Skessuhorn - 29.01.2014, Blaðsíða 22

22 MIÐVIKUDAGUR 29. JANÚAR 2014
Hvað er gert í tilefni
bóndadagsins?
Spurning
vikunnar
Kristján Guðmundsson
Fer í flatbökuveislu hjá tengdó.
Sæmundur Ásgeirsson
Færði fólkinu á Markaðsstof-
unni konfekt með kaffinu.
Eiríkur Þór Theódórsson
Jafnað sig á sigurvímunni eftir
sigur Skallagríms í gær.
Vigfús Friðriksson
Ég ákvað að sleppa rakstrinum í
tilefni dagsins.
Alexander Jarl Ríkharðsson
Ég er ekki bóndi á neinn hátt.
(Spurt á bóndadaginn í Borgarnesi,
síðastliðinn föstudag)
Lið ÍA í 1. deildinni
í körfubolta vann yf-
irburðasigur á botn-
liði deildarinnar, Augna-
bliki, þegar liðin mættust á Jaðar-
sbökkum sl. föstudagskvöld. Loka-
tölur urðu 103:73. Með sigrinum
er ÍA komið upp í 10 stig eftir ell-
efu umferðir, er þó enn í 8. sæti
deildarinnar jafnt þremur liðum
sem eru ofar á töflunni. Langneðst
eru Vængir Júpiters með 2 stig og
Augnablik stigalaust. Mikið þarf að
gerast til að þessi lið falli ekki nið-
ur í 2. deild.
Skagamenn voru betri allan tím-
ann og 16 stigum munaði á lið-
unum í hálfleik, en þá var staðan
52:36 fyrir ÍA. Hjá Skagamönnum
var Jamarco Warren stigahæstur
sem fyrr með 43 stig. Næstur kom
Áskell Jónsson með 24 stig, Sig-
urður Rúnar Sigurðsson skoraði
11, Birkir Guðjónsson 8, Þorleifur
Baldvinsson 4 og Jón Rúnar Bald-
vinsson og Trausti Freyr Rúnarsson
2 stig hvor. Í næstu umferð mætir
ÍA í Rimaskóla í Grafarvogi Vængj-
um Júpiters. Leikurinn fer fram nk.
föstudagskvöld. þá
Skagamenn töpuðu 2:3
fyrir Stjörnunni þegar
liðin mættust í síðustu
umferð riðlakeppni Fot-
bolta.net mótsins í Kórnum
í Kópavogi á þriðjudaginn í liðinni
viku. Stjörnumenn sem m.a. eru
með tvo Dana til reynslu hjá sér
þessa dagana byrjuðu vel í leikn-
um og skoruðu þrjú mörk í fyrri
hálfleiknum án þess að ÍA næði að
svara. Það voru danski kantmað-
urinn, Veigar Páll Gunnarsson og
Halldór Orri Björnsson sem skor-
uðu fyrir Stjörnuna. Garðar Berg-
mann Gunnlaugsson kom inn
í lið ÍA í seinni hálfleiknum og
náði hann fljótlega að skora fyr-
ir Skagamenn. Ingimar Elí Hlyns-
son, Ólafsfirðingurinn sem kom til
ÍA frá FH um áramótin, náði síð-
an að minnka muninn undir lokin
eftir góðan undirbúning unglings-
ins Þórðar Þorsteins Þórðarson-
ar. Hleypti það spennu í leikinn en
þar við sat og Stjarnan vann því eins
marks sigur. Skagamenn misstu þar
með af úrslitasæti í mótinu. Gunn-
laugur Jónsson þjálfari ÍA sagði í
viðtali eftir leikinn við vefmiðilinn
sem stóð fyrir mótinu, að Skagalið-
ið væri á réttri leið, en spilamennsk-
an enn sveiflukennd. Gunnlaugur
sagði að það sem upp á vantaði með
leikmannahópinn væri að leit stæði
yfir að vinstri bakverði. þá
Áhorfendur á leik Snæ-
fells og KR í Dominos-
deild kvenna í Stykkis-
hólmi sl. miðvikudags-
kvöld, urðu vitni að há-
spennuleik undir lokin. Snæfells-
konur unnu nauman sigur 67:65
og með sigrinum styrktu þær stöðu
sína á toppi deildarinnar. Að lokn-
um 19 umferðum er Snæfell með
32 stig og hefur nú sex stiga for-
skot á næstu lið, Hauka sem töp-
uðu fyrir Val og Keflavík sem lá
fyrir nágrönnum sínum í Njarð-
vík.
Snæfellkonur byrjuðu vel í vörn-
inni og voru fimm stigum yfir eftir
fyrsta leikhluta, 16:11. Áfram voru
Snæfellskonur að gera KR-ing-
um lífið leitt í sókninni og munur-
inn á liðunum var orðinn 12 stig í
hálfleik, 37:25 fyrir Snæfell. Áfram
tókst Snæfellskonum að varðveita
að mestu þetta forskot í þriðja leik-
hluta og byrjun þess fjórða. Loka-
leikhlutann byrjaði Snæfell með
53:40 en þá fóru KR-stúlkur að
láta að sér kveða með Borgnesing-
inn Sigrúnu Sjöfn Ámundadóttur í
broddi fylkingar. Fljótt varð mun-
urinn ekki nema fjögur stig 58:54
og svo 62:60 þegar tvær mínút-
ur voru eftir. Spennan var allveru-
leg síðustu mínútuna og komst KR
yfir í fyrsta skipti í leiknum 64:65
þegar aðeins 26 sekúndur voru eft-
ir. Hildur Sigurðardóttir jafnaði á
vítalínunni 65:65 og 18 sekúndur
á klukkunni. Snæfell fékk vítaskot
þegar 0,7 sek voru eftir og Hild-
ur Sigurðardóttir setti bæði skot-
in niður og tryggði nauman Snæ-
fellsigur, 67:65. Hjá Snæfelli var
Chynna Brown með 24 stig og 9
fráköst, Hildur Björg Kjartans-
dóttir 12 stig og 12 fráköst, Hild-
ur Sigurðardóttir 9 stig, Guðrún
Gróa Þorsteinsdóttir 9 stig og 12
fráköst, Eva Margrét Kristjáns-
dóttir 8 stig, Helga Hjördís Björg-
vinsdóttir 3 stig og 7 fráköst og
Hugrún Eva Valdmarsdóttir 2 stig.
Hjá KR var Sigrún Sjöfn atkvæða-
mest með 19 stig og 11 fráköst.
Næsti leikur Snæfellskvenna er í
kvöld, miðvikudag þegar liðið tek-
ur á móti Haukum í Hólminum.
þá
Verðlaunaafhending fyrir langhlaup-
ara ársins 2013 var kynnt sl. sunnu-
dag. Langhlauparar ársins 2013 voru
kosnir af hlaupurum og notendum
vefsíðunnar hlaup.is. Langhlauparar
ársins voru valin Helen Ólafsdóttir í
kvennaflokki og Kári Steinn Karlsson
hjá körlunum. Fengu þau hvort um
sig aðeins innan við þrjú þúsund stig.
Í öðru sæti urðu Elísabet Margeirs-
dóttir og Friðleifur Friðleifsson. Í
þriðja sæti urðu síðan Arndís Ýr Haf-
þórsdóttir og Borgnesingurinn Stef-
án Gíslason. Það fór því ekki hjá því
að Vesturland ætti sinn fulltrúa þeg-
ar bestu langhlauparar landsins voru
valdir.
Stefán Gíslason er 56 ára og æfði
og keppti í hlaupum á menntaskóla-
árunum. Eftir það tók við langt hlé
en um fimmtugt var hann kominn á
fulla ferð aftur og hefur bætt árangur
sinn ár frá ári. Hljóp sitt besta mara-
þon í Reykjavíkurmaraþoni í ágúst sl.
á tímanum 3:08:19. Á árinu 2013 náði
Stefán einnig sínum besta árangri frá
upphafi í 5 km götuhlaupi á tímanum
19:59 mín, hálfmaraþoni á 1:31:12 og
Laugaveginn hljóp hann á 5:52:33.
Þar sigraði hann í flokki 50-59 ára.
Tími Stefáns í Laugavegshlaupinu,
sem endar í Þórsmörk, er sá næst-
besti sem náðst hefur í þessum ald-
ursflokki frá upphafi og maraþontím-
inn sá þriðji besti. Stefán hljóp þrjú
maraþonhlaup á árinu og er þá kom-
inn í 13 samtals. Þá hefur Stefán mik-
inn áhuga á fjallahlaupum og hefur
hlaupið yfir fleiri heiðar og fjallvegi
en aðrir Íslendingar. „Stefán er einnig
mjög duglegur að segja frá og miðla
sinni reynslu og hvetja aðra,“ var
meðal þess sem fram kom hjá þeim
sem kusu Stefán í atkvæðagreiðslunni
um langhlaupara ársins.
þá
Netnotkun Íslendinga eykst lítillega
á milli ára, líkt og fyrri ár, og teljast
nú 95% íbúa landsins til reglulegra
netnotenda. Er það hæsta hlutfall
sem mælist í Evrópu, en meðal-
tal reglulegra netnotenda í löndum
Evrópusambandsins er 72%. Tæp-
lega helmingur netnotenda tengist
netinu á farsímum eða snjallsímum
og þar af taka 72% myndir á síma
sína til að hlaða beint inn á netið.
59% netnotenda taka öryggisafrit af
gögnum sínum, en af þeim sem það
gera nota 55% til þess geymslurými
á netinu, eða tölvuský. 12% þeirra
einstaklinga sem nota tölvuský til
að geyma öryggisafrit af gögnum
greiða fyrir það. 58% netnotenda
höfðu verslað af netinu ári fram að
rannsókn. Aukning var mest á milli
ára í kaupum á hugbúnaði og tölvu-
leikjum, en einnig kom fram aukn-
ing á kaupum á kvikmyndum og
tónlist.
Niðurstöður fyrir Ísland voru
birtar á vef Hagstofu Íslands í
nóvember, en í desember gaf Hag-
stofa Evrópusambandsins, Euros-
tat, út helstu niðurstöður fyrir öll
þau lönd sem tóku þátt í rannsókn-
inni. Fyrirtækjarannsóknin nær yfir
þau fyrirtæki sem eru að lágmarki
með 10 starfsmenn, en fjármálafyr-
irtæki eru undanskilin.
Af fyrirtækjum á Íslandi eru 85%
með eigin vefsíðu og þar af eru 35%
með möguleika á að panta vöru eða
þjónustu af vefsíðunni. 20% fyrir-
tækja telja kostnað við að hefja net-
sölu vera of háan til að það borgi
sig. Þá nota 19% fyrirtækja sam-
félagsmiðla til að ráða starfsfólk.
Það að fyrirtæki séu með opinbera
stefnu til að takmarka neikvæð áhrif
starfseminnar á umhverfið er álíka
algengt á Íslandi og í Danmörku,
en sjaldgæfara en í Svíþjóð. Mun
sjaldgæfara er að fyrirtæki á Íslandi
geri kröfu um umhverfisvottun
framleiðenda upplýsingatækni en í
Svíþjóð og Danmörku. mm
Leikur ÍA gegn Augnabliki í 1.
deildinni í körfubolta sl. föstudags-
kvöld var ekki aðeins skemmtilegur
fyrir þær sakir að lokins vann ÍA sig-
ur og það stóran í deildinni. Held-
ur einnig fyrir þá sök að í meistara-
flokksleik léku í fyrsta skipti sam-
an þrír bræður; Þorleifur, Jón Rún-
ar og Ásbjörn Baldvinssynir. Þetta
gerðist á sjálfan bóndadaginn en
þeir bræður eru frá bænum Skor-
holti í Hvalfjarðarsveit og væntan-
lega eiga þeir eftir að skora ófá stig-
in fyrir ÍA í framtíðinni. Ásbjörn
lék sinn fyrsta meistaraflokksleik,
15 ára og 26 daga gamall. Tölfræð-
in frá leiknum segir að elsti bróður-
inn Þorleifur skoraði 4 stig og tók
7 fráköst, Jón Rúnar 2 stig og eitt
frákast og sá yngsti Ásbjörn tók eitt
sóknarfrákast þótt hann væri ekki
lengi inni á vellinum. þá
Snæfellskonur styrktu
stöðuna á toppnum
Tölvu- og netnotkun mest á
Íslandi af Evrópulöndunum
Skagamenn burstuðu
Augnablik
Bræðurnir þrír frá Skorholti, Jón Rúnar, Þorleifur og Ásbjörn.
Þrír Skorholtsbræður í
Skagaliðinu á bóndadaginn
Skagamenn lágu fyrir
Stjörnunni í fótboltanum
Fremstu langhlauparar landsins. Talið frá vinstri: Borgnesingurinn Stefán Gísla-
son, Friðleifur Friðleifsson, Kári Steinn Karlsson, Helen Ólafsdóttir og Elísabet
Margeirsdóttir. Á myndina vantar Arndísi Ýr Hafþórsdóttir. Ljósm. hlaup.is
Stefán þriðji í vali
langhlaupara ársins