Skessuhorn - 15.01.2014, Blaðsíða 10

10 MIÐVIKUDAGUR 15. JANÚAR 2014
Senn líður að lokum kjörtímabils
sveitarstjórna landsins því í ár fara
fram sveitarstjórnarkosningar. Búið
er að ákveða kjördag og verður
hann laugardaginn 31. maí. Í síð‑
ustu kosningum voru listakosningar
í sex sveitarfélögum á Vesturlandi;
Akranesi, Borgarbyggð, Hvalfjarð‑
arsveit, Stykkishólmsbæ, Grundar‑
fjarðarbæ og Snæfellsbæ, á meðan
óhlutbundnar kosningar fóru fram
í fimm, Skorradalshreppi, Dala‑
byggð, Eyja‑ og Miklaholtshreppi,
Helgafellssveit og Reykhólahreppi.
Útlit er fyrir að sama fyrirkomulag
verði við lýði í kosningunum sem
framundan eru og þá eru einnig
líkur á að sömu flokkar og framboð
sem náðu manni inn síðast bjóði
fram aftur. Ekki hafa ný framboð
tilkynnt þátttöku enn sem kom‑
ið er. Þá eru töluvert margir sveit‑
arstjórnarfulltrúar, eða 60 talsins,
óákveðnir um hvort þeir hyggist
gefa kost á sér áfram. Ellefu munu
hins vegar gefa kost á sér áfram og
þá ætla sjö að hætta. Blaðamað‑
ur Skessuhorns fór yfir stöðuna í
framboðsmálum nú í upphafi árs og
heyrði í nokkrum oddvitum fram‑
boða í landshlutanum.
Akranes:
Oddvitaskipti
á döfinni
Undanfarið kjörtímabil hefur
meirihluti Samfylkingar, Fram‑
sóknarflokks og óháðra og Vinstri
grænna verið við stjórnvölinn á
Akranesi. Fékk Samfylkingin fjóra
menn kjörna, Framsókn tvo og
VG einn. Á meðan hafa sjálfstæð‑
ismenn verið í minnihluta með
tvo bæjarfulltrúa. Ljóst er að skip‑
an bæjarstjórnar mun taka nokkr‑
um breytingum eftir kosningarnar
í vor. Oddvitar tveggja framboða til
margra ára hafa gefið það út að þeir
hyggist hætta, þeir Sveinn Krist‑
insson oddviti Samfylkingarinnar
sem setið hefur í bæjarstjórn í 24
ár og Gunnar Sigurðsson oddviti
sjálfstæðismanna sem hefur ver‑
ið bæjarfulltrúi í 20 ár. Guðmund‑
ur Páll Jónsson oddviti framsókn‑
armanna hefur hins vegar ekki til‑
kynnt um hvort hann hyggist gefa
kost á sér áfram, en í samtali við
Skessuhorn sagðist hann ætla að til‑
kynna ákvörðun sína á félagsfundi
nú í janúar. Þröstur Þór Ólafsson
oddviti Vinstri grænna ætlar aft‑
ur á móti að gefa kost á sér áfram.
Flokksfélag VG á Akranesi hefur
ekki ákveðið hvernig standa skuli
að vali á lista en að sögn Þrastar ætti
það að skýrast fljótlega. Sömu sögu
er að segja af framsóknarmönnum í
bænum sem senn munu ákveða sína
framboðsmál, að sögn Guðmundar
Páls. Flokksfélög Samfylkingarinn‑
ar og Sjálfstæðisflokksins hafa aft‑
ur á móti skipað uppstillinganefnd‑
ir og eru þær að störfum. Ekki ligg‑
ur fyrir hvort aðrir bæjarfulltrúar
haldi áfram, utan sjálfstæðimanns‑
ins Einars Brandssonar sem ætlar
að gefa kost á sér áfram. Af öðrum
framboðum er það síðan að frétta
að hópur ungs fólks í bænum hef‑
ur framboð í undirbúningi sam‑
kvæmt heimildum Skessuhorns.
Björt framtíð útilokar ekki framboð
á Akranesi, en frá flokksstjórn feng‑
ust þær upplýsingar að vera kynni
að BF bjóði fram á a.m.k. tveimur
stöðum á Vesturlandi.
Hvalfjarðarsveit:
Óhlutbundin
kosning undir
smásjánni
Þrjú framboð buðu fram í Hval‑
fjarðarsveit í síðustu kosningum,
Listi Einingar sem hlaut þrjá menn
kjörna, Hvalfjarðarlistinn sem
einnig hlaut þrjá og H‑listinn sem
hlaut einn mann. Hvalfjarðarlist‑
inn og H‑listi mynduðu meirihluta
og hefur hann verið að störfum
allt kjörtímabilið. Að sögn Sigurð‑
ar Sverris Jónssonar oddvita sveit‑
arstjórnar og leiðtoga Hvalfjarðar‑
listans hefur ekkert verið ákveðið
hjá framboðinu varðandi kosning‑
arnar í vor. Spurður um hvort hann
hyggist halda áfram gat hann ekki
gefið svör um það að svo stöddu.
Ása Helgadóttir oddviti H‑listans
segir að ekki sé búið að taka nein‑
ar ákvarðanir ennþá hjá framboð‑
inu varðandi kosningarnar í vor en
um það verður rætt á fundi í lok
mánaðarins. Hún hefur ekki ákveð‑
ið hvort hún hyggist gefa kost á sér
áfram. Öðru máli gegnir um Hall‑
freð Vilhjálmsson oddvita Eining‑
ar. Hallfreður sagði í samtali við
Skessuhorn að hann væri búinn
að ákveða að hætta í sveitarstjórn í
vor, enda búinn að vinna að sveit‑
arstjórnarmálum í tvo áratugi sam‑
fleytt ‑ í Hvalfjarðarstrandahreppi
í tólf ár og í Hvalfjarðarsveit í átta
ár. Hann segir framtíð Einingar
ráðast af því hvort að almenn sam‑
staða verði í sveitarfélaginu um að
íbúar bjóði ekki fram framboðslista
í kosningunum í vor svo mögulegt
verði að halda óhlutbundna kosn‑
ingu eða persónukjör. Fulltrúar E‑
listans lýstu yfir jákvæðu viðhorfi
til þessarar hugmyndar í haust og
standa við það ennþá. Ása Helga‑
dóttir segir spurð um þessar hug‑
myndir sjálfsagt að skoða þær eins
og aðrar og meta kosti þeirra og
galla. Verða þau mál m.a. rædd á
fundinum í janúar. Sigurður Sverr‑
ir Jónsson segir hugmyndina hafa
verið rædda hjá sínu fólki og séu
menn að velta fyrir sér hvor að‑
ferðin sé í raun lýðræðislegri. Að
hans mati væri bakland framboðs‑
ins heldur á þeirri skoðun að bjóða
fram lista, án þess að nokkuð væri
ákveðið í þeim efnum.
Borgarbyggð:
Oddvitar gefa
kost á sér áfram
Sjálfstæðismenn og Vinstri græn‑
ir hafa verið í meirihluta í sveitar‑
stjórn Borgarbyggðar síðustu fjög‑
ur ár, en Framsóknarflokkurinn og
Samfylkingin setið í minnihluta. Að
sögn Ragnars Franks Kristjánsson‑
ar forseta sveitarstjórnar og oddvita
Vinstri grænna ætlar hann að gefa
kost á sér áfram. Ingibjörg Daníels‑
dóttir, hinn sveitarstjórnarfulltrúi
VG, hyggst hins vegar hætta í sveit‑
arstjórn í vor. Hún býst þó við að
taka áfram þátt í starfi flokksins í
sveitarfélaginu. Þá er Björn Bjarki
Þorsteinsson formaður byggðar‑
ráðs og oddviti sjálfstæðismanna
búinn að tilkynna uppstillingar‑
nefnd flokksins í sveitarfélaginu að
hann ætli að gefa kost á sér áfram.
Björn Bjarki sagðist ekki vita um
hug samflokksmanna sinna í sveit‑
arstjórn, þeirra Jónínu Ernu Arn‑
ardóttur og Huldu Hrannar Sig‑
urðardóttur, en vonaðist til að þær
héldu áfram enda hefðu þær stað‑
ið vaktina í sveitarstjórn með sóma
á kjörtímabilinu. Hjá fulltrúum
minnihlutans er framtíðin að skýr‑
ast. Geirlaug Jóhannsdóttir odd‑
viti Samfylkingarinnar býst fast‑
lega við því að halda áfram að öllu
óbreyttu. Jóhannes Stefánsson ætl‑
ar hins vegar ekki að gefa kost á sér
áfram. Geirlaug segir mikilvægt að
konur leiði áfram lista í sveitarstjór‑
num og skorar hún á sem flestar að
halda áfram eða bjóða sig fram.
Uppstillingarnefnd er að störfum
hjá flokknum í sveitarfélaginu og er
leitað að fólki með brennandi áhuga
á sveitarstjórnarmálum á lista. Þá
ætla framsóknarmenn að stilla upp
lista í kosningunum í vor að sögn
Sigríðar G. Bjarnadóttur oddvita
flokksins og er uppstillingarnefnd
að störfum. Sjálf segist hún opin
fyrir því að halda áfram og sömu‑
leiðis Finnbogi Leifsson í Hítardal,
annar maður á lista Framsóknar í
sveitarstjórn. Niðurstaða uppstill‑
ingarnefndar ætti að liggja fyrir
áður en langt um líður.
Stykkishólmur:
Nýr bæjarstjóri
mun taka við
Í Stykkishólmi hefur L‑listinn ver‑
ið í meirihluta undanfarið kjör‑
tímabil. Listinn felldi meirihluta
sjálfstæðismanna með sex atkvæð‑
um í síðustu kosningum, en Sjálf‑
stæðismenn höfðu fram að því ver‑
ið í meirihluta í bænum samfleytt
í 36 ár. Að sögn Lárusar Ástmars
Hannessonar, formanns bæjarráðs
og oddvita L‑listans, munu fram‑
boðsmál listans skýrast á næstu vik‑
um, en sjálfum þótti honum líklegt
að hann gæfi kost á sér til áfram‑
haldandi setu í bæjarstjórn. Aðrir á
listanum væru ekki búnir að gefa út
hvað þeir hygðust gera. Breytingar
væru þó í farvatninu þar sem Gyða
Steinsdóttir bæjarstjóri Stykkis‑
hólmsbæjar gaf það út í síðustu viku
að hún hygðist ekki halda áfram sem
bæjarstjóri að kjörtímabili loknu,
en hún var bæjarstjóraefni listans
í síðustu kosningum. Svipuð svör
hafði Gre tar D. Pálsson oddviti
minnihluta Sjálfstæðismanna þegar
hann var spurður um framboðsmál
hjá sínum flokki. Enginn af bæjar‑
fulltrúunum þremur hjá D‑listan‑
um væri búinn að gefa neitt út um
framhaldið. Gretar sagði hins veg‑
ar að vinna við framboðsmál væri
farin af stað og hygðust sjálfstæðis‑
menn í Hólminum ætla að viðhafa
uppstillingu við myndun lista.
Grundarfjörður:
Báðir oddvitar
hætta
Nokkrar breytingar eru fyrirséð‑
ar í Grundarfirði. L‑listi bæjar‑
málafélagsins Samstöðu hefur ver‑
ið við völd í bænum síðustu fjög‑
ur ár, en það voru flokksfélöng
Framsóknarflokksins, Samfylking‑
arinnar og Vinstri grænna í bæn‑
um sem stóðu að myndun listans
í síðustu kosningum. Þrír af fjór‑
um fulltrúum listans í bæjarstjórn
ætla ekki að gefa kost á sér áfram
að sögn Sigurborgar Kr. Hannes‑
dóttir forseta bæjarstjórnar og odd‑
vita listans; hún sjálf, Gísli Ólafsson
og Ásthildur Erlingsdóttir. Eyþór
Garðarsson hyggst hins vegar gefa
kost á sér áfram. Ekki liggur fyrir
á þessari stundu hvort flokkarnir
þrír bjóða fram aftur undir merkj‑
um Samstöðu í næstu kosningum
en viðræður standa yfir milli þeirra
um framtíð framboðsins um þess‑
ar mundir. Hrókeringar eru einnig
í burðarliðnum hjá minnihluta D‑
lista sjálfstæðismanna í bæjarstjórn
sem hlaut þrjá menn kjörna fyrir
fjórum árum. Í samtali við Skessu‑
horn sagði Þórður Magnússon
oddviti listans að hann væri búinn
að gera upp sinn hug og ætlar hann
stíga úr oddvitasætinu og fara neð‑
ar á lista í kosningunum í vor. Ekki
höfðu aðrir fulltrúar listans gefið út
hvað þeir hygðust gera. Sjálfstæð‑
isfélagið í bænum væri hins vegar
búið að skipa í uppstillingarnefnd
vegna kosninganna og væri hún að
störfum.
Snæfellsbær:
Oddviti minni-
hlutans metur
stöðu sína
Sjálfstæðismenn hafa einir verið í
meirihluta í Snæfellsbæ undanfar‑
ið kjörtímabil, en þeir hafa verið í
meirihluta einir eða í samstarfi við
aðra allar götu síðan sveitarfélagið
varð til árið 1994. Jón Þór Lúðvíks‑
son forseti bæjarstjórnar og oddviti
sjálfstæðismanna sagði að ekki væri
ljóst á þessum tímapunkti um fram‑
haldið hjá sér. Enginn af fjórum
bæjarfulltrúum flokksins væri bú‑
inn að gefa út neinar yfirlýsingar en
sjálfstæðismenn væru þó að ræða
framboðsmál sín í milli. Þótti hon‑
um líklegt að þau mál myndu skýr‑
ast þegar komið væri fram í febrú‑
ar. Kristján Þórðarson frá Ölkeldu
og oddviti minnihluta J‑lista Bæj‑
armálasamtaka Snæfellsbæjar tók í
sama streng og sagði engar yfirlýs‑
ingar um framboðsmál í vor liggja
fyrir hjá sínu fólk. Sjálfur væri hann
að meta sína stöðu, enda búinn að
vera í sveitarstjórn síðastliðinn þrjú
kjörtímabil.
Dalabyggð:
Líklega aftur
óhlutbundin
kosning
Kjörtímabilið í Dalabyggð hefur
einkennst af góðu samstarfi í sveit‑
arstjórn. Jóhannes Haukur Hauks‑
son oddviti segir að það hafi ekki
verið slæm ákvörðun hjá íbúum
sveitarfélagsins að bjóða ekki fram
lista í síðustu sveitarstjórnarkosn‑
ingum og í staðinn viðhafa óhlut‑
bundna kosningu. Reynslan af slíku
fyrirkomulagi er góð að mati Jó‑
hannesar og bjóst hann við að sama
fyrirkomulag verði í kosningunum
í vor. Þó sé ómögulegt að spá fyr‑
ir á þessari stundu hvort að einhver
framboðslisti kæmi fram. Sjálfur
bjóst hann frekar við að hann gæfi
kost á sér áfram.
Smærri sveitarfélög:
Sameiningarmál
könnuð
Samkvæmt oddvitum annarra sveit‑
arfélaga á Vesturlandi er búist við að
aftur fari fram óhlutbundnar kosn‑
ingar líkt og í síðustu kosningum.
Þetta eru sveitarfélögin Helgafells‑
sveit, Eyja‑ og Miklaholtshrepp‑
ur og Skorradalshreppur. Svo ber
reyndar við að Skorradalshreppur
er að skoða sameiningu við Borg‑
arbyggð eða Hvalfjarðarsveit og ef
skriður kemst á málið verður kosið
um sameiningu samhliða kosning‑
um í vor. Davíð Pétursson oddviti
Skorradalshrepps sem setið hef‑
ur í hreppsnefnd í tæp 48 ár hef‑
ur gefið það út að hann ætli ekki
að gefa kost á sér áfram. Aðspurður
bjóst hann við að verði Skorradals‑
hreppur áfram sjálfstætt sveitarfé‑
lag verði að öllum líkindum við‑
höfð óhlutbundin kosning. Sömu
sögu er að segja um Reykhólasveit,
Helgafellssveit og Eyja‑ og Mikla‑
holtshrepp en þar má búast við því
að viðhöfð verði óhlutbundin kosn‑
ing eins og síðast. Þá má að lokum
geta þess að sveitarstjórn Eyja‑ og
Miklaholtshrepps óskaði eftir við‑
ræðum um hugsanlega sameiningu
við nágrannasveitarfélögin á Snæ‑
fellsnesi á jólaföstunni. Var jákvætt
tekið í erindið í þremur sveitarfé‑
lögum af fjórum, en meirihluti bæj‑
arstjórnar Snæfellsbæjar hafnaði
þeirri málaleitan.
hlh
Tæplega fimm mánuðir til sveitarstjórnarkosninga
Púlsinn tekinn á sitjandi oddvitum framboða á Vesturlandi