Skessuhorn - 15.01.2014, Blaðsíða 17

17MIÐVIKUDAGUR 15. JANÚAR 2014
nægar aflaheimildir. „Þá var ævin‑
týri. Við gátum leigt þorskinn frá
okkur á um 200 krónur kílóið og
síðan leigt til okkur ýsu á 40 krón‑
ur. Þá fengum við fimm ýsutonn
leigð til okkar fyrir hvert þorsk‑
tonn sem við leigðum frá okkur. Í
dag þurfum við að leigja frá okkur
tvö þorsktonn til að fá eitt ýsutonn.
Það gengur auðvitað ekki upp enda
gerum við það ekki.“
Bjartsýnir við upphaf
nýs árs
Gísli Gunnar tók undir það að afl‑
inn hjá þeim á Glað SH væri vissu‑
lega fallegur við byrjun nýs árs.
„Uppistaðan er bara glæsilegur
fiskur. Ýsan er ekki síðri en þorsk‑
urinn, þetta er demantsýsa sem við
fengum í dag. Það hefur alltaf verið
nóg að éta fyrir fiskinn hérna und‑
anfarin ár. Kannski of mikið fyr‑
ir okkar smekk sem erum á línunni
því mettaður fiskur tekur síður agn
en svangur.“
Aðspurður sagði Gísli Gunnar
að það yrði róið þar til kvóti fisk‑
veiðiársins kláraðist. „Við byrj‑
um í september og erum svo yfir‑
leitt að klára í maí. Síðan förum við
yfirleitt á grásleppu annað hvert ár.
Samkvæmt ártalinu er grásleppuár
hjá okkur núna. Makrílinn létum
við eiga sig í sumar. Við fjárfest‑
um ekkert í slíkum búnaði, veið‑
arnar voru hálfgert bras megnið af
sumrinu. Það var ekkert fyrr en í
lokin að það var veisla. Þetta getur
brugðið til beggja vona eins og svo
margt annað í veiðiskap.“
Þeir á Glað eru brattir í upphafi
nýja ársins. „Það leggst vel í okkur.
Hljómar ekki 2014 betur en 2013?
Annars var síðasta ár fínt. Við erum
alltaf ánægðir. Þorskurinn hefur þó
lækkað mikið í verði. Eitt lélegasta
Ferðaþjónustan í Fossatúni í Borg‑
arfirði hyggur á framkvæmdir á
árinu sem miða að því að bæta og
auka við gistiaðstöðuna á staðnum.
Að sögn Steinars Berg Ísleifssonar
framkvæmdastjóra er stefnt að því
að byggja fjögur sérhönnuð gisti‑
rými við veitingahúsið í Fossatúni.
Gistihúsin bætast við rúmt og gott
tjaldstæði Fossatúns auk fjögurra
herbergja sumarhúss sem hefur
verið til útleigu. „Í fyrstu lotu sem
stendur til að ljúka í vor er stefnt
að því að taka þrjú húsanna í notk‑
un með samtals tólf rúmgóðum
svefnherbergjum – fjögur herbergi
í hverri einingu öll með baði. Um
er að ræða átta tveggja manna her‑
bergi og fjögur aðeins stærri, með
svefnaðstöðu fyrir 3‑4 gesti, auk
aðstöðu fyrir starfsmenn, þvotta
og geymslu,“ segir Steinar Berg.
Áform ferðaþjónustunnar í Fossa‑
túni er sem stendur í deiliskipu‑
lagsferli hjá Borgarbyggð og er bú‑
ist við að þeirri vinnu ljúki í byrj‑
un febrúar. Framkvæmdir færu þá
af stað í framhaldinu. „Þá erum við
einnig með áform um að bora eft‑
ir heitu vatni í landinu okkar. Til‑
raunaboranir hafa verið gerðar og
er útkoman frekar jákvæð. Spenn‑
andi möguleikar bjóðast ef áformin
ganga eftir, t.d. opnun Trölla baða.
Það er hugmynd sem snýst um að
þróa þá ágætu aðstöðu sem fyrir er
með nýjum uppbyggðum náttúr‑
legum laugum.“
Norðurljósin vinsæl
Steinar Berg segir ýmislegt hafa
verið í gangi í Fossatúni í vetur.
„Við höfum til dæmis fengið fjölda
erlendra gesta sem hingað hafa
komið til að fanga norðurljósin. Frá
því í haust höfum við tekið á móti
6000‑7000 manns í þessum tilgangi.
Vegna miðlægrar staðsetningar eru
góðar aðstæður í Fossatúni til að sjá
norðurljósin og ef gengið er upp á
Stekkjarás ‑ ásinn við veitingahúsið
‑ er víðsýnt til allra átta yfir Borgar‑
fjörð og miklu lengra. Aðstaðan hjá
okkur nýtist vel fyrir svona hópa,
þar sem við höfum öfluga salernis‑
aðstöðu í þjónustuhúsi tjaldsvæðis‑
ins. Hóparnir sem koma er á bilinu
300‑500 manns en hafa farið upp í
að vera yfir 900. Við tökum á móti
fólki með kaffi, kakói og öðrum
drykkjarföngum svo og kökum og
léttum réttum. Á meðan lýsum við
upp Tröllafossa, sýnum myndband‑
ið okkar Hljómfagra Ísland og spil‑
um tónlist úr vínylplötusafni stað‑
arins. Auk þess hefur gengið vel að
selja tröllabækurnar mínar, sem fást
á fjórum tungumálum, og gestirnir
verða uppnumdir þegar þeim býðst
að hitta og láta rithöfundinn árita
bæku* nar. Svo finnst fólki auðvit‑
að kostur að slappa af við góðar að‑
stæður og vera í beinu netsambandi
við fjölskyldu og vini og deila upp‑
lifunni,“ bætir Steinar Berg við.
Hann segir ferðaþjónustuna vinna
með fyrirtækinu Allrahanda í þess‑
um norðurljósaferðum. hlh
Bygging gistirýmis
fyrirhuguð í Fossatúni
Grýla undir norðurljósum í Fossatúni.
þorskverð lengi var í fyrravetur.
Það bætti ekki úr skák að við veidd‑
um ekkert nema stórþorsk, þenn‑
an svokallaða aulafisk. Við feng‑
um bara ekki fisk af millistærðum.
Verðið fyrir stóra fiskinn var mjög
lélegt vegna þess að hann er uppi‑
staðan í saltfiskinum sem er búinn
að vera í mikilli lægð þegar verð eru
annars vegar,“ sagði Gísli Gunnar.
Sæþór félagi hans bætti við: „Það
er bara ekkert í bókinni hjá okk‑
ur að kvarta. Ef við værum þann‑
ig menn þá værum við ekkert starf‑
andi í þessari atvinnugrein.“
Það skiptast á skin og skúrir í út‑
gerðinni en lífið heldur áfram. Nýtt
ár bíður flotans. mþh
Ólafur Bjarnason SH 137 nýkominn að landi. Í forgrunni er verið að hífa fiskikörin með afla upp úr línubátnum Glað SH 226.
Gísli Gunnar Marteinsson skipstjóri á Glað SH 226, ánægður með byrjun ársins og
bjartsýnn á framhaldið.
Býr rithöfundur í þér ?
Smásagnasamkeppni
Efnt verður til smásagnasamkeppni í
tengslum við bókahátíðina Júlíönu – hátíð
sögu og bóka sem haldin verður í Stykkishólmi
27. febrúar – 2. mars 2014. Smásagnakeppnin
verður í tveimur flokkum 16 ára og yngri og
17 ára og eldri. Þátttaka er öllum opin.
Veitt verða vegleg verðlaun fyrir vinningshafa.
Sögum skal skilað fyrir 20. febrúar næstkomandi á
Hótel Egilsen, Aðalgötu 2, 340 Stykkishólmi,
merkt smásagnasamkeppni.
Sagan skal merkt dulnefni en með skal fylgja
lokað umslag með réttu nafni höfundar.
Sértök dómnefnd mun velja bestu sögurnar.
S
K
E
S
S
U
H
O
R
N
2
01
4
Tónleikar og ball á Hvanneyri og Akranesi

BAGGABANDIÐ

Á Kollubar á Hvanneyri:
Föstudaginn 17. janúar klukkan 22:00
Tónleikar og á eftir þeim spilar hljómsveitin fyrir dansi.

Á Gamla kaupfélaginu Akranesi:
Laugardaginn 18. janúar klukkan 22:00
Tónleikar og á eftir þeim spilar hljómsveitin fyrir dansi.
Skúli Mennski hitar upp.