Skessuhorn - 26.02.2014, Blaðsíða 6
6 MIÐVIKUDAGUR 26. FEBRÚAR 2014
Umferðar
öryggisáætlun
DALIR: Sveitarstjórn Dala-
byggðar óskaði síðasta haust
eftir samstarfi við Vegagerð-
ina um að leita leiða til að
auka umferðaröryggi á Vest-
fjarðavegi um Vesturbraut
í gegnum Búðardal. Fram
kom á fundi sveitarstjórnar sl.
þriðjudag að Vegagerðin hef-
ur falið hönnunardeild stofn-
unarinnar að skoða málið
með Dalabyggð. Hönnunar-
deildin hefur lagt til að unnin
verði umferðaröryggisáætlun
þar sem Dalabyggð leiði und-
irbúningsvinnu en Vegagerð-
in komi að málum með upp-
lýsingaöflun, tækniráðgjöf og
þátttöku í undirbúnings- og
kynningarfundum. Þá hef-
ur fyrirtækið Vist & Vera ehf
sótt í rannsóknasjóð Vega-
gerðarinnar vegna verkefnis
sem getur tengst gerð um-
ferðaröryggisáætlunar á bein-
an hátt. Á umræddum fundi
sveitarstjórnar var samþykkt
að Dalabyggð geri umferð-
aröryggisáætlun í samvinnu
við Vegagerðina. Byggðar-
ráði verði falið gera tillögu að
skipan verkefnisstjórnar og
verkefnisstjóra.
–þá
Tilboð í snjó
mokstur og
hálkueyðingu
AKRANES: Snjómokstur og
hálkueyðing á Akranesi var
nýverið boðin út. Fimm til-
boð bárust og voru þau öll
yfir kostnaðaráætlun, sem var
20,040 milljónir. Gámaþjón-
usta Vesturlands bauð lægst,
23,364 milljónir. Þar næst
komu tilboð frá Skóflunni hf
upp á 24,660 millj. og Þrótti
ehf 24,762 millj. Skagaverk
ehf. bauð 27,546 milljónir og
Snókur verktakar ehf 36,006
milljónir. Framkvæmdaráð
Akraneskaupstaðar hefur falið
framkvæmdastjóra að ganga
til viðræðna við lægstbjóð-
anda Gámaþjónustu Vestur-
lands.
–þá
Nýtt fyrirtæki
opnað í
Búðardal
DALIR: Nýtt fyrirtæki verð-
ur formlega opnað í Búðardal
á morgun, fimmtudag, þegar
Björn Anton Einarsson stáls-
miður opnar verkstæði sitt í
gömlu trésmiðjunni við Vest-
urbraut 8. Þar verður boðið
upp á bílaviðgerðir, vélavið-
gerðir og stálsmíði og munu
tveir starfsmenn sinna þeirri
þjónustu. Björn Anton hefur
síðustu misserin starfað sjálf-
stætt í járnsmíði og vélvirkjun
í Dölum og nágrenni. Hann
hefur m.a. þjónað Þörunga-
verksmiðjunni og fyrirtækj-
um á Reykhólum og í Búð-
ardal. Toni sérsmíðaði m.a.
lausfrysti fyrir fyrirtækið Sæ-
frost sem er með aðstöðu og
vinnslu í sláturhúsinu.
–þá
Umhverfismál
á oddinum hjá
íbúaþingi
HVALFJ.SV: Á fundi umhverf-
is-, skipulags- og náttúruverndar-
nefndar Hvalfjarðarsveitar mánu-
daginn 17. febrúar var tekin fyrir
samantekt frá íbúaþingi sem hald-
ið var í sveitarfélaginu í lok síð-
asta árs. Fram kom á fundinum
að unnið verði áfram úr niður-
stöðum íbúaþingsins en þar voru
umhverfismál mikið til umræðu.
Á umræddum fundi umhverf-
is-, skipulags- og náttúruverndar-
nefndar var lagt til að gerður verði
sérstakur flipi um umhverfismál á
heimasíðu Hvalfjarðarsveitar. Þar
verði haldið utan um upplýsing-
ar, skýrslur, heimildir og önnur
gögn sem varpað geta ljós á stöðu
umhverfisgæða í Hvalfjarðarsveit,
sbr. samþykkt nefndarinnar frá 20.
febrúar 2012. USN-nefndin felur
skipulagsfulltrúa að boða þá aðila
sem sinna mengunarmælingum
vegna umhverfisvöktunar á iðn-
aðarsvæðinu við Grundartanga á
fund nefndarinnar. Það eru full-
trúar frá Nýsköpunarmiðstöð Ís-
lands, Náttúrufræðistofnun Ís-
lands, Tilraunastöð HÍ á Keldum
og Matís. Þá fól nefndin nefnd-
armönnunum Sævari Ara Finn-
bogasyni og Björgvini Helgasyni
að hefja undirbúning að vinnu við
drög að stefnu í samgöngumálum
fyrir Hvalfjarðarsveit. –þá
Erlendir ferða
menn aðstoðaðir
LBD: Lögreglan í Borgarfirði
og Dölum kallaði út björgunar-
sveitina Ok sl. sunnudag vegna
bíls sem fastur var í snjó á vegin-
um sem liggur að Surtshelli rétt
ofan Kalmanstungu. Í ljós kom
að þarna var um að ræða erlenda
konu, bandarískan ljósmynd-
ara, sem hafði fest jeppling sinn.
Þá voru þarna skammt frá fjór-
ir Frakkar á öðrum bílaleigubíl
sem líka var fastur í snjó. Að sögn
Snorra Jóhannessonar á Auga-
stöðum gekk vel að aðstoða fólkið
þannig að það kæmist til byggða,
en sú bandaríska sagðist í staðinn
koma í júní til að mynda Surts-
helli. –þá
Skessuhorn var líkt og
fimmtíu önnur fyrirtæki
með kynningarbás á at-
vinnusýningu Rótarý-
klúbbs Borgarness í
Hjálmakletti í Borgar-
nesi sl. laugardag. Fjöl-
margir gestir lögðu
leið sína að básnum til
að kynna sér starfsemi
Skessuhorns. Gestum
gafst einnig kostur á að
taka þátt í lukkuleik í tilefni sýning-
arinnar með því að
skrá nafn sitt á miða
og setja í pott. Góð
þátttaka var í leikn-
um en fern verð-
laun voru í boði;
ársáskrift að Skessu-
horni í fyrsta vinn-
ing og þrjú páska-
egg að auki.
Dregið var úr
pottinum á ritstjórn
Skessuhorns í gær. Í ljós kom að
345 höfðu tekið þátt í lukkuleikn-
um. Fyrsta vinning, ársáskrift að
Skessuhorni, hlaut Eyrún Ingþórs-
dóttir, Vallholti 13 Akranesi. Þrjú
páskaegg voru svo í aukavinninga.
Þau fá Birgir Benediktsson Akur-
hvarfi 2 í Kópavogi, Jósep Magnús-
son Stöðulsholti 22 í Borgarnesi og
Guðbjörg Ingólfsdóttir Hamravík
28 í Borgarnesi. Eyrún fær nú sent
blaðið en páskaeggjahafarnir munu
fá þau send á næstunni, eða um leið
og þau koma í verslanir. hlh
Sunnudaginn 2. mars kl. 17 flytur
Kór Akraneskirkju sálumessuna Eter-
nal Light eftir enska tónskáldið How-
ard Goodall. Er þetta í fyrsta skipti
sem tónverkið er flutt í heild sinni á
Íslandi. Sálumessur eru og voru oft-
ast samdar til minningar um látna ein-
staklinga en í þessu tilfelli, fléttar tón-
skáldið inn í sitt verk ljóðum sem eru
ekki síður hugsuð fyrir okkur hin sem
eftir stöndum og syrgjum. Þetta eru
sérlega fallegir textar sem hafa sterk
skilaboð og eru eftir ensk ljóðskáld.
Verkið hefur vakið mikla athygli víða í
heim og má segja að vinsældir þess séu
að aukast verulega. Tónskáldið How-
ard Goodall er þekkt kvikmyndatón-
skáld í Englandi og hefur m.a. samið
tónlist í myndir og þætti um Mr. Bean,
Blackadder og fleiri þekkta sjónvarps-
þætti. Árið 2009 hlaut hann BRIT
verðlaunin fyrir Eternal Light.
Einsöngvarar á tónleikunum eru
þau Björg Þórhallsdóttir sópran, Ein-
ar Clausen tenór og Halldór Hall-
grímsson tenór en hann er einnig fé-
lagi í kórnum.
Um hljóðfæraleik sjá þau Birg-
ir Þórisson sem leikur á orgel, Við-
ar Guðmundsson píanóleikari, Krist-
ín Sigurjónsdóttir fiðluleikari, Jón
Rafnsson kontrabassaleikari og Sop-
hie Schoonjans hörpuleikari. Stjórn-
andi er Sveinn Arnar Sæmundsson.
Tónleikastaðurinn vekur kannski at-
hygli en tónleikarnir fara fram í versl-
unarhúsnæði að Kalmansvöllum 1
sem áður hýsti m.a. verslunina Nettó.
Þar er einstaklega góður hljómburður
sem hentar vel kórtónlist sem þessari
og því var tekin ákvörðun um að not-
færa sér húsnæðið. Aðgangseyrir er kr.
2.500 og er forsala í Bjargi sem og í
gamla Iðnskólanum við Vinaminni.
-fréttatilkynning
Slökkvilið Akraness og Hvalfjarð-
arsveitar var síðdegis á laugardag-
inn kallað út vegna elds á Grund-
artanga. Í ljós kom að kvikn-
að hafði í lyftara utan við Járn-
blendiverksmiðju Elkem Ísland.
Starfsmenn fyrirtækisins náðu að
slökkva eldinn sem logaði m.a.
í gálga og hjólabúnaði og þeg-
ar slökkviliðsmenn komu á stað-
inn var lítið eftir að gera. Að sögn
Þráins Ólafssonar slökkviliðs-
stjóra var lítil sem engin hætta á
ferðum þar sem tækið var utan-
dyra þegar eldurinn blossaði upp
í því. mm
Kviknaði í lyftara
Frumflutningur á Íslandi á sálumessunni
Eternal Light
Þrjú páskaegg og ársáskrift
að Skessuhorni voru í
verðlaun í lukkuleiknum.
Dregið í lukkuleik Skessuhorns
frá atvinnusýningunni