Skessuhorn - 19.02.2014, Blaðsíða 22

22 MIÐVIKUDAGUR 19. FEBRÚAR 2014
Spurningakeppnin Viskukýr­
in fór fram í tíunda skipti síðast­
liðið fimmtudagskvöld. Sem fyrr
var skemmtunin í matsal Land­
búnaðarháskóla Íslands í Ásgarði á
Hvanneyri. Fjöldi fólks mætti til að
fylgjast með keppninni og var fullt
út úr dyrum. Líkt og undanfarin ár
stýrði sjónvarpsmaðurinn góðkunni
Logi Bergmann Eiðsson keppn­
inni á léttan og skemmtilega hátt
og má með sanni segja að nærvera
hans og hnyttin stjórnun hafi fram­
kallað ófá hlátrasköll hjá gestum og
keppendum. Alls kepptu átta lið að
þessu sinni. Þetta voru lið búvís­
inda, starfsmanna LbhÍ, búfræði 1,
búfræði 2, umhverfisskipulags, íbúa
á Hvanneyri, Hvannahússins og
nemenda Háskólans á Bifröst. Eft­
ir spennandi viðureignir í átta liða
úrslitum komust lið búvísinda og
kennara áfram í undanúrslit ásamt
báðum liðum búfræðinnar. Búvís­
indin drógust þar á móti liði kenn­
ara sem þeir báru síðan sigurorð af
24:20 á meðan búfræði 2 lagði koll­
ega sína í búfræði 1; 16:20. Jafn úr­
slitaleikur fór síðan í hönd þar sem
lið búvísinda sigraði 19:24 í jafnri
keppni.
Spurt var fjölbreyttra spurninga.
Bæði var spurt um efni almenns
eðlis en einnig landbúnaðartengd­
ar spurningar auk spurninga sem
tengjast skólanum sjálfum. Það
voru þau Svanhvít Lilja Viðarsdótt­
ir, Kristín Jónsdóttir, Axel Sigurðs­
son og Sara Björk Þorsteinsdóttir
sem sáu um spurningagerð og stiga­
vörslu. Tveir af upphafsmönnum
keppninnar fengu loks það hlutverk
að færa sigurliðinu verðlaun sín í
lok kvölds, þau Guðrún Bjarnadótt­
ir og Eyjólfur Ingvi Bjarnason.
Í hléum milli umferða var boð­
ið upp tvö skemmtiatriði. Karlakór­
inn Hrútarnir, skipaður nemend­
um LbhÍ, söng þrjú lög undir stjórn
Heimis Klemenzsonar og þá minnt­
ist Logi Bergmann viskukúa liðanna
ára í máli og myndum. Hefð er fyr­
ir því í hverri keppni að nýborinn
kálfur úr Hvanneyrarfjósinu taki á
móti gestum í anddyri matsalarins
og fær hver kálfur þá sæmdarheitið
viskukýr ársins. Að þessu sinni var
viskukýrin Rán 1636 en hún hafði
komið í heiminn tveimur dögum
fyrir keppnina. hlh
Fullt út úr dyrum á tíundu Viskukúnni á Hvanneyri
Lið búvísinda fagnar sigri. F.v. Baldur Örn Samúelsson, Jón Hjalti Eiríksson og Þorgerður Bjarnadóttir. Ljósm. hlh.
Lið búfræði 2 hafnaði í öðru sæti. F.v. Ásmundur Óskar Einarsson, Sigríður Þorvaldsdóttir og Jón Ingi Ólafsson. Fyrir aftan
stendur stjórnandinn Logi Bergmann Eiðsson með glott á vör og að sjálfsögðu klæddur lopapeysu. Ljósm. hlh.
Einn flokkur var bjölluspurningar. Oft munaði litlu hvort liðið næði bjöllunni af
mjólkurbrúsanum. Ljósm. Áskell Þóriss.
Sigurlið búvísinda, þau Baldur Örn, Jón Hjalti og Þorgerður, ásamt Loga Berg-
mann. Ljósm. hlh.
Áhorfendur skemmtu sér vel, ekki síst Hákon Garðar Þorvaldsson frá Skeljabrekku
sem hér brosir sínu breiðasta. Ljósm. hlh.
Viskukýrin 2014 var að þessi sinni kálfurinn Rán 1636 úr Hvann-
eyrarfjósinu. Kálfurinn var heldur hlédrægur þegar blaðamaður
Skessuhorns hugðist ná af honum mynd enda tiltölulega nýkominn
í þennan heim, var borinn tveimur dögum áður. Ljósm. hlh.
Heimamenn á Hvanneyri voru með lið í keppninni sem skipað
var þeim Aðalheiði Kristjánsdóttur, Sveinbirni Eyjólfssyni og
Hauki Júlíussyni. Ljósm. hlh.
Karlakórinn Hrútarnir skipaður nemendum LbhÍ söng þrjú lög fyrir gesti
undir stjórn Heimis Klemenzsonar við góðar undirtektir gesta.
Ljósm. hlh.
Stigaverðir og spurningahöfundur fylgdust með af nákvæmni. F.v.
Svanhvít Lilja Viðarsdóttir, Kristín Jónsdóttir og Axel Sigurðsson.
Ljósm. hlh.
Lið starfsmanna LbhÍ komst í undanúrslit. F.v. Jón Gíslason frá
Lundi, Dagný Sigurðardóttir frá Skeljabrekku og Ragnhildur
Helga Jónsdóttir frá Ausu. Ljósm. hlh.
Heimir Klemenzson stýrir söng karlakórsins Hrútanna af innlifun.
Ljósm. Áskell Þóriss.