Skessuhorn - 12.02.2014, Blaðsíða 16

16 MIÐVIKUDAGUR 12. FEBRÚAR 2014
Nafn: Eygló Lind Egilsdóttir.
Starfsheiti/fyrirtæki: Kirkju-
vörður í Borgarneskirkju.
Fjölskylduhagir/búseta: Ég er
sjö barna móðir, á átta barnabörn
og bý ein.
Áhugamál: Útivist, göngur, leik-
list og góðar bækur.
Vinnudagurinn: Mánudagurinn
10. febrúar 2014.
Mætt til vinnu og fyrstu verk:
Ég mætti í vinnuna klukkan 9 og
fyrstu verkin voru að þrífa safnað-
arheimilið. Ég var að þrífa fram til
hádegis með smá truflunum. Ég
var svo heppin að Maggi í Straum-
firði kom og fékk sér kaffibolla hjá
mér.
Hádegið? Ég náði að fara í hálf-
tíma göngu í hádeginu og fá mér
að borða. Eftir hádegið fór ég í
heildsölu að versla, það vantaði
pappír, ræstigræjur og fleira. Ég
fór líka á pósthúsið með rukk-
anir. Ég þurfti svo að fara í tölv-
una til að svara pósti og senda út
reikninga. Ég tók líka nokkur sím-
töl en síminn hringir á hvaða tíma
sem er. Svo komu fermingarbörn-
in og þá aðstoðaði ég við ferming-
arfræðsluna.
Hvenær hætt og það síðasta sem
þú gerðir í vinnunni? Undirbún-
ingur fyrir KFUM starf. Því lýkur
kl. 18 og þá er frágangur. Ég er svo
komin heim svona um kl. 18:30.
Fastir liðir alla daga? Það er bara
þessi viðvera í safnaðarheimilinu
sem er fastur liður, því það er í
leigu alla daga vikunnar.
Hvað stendur upp úr eftir
vinnudaginn? Það stendur ekkert
sérstakt upp úr eftir þennan til-
tekna vinnudag.
Var dagurinn hefðbundinn?
Já, en í raun er enginn dagur eins
í þessari vinnu. Maður veit aldrei
fyrirfram hvernig næsti dag-
ur verður nákvæmlega. Starfið er
mjög fjölbreytt og margt sem fell-
ur til.
Hvenær byrjaðir þú í þessu
starfi? Ég byrjaði árið 2008.
Er þetta framtíðarstarfið þitt?
Já, ætli það ekki. Eigum við ekki
að segja það? Það er ekki svo langt
í að ég hætti að vinna.
Hlakkar þú til að mæta í vinn-
una? Já, já, ég geri það. Maður á
að mæta með jákvæðum hug til
vinnu.
Eitthvað að lokum? Maður á að
hætta að vinna ef maður getur
ekki mætt með gleði í hjarta. Fólk
á ekki að vera í vinnu þar sem því
líður illa. Það er óhollt fyrir alla
að umgangast þá fyrir sem eru
óánægðir í vinnunni.
Dag ur í lífi...
Kirkjuvarðar
Freisting vikunnar
Að þessu sinni erum við hjá Skessuhorni í hollust-
unni. Freisting vikunnar er hollt og gott bananabrauð
sem auðvelt er að baka. Tilvalið er að skella í eitt
bananabrauð þegar bananarnir eru alveg komnir að
skemmdum því brauðið er betra eftir því sem þeir eru
brúnni. Hægt er að leika sér með uppskriftina með
því að bæta við hana til dæmis fræjum, kanil, rúsín-
um eða hnetum. Brauðið er sérlega gott nýbakað og
ekki er það verra með smjöri og osti, en þá er dregur
reyndar heldur úr hollustunni.
Hollustu bananabrauð
2 bollar grófmalað spelt (má blanda saman haframjöli
eða heilkorna hveiti)
1 dl agave síróp
3 eggjahvítur eða 1 egg
1 tsk salt
½ - 1 tsk matarsódi
½ - 1 tsk vínsteinslyftiduft
2 – 4 stappaðir bananar (því brúnni, því betra)
1 - 2 dl AB mjólk (eða Létt AB-mjólk)
Má bæta við t.d próteini, kanil, ýmsum fræjum, 1 msk.
olíu, döðlum, rúsínum o.fl.
Aðferð:
1. Blandið þurrefnum saman í skál.
2. Stappið banana
3. Bætið öllu saman í skál.
4. Smyrja form með olíu og hella deiginu ofan í.
Einnig er hægt að nota bökunarpappír í formið.
Bakið við 180°C í u.þ.b. 45 mínútur.
Hollustu bananabrauð
Nýverið fóru nemendur í 8. bekk
Grunnskóla Snæfellsbæjar í heim-
sókn á Átthagastofu Snæfellsbæj-
ar og afhentu stofunni líkön af
höfnum Snæfellsbæjar. Líkön-
in unnu nemendur í vinnu í átt-
hagafræði fyrr í vetur. Öll líkönin
eru unnin úr endurvinnanlegum
efnum og komu nemendur með
hráefnið að heiman. Vinnuferl-
ið hófst með heimsókn nemenda
í Hafnarvogina í Rifi. Þar fengu
krakkarnir fyrirlestur frá hafnar-
stjóra um starfið sem fram fer á
höfninni.
mm/ Snæfellsbær á Facebook
Á aðalfundi Kvenfélags Stafholts-
tungna sem nýverið var haldinn
var Steinunn Júlía Steinarsdóttir í
Norðtungu 3 kjörin formaður. Ása
Erlingsdóttir í Laufskálum gaf ekki
kost á sér til áframhaldandi for-
mennsku. Voru Ásu þökkuð frábær
störf í þágu félagsins og Steinunn
Júlía boðin velkomin til starfa.
-fréttatilkynning
Forsvarsmenn Sementsverksmiðj-
unnar hafa sótt um til Umhverfis-
stofnunar að starfsleyfi verksmiðj-
unnar til sementsframleiðslu verði
fellt úr gildi. Sem kunnugt er gerðu
núverandi eigendur verksmiðjunnar
samning við Akraneskaupstað í lok
síðasta árs þar sem þeir afsöluðu sér
eignum og aðstöðu til framleiðslu
sements. Þar með má segja að end-
anlegt dánarvottorð hafi verið gefið
fyrir því að sement verði framleitt
framar á Íslandi, enda tvö ár lið-
in frá því það var framleitt síðast í
Sementsverksmiðjunni á Akranesi.
Umhverfisstofnun hefur nú svar-
að þessu erindi og telur ekki tíma-
bært að fella starfsleyfið niður.
Sementsverksmiðjan verði að fara
í gegnum svokallað lokunarferli,
sem tryggi að skil á athafnasvæð-
um verði þannig að ekki sé hætta
á mengun frá þeim. Athafnasvæði
Sementsverksmiðunnar er auk
Sementsverksmiðjureitsins á Akra-
nesi líparítnáma í Hvalfirði. Sam-
kvæmt upplýsingum frá Umhverf-
isstofnun mun fara fram sýnataka í
sumar í sambandi við lokunarferl-
ið. Í erindi sem hlutaðeigandi aðil-
um, Sementsverksmiðjunni, Akra-
neskaupstað og Hvalfjarðarsveit
hefur verið sent séu ekki tímamörk
varðandi lokun svæða og þar með
niðurfellingu starfsleyfis. Umrætt
starfleyfi var síðast endurnýjað í
ársbyrjun 2009. Það var til 16 ára,
náði til ársbyrjunar 2025. þá
Stjórn Stéttarfélags
Vesturlands sam-
þykkti á fundi sín-
um 28. janúar sl. að
skora á sveitarstjórn-
ir á starfssvæði sínu
að styðja við sam-
starf aðila vinnu-
markaðarins í átaki
gegn svartri atvinnustarfsemi, sér-
staklega þegar opinber útboð og
innkaup eru annars vegar. Í áskor-
uninni frá StéttVest segir að mikil-
vægt sé að leggjast gegn hvers kyns
gerviverktöku, t.d. í byggingariðn-
aði, þjónustutengdri mannvirkja-
gerð og veitingastarfsemi. Auka
þurfi eftirlit með
starfsemi og skatt-
skilum þjónustu-
veitenda og starfs-
manna þeirra og
þá þurfi að gera
átak á sviði útboðs-
mála til að koma í
veg fyrir undirboð
sem byggja á svokölluðu kennitölu-
flakki. „Stjórn Stéttarfélags Vest-
urlands telur að leikreglur sem
miða að þessu marki séu sjálfsagð-
ar í opinberum innkaupum, óháð
fjárhæðum þeirra eða hvort í hlut
eiga ríkið eða sveitarfélögin,“ segir
áskoruninni til sveitarstjórna. hlh
Snorrastofa í Reykholti undirbýr nú
dagskrá í samvinnu við SAGA jarð-
vang/geopark. Fer hún fram í há-
tíðarsal Snorrastofu í Héraðsskóla-
húsinu í Reykholti, laugardaginn
22. febrúar kl. 13-17. Fjallað verð-
ur um ýmsar rannsóknir sem tengj-
ast Surtshelli og Gilsbakka.
Dagskránni er ætlað að gefa
mynd af störfum og hugmyndum
fræðimanna er skoðað hafa Gils-
bakka og Surtshelli í ljósi forn-
leifafræði, jarðfræði, sögu og bók-
mennta. „Fyrst er að telja fornleifa-
fræðinginn Kevin Smith, sem um
árabil hefur stundað fornleifarann-
sóknir í Borgarfirði meðal annars
á Gilsbakka og nú nýlega í Surts-
helli og konu hans Michele, sem
rannsakaði klæði og vefnað í forn-
leifum þeim er upp komu á Gils-
bakka. Hildur Hákonardóttir vef-
listarkona mun fjalla um sögu vefn-
aðarins á Íslandi í ljósi þess, sem
rannsókn Michele hefur sýnt. Um
Surtshelli fjalla ásamt Kevin Smith
þeir Árni Hjartarson jarðfræðing-
ur og Heimir Pálsson bókmennta-
fræðingur. Viðfangsefni Árna er
Hallmundarhraun og goslýsing-
in forna í Hallmundarkviðu og er-
indi Heimis fjallar um Surt og jarð-
elda. Dagskrárstjóri verður sr. Geir
Waage. Allir eru hjartanlega vel-
komnir í Reykholt að njóta þessar
fróðlegu dagskrár. Kaffiveitingar í
dagskrárhléi kosta kr. 500,“ segir í
tilkynningu mm
Sementsverksmiðjan sækir um
niðurfellingu starfsleyfis
Gáfu Átthagastofunni
líkan af höfnunum
Steinunn Júlía og Ása.
Ljósm. Anna J Hallgrímsdóttir.
Nýr formaður Kven-
félags Stafholtstungna
Frá munna Surtshellis í Hallmundar-
hrauni.
Uppsveitir Borgarfjarðar í
alþjóðlegum rannsóknum
Sveitarstjórnir berjist gegn
svartri atvinnustarfsemi