Skessuhorn - 22.01.2014, Blaðsíða 12
12 MIÐVIKUDAGUR 22. JANÚAR 2014
Efnt hefur verið til fundar um vænt-
anlegt fyrirkomulag sveitarstjórnar-
kosninga í Hvalfjarðarsveit í kvöld,
miðvikudag. Fundurinn verður á
Laxárbakka og hefst kl. 20.10. Það
er Björn Páll Fálki Valsson íbúi og
ferðaþjónustubóndi á Þórisstöð-
um í Hvalfjarðarsveit sem boðar til
fundarins, en hann er mikill áhuga-
maður um að fram fari óhlutbundin
kosning eða persónukjör í kosning-
unum í vor. Áður hafði Björn sent
erindi til sveitarstjórnar þar sem
hann skoraði á hana að kanna vilja
íbúa til þess að kosið verði í óhlut-
bundinni kosningu. Málið var tekið
til umræðu í sveitarstjórn í síðasta
mánuði þar sem minnihluti E-lista
Einingar lýsti yfir jákvæðu viðhorfi
til þess að haldin yrði slík kosning.
Meirihluti Hvalfjarðarlistans og H-
listans tóku hins vegar ekki afstöðu
til hugmyndarinnar.
Í samtali við Skessuhorn sagði
Björn að nauðsynlegt væri fyrir
íbúa að ræða kosti og galla þess að
fram fari óhlutbundin kosning og
því hafi hann átt frumkvæði að því
að boða til fundarins. Hann sagð-
ist vera búinn að heyra í fólki tengt
öllum framboðum í sveitarstjórn og
sé almennur hljómgrunnur um að
ræða málin áfram. Þess vegna boði
hann til fundarins. Til að koma
með innlegg í umræðuna á fundin-
um hafi hann fengið Magnús Kar-
el Hannesson sviðsstjóra hjá Sam-
bandi íslenskra sveitarfélaga til að
halda framsögu um kosti og galla
óhlutbundinna kosninga sem öðr-
um þræði eru persónukjör. Fund-
arstjóri verður Ragna Ívarsdóttir,
hótelstjóri á Hótel Glymi. hlh
Salur Tónbergs á Akranesi var þétt
setinn síðastliðinn laugardag þeg-
ar þar var haldinn íbúafundur um
skipulag Sementsverksmiðjureits-
ins. Um 160 manns mættu en þar
gafst íbúum tækifæri til að koma
fram með hugmyndir sínar varð-
andi heildarskipulagið. Að lokn-
um ávörpum, lýsingu á svæðinu,
myndasýningu og hugmyndum,
sem arkitektar frá Kanon arkitekt-
um vörpuðu fram, voru myndað-
ir tíu vinnuhópar úr röðum fund-
argesta. Þegar farið var yfir helstu
niðurstöður vinnuhópanna í lok-
in kom fram mikill samhljómur
með sýn á hvernig heildarskipu-
lagið ætti að verða. Fundargestum
fannst að skipulagið ætti að tengja
saman svæðið frá Langasandi að
gamla miðbænum, jafnvel alveg
niður á Breið. Grunnhugsunin væri
að skipulag Sementsreitsins yrði
eins konar framhald af miðbænum
og svæðið ætti að opna á nokkrum
stöðum, með útsýni á hafnarsvæðið
og inn á Langasand. Uppbygging
á svæðinu ætti ekki að hefjast fyrr
en þetta heildarskipulag lægi fyr-
ir. Fólk vildi sjá fyrir sér blandaða
notkun svæðisins, hreinlegt og fal-
legt svæði, með atvinnulíf er helst
tengdist ferðaþjónustu og menn-
ingu, íbúðabyggð, verslunum, gist-
ingu og útivistarsvæði. Skipulagið
ætti líka að varðveita söguna. Þann-
ig væri æskilegast að nýta bygg-
ingar Sementsverksmiðjunnar eins
og kostur væri. Fundarmenn voru
almennt á því að varðveita ætti
strompinn, enda hann talinn tákn
Akraness. Sementssílóin væru fal-
leg og einnig hugsanlegt að nýta
mætti efnisgeymsluna.
Heill bæjarhluti
skipulagður
Íbúafundurinn hófst á ávarpi Sveins
Kristinssonar forseta bæjarstjórn-
ar, sem rifjaði m.a. upp að bygging
Sementsverksmiðjunnar hafi ver-
ið fyrsta stóriðjan á Íslandi á sínum
tíma, byggð með peningum sem Ís-
lendingar fengu úr Marshalláætl-
uninni. Sveinn rakti samninga sem
Akraneskaupstaður gerði þegar fyr-
ir dyrum stóð að einkavæða Sem-
entsverksmiðjuna. Í þeim samn-
ingum tókst að ná aftur með tíð og
tíma yfirráðum yfir landi sem Akra-
neskaupstaður lagði undir verk-
smiðjuna. Hinsvegar tókst ekki að
ná því fram að ríkið myndi fjarlægja
byggingar ef rekstur verksmiðj-
unnar hætti. Regína Ásvaldsdóttir
bæjarstjóri tók því næst til máls og
kynnti samninga sem gerður voru í
lok síðasta árs sem tryggja yfirráð
og eign yfir meginhluta Sements-
verksmiðjureitsins og framtíðar-
skipulags á honum, en alls er svæð-
ið um tíu hektarar með lóðum
bygginga. Guðfinna Bjarnadóttir
ráðgjafi og fyrrum rektor Háskól-
ans í Reykjavík var fundarstjóri og
vék hún í upphafi að því stórkost-
lega tækifæri sem hún taldi Akur-
nesinga nú hafa með nýju skipu-
lagi á heilum bæjarhluta. Guðfinna
kynnti ráðgjafa frá verkfræðistof-
unni Kanon sem fengnir voru til
að varpa upp og kveikja hugmynd-
ir hjá fundargestum. Meðal annars
með myndum sem sýndar voru frá
uppbyggingu hafna og strandsvæða
í öðrum löndum, þar sem gaml-
ar verksmiðjur höfðu til að mynda
verið nýttar.
Stefnufesta og íbúar
verði með í ráðum
Framlag Konons til fundarins var
einvörðungu ætlað sem hugmyndir
en ekki sem tillögur og stýrðu ráð-
gjafar frá Kanon vinnuhópunum
og voru þeim til stuðnings. Eins og
áður segir var mikill samhljómur í
niðurstöðu vinnuhópanna. Grunn-
tónninn svo sem í ráðgjöf til bæj-
aryfiralda var að flýta sér hægt í
skipulaginu og hafa bæjarbúa með
í ráðum. Forðast það sem kall-
að er skipulagsslys og vera stefnu-
föst. Einn hópstjóri biðlaði m.a. til
bæjaryfirvalda að láta ekki svokall-
að verktakamenningu leiða sig út af
sporinu. Rætt var um að skipulag-
ið þyrfti að ná til aukinna lífsgæða
bæjarbúa og á svæðinu mætti skapa
aukna afþreyingu bæði fyrir bæj-
arbúa og ferðamenn. Ýmsar hug-
myndir voru viðraðar í hópunum,
svo sem um göngugötu og innitorg,
um útsýnisstað ofan á sementssíló-
unum eða jafnvel frá strompinum.
Nýta mætti efnisgeymsluna undir
starfsemi eins og kvikmyndaver eða
listasmiðjur, jafnvel atvinnuminja-
safn. Sílóin gætu nýst fyrir hótel
eða íbúðir. Hugmyndir komu fram
um skemmtigarð og aldingarð og
flestir voru á því að halda í skjólið
sem veggir sandþróarinnar veita.
Fram kom á fundinum að næstu
skref yrðu tiltekt á svæðinu og efnt
yrði til kynnisferða fyrir bæjar-
búa þar sem þeim gæfist m.a. kost-
ur á að skoða mannvirki Sements-
verksmiðjunnar. Niðurstöður þessa
íbúafundar verði teknar saman
og nýttar þegar farið yrði að ræða
skipulagið frekar, hvort sem til þess
yrðu fengnir valdir arkitektar eða
efnt til hugmyndasamkeppni. Ljóst
væri að boðað yrði til fleiri íbúa-
funda um skipulag Sementsverk-
smiðjureitsins enda myndi skipu-
lagið taka langan tíma. þá
Síðastliðinn sunnudag var séra Páll
Ágúst Ólafsson settur í starf sóknar-
prests í Staðarstaðarprestakalli. At-
höfnin fór fram í Fáskrúðarbakka-
kirkju í Eyja- og Miklaholtshreppi.
Það var prófasturinn séra Þorbjörn
Hlynur Árnason sem setti séra Pál
í embætti. Eftir messuna sáu konur
í Staðarsveit og Breiðuvík um kaffi-
veitingar í Breiðabliki. iss
Fjölmenni á íbúafundi um
skipulag Sementsverksmiðjureitsins
Tónberg var þéttskipað á íbúafundinum.
Guðfinna Bjarnadóttir ráðstefnustjóri.
Vinnuhópar sem starfandi voru á íbúafundinum um skipulag Sementsverksmiðjureitsins.
Innsetningarmessa séra
Páls Ágústar
Séra Páll Ágúst, séra Guðjón Skarphéðinsson fráfarandi sóknarprestur á Staðar-
stað og séra Þorbjörn Hlynur prófastur í Vesturlandsprófastsdæmi.
Björn Páll Fálki Valsson.
Boðar til fundar um persónukjör
í Hvalfjarðarsveit