Skessuhorn - 12.02.2014, Blaðsíða 4

4 MIÐVIKUDAGUR 12. FEBRÚAR 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar
greiða kr. 2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Heiðar Lind Hansson, blaðamaður hlh@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Smásöluverslun
í nauðum
Leiðari
Hér í blaðinu eru að venju ýmsar fréttir, misjafnlega gleðilegar eins og
gengur. Eina skrifaði ég þar sem fjallað er um talsverða fækkun verslana á
Akranesi. Ekki skemmtilegasta frétt vikunnar, en engu að síður fjallar hún
um staðreyndir sem blasa við. Ástæður lokana þessara verslana eru líklega
jafn margar og þær voru. Nefna má heilsuleysi eða heimatilbúinn vanda af
einhverju tagi en í flestum tilfellum hygg ég að ytri þættir í rekstrarum-
hverfi fyrirtækja séu almennt að versna og þar megi skýringa leita. Allavega
er einhver ástæða fyrir því að verslunum fækkar hratt, hvort sem það er á
Akureyri, Selfossi, í Reykjavík eða á Akranesi.
En af hverju eru fyrirtæki í verslun og þjónustu að tapa tölunni? Fyrst
kemur upp í hugann að kaupmáttur almennings hefur síst verið að batna
og því er einfaldlega minni verslun. Línulegt samhengi er jú á milli versn-
andi kaupmáttar og heilsu fyrirtækja sem almenningur heldur uppi með
viðskiptum sínum. Þá eru skattar og álögur annað. Líklega eru íslensk-
ar verslanir jafnvel enn verr settar en ýmis önnur fyrirtæki. Þær glíma jú
við háan virðisaukaskatt og ofurhátt tryggingagjald, eins og önnur fyrir-
tæki, en þar að auki innflutningstolla og vörugjöld sem gerir samkeppn-
ishæfni þeirra afleita. Í dag hafa aðstæður nefnilega breyst á þann veg að
heimurinn er orðinn einn risastór markaður. Ef fólki finnst of dýrt að fara
út í búð til að kaupa sér föt, gleraugu eða tölvuvörur, svo dæmi séu tek-
in, þá fer það einfaldlega á netið og leitar sömu eða sambærilega vöru uppi
og pantar hana. Lætur sig hafa að bíða jafnvel svo vikum skiptir. Neyðin
kennir jú naktri konu að spinna og það er alltaf buddan sem telur. Hugtakið
verslum í heimabyggð er einhvern veginn gleymt, jafn sorglegt og það nú
er. Stjórnvöld verða fyrr en síðar að gera sér grein fyrir að allar þessar við-
skiptahindranir og álögur sem íslensk verslunar- og þjónustufyrirtæki búa
við, umfram erlenda kollega þeirra, eru að ganga að rekstri þeirra dauðum.
Það er því betra fyrir heildina og þar með skatttekjur ríkisins að skattleggja
hóflegar og fá í staðinn tekjur frá fleirum.
Segja má að einu vöruflokkarnir sem almenningur getur ekki látið hjá
líða að kaupa hér innanlands eru matvörur. Eðli málsins samkvæmt fer eng-
inn á netið og pantar sér fjóra potta af mjólk og nokkur skinkubréf frá
Þýskalandi, jafnvel þótt fólk fyndi þessar vörur ódýrari þar en hér heima.
Þetta vita viðskiptamenn, svokallaðir fjármagnseigendur, enda er slegist
um að eiga þær fáu matvöruverslanir sem hér geta þrifist. Sökum fæðar
sinnar ríkir fákeppni á matvörumarkaði og sökum blankheita getur bláfá-
tæk alþýða þessa lands ekki annað en verslað í búðunum, jafnvel þótt vitað
sé að yfirmenn þeirra hafi átta milljónir í mánaðarlaun! Þótt fólk gjarnan
vildi refsa fyrir slík fáránlegheit í ofurlaunum, þá getur það ekki annað en
haldið áfram að kaupa í þessum sömu verslunum og ýta enn frekar undir að
þeir ríku verði ríkari. Það ríkir jú fákeppni, hún er litla systir einokunar og
báðar eru þær afleitar. Til að bæta gráu ofan á svart eru það lífeyrissjóðirnir
„okkar“ sem verðlauna fyrir vitleysuna með að kaupa eignarhluta í þessum
sömu verslanakeðjum og hækka verð hlutabréfanna til að ríkir verði ríkari.
Eftir því sem fleiri upplýsingar af því tagi sem ég hef hér nefnt koma upp
á yfirborðið, því augljósara virðist mér að við óbreytt ástand verður ekki
unað. Líklega ræður ekki íslensk þjóð, sökum fámennis og spillingar, við að
koma okkur út úr þesssum aðstæðum af sjálfsdáðum. Jafnvel ég er farinn að
hugsa hvort þátttaka í ESB sé jafnvel betri kostur. Ég á sífellt erfiðara með
að bægja þeirri hugsun frá mér. Reyndar kýs ég fremur að leita í austurátt
og óska samstarfs við Norðmenn. Það hef ég nefnt áður og get svosem al-
veg endurtekið í eitt skipti enn. Allavega vil ég að með einhverju móti verði
stuðlað að því að áfram verði til kaupmenn hér á landi. Líka þeir sem selja
annað en matvörur. Ég vil að tolla,- skatta- og vörugjaldapíning verði af-
numin áður en gengið verður að íslenskri smásöluverslun dauðri.
Magnús Magnússon.
Gistinætur á hótelum í desemb-
er voru 117.100 sem er 31% aukn-
ing miðað við desember 2012. Þar
af gistu útlendingar í 84% tilfella en
þeim fjölgaði um 43% frá sama tíma
í fyrra á meðan gistinóttum Íslend-
inga fækkaði um 5%. Á höfuðborg-
arsvæðinu voru 93.200 gistinætur
skráðar á hótelum í desember sem er
fjölgun um 27% miðað við desemb-
er 2012. Á samanlögðu svæði Vestur-
lands og Vestfjarða var mest aukning
milli umræddra mánaða eða 2.200
gistinætur sem er fjölgun um 135%
miðað við sama tímabil 2012. Á Suð-
urlandi var aukning 66%, á Austur-
landi 62%, á Suðurnesjum 48% og
á Norðurlandi var aukning um tæp
8% samanborið við desember 2012.
Á öllu síðasta ári fjölgaði gistinátt-
um á hótelum landsins um ríflega
14%. Voru þær ríflega tvær milljón-
ir talsins samanburðar við 1,8 millj-
ón árið 2012. Frá árinu 2012 hef-
ur gistinóttum erlendra gesta fjölg-
að um 15% á meðan gistinóttum Ís-
lendinga hefur fjölgað um 10%.
mm
Óhapp varð í Rifshöfn sl. fimmtu-
dagskvöld þegar Tjaldur SH, sem
er í eigu KG fiskverkunar, var að
keyra í spring eins og það er kallað,
til að ná bátnum frá bryggju. Þeg-
ar keyrt er í spring þá eru landfest-
ar dregnar aftur með bátnum og
sett fast á polla til að ná skipi ým-
ist að eða frá bryggju. Skipti engum
togum að þegar kaðallinn slitnaði
keyrði Tjaldurinn á mikilli ferð aft-
an á Rifsnes SH-44 sem var um 10-
15 metra framan við. Við árekstur-
inn urðu miklar skemmdir á Rifs-
nesinu að aftan og einhverjar einn-
ig fyrir neðan sjólínu. Meðal annars
skekktist rekkverk skipsins. Engar
teljandi skemmdir urðu hins vegar
á Tjaldi SH og hélt skipið á miðin
síðar um kvöldið.
Þetta er ekki eina áfallið sem
Hraðfrystihús Hellissands verður
fyrir vegna Rifsnessins því í liðnum
mánuði hrundi önnur ljósavélin og
var verið að ljúka frágangi á nýrri
vél nú í vikunni. þa
Nýlega var hjá Faxaflóahöfnum
opnuð tilboð í niðurrekstur 120
metra stálþils við lengingu viðlegu-
bakka á Grundartanga sem unnin
verður á þessu ári. Fimm tilboð bár-
ust í verkið. Það lægsta var frá Ísar
ehf upp á tæpar 238 milljónir eða
107% af kostnaðaráætlun. Hin til-
boðin voru frá Hagtaki, ÍAV, Háls-
afelli og Ístaki á bilinu 123-132% af
kostnaðaráætlun.
Gísli Gíslason hafnarstjóri Faxa-
flóahafna segir að Ísar hafi mikla
reynslu í niðurrekstri á stálþili.
„ÍSTAK er nú á lokametrunum
að ljúka við fyllingar á bak við þar
sem væntanlegt stálþil á að koma,
en það er forsenda þess að hægt sé
að hefja niðurrekstur á þilinu. Ísar
mun væntanlega hefja niðurrekst-
urinn í apríl eða maí en ljúka verk-
inu í árslok,“ segir Gísli. Hann segir
að lenging viðlegukantsins um 120
metra þýði að hann verði alls orð-
inn um 820 metrar að lengd, þar
af samfelldur í 620 metrum. „Þessi
viðbót er mikilvæg þar sem um 300
skip koma á Grundartanga á ári
og stundum er þétt setið við kant-
inn. Stærstu súrálsskipin geta tek-
ið allt að 200 metra í bryggjuplássi.
Án súrálsskipa gætu eftir lengingu
allt að fimm skip legið við bryggju
á Grundartanga samtímis, annars
fjögur,“ segir Gísli hafnarstjóri. þá
Sæmundur Sigmundsson hópferða-
bílstjóri hefur sagt upp samningum
fyrirtækis hans um akstur skóla-
barna fyrir Borgarbyggð. Í samn-
ingnum felst akstur barna innan-
bæjar í Grunnskóla Borgarness og
þrjár akstursleiðir fyrir Grunn-
skóla Borgarfjarðar á Varmalandi,
eða alls fjórir bílar. Í samningi um
aksturinn er gagnkvæmur þriggja
mánaða uppsagnarfrestur þann-
ig að Sæmundur mun að óbreyttu
aka fram í byrjun maí miðað við
uppsögn í síðustu viku. Þá verður
mánuður eftir af skólaárinu. Næsta
sumar verða liðin tvö ár af fjög-
urra ára samningstíma. Að auki er
ákvæði um að mögulegt sé að fram-
lengja samninginn í tvisvar sinnum
eitt ár. Aðspurður um ástæður þess
að hann segir nú upp skólaakstrin-
um segir Sæmundur þær nokkrar.
Hann nefnir þó sérstaklega að all-
ur rekstrarkostnaður við hópferða-
akstur hafi hækkað á sama tíma og
taxtinn hafi lítið tekið breytingum
frá því hann bauð í aksturinn fyrir
þremur árum. „Að öðru leyti vil ég
ekki ræða ástæður þess að ég segi
nú upp skólaakstri fyrir Borgar-
byggð,“ segir Sæmundur.
mm
Sæmundur hefur sagt upp skólaakstri
Flutningaskip við bryggju á Grundartanga.
Samið við verktaka um niðurrekstur
stálþils á Grundartanga
Óhapp í Rifshöfn
Gistinóttum fjölgaði mest á
Vesturlandi og Vestfjörðum
Nokkur hótel hafa bæst við á Vestur-
landi og önnur stækkuð á nýliðnum
árum. Í fyrra var m.a. Hótel Hamar
stækkað.