Skessuhorn - 22.01.2014, Blaðsíða 28
28 MIÐVIKUDAGUR 22. JANÚAR 2014
Vetrardagskrá Edduveraldar í Borg-
arnesi er nú að líta dagsins ljós.
„Við höldum áfram að spila Rússa
annan hvern miðvikudag og byrj-
um kl. 20. Spilað verður dagana 29.
janúar, 12. og 26. febrúar auk 12.
og 26. mars. Á bóndadaginn föstu-
daginn 24. janúar verðum við með
Þorrahlaðborð frá klukkan 19 - 21.
Panta þarf í síma 437-1455. Hljóm-
sveitin Spaðarnir munu skemmta
þetta kvöld frá kl. 21-23 og barinn
verður opinn til 01.00 eins og verið
hefur alla föstudaga og mun verða
áfram,“ segja þær Erla og Gunna í
Edduveröld í fréttatilkynningu. Þá
segir einnig:
„Við áætlum að vera með Pub
Quiz og byrjum 7. febrúar. Þar
mun Heiðar Lind Hansson stjórna
og hefjast leikar kl. 21. Nú er um að
gera að koma saman og mynda lið
í létta og skemmtilega spurninga-
keppni. Þemað er Borgarnes og líð-
andi stund og er aðgangur ókeypis.
Í mars mun Heiðar snyrtir koma
og segja okkur allskonar skemmti-
legheit. Hann verður með vínkynn-
ingu, tónlistaratriði út Borgarnesi
og happdrætti. Einnig munum við
fá flotta gaura til að hrista kokteila á
barnum eins og enginn væri morg-
undagurinn.
Einnig munum við fá trúbadora
og Gylfi Ægisson mun skemmta
11. apríl og eigum við von á súp-
er skemmtun eins og honum einum
er lagið. Það gleymist seint hversu
frábær hann var þegar við opnuð-
um hérna í mars á síðasta ári og er
alveg pottþétt að þetta kvöld verð-
ur ekkert síðra.
Föstudaginn langa, 18. apríl, ætl-
um við að setja upp sjávarréttahlað-
borð með hinum ýmsu fiskiteg-
undum. Er ekki kominn tími til að
smakka á öllum þessum kræsingum
sem sveima um hringinn í kringum
landið okkar? Einnig minnum við á
heimilismatinn í hádeginu alla virka
daga á litlar 1690 krónur. Þá er líka
hægt að fá súpu og brauð sem og
mat af matseðli. Við vonum að við
náum til sem flestra með þessari
dagskrá sem framundan er og þið
sjáið ykkur fært um að mæta,“ segja
þær Erla og Gunna að endingu.
mm
Dr. Ólafur Ísleifsson hefur tekið til
starfa sem framkvæmdastjóri gæða-
mála við Háskólann á Bifröst. Áður
gegndi Signý Óskarsdóttir starfi
gæðastjóra á Bifröst en hún hefur
nýlega tekið við starfi skólastjóra
Grunnskólans í Borgarnesi. „Ólafur
mun leiða innra gæðamat Háskólans
á Bifröst og undirbúa vinnu vegna
ytra gæðamats á skólanum sem fram
fer í mars 2015. Það mat er fram-
kvæmt af hópi erlendra sérfræðinga
sem tilnefndir eru af gæðaráði há-
skólanna en innra mat Háskólans á
Bifröst er lagt til grundvallar mati
erlendu sérfræðinganna,“ segir í til-
kynningu frá skólanum.
Ólafur Ísleifsson hefur lokið
doktorsprófi í hagfræði frá Háskóla
Íslands, meistaraprófi í hagfræði
frá London School of Economics
and Political Science og BS-prófi
í stærðfræði frá Háskóla Íslands.
Hann var um tíu ára skeið lektor í
hagfræði við Háskólann í Reykja-
vík og hefur að baki fjölþætta starfs-
reynslu á sviði fjármála og efna-
hagsmála á vettvangi Seðlabanka Ís-
lands, Þjóðhagsstofnunar, forsætis-
ráðuneytisins og Alþjóðagjaldeyr-
issjóðsins. Margir þekkja Ólaf auk
þess sem álitsgjafa í ljósvakafjöl-
miðlum þegar til umræðu eru efna-
hagsmál. mm
Ritstjóri Skessuhorns ritaða af-
bragðsleiðara í blaðinu 15. janú-
ar sl. Mér fannst letrið fullsmátt í
leiðaranum, en hvað með það, inni-
haldið er það sem ég ætla að fjalla
um.
Í leiðaranum er drepið á niður-
stöðu skoðanakönnunar um hvað
íbúum finnst að sveitarfélög megi
að hámarki skulda. Það má eflaust
gagnrýna aðferðafræði könnunar-
innar, en niðurstaðan var mjög at-
hyglisverð. Samkvæmt niðurstöð-
unni, þá vilja íbúar að skuldirn-
ar séu miklu lægri en þær eru í dag
sem hlutfall af tekjum sveitafélag-
anna. En leiðarinn fjallar eigin-
lega meira um hvernig reynt er að
blekkja íbúana með tölum.
Vegna þessa vil ég benda á ný
sveitarstjórnarlög og reglugerð
um fjárhagsleg viðmið og eftirlit
með fjármálum sveitarfélaga. Fyr-
ir okkur íbúana er hlutfall skulda
af tekjum sem skipta máli í þessu
samhengi. (64.gr. sveitarstjórna-
laga; „Viðmiðanir um afkomu og
fjárhagsstöðu sveitarfélaga“). Með
reglugerðinni eru skuldir metn-
ar á annan hátt, þar sem skuldun-
um er skipt niður á ár til framtíðar
o.fl. Það er vegna eftirlits með fjár-
málum sveitarfélaga og er eins og
stærðfræðiformúla til að meta áhrif
hugsanlegra áfalla sem geta gerst
í fjármálum sveitarfélaga. Þeir út-
reikningar segja ekkert til um hvað
sveitarfélag skuldar í raun og veru.
Það væri gagnlegt að í Skessu-
horni yrði stillt reglulega upp töl-
um af fjármálum sveitarfélaga á út-
breiðslusvæði blaðsins.
Jóhannes Finnur Halldórsson.
Höfundur býr á Akranesi og er sér-
fræðingur á sveitarstjórnarskrifstofu
innanríkisráðuneytisins og einn af
höfundum skýrslu um fjármálareglur
fyrir sveitarfélög. Skoðanir eru höf-
undar.
S e f n u m ó t a n d i
byggðaáætlun rík-
isstjórnarinnar var
lögð fram á Alþingi í vikunni sem
leið. Þar eru mörg góð markmið
kynnt til sögunnar og sambærileg
stefnuplögg hafa verið lögð fram á
þingi í gegnum tíðina.
Ef öll þau góðu áform sem
kynnt hafa verið af hálfu stjórn-
valda í gegnum tíðina hefðu orðið
að veruleika hefðum við sem höfum
eytt ævi okkar úti á landsbyggðinni
ekki þurft að hafa miklar áhyggjur
af búsetuþróun. Því vissulega hafa
komið þar fram mörg góð og göf-
ug markmið um jöfnun búsetuskil-
yrða og ýmiss konar átaksverkefni
til að svo megi verða, en því miður
hefur það nú ekki gengið eftir nema
að litlu leyti.
Ég hef sagt það áður að ég tel þá
byggðastefnu sem rekin hefur verið
segjum síðustu 20 ár vera í algjöru
skötulíki. Hún hefur verið mjög
ómarkviss og fyrst og fremst mið-
ast við að plástra þegar vandamálin
eru komin upp og erfiðleikar steðja
að. Oftar en ekki þegar allt er kom-
ið í óefni þá bregðast menn við,
stundum í fljótræði og klastra upp
á hlutina en ekki að menn séu að
vinna markvisst eftir áætlunum til
að koma í veg fyrir að hlutirnir fari
á verri veg. Ég held að mjög marg-
ir geti tekið undir þessi orð mín
sem búið hafa úti á landsbyggðinni
og sérstaklega á þeim svæðum sem
hafa átt undir högg að sækja eins og
er því miður á öllum landshornum.
Vestfjörðum, Norðurlandi vestra,
Norðurlandi eystra, Austfjörðun-
um og Suðurlandi og víða á Vestur-
landi líka. Á þessum stöðum er fólk
kannski hætt að trúa fögrum orðum
og vill sjá að verkin tali og að lagð-
ir séu fjármunir í hlutina, að fjár-
magn fylgi mörkuðum stefnumót-
andi byggðaáætlunum.
Ríkisstjórnin byrjar ekki vel og
er ekki landsbyggðarvæn í verk-
um sínum í nýsamþykktum fjár-
lögum. Mikið gekk á í fjárlagavinn-
unni að ná einhverju til baka þar
sem skera átti niður í góðum verk-
efnum á landsbyggðinni sem haf-
in voru í tíð fyrri ríkisstjórnar. Ég
nefni Sóknaráætlun. Þar var skorið
niður um 300 milljónir en hún er í
raun byggðastefnu í verki.
Skorið var niður í jöfnun húshit-
unarkostnaðar, menningarsamning-
ar voru skornir niður, uppbygging á
veikum svæðum eins og í Skaftár-
hreppi þar var skorið niður. Verk-
efninu „Brothættar byggðir“ átti að
skera niður en okkur tókst að ná því
fjármagni aftur til baka, 50 milljón-
um og þannig mætti áfram telja.
Markaðar tekjur til vegagerðar voru
skornar niður, stuðningur við flug á
ríkisstyrktum leiðum skorinn niður.
Framkvæmdasjóður ferðamanna-
staða sem vissulega hefur verið að
skila miklu út í dreifðar byggðir
landsins, þar var skorið niður. Okk-
ur tókst að koma í veg fyrir mikinn
niðurskurð til uppbyggingar há-
hraðatenginga út um landsbyggð-
ina. Einnig má nefna að skera átti
niður fjármagn til nýrra fram-
haldsskóladeilda á landsbyggðinni
„dreifinám“ en það tókst að stoppa
það af sem betur fer og áfram mætti
nefna fjölda dæma.
Allt voru þetta verkefni sem hægt
var að halda áfram með. Góð verk
frá tíð fyrri ríkisstjórnar. Og þó að
ástandið hafi nú verið eins og það
var eftir Hrunið markaði síðasta
ríkisstjórn þá vegferð að hún ætl-
aði að vinna að því að leggja lands-
byggðinni lið og fara í framkvæmd-
ir eftir getu og í áföngum til að
byggja upp víða á landsbyggðinni í
verki eins og t.d. ný hjúkrunarrými
sýna og vann þar með heimamönn-
um eins og að Sóknaráætlun og
fleiri góðum verkum. Mikill nið-
urskurður var í fjárlögum til rann-
sókna- og nýsköpunarsjóða sem
skilað hafa sér til uppbyggingar
fyrirtækja vítt og breytt um landið.
Okkur tókst þó að koma í veg fyrir
að skorið yrði niður í endurgreiðslu
skatta til nýsköpunarfyrirtækja sem
skilað hefur góðum árangri.
Ég vil bara nefna þetta vegna
þess að hve vel sem fögur fyrir-
heit líta út á blaði í þingsályktun-
artillögu þá eru það verkin sem tala
þegar upp er staðið. Menn tala
oft digurbarkalega á hátíðarstund-
um um mikilvægi landsbyggðar-
innar, en þegar skipta á kökunni og
fjármagninu hefur það ekki reynst
sérstaklega auðvelt að draga fé til
landsbyggðarinnar þó hún sé að
skili ríkissjóði miklum tekjum. Þar
eru útflutningsgreinar okkar, land-
búnaðurinn og í gegnum alla mat-
vælaframleiðslu úti um allt land og
ýmiss konar starfsemi í ferðaþjón-
ustu sem hefur verið að byggjast
ört upp á landsbyggðinni undan-
farin ár.
Mér finnst því ekki að við lands-
byggðarmenn þurfum að ganga
fram sem ölmusuþegar og þiggja
bætur hér og þar. Það á bara að gefa
rétt í þessu þjóðfélagi og þeir fjár-
munir sem skapast úti á landi eiga
að skila sér með réttmætum hætti
aftur til baka. Ef það mundi ger-
ast þannig væri landsbyggðin bara
ágætlega stödd og ég held að það
fólk sem býr á landsbyggðinni geti
alveg tekið undir það.
Ég held að við verðum að fara að
bretta upp ermarnar. Ef við mein-
um eitthvað með því að við viljum
vinna að stefnumótandi byggða-
áætlun þá verður það að vera miklu
markmiðsmiðaðri áætlun og að
fjármagn fylgi. Því annars eru þetta
bara fögur fyrirheit sem allir eru
hættir að hafa trú á að skili sér til
þeirra svæða sem í hlut eiga. Þann-
ig viljum við ekki sjá hlutina ger-
ast við þurfum öfluga „Sóknaráætl-
un“ í samvinnu við fólkið á lands-
byggðinni. Við höfum tækifæri og
tækifærin liggja líka út um land og
þess vegna er það hagur allra lands-
manna að unnið sé að uppbyggingu
og byggðaáætlun um landið sem
skilar sér í verki.
Lilja Rafney Magnúsdóttir.
Höf. er alþingismaður fyrir VG í
NV kjördæmi.
Veist þú hvað Comenius er? Come-
nius er hluti af símenntunarstefnu
í Evrópu og gefur kennurum og
nemendum tækifæri til að vinna
með öðrum kennurum og nemend-
um í Evrópu að verkefnum þar sem
þemað er eitthvað sem allir þátttak-
endur eiga sameiginlegt. Grunn-
skóli Snæfellsbæjar hefur tekið
þátt í mörgum Comeniusarverk-
efnum og er þátttakandi í
tveimur verkefnum á þessu
skólaári. Frá því í septem-
ber síðastliðnum og næstu
tvö ár tekur skólinn þátt í
verkefni sem kallast „Nat-
ural wonders in Europe: a
study of our national parks
and nature reserves.“ Nátt-
úruperlur í Evrópu fjallar
um þjóðgarða og friðlönd
sem eru nálægt þátttökuskólunum.
Samstarfsaðilar í þessu verkefni eru
frá Kýpur, Danmörku, Þýskalandi,
Írlandi, Lettlandi, Póllandi, Portú-
gal, Spáni, Frakklandi og Tyrk-
landi.
Helstu markmið með þessu verk-
efni eru að auka vitund og áhuga
ungs fólks um Evrópu á umhverf-
ismálum. Verkefnin sem unnið er
að er hægt að samþætta við flestar
námsgreinar og eiga nemendur að
öðlast við það nýja sýn og færni til
dæmis í náttúrufræði og tungumál-
um ásamt því að geta nýtt sér list-
ræna og skapandi hæfileika sína í
skólastarfi.
Verkefnafundirnir eru áætlaðir í
átta löndum og veitir Evrópuskrif-
stofan styrki til þess að þeir geti far-
ið fram. Í nóvember síðastliðnum
var fyrsti fundur verkefnisins hald-
inn í Þýskalandi. Þar tóku nem-
endur og starfsmenn Europaschule
í Langerwehe á móti hinum þátt-
tökuskólunum. Ásamt því að funda
um framvindu og áframhaldandi
skipulag verkefnisins fengu gest-
irnir tækifæri til að skoða borgina
Aachen og fara upp í turn dóm-
kirkjunnar í Köln þar sem notið var
fagurs útsýnis yfir borgina. Einn-
ig var farið í heimsókn í Eifel þjóð-
garðinn. Einkunnarorð þjóðgarðs-
ins er „Let nature be nature“ sem
má þýða sem; Leyfum náttúrunni
að njóta sín. Þarna var gengið um
í stórkostlegu landslagi
þar sem beykiskógarnir
skörtuðu sínum fegurstu
haustlitum, þrátt fyrir
rigninguna.
Eins og fram hefur
komið þá snýst verkefnið
um að kynnast umhverfi
annarra og kynna sitt
eigið umhverfi, hvernig
á að vernda það og við-
halda fyrir komandi kynslóðir.
Næsti fundur er áætlaður í febrú-
ar á Spáni en um hann mun San
Augustin skólinn í Valdepenas sjá.
Með kveðju,
Sóley Jónsdóttir, umsjónarkennari í
3. bekk Grunnskóla Snæfellsbæjar
Pennagrein
Byggðastefna í skötulíki
Pennagrein
Hvað er Comenius?
Fjölbreytt vetrardagskrá í Edduveröld í Borgarnesi
Guðrún og Erla bregða á leik.
Pennagrein
Skuld er skuld
Ólafur verður gæðastjóri
á Bifröst