heldur ótrauður áfram að hlaupa og segir ekki útilokað að hann reyni aftur að ári.
FÉKK ÞÓ BOL
Það vantar ekkert upp á húmor-
inn hjá Axel og hleypur hann
óhikað um í Disney-maraþon-
bolnum þó hann hafi ekki einu
sinni náð upp að rásmarkinu.
ÁTTI AÐ FARA SVONA
„Ég hefði aldrei fengið viðtal í Fréttablaðinu ef ekki hefði verið fyrir
þetta klúður. Það hefði fáum þótt merkilegt ef ég hefði farið í þetta
hlaup og klárað á þremur og fjörutíu.”
1
3
-0
2
-2
0
1
5

2
1
:1
2
F
B
1
1
2
s
_
P
0
8
0
K
.p
1
.p
d
f
F
B
1
1
2
s
_
P
0
6
9
K
.p
1
.p
d
f
F
B
1
1
2
s
_
P
0
3
3
K
.p
1
.p
d
f
F
B
1
1
2
s
_
P
0
4
4
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
3
C
F
-F
B
F
4
1
3
C
F
-F
A
B
8
1
3
C
F
-F
9
7
C
1
3
C
F
-F
8
4
0
2
8
0
X
4
0
0
1
A

F
B
1
1
2
s
C
M
Y
K