Skessuhorn - 19.02.2014, Blaðsíða 4

4 MIÐVIKUDAGUR 19. FEBRÚAR 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar
greiða kr. 2.150. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Heiðar Lind Hansson, blaðamaður hlh@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Kappleikir
Leiðari
Ýmsar keppnir fara nú fram, misjafnlega stórar en flestar þó spennandi.
Það er keppt í ræðulist á vegum framhaldsskóla og í sjónvarpssal, keppt
í frumlegasta sönglaginu fyrir árlegt Júróvisjón partí og svo er náttúrlega
keppt í vetrarsporti. Þessa dagana fara nefnilega fram vetrarólympíuleikar
í borginni Sotsji við strönd Svartahafs í Rússlandi. Kostnaður við að halda
þetta mót með fimmtán íþróttagreinum er svona á að giska tíföld fjárlög ís­
lenska ríkisins og unnu Rússar auðveldlega heimsmeistarakeppni þjóða um
dýrustu leika sem haldnir hafa verið og mesta vanmat á kostnaði. Komið
hefur fram að árið 2007, þegar Rússar unnu kapphlaupið um að halda þessa
vetrarleika, var gert ráð fyrir að kostnaðurinn myndi nema 1.400 milljörð­
um króna á núvirði. Nú sjö árum síðar er ljóst að kostnaðurinn er meira
en fjórfalt hærri, eða 5.800 milljarðar. Ástæða fyrir þessum stjarnfræðilega
mun, fyrir utan að þeir kunna ekki að gera áætlanir, er sá að Rússar þurftu
að ráðast í miklar framkvæmdir í kringum borgina. Þurftu m.a. að byggja
nýja vegi, hótel, íþróttaleikvanga og önnur svæði. Raunar þurfti að byggja
allt frá grunni. Þá hefur það ekki hjálpað þeim blessuðum að kostnaður
vegna öryggisgæslu vegur þungt og rekja menn það til hótana íslamskra
skæruliða. Ljósið í myrkrinu fyrir Rússa er að hluti þessara framkvæmda
mun nýtast þegar heimsmeistaramótið í knattspyrnu verður haldið á þess­
um slóðum eftir fjögur ár.
Þá hefur keppni í MORFÍs, mælsku­ og rökræðukeppni framhaldsskól­
anna, farið fram að undanförnu. Í þeirri keppni er jafnan mikill orðaflaum­
ur, með og á móti einhverju málefni. Reyndar hefur mér í gegnum tíðina
þótt keppni þessi leiðinleg af því að allt er svo yfirdrifið; orðskrúð, fram­
koma og upphrópanir sem ekkert eiga skylt við ræðulist. Nú hefur einn
keppandi séð ástæðu til að leggja inn formlega kvörtun vegna framkomu
annars liðs í keppninni í sinn garð. Áttu samskipin að hafa einkennst af af
kynferðislegum undirtón og kvenfyrirlitningu. Málið hefur verið kært. Hér
er heilbrigð keppni komin út í öfgar og spurning hvort ekki þurfi að endur­
meta stöðu þessa kappleikjar frá grunni.
Í gegnum tíðina hafa ýmsir fjölmiðla­ og stjórnmálamenn fetað sín fyrstu
framaspor einmitt í þessari MORFÍs keppni. Því má segja að ein slík fram­
haldskeppni hafi farið fram á sunnudaginn þegar Gísli Marteinn Baldurs­
son sjónvarpsmaður og borgarfulltrúi þar til fyrir skemmstu, tók á móti
forsætisráðherra í þætti sínum. Eitthvað virðast þessir ungu menn hafa far­
ið vitlaust framúr þennan morguninn. Samtalið þróaðist upp í einhverja
skringilegustu uppákomu í sjónvarpi í seinni tíð. Enda var ekki að sökum
að spyrja að samfélagsmiðlarnir tóku að loga með og á móti frammistöðu
þeirra. Einhvern veginn finnst mér að spyrill í spurningaþætti eigi ekki að
vera í kappræðu við ráðherra. Á sama hátt á ráðherra ekki að láta plata sig í
slíkt orðaskak. Niðurstaðan varð enda sú að báðir töpuðu þeir í þessari orr­
ustu og áhorfendur sátu agndofa á eftir. Þjóðarbúið tapar, RÚV missir trú­
verðugleika og stjórnin er enn meira rúin trausti en hún var fyrir.
En tvímælalaust ein aðal keppnin var í sjónvarpssal á laugardagskvöldið.
Þar var keppt um hvaða lag skyldi verða framlag Íslands í Júróvisjón sem
að þessu sinni verður haldið í Danmörku. Þar unnust ýmsir sigrar. Bar­
áttan gegn einelti vann ákveðinn sigur með því að textinn í vinningslagi
hljómsveitarinnar Pollapönks fjallar um þá eilífðar baráttu. Þarna komu
saman hressilegir leikskólakennarar af karlkyni og öll yngri kynslóð þessa
lands sat heima og kaus í símum foreldra sinna Pollapönkarana til sigurs.
Í ljósi þeirrar staðreyndar að boðskapur textans höfðar til unga fólksins
skipti engu máli hvernig lagið er. Tvímælalaust er þó sigurvegari kvölds­
ins hið fjárvana íslenska þjóðarbú. Það þarf örugglega ekki að halda keppn­
ina 2015.
Magnús Magnússon
Nýverið var hjá Ríkiskaupum opn­
að tilboð í rekstur Vatnshellis á
Snæfellsnesi. Hellaferðir slf., fyr­
irtæki feðganna Þórs Magnússon­
ar og Ægis Þórs Þórssonar var eini
bjóðandinn í reksturinn. Þeir feðg­
ar hafa rekið hellinn frá því í fyrra­
sumar. Undir þeirra stjórn meira
en tvöfaldaðist gestafjöldinn, fór úr
3.400 árið 2012 í um 8.000 síðast­
liðið ár. Hellaferðir buðu 3,1 millj­
ón á ári í reksturinn. Er það hálfri
milljón lægri upphæð en Umhverf­
isstofnun hafði gert ráð fyrir að fá
í tekjur af rekstrinum. Samningur­
inn mun gilda í tvö ár með mögu­
leika á að framlengja þrisvar um eitt
ár í senn, eða í allt að fimm ár.
mm
Í frétt Skessuhorns í síðustu viku
var ranglega staðhæft að starfsemi
Bílasölunnar Geisla væri að hætta
í Borgarnesi. Hið rétta er að starf­
semi Geisla er einungis að hætta á
lóðinni Fitjum 2, sem er við gatna­
mót Snæfellsnesvegar og Þjóðvegar
1. Lóðina hefur Geisli haft á leigu
síðustu 15 ár. Óljóst er hins vegar á
þessu stigi hvar Geisli verður með
starfsemi í bænum eftir að verunni
á Fitjum 2 lýkur. Þessu vildi Arilíus
Sigurðsson, annar eigandi Geisla,
koma á framfæri við Skessuhorn
eftir að fréttin birtist. Beðist er vel­
virðingar á þessu. Skil lóðarinnar að
Fitjum 2 koma til vegna samnings
Geisla og Borgarbyggðar. Samn­
ingurinn var samþykktur á fundi
byggðarráðs Borgarbyggðar nýver­
ið og mun Geisli samkvæmt hon­
um skila lóðinni til sveitarfélags­
ins um miðjan næsta mánuð sam­
kvæmt ummælum Páls S. Brynjars­
sonar sveitarstjóra.
Í samtali við Skessuhorn í lið­
inni viku sagði Dagbjartur Arilíus­
son, hinn eigandi Geisla, að ástæða
lóðaskilanna væri breytt rekstrar­
umhverfi. Fljótlega yrði byrjað að
hreinsa lóðina. „Við stefnum á að
vera búnir að hreinsa af lóðinni
[Fitjum 2] og skila henni af okkur
núna strax í vor. Við viljum þakka
öllum, viðskiptavinum og velunn­
urum, fyrir okkur, á þeim árum
sem við höfum verið starfandi hér
eða síðan 1999,“ sagði Dagbjart­
ur orðrétt í skriflegu svari sínu til
blaðsins vegna vinnslu fréttarinnar
í liðinni viku.
hlh
Á fundi sveitarstjórnar Hvalfjarð­
arsveitar á þriðjudaginn í lið­
inni viku var gengið frá ráðningu
í starf félagsmálastjóra sem nýlega
var auglýst. Í starfið, sem 26 sótt­
um um, var ráðin Hildur Jakobína
Gísladóttir. Hún kemur frá Hólma­
vík, hefur í tvö og hálft ár sinnt þar
starfi félagsmálastóra. Þar áður var
Hildur Jakobína í þrjú ár forstöðu­
maður heimilisþjónustu Kópavogs­
bæjar. Hildur Jakobína byrjaði á
því þegar hún kom til Hólmavíkur
að stýra uppbyggingu félagsþjón­
ustu fyrir fjögur sveitarfélög. Auk
Strandabyggðar, fyrir Kalrananes­
hrepp, Árneshrepp á Stöndum og
Reykhólahrepp. Fram kom í bók­
un sveitarstjórnar Hvalfjarðarsveit­
ar einróma álit hópsins sem fór yfir
umsóknir um starf félagsmálastjóra,
og ræddi við fimm umsækjendur, að
mæla með Hildi Jakobína í starfið.
Hún kemur til starfa í Hvalfjarðar­
sveit um næstu mánaðamót og tek­
ur þá við af fráfarandi félagsmála­
stjóra Karli Marinóssyni.
þá
Um þessar mundir er unnið að end­
urskoðun skipulags við hafnarsvæð­
ið á Akranesi er tekur til lóða frá 1
til 9 við Faxabraut. Breyting á deili­
skipulagi svæðisins var auglýst í lok
síðasta árs og náði athugasemda­
frestur fram í janúar. Endurskoðun
á skipulaginu nú er unnið m.a. með
hliðsjón af athugasemdum sem fram
komu frá eigendum Nótastöðvar­
innar og Skóflunnar sem eiga hús á
lóðum númer 7 og 9, en JP lögmenn
unnu það álit fyrir fyrirtækin. Sig­
urður Páll Harðarson framkvæmda­
stóri umhverfis­ og framkvæmda­
sviðs Akraneskaupstaðar sagði þeg­
ar Skessuhorn leitaði frétta af mál­
inu að hann ætti von á því að end­
urskoðun á skipulaginu verði tek­
in fyrir á næsta fundi umhverfis­ og
skipulagsnefndar. Þar verði væntan­
lega m.a. horft í svæði milli lóða og
götu varðandi rétt lóðahafa til að at­
hafna sig á því svæði. Því til viðbótar
verði skoðað að stytta gangstétt lóð­
armegin við götu til að rýmka fyrir
athafnastarfsemi lóðahafa við Faxa­
braut 1 til 9. þá
Óljóst hvar Geisli verður með
starfsemi í Borgarnesi
Þór Magnússon er hér að leiðsegja
gestum um Vatnshellinn.
Feðgar einir um að vilja reka Vatnshellinn
Stór hluti svæðisins við Faxabraut þar sem skipulag er nú í endurskoðun.
Skipulag endurskoðað við Faxabraut
Hildur Jakobína
Gísladóttir.
Nýr félagsmálastjóri ráðinn í
Hvalfjarðarsveit