Skessuhorn - 19.02.2014, Blaðsíða 18

18 MIÐVIKUDAGUR 19. FEBRÚAR 2014
Mörg byggðarlög út um landið hafa
átt undir högg að sækja um nokk­
urt skeið meðal annars vegna þess
að unga fólkið fer burtu og skil­
ar sér ekki til baka að námi loknu.
Þrátt fyrir dreifða byggð og frem­
ur fábreytt atvinnulíf hefur nokk­
ur nýliðun orðið bæði í bændastétt
og þjónustustörfum í Dölunum.
Þórunn Björk Einarsdóttir hjúkr­
unarfræðingur kom í Dalina fjög­
urra ára gömul með móður sinni
Svönu Guðmundsdóttur, sem hafði
þá tekið saman við stjúpföður Þór­
unnar, Jóhannes Óskarsson bónda
á Svínhóli. Þær sneru til baka aftur
suður þegar Þórunn Björk var níu
ára gömul. Það voru samt bernsku­
minningarnar frá Svínhóli og upp­
vöxturinn þar sem átti sinn þátt í því
að Þórunn hélt tengslum við Dal­
ina og flutti þangað mörgum árum
síðar. „Það var vinsælt hjá okkur
krökkunum að fara upp í kastalann
sem við kölluðum hæðina fyrir ofan
bæinn. Svo vorum við líka að leika
okkur við krakkana á Oddsstöðum
þarna við hliðina.“
Á flækingi
Þórunn Björk segist hafa verið mik­
ið á flækingi sem barn og ungling­
ur. Átti þá meðal annars heima í
Vestmannaeyjum um tíma, á Kjal­
arnesi og í Mosfellssveit. Faðir
hennar Einar Jónsson er úr Land­
eyjunum, rétt við Bakka þar sem
flugvöllurinn er milli lands og Eyja.
„Flugvöllurinn var einmitt byggð­
ur út úr kartöflugarðinum hjá afa
mínum Jóni Einarssyni. Ég var
mikið þarna í Landeyjunum þegar
ég var krakki. Ég var svolítið spennt
að fylgjast með flugumferðinni og
ekki dró það úr að bróðir móður­
afa míns átti flugvél. Það kom því
fyrir að ég fékk að skreppa í flug­
túr. Þetta varð kveikjan að því að
þegar ég stálpaðist ákvað ég að læra
á flugvél og taka einkaflugmanns­
próf. Þegar ég var orðin tvítug, árið
2001, fór ég svo til London til að
læra atvinnuflugmanninn. Ég tók
bóklegu fögin þar, kom svo heim en
kláraði ekki prófin. Þá fór ég vest­
ur og fékk sumarvinnu hjá Gunn­
ari í Dalakjöri. Það sumar, 2002,
kynntist ég manninum mínum Við­
ari Jóelssyni frá Harastöðum í Mið­
dölum. Ég fékk vinnu á hjúkrunar­
heimilinu Fellsenda og féll sú vinna
ákaflega vel. Þar með fór að dvína
áhuginn hjá mér að halda áfram í
flugnáminu. Konurnar sem ég vann
með á Fellsenda hvöttu mig og aðra
unga konu sem vann með mér til að
afla okkur menntunar á þessu sviði.
Þessi hvatning varð til þess að ég
ákvað að skella mér í hjúkrunar­
nám og stalla mín Ingibjörg Anna
Björnsdóttir fór í iðjuþjálfun.“
Vildu komast úr
Reykjavík
Það var haustið 2006 sem Þórunn
Björk hóf nám í hjúkrunarfræði við
Háskóla Íslands. Bjó í leiguíbúð í
Grafarvoginum en Viðar maður
hennar hélt áfram að keyra í vöru­
flutningum fyrir vestan. „Ég út­
skrifaðist svo haustið 2010 og þá
var Dagný Sara dóttir okkar orðin
fjögurra ára gömul. Með skólanum
vann ég á bæklunardeild Landspít­
alans. Sumarið 2011 misstum við
leiguhúsnæðið í Grafarvoginum.
Um svipað leyti fæddist strákurinn
okkar hann Róbert Orri þannig að
ég var komin í fæðingarorlof. Við
vildum gjarnan komast úr Reykjavík
og fara aftur vestur. Það varð úr og
þegar síðan vantaði hjúkrunarfræð­
ing til starfa í Silfurtúni snemma
árs 2012 byrjaði ég að vinna þar. Í
Silfurtúni starfaði ég í eitt og hálft
ár eða þar til starf hjúkrunarfræð­
ings hjá heilsugæslustöð HVE hér í
Búðardal losnaði um mitt síðasta ár.
Mér þótti spennandi að sækja um
það starf sem ég fékk, en skömmu
síðan kom í ljós að ég var ófrísk að
þriðja barninu þannig að núna und­
anfarið hef ég verið í fæðingaror­
lofi. Það var stúlka sem bættist við
og hún fæddist 13. desember síð­
astliðinn.“
Þekkir orðið marga
Mikið var að gerast hjá þeim Þór­
unni Björk og Viðari um mitt síð­
asta ár. Þá réðust þau í að kaupa hús
í Búðardal. Það var hús sem hafði
um árabil verið sýslumannsbústað­
ar, en var selt þegar staða sýslu­
manns í Dölum var lögð niður.
Þetta er Búðarbraut 12, stórt og
mikið hús á tveimur hæðum með
bílskúr. „Við erum ekkert á för­
um og ætlum okkur að búa hérna
áfram. Ég hef kunnað vel við mig
hérna og við finnum að stærri staðir
eins og Reykjavík henta okkur ekki.
Hérna þekkir maður orðið marga
og kannast við alla. Það er notalegt
að skreppa hérna upp í þorpið og
í kaupfélaginu eru alltaf einhverj­
ir til að spjalla við. Það er notaleg­
ur mórall hérna, en auðvitað verð­
ur fólk að taka það með í reikning­
inn að á stað eins og þessum er ekki
hægt að gera sömu kröfur um þjón­
ustu og á stærri stöðum. Það segir
sig bara sjálft,“ sagði Þórunn Björk
að endingu. þá
Nýsköpunarverðlaun forseta Ís­
lands voru veitt á Bessastöðum í lið­
inni viku. Verkefnið sem hlaut verð­
launin að þessu sinni heitir „Hjóla­
leiðir á Íslandi“ og var það unnið af
þeim Gísla Rafni Guðmundssyni
meistaranema í sjálfbærri borgar­
hönnun við háskólann í Lundi og
Evu Dís Þórðardóttur sem nýlega
hefur lokið MSc prófi í skipulags­
fræði og samgöngum úr Háskól­
anum í Reykjavík. Leiðbeinendur
þeirra í verkefninu voru Guðbjörg
Lilja Erlendsdóttir og Ólafur Árna­
son hjá Eflu, verkfræðistofu. „Þetta
er ánægjulegt fyrir LbhÍ en Gísli
Rafn er fyrrverandi nemandi skól­
ans, brautskráðist frá umhverfis­
skipulagsbraut vorið 2012. Skólinn
átti einnig fulltrúa við verðlauna­
afhendinguna í fyrra þegar verk­
efnið Ströndin og skógurinn hlutu
viðurkenningu sem öndvegisverk­
efni. Þá hefur annar leiðbeinend­
anna, Ólafur Árnason, um árabil
kennt áfangann mat á umhverfisá­
hrifum við LbhÍ,“ segir í frétt frá
LbhÍ.
Verkefnið Hjólaleiðir á Íslandi
fólst í því að vega og meta hjólaleið­
ir á Íslandi út frá kröfum EuroVelo
verkefnisins með það að markmiði
að koma einni leið á Íslandi inn á
kort EuroVelo sem heldur utan um
meginkerfi reiðhjólaleiða í Evrópu
og er ætlað að stuðla að sjálfbærri
ferðamennsku. Á korti EuroVelo
eru í dag 14 leiðir, sem eru samtals
um 45.000 km langar. Skráning á
leið um Ísland inn á kort samtak­
anna er mikilvægur þáttur í að vekja
athygli á Íslandi sem viðkomustað
fyrir hjólaferðamenn og auka tæki­
færi í sjálfbærri ferðaþjónustu hér á
landi.
Samtök iðnaðarins gáfu verð­
launin í ár, en verðlaunagripirn­
ir eru ullarteppi, Páfagaukurinn
og Hrafninn, eftir Vík Prjónsdótt­
ur, sem er eitt af athyglisverðustu
hönnunarfyrirtækjum samtímans.
Vík Prjónsdóttir er í eigu hönn­
uðanna Brynhildar Pálsdóttur,
Borgnesingsins Guðfinnu Mjall­
ar Magnúsdóttur og Þuríðar Rós­
ar Sigurþórsdóttur. mm
Ferðaskrifstofan Þemaferðir á
Snæfellsnesi gaf nýverið út sumar­
ferðaáætlun sína. Eins og margir
þekkja reka hjónin Óli Jón Ólason
í Grundarfirði og Steinunn Hans­
dóttir kona hans ferðaskrifstofuna
Þemaferðir í félagi við dóttur Óla
og tengdason en þau búa á Bakka í
Bjarnarfirði. Því má segja að heim­
ili fyrirtækisins sé á báðum stöðum.
Þó að ferðaskrifstofan sé aðeins á
sjötta ári, hafa eigendur hennar og
starfsfólk langa reynslu í ferðamál­
um bæði innanlands og í nokkr­
um löndum erlendis. „Ferðir okk­
ar bæði hér á Íslandi og í útlöndum
eru allar miðaðar við góða þekk­
ingu okkar á viðkomandi landi eða
svæði. Við höfum skipulagt og séð
um ferðir allt frá árinu 1995, bæði
innanlands sem og erlendis, fyrir
ýmis félög eins og t.d. kvenfélög,
Lionsklúbba, félög eldri borgara
og skógarbændur svo nokkur séu
nefnd. Auk þess talsvert af ferðum
fyrir einstaklinga,“ segir Óli Jón.
Óli segir að Þemaferðir miði
ferðir sínar við áhuga fólks. „Við
aðlögum ferðirnar að getu ferða­
félagana við t.d. gönguferðir og
þess háttar. Erum því tilbúin, með
frekar stuttum fyrirvara, að koma á
fundi hjá félögum eða stofnunum,
án allra skuldbindinga, og útskýra
betur ferðirnar, hvað er innifalið
eða hverju er hægt að breyta. Einn­
ig að útbúa sérstaka ferð fyrir hópa.
Fram að þessu höfum við lítið aug­
lýst okkur nema með góðum um­
mælum þátttakenda í ferðum okk­
ar,“ segir Óli Jón.
Nýir áfangastaðir
Þemaferðir kynna þrjá nýja áfanga­
staði í sumar; Orkneyjar, Harðang­
ursfjörð og Bergen og svo sjálfa
Rómarborg. „Við höldum áfram
með vinsælu ferðirnar okkar til
Skotlands, bæði um Hálöndin og til
Orkneyja og einnig gönguferðirn­
ar á Ströndum. Á þessum stöðum
erum við sérstaklega vel heima, höf­
um farið margar ferðir um Hálönd­
in í Skotlandi, þar sem við ferðumst
rólega yfir, gistum í litlum þorpum
og kynnumst landi og þjóð. Engar
tvær ferðir eru eins.
Orkneyjar eru gríðarlega spenn­
andi, ekki síst fyrir Íslendinga þar
sem tengingin við norræna arf­
inn er alltumlykjandi og einnig er
sérlega áhrifaríkt að virða fyrir sér
mannvirki sem eru talsvert eldri
en eygypsku pýramídarnir og velta
fyrir sér verkþekkingu steinald­
armanna. Gönguferðin á Strönd­
um hefur vinnuheitið „Unaður og
Munaður.“ Þar eru gengnar gamlar
þjóðleiðir á milli byggða, gist á hót­
elum og baðað í heitum laugum.
Nú kynnum til sögunnar Harð­
angursfjörðinn og Bergen. Þar höf­
um við góð tengsl við samlanda
sem hafa búið þar lengi og verða
með okkur í ferðinni. Við höfum
farið nokkrum sinnum og kynnt
okkur þetta fagra landssvæði og alla
möguleikana til að njóta. Við erum
svo heppin að hafa í okkar röðum
Sólrúnu Guðjónsdóttur, leiðsögu­
mann sem hefur dvalið langdvöl­
um á Ítalíu og farið margar ferð­
ir þangað með hópa. Hún ætl­
ar að sýna sínar heimslóðir í borg­
inni eilífu, Róm. Þá er síðast en
ekki síst að nefna Tallinn í Eist­
landi sem er ótrúlega heillandi, sér­
staklega gamli miðaldabærinn með
þröngum götum, virkisveggjum og
spennandi mannlífi. Við bregðum
okkur í stutta ferð þangað í haust
og kíkjum aðeins á Helsinki í leið­
inni.“
Óli segir að ferðir Þemaferða séu
til að njóta lífsins. „Litlir hópar,
góður aðbúnaður og staðkunnugir
fararstjórar eru okkar aðalsmerki.
Við forðumst að þjóta yfir landið
og eyða miklum tíma í akstur held­
ur stoppum og skoðum jafnt hið
stóra og smáa. Það eru fleiri stað­
ir á Íslandi en Gullfoss og Geysir
og það á líka við um önnur lönd og
þess vegna leggjum við áherslu á að
leiðsögumenn og skipuleggjend­
ur þekki vel til og geti opnað fyrir
okkur leyndarmálin. Til að fá nán­
ari dagskrá einstakra ferða og allar
frekari upplýsingar er um að gera
að hafa samband. Við erum bæði á
Facebook og heimasíðunni þema­
ferðir.is.“ mm
Þemaferðir Óla Jóns og
fjölskyldu bæta við ferðum
Úr einni af ferðum Þemaferða.
Verðlaunahafar f.v. Eva Dís Þórðardóttir, Ólafur Árnason og Gísli Rafn Guðmunds-
son.
Fyrrverandi nemandi LbhÍ
fær Nýsköpunarverðlaun
Flugmaðurinn varð hjúkrunarfræðingur
Þórunn Björk og Viðar Jóelsson maður hennar ásamt börnum.
Þórunn Björk Einarsdóttir hjúkrunar-
fræðingur í Búðardal.