Skessuhorn - 15.01.2014, Blaðsíða 24
24 MIÐVIKUDAGUR 15. JANÚAR 2014
Finnur Andrésson áhugaljósmynd‑
ari á Akranesi hefur stofnað nýjan
ljósmyndaklúbb sem fengið hef‑
ur nafnið Huginn eftir öðrum af
hröfnum Óðins í norrænni goða‑
fræði. „Þessi ljósmyndaklúbbur er
stofnaður fyrir fólk sem hefur áhuga
á ljósmyndun. Markmið klúbbs‑
ins er fyrst og fremst að hafa gam‑
an og læra hvert af öðru. Í klúbbn‑
um er litið á alla sem jafningja, ekk‑
ert aldurstakmark er svo ungir sem
aldnir geti verið með okkur,“ seg‑
ir Finnur í tilkynningu. Aðspurður
segir Finnur að hann og einhverj‑
ir fleiri hafi ekki fundið sig í Ljós‑
myndaklúbbnum Vitanum, sem
starfræktur hefur verið í nokkur ár
á Akranesi og nágrenni og því hafi
þeir ákveðið að stofna annað fé‑
lag. Finnur var félagi í Vitanum til
skamms tíma. „Þeir sem vilja ganga
til liðs við klúbbinn geta sent tölvu‑
póst á: huginnljosmyndaklubbur@
gmail.com,“ segir í tilkynningu.
mm
Það er öruggt að núverandi stjórn‑
völd hafa engan áhuga á því að þjóð‑
in fái að kjósa um nýja stjórnarskrá
fyrir sveitarstjórnarkosningarnar
í vor, eins og ætlunin var að gert
yrði af síðustu ríkisstjórn. Núver‑
andi ríkisstjórn Sjálfstæðisflokks og
Framsóknar hefur engan áhuga á að
efla lýðræði í landinu eins og sýndi
sig ljóslega í þeirri heiftarlegu and‑
stöðu við tillögur að nýrri stjórnar‑
skrá sem Samfylkingin og Vinstri
grænir lögðu fram. Í þeim drögum
að nýrri stjórnarskrá var meðal ann‑
ars ákvæði um persónukjör í öllum
þjóðarkosningum, sem ég tel eitt‑
hvert mikilvægasta atriðið í þeim.
Í núverandi stjórnarskrá eru engin
bein ákvæði um sveitarstjórnakosn‑
ingar. Það eina sem þar stendur er
í 78.grein. En þar segir: „Sveitarfé‑
lög skulu sjálf ráða málefnum sín‑
um eftir því sem lög ákveða.“ Og
í lögum um sveitarstjórnakosningar
segir í VI. kafla í 32. grein. „Greina
skal í auglýsingu bókstaf framboðs‑
lista og nöfn frambjóðenda á hverj‑
um lista í réttri röð.“ Þarna segir
ekkert um hverskonar röð, stafrófs‑
röð, aldursröð eða hlutkestaröð. Í
IX. kafla 58. grein. segir í annarri
málsgrein: „Vilji kjósandi breyta
nafnaröð á lista þeim er hann kýs
setur hann tölustafinn 1. fyrir fram‑
an það nafn er hann vill hafa efst,
töluna 2. fyrir framan það nafn sem
hann vill hafa annað í röðinni, töl‑
una 3. fyrir framan það nafn sem
hann vill hafa það þriðja o.s.frv.“ Í
X kafla 86.grein segir þar sem seðl‑
ar eru merktir: „Nöfnum frambjóð‑
anda á listanum er nú raðað þann‑
ig að sá frambjóðandi sem hefur
fengið flest atkvæði í 1. sæti, sam‑
kvæmt 2 málsgr. hlýtur það sæti. Sá
frambjóðandi að þessum slepptum,
sem hlotið hefur flest atkvæði í 1.
og 2. sæti, samanlagt hlýtur annað
sæti o.s.frv. Uns raðað hefur verið
í sæti svo mörgum frambjóðendum
listans að ljóst sé hverjir hafa hlotið
kosningu sem aðalmenn og eru þá
hinir varamenn.“
Það er augljóst samkvæmt þessu,
sem tekið er orðrétt upp úr lögum
um sveitarstjórnarkosningar, að það
er engin hindrun á að hefja pers‑
ónubundnar kosningar til sveitar‑
stjórna. Persónukjör af framboðs‑
listum til sveitar‑ og fylkisstjórna á
Norðurlöndum hefur verið algengt
um nokkurn tíma og því skyldi ekki
vera hægt að taka það upp hér, þar
sem í reynd ekkert bannar það. Ég
hef rætt þetta nokkuð við stjórn‑
málafræðing og lögfræðing og
báðir sögðu þeir að það væri ekk‑
ert í lögum sem bannaði persónu‑
kjör í sveitarstjórnarkosningum. Ef
nokkur sannur vilji hefur verið fyrir
því, hjá þeim pólitísku flokkum sem
vildu koma á persónukjöri (Sam‑
fylkingunni og Vinstri grænum) þá
ber þeim skylda til þess að óska eft‑
ir því við kjósendur sína að þeir raði
nöfnum listans eftir sínum vilja.
Þetta væri hægt að gera með aug‑
lýsingu um leið og listinn er lagð‑
ur fram og það staðfest með und‑
irskrift allra framjóðenda og með‑
mælenda listans. Ef þetta yrði gert
og tækist núna, þá gæti það orðið
fyrsti vísir þess að auka persónu‑
kjör til fleiri opinberra starfa. Hafa
menn gert sér grein fyrir því hversu
fáir aðilar ráða því í raun hverjir
komast í sveitarstjórnir? Það eru oft
örfáir aðilar úr innsta hring flokks‑
ins sem ráða því hverir eru í efstu
sætum listanna.
Tökum dæmi: Flokkur með tæp‑
lega 300 meðlimi kýs úr átta manna
framboði menn innan flokksins,
þrjár manneskjur í þrjú efstu sætin.
Þátttaka flokksmeðlima var rösk‑
lega 70% það er um 200 manns.
Flokkurinn fékk um 2000 atkvæði
þannig að 10% kjósenda flokks‑
ins réði hverjir fóru í sveitarstjór‑
nina. Samkvæmt framansögðu er
það mín skoðun að það sé full‑
komlega leyfilegt að leggja fram
lista, þar sem kjósendur geta tölu‑
sett nöfn á þeim lista sem hann
kýs og raðað þannig nöfnum eftir
sínum geðþótta. Um persónukjör
til Alþingis samkvæmt núverandi
stjórnarskrá, gegnir allt öðru máli,
þar eru skýr ákvæði um kosningar,
sem gefa enga möguleika til pers‑
ónukjörs af listum að svo komnu
máli. Sveitarstjórnarkosningar eiga
að vera persónubundnar, því verk‑
efni sveitarstjórna er mjög þröng‑
ur stakkur skorinn innan löggjafar
Alþingis, tekjustofnum, reglugerð‑
ir, skipulagsmál og fleira eru að
mestu ákvarðaðar innan löggjafans.
Yfir 90% af verkum sveitarstjórna
er að útdeila þeim fjármunum sem
þær fá til samfélagslegra verkefna í
sveitarfélaginu innan ramma lög‑
gjafans og kemur lítið sem ekkert
flokkspólitík við.
Persónukjör í kosningum finnst
mér vera eitt allra veigamesta
ákvæðið fyrir framvindu auk‑
ins lýðræðis í landinu. Og að lok‑
um þetta: 1. Það er aukning á lýð‑
ræði til fólksins í landinu að pers‑
ónukjör verði tekið upp í kosning‑
um. 2. Það heggur að því flokks‑
ræði sem margir telja að sé ástæða
minnkandi áhuga fólks á afskiptum
af pólitík. 3. Og ég veit að hvert
það framboð sem þetta gerir verð‑
ur sigurvegari í komandi kosning‑
um.
Hafsteinn Sigurbjörnsson,
Akranesi
Í viðtali Skessuhorns hinn 4. janú‑
ar sl. við undirritaðan má skilja að
kröfur um þjóðlendur í Borgar‑
byggð séu settar fram af óbyggða‑
nefnd. Að vísu kemur þar einn‑
ig skýrt fram að það er fjármála‑
ráðherra sem setur fram kröfu
um þjóðlendur f.h. íslenska ríkis‑
ins. Til þess að forða öllum mis‑
skilningi þá er rétt að undirstrika
að Óbyggðanefnd hefur aðeins
það hlutverk á þessu stigi máls‑
ins að taka á móti kröfugerð fjár‑
málaráðherra og birta hana lögum
samkvæmt. Óbyggðanefnd kem‑
ur ekki að mótun eða gerð krafna
fjármálaráðherra enda er nefnd‑
in óháður úrskurðaraðili um hvort
viðurkenna skuli kröfur fjármála‑
ráðherra eður ei. Þessi athuga‑
semd er sett fram til að taka af öll
tvímæli um að hinar ágengu kröfur
fjármálaráðherra um þjóðlendur á
svæði 8b, Mýra‑ og Borgarfjarðar‑
sýslu eru unnar á lögmannstofunni
Juris á ábyrgð fjármálaráðherra og
Óbyggðanefnd kemur þar hvergi
nærri.
Óðinn Sigþórsson.
Í framhaldi af grein minni um „Se‑
menstreitinn“ í síðasta blaði og á
vef Skessuhorns, þá kemur hér við‑
bót sem á eingöngu við þann hluta
svæðisins sem verður afhentur síð‑
ar, samkvæmt fyrirliggjandi samn‑
ingi.
Hér er dæmi um hvernig breyta
má gömlu iðnaðarsvæði og sílóum
í nútíma hótel/íbúðir o.fl. Þessi
bygging er á Islands Brygge í Kaup‑
mannahöfn. Þetta eru sambæri‑
leg síló og eru í Sementverksmiðj‑
unni, bara stærri. Á Sementsreitn‑
um standa fjögur fram við hafnar‑
garð og önnur fjögur, lægri, standa
inn við skorsteininn.
Í dag er meira en áður horft til
að sjá tækifæri í því sem fyrir er og
vinna út frá því. Nærtæk dæmi þess
eru víða á gömlu hafnar‑ og iðn‑
aðarsvæðunum í Kaupmannahöfn,
á Fornebu flugvelli við Osló og
áfram mætti lengi telja.
Pálmi Pálmason.
Ath. Grein Pálma birtist í síðasta Skessu-
horni en vegna mistaka birtist einungis
önnur af tveimur skýringarmyndum sem
henni átti að fylgja. Beðist er velvirðingar á
því og greinin birt í heild sinni á ný. Sílóin
á Íslandsbryggju fyrir og eftir að þeim var
breytt í hótel/íbúðir.
Nú er fyrirhuguð
stofnun Hollvina‑
samtaka Heilbrigð‑
isstofnunar Vesturlands og eru það
góð tíðindi. Oft hefur verið þörf
en nú er nauðsyn, því hart er veg‑
ið að þessari stofnun. Tækjakostur
er orðin bágborinn og þarf endur‑
nýjunar við. Er það markmið þess‑
ara samtaka að reyna í samstarfi við
velunnara stofnunarinnar að endur‑
nýja eitthvað af þeim tækjum í sam‑
ráði við forstöðumenn.
Nærþjónusta er mjög mikilvæg
þ.e. að fljótt sé hægt að komast til
læknis og greina sjúkdóma strax. Til
þess þarf góð tæki. Það má ekkert
til spara til að það sé mögulegt fyrir
okkur Akurnesinga og Vestlendinga
alla að halda í og gera vel við þessa
góðu stofnun. Það er forsenda þess
að hér sé gott að búa.
Sjúkrahús Akraness er sú stofnun
sem ég hef kynnst best og veit um
það frábæra starf sem þar er unn‑
ið. Það er eitthvað sem allir bæj‑
arbúar hér á Akranesi vita og hef‑
ur sjúkrahúsið verið stolt okkar alla
tíð bæði hvað varðar góða lækna og
frábæra umönnunaraðila. Það þekki
ég af eigin raun i langvarandi veik‑
indum eiginmanns míns og veit ég
ekki hvernig við hefðum farið að ef
ekki hefði verið fyrir þetta frábæra
fólk sem þarna starfar á öllum svið‑
um. Ég sagði alltaf að það væri ekki
bara læknisfræðilegs eðlis heldur
líka sálfræðilegt og félagsfræðilegt,
þó ekki bæri þeim skylda til þess.
Mér finnst það lýsa starfsfólkinu og
þessari stofnun.
Orðspor sjúkrahússins hefur bor‑
ist víða. Sérfræðingar og læknar í
Reykjavík sem ég átti í samskiptum
við vegna veikinda eiginmanns míns
höfðu oft á orði hversu lofsamlega
sjúklingar þeirra sem höfðu þurft að
dvelja á Sjúkrahúsi Akraness töluðu
um sjúkrahúsið og starfsfólk þess.
Að vera meðlimur í þessum sam‑
tökum er svipað og var hér áður
þegar allir bæjarbúar voru skráð‑
ir í Slysavarnafélagið við skírn. Það
þótti sjálfsagður hlutur. Við Skaga‑
menn stöndum saman þegar á reyn‑
ir. Ég man sem barn þegar verið var
að selja merki Sjómannadagsins, all‑
ir keyptu, svo ekki sé talað um merki
SÍBS, því flestir kynntust eða af af‑
spurn þeim vágesti sem berklarnir
voru, þá var samstaðan mikil.
Margt smátt gerir eitt stórt og
vil ég hvetja Akurnesinga og Vest‑
lendinga alla til að mæta á stofn‑
fund Hollvinasamtakanna laugar‑
daginn 25. janúar kl. 12:00 á Sjúkra‑
húsi Akraness. Fá sér súpu og brauð
og gerast meðlimir í þessum mikil‑
vægu samtökum.
Sigríður Eiríksdóttir
Pennagrein
Kosningarnar í vor
Pennagrein
Hollvinasamtök Heilbrigðisstofnunar Vesturlands
Merki ljósmyndaklúbbsins Hugans.
Búið að stofna annan
ljósmyndaklúbb á Akranesi
Pennagrein
Nokkur orð um Óbyggðanefnd
og þjóðlendukröfur
Pennagrein
Að breyta sílóum í hótel, íbúðir, vinnu-
stofur/gallerí og skrifstofur