Skessuhorn - 08.01.2014, Blaðsíða 11

11MIÐVIKUDAGUR 8. JANÚAR 2014
Fiskverð á mörkuðum er í hæstu
hæðum nú þegar bátaflotinn hef­
ur róðra eftir hátíðarnar. Frí um jól
og áramót auk mikillar ótíðar und­
anfarið gerir það að verkum að eft­
irspurn er mikil á sama tíma og lítill
afli berst á land. Verð á stórum ós­
lægðum þorski fór upp í 500 krón­
ur á uppboðum í gær, þriðjudag.
Það var litlu lægri á slægða þorsk­
inum. Fyrir áramót var algengt að
óslægður þorskur færi á 320 – 350
krónur á kílóið. Sjómenn sem hafa
komið með góðan afla að landi
brosa hringinn. Eiður Ólafsson
skipstóri og útgerðarmaður á Ísak
AK kom inn til Akraness í gær með
um hálft tonn af rígvænum þorski.
Hann hafði veitt aflann í net fyrir
mynni Hvalfjarðar.
„Ég fékk þetta í 20 net sem ég
er með. Þetta eru ránþorskar héð­
an úr Faxaflóa sem fara um og
éta minni fiska,“ sagði hann glað­
hlakkalega þar sem hann landaði
upp úr bátnum í Akraneshöfn. Eið­
ur rær einsamall og segist stefna í
að gera það á vetrarvertíðinni sem
fer nú í hönd. „Það er ekkert ann­
að hægt, veiðiheimildirnar eru svo
litlar. Afkoman af þessu ber ekki
fleiri menn.“
mþh
Í lok þessa mánaðar rennur út um­
sóknarfrestur hjá Framleiðnisjóði.
Sjóðurinn styrkir margvíslegt þró­
unar­ og nýsköpunarstarf í land­
búnaði. Með nýlegum búnaðar­
lagasamningi var sjóðnum sniðinn
ákveðinn fjárhagsrammi sem unn­
ið er eftir. Á þessu ári er sjóðnum
lagðar til 85 milljónir króna af rík­
isfé en sem kunnugt er var starf­
semi hans skorin mikið niður í kjöl­
far efnahagshrunsins. Á vef sjóðsins
eru bændur, samvinnuhópar þeirra
og aðilar innan rannsókna­ og þró­
unargeirans hvattir til að sækja um
stuðning. Í auglýsingu frá sjóðnum
er sérstaklega óskað eftir umsókn­
um sem varða rannsóknarstarf eða
aðra þekkingaröflun í landbúnaði
og nýsköpunar­ og þróunarstarf. Þá
kemur einnig fram vilji til þess að
styðja við „orkuátak“ sem ætlað er
að bæta orkunýtingu og auka hlut
innlendrar orku til landbúnaðar­
nota. Áfram verður stutt við verk­
efni sem miða að því að efla bú­
rekstur og fjölga atvinnutækifær­
um. Sérstaklega eru kornræktendur
hvattir til að sækja um í sjóðinn þar
sem það sé eitt af markmiðum hans
að styðja við grunnfjárfestingar til
markaðsfærslu á íslensku korni. Að
lokum eru nemendur í meistara­ og
doktorsnámi minntir á að Fram­
leiðnisjóður veitir styrki til fram­
haldsnáms á fagsviði sjóðsins. Sjá
nánar á www.fl.is
mm/bbl.is
Freisting vikunnar
Einfaldur tandoori kjúklingur
Eftir allar kjötveislurnar í des­
embermánuði þykir mörgum
gott að færa sig yfir í léttari fæðu
í janúar. Fiskur og kjúklingur
koma þá sterkir inn og því fannst
okkur við hæfi að birta einfalda
og góða uppskrift af mildum tan­
doori kjúklingarétti. Einhverj­
um finnst uppskriftin kannski
ekki hljóma vel þegar lesið er að
í henni eru 5 dl. af tómatsósu. En
hún kemur sannarlega á óvart!
Bragðið er milt og gott, með ind­
versku ívafi en alls ekki of sterkt.
Við mælum með því að sem flest­
ir prófi.
4 kjúklingabringur
1/2 L matreiðslurjómi
5 dl venjuleg tómatsósa
2-3 msk tandoori (gott að nota frá
Pottagöldrum)
1 1/2 tsk karrí
1/2 tsk pipar
1 tsk salt
Setjið kjúklinginn í eldfast mót.
Gott er að skera hann í bita. Allt
hitt hrært saman í skál og að lok­
um hellt yfir kjúklinginn. Bakið í
40 mínútur á 180 – 200 ° C. Berið
fram með hrísgrjónum, salati og
jafnvel brauði. grþ
Hvatt til umsókna í Fram-
leiðnisjóð landbúnaðarins
Kornræktendur eru sérstaklega hvattir til að sækja um í sjóðinn þar sem það sé
eitt af markmiðum hans að styðja við grunnfjárfestingar til markaðsfærslu á
íslensku korni. Ljósm. mm.
Eiður Ólafsson skipstjóri
og útgerðamaður á Ísak
AK 67 landar boltaþorski
á Akranesi á þriðjudag.
Ljósm. mþh
Fiskverð í hæstu hæðum þegar
markaðir opna á nýju ári