Skessuhorn - 29.01.2014, Blaðsíða 16
16 MIÐVIKUDAGUR 29. JANÚAR 2014
Hún var bæjarstjórnarefni L-lista
félagshyggjufólks í Stykkishólmi
fyrir síðustu sveitarstjórnarkosn-
ingar árið 2010. Tveir listar voru í
boði, L-listinn og D-listi Sjálfstæð-
isflokks og óháðra. Kosningarnar
voru æsispennandi. L-listinn hafði
nauman sigur, fékk 50,4% eða 353
atkvæði. D-listinn fékk hins veg-
ar 49,7% og 347 atkvæði. Þann-
ig munaði aðeins sex atkvæðum
á milli listanna. Þetta voru sögu-
leg úrslit því L-listinn felldi þarna
meirihluta Sjálfstæðisflokksins sem
hafði setið í 36 ár, eða allar götur
síðan 1974. Gyða Steinsdóttir var
yfirlýst bæjarstjóraefni L-listans í
kosningabaráttunni. Hún var þó
ekki á framboðslista. Að kosninga-
sigrinum loknum settist hún í stól
bæjarstóra Stykkishólms. Því starfi
hefur Gyða gegnt í tæp fjögur ár en
kýs nú að hætta og snúa sér að öðr-
um verkefnum.
Hverfur frá
stjórnmálunum
Með þessu kýs Gyða að draga sig
alfarið út af vettvangi stjórnmál-
anna. Hún ætlar ekki að vera í
framboði í næstu sveitarstjórnar
kosningum. „Nei, ég ákvað að stíga
frekar til hliðar. Ég vil ekki blanda
mér í stjórnmálin. Í störfum mín-
um hér hef ég fyrst og fremst ver-
ið framkvæmdastjóri sveitarfélags-
ins. Ég hef samt mikinn áhuga á að
vinna áfram fyrir samfélagið þó ég
fari ekki á vettvang stjórnmálanna,“
segir hún þar sem við sitjum á skrif-
stofu hennar í Ráðhúsinu í Stykk-
ishólmi.
„Þetta er búið að vera mjög
skemmtilegt en líka stundum erfitt.
Allur skalinn,“ segir Gyða og bros-
ir áður en hún bætir við: „Í heild-
ina hefur þetta verið afar fróðlegur
tími. Mikill og góður skóli. Ég hef
í raun gengið til vinnu á morgn-
ana hvern dag án þess að hafa hug-
mynd um hvað dagurinn bæri í
skauti sínu. Það eina sem hefur ver-
ið öruggt er að hver dagur hefur
falið í sér annríki með fjölbreyttum
verkefnum. Ég hef kynnst mörgu
góðu fólki sem gaman hefur verið
að vinna með. Þau vinatengsl eiga
örugglega eftir að endast lengi þó
ég gefi ekki kost á mér áfram í starf
bæjarstjóra.“
Hættir af
fjölskylduástæðum
Við spyrjum hana hvort ekki væri
lýjandi að vera í sveitarstjórnarmál-
um á krepputímum? „Ég hef svo
sem ekki samanburðinn við það að
starfa í þessum málum á uppsveiflu-
tímum. Maður hefur þó fundið að
störfin snúast mikið um rekstrar-
þættina, að gæta aðhalds og þess
að skuldir aukist ekki. Við höf-
um haft í huga ákvæði nýrra sveit-
arstjórnarlaga um skuldatakmörk
sveitarfélaga. Þau lagaákvæði eru
að mínu mati mjög þörf og mikil-
væg. Sveitarfélögin verða að hafa
ákveðna ramma. Ég hef þó heyrt
það hjá kollegum mínum sem hafa
verið lengur í sveitarstjórnarmálum
að þeim finnst sem þessi störf hafi
verið að þyngjast. Vinnudagar eru
lengri og fundasetur meiri en áður
var.“
Gyða segir að fjölskylduástæður
geri fyrst og fremst það að verkum
að hún óski eftir því að láta af störf-
um sem bæjarstjóri. Hún vill starfa
á öðrum vettvangi með reglulegri
vinnutíma. „Ég á þrjá syni sem eru
allir á grunnskólaaldri. Ég gerði
mér vissulega grein fyrir því að það
væri mikil vinna að vera bæjarstjóri
þegar ég ákvað að gefa kost á mér.
Hins vegar hef ég fundið það til
lengri tíma litið að mig vantar þann
tíma sem ég vil hafa með börnun-
um mínum. Það eru mikil ferðalög
tengd þessu starfi og þeim fylgja
fjarvistir. Þannig séð er þetta starf
ekki mjög fjölskylduvænt. Auð-
vitað reynir maður að nýta allan
þann frítíma sem maður hefur til
að vera með fjölskyldunni en það er
oft þannig að mann skortir tíma og
svigrúm til dæmis þegar drengina
vantar aðstoð vegna náms og ann-
ars.“
Ætlar að búa áfram í
Stykkishólmi
Gyða hefur verið búsett í Stykkis-
hólmi frá fjögurra ára aldri og er
menntuð viðskiptafræðingur. Hún
hafði rekið bókhaldsstofu áður en
hún gaf kost á sér til sveitarstjórn-
arstarfa. Á undan bókhaldsstörfun-
um hafði hún starfað við skrifstofu-
stjórn hjá sýslumanni Snæfellinga.
Hún segist hafa lagt drögin að
nýjum starfsvettvangi. „Það er í
vinnslu núna en þó ekki alveg orð-
ið frágengið. Spurning um nokkrar
vikur eða daga þar til ég get upplýst
um hvaða starf það er,“ segir hún.
Gyða er þó ekki á förum úr Stykk-
ishólmi. Þar hyggst hún búa áfram.
„Fjölskyldunni líður vel í Hólmin-
um enda er þar gott og fjölskyldu-
vænt samfélag.“
mþh
Sjómenn eru orðnir langþreyttir
á miklum meðafla ýsu við þorsk-
veiðarnar. Útgefnar aflaheimildir í
ýsu eru með minnsta móti eða að-
eins um 38.000 tonn. Það eru mik-
il viðbrigði frá seinni hluta síð-
asta áratugar þegar ýsukvótinn var
um árabil 90 til 105 þúsund tonn.
Fiskifræðingar telja að ýsustofninn
stefni að óbreyttu í mikla lægð þar
sem litlir árgangar eru væntanlegir
í stofninn. Þess vegna vilja þeir fara
varlega í veiðar á ýsu. Vandinn er
hins vegar sá að ýsumergðin víða á
miðum nú er ekki í neinu samræmi
við þá fullyrðingu að ýsustofninn
fari ört minnkandi.
Hlutfall ýsu í afla
óvenju hátt
Í síðustu viku áttu fulltrúar Lands-
sambands smábátaeigenda fund
með Sigurði Inga Jóhannssyni sjáv-
arútvegsráðherra. Þar var ráðherr-
anum greint frá því að ekkert lát
væri á ýsugengd á miðunum. Hún
veiddist sem meðafli með þorskin-
um. Menn ættu í miklum erfiðleik-
um með að forðast ýsuna þrátt fyrir
að hafa nú orðið þriggja ára reynslu
af slíkum skollaleik. Nú um ára-
mótin var búið að veiða alls 45% af
ýsukvótanum. Til samanburðar þá
var þetta hlutfall 37% í árslok 2010.
Ýsan virðist vera á grunnslóð allt í
kringum landið.
„Við erum hér á Flákanum og í
norðurkantinum í Breiðafirði. Þetta
er búið að vera alveg hrikalegt. Við
erum alls staðar á flótta undan ýs-
unni. Veiðin er oftast mjög góð, á
bilinu 200 til 300 kíló á línubala.
Víða er það þannig að menn fá allt
að 80% ýsu en hitt er þorskur. Mið-
að við árstíma ætti þetta að vera öf-
ugt, 80% þorskur og 20% ýsa,“
segir Halldór Kristinsson skipstjóri
á Sæhamri SH 223 frá Rifi í samtali
við Skessuhorn.
Kvarta undan óhag-
kvæmum veiðum
„Í allt haust og nú í vetur höfum við
verið að reyna að forðast það að fá
ýsu. Þetta á ekki bara við um okkur
heldur alla línubáta, stóra og smáa.
Menn sigla sumir langar leiðir til að
komast út af ýsusvæðum og inn á
slóðir þar sem þorskurinn er. Vand-
inn er þá oft sá að þar er þorskurinn
minni. Ýsuhallærið leiðir því bæði
til þess að olíukostnaðurinn fer upp
úr öllu valdi og menn fara að veiða
smærri þorsk. Síðan er ýmiss ann-
ar kostnaður einnig svo sem að það
er verið að keyra langar leiðir með
línubala og fisk því bátarnir hafa
hrökklast undan ýsunni af slóðum
hér vestanlands og jafnvel norður
fyrir land. Þetta getur ómögulega
talist hagkvæmni,“ segir Halldór.
Enginn ýsukvóti fáan-
legur til leigu
Skipstjórinn á Sæhamri SH segist
út af fyrir sig alveg geta tekið undir
það með Hafrannsóknastofnun að
nú sé mjög stór ýsuárgangur sem er
veiðanlegur. Þetta mun vera sex ára
ýsa eða þar um bil.
„Þeir virðast stefna á að treina
þennan árgang í einhver þrjú ár og
vilja því ekki mæla með meiri kvóta.
Vandinn er bara sá að það er svo
mikið af þessari ýsu núna að hún er
okkur verulega til trafala við veið-
arnar. Lengst af var hægt að leigja
ýsukvóta á 300 krónur kílóið. Út-
gerðin hjá okkur sem rekur Ham-
ar SH, Stakkhamar SH og Sæ-
hamar SH er búin að leigja á ann-
að hundrað tonn af ýsu frá upphafi
þessa fiskveiðisárs 1. september í
fyrra. Nú er engan leigukvóta að
hafa. Markaðurinn er botnfrosinn.
Menn eru að reyna að bjarga sér
með því að landa eins og þeir geta
í svokallaðan Hafrósjóð sem er þá
utan kvóta, en það er bara ákveð-
ið magn á hverju tímabili og dugar
skammt í þessu ástandi.“
Ráðherra gefur ekki til-
efni til bjartsýni
Margar útgerðir og þá sérstaklega
þær sem láta báta sína róa með línu
telja nær ókleift að gera út við þess-
ar aðstæður nema ýsukvótinn verði
aukinn. Landssamband smábáta-
eigenda hefur farið fram á það við
sjávarútvegráðherra að hann bæti
5.000 tonnum við ýsukvótann. Það
myndi koma hreyfingu á kvóta-
markaðinn og losa um þann hnút
sem menn telja sig standa frammi
fyrir nú.
Sigurður Ingi Jóhannsson sjáv-
arútvegsráðherra mun hafa tekið
dræmt í slíkar hugmyndir. „Ráð-
herra gaf Landssambandi smá-
bátasjómanna ekki tilefni til bjart-
sýni á lausn málsins. Málið yrði að
skoða í samstarfi við ráðgjöf Haf-
rannsóknastofnunar og athuga
hvort vísindamenn þar á bæ teldu
efni vera til að breyta ráðgjöfinni
svo tilefni væri til kvótaaukningar,“
segir í frétt á vef Landssambands-
ins.
mþh
Ýsuflóð á grunnslóð veldur sjómönnum miklum vanda
Þorskur dreginn um borð í Sæhamar
SH í bland við ýsuna.
Halldór rær ásamt Hreini Jónssyni með handbeitta línu. Þeir hafa margra ára
reynslu saman á Sæhamri SH og hafa því góðan samanburð við fyrri ár.
Sæhamar SH við bryggju í Rifi.
Gyða Steinsdóttir hættir sem bæjarstjóri í Stykkishólmi nú í vor eftir að hafa gegnt starfinu í eitt kjörtímabil, fjögur ár.
Hættir eftir fjögur ár í bæjarstjórastólnum