Skessuhorn - 26.02.2014, Blaðsíða 20

20 MIÐVIKUDAGUR 26. FEBRÚAR 2014
Margt var um manninn í Hjálm-
akletti í Borgarnesi á laugardag-
inn þegar atvinnusýning Rótarý-
klúbbs Borgarness fór fram. Þetta
var í annað skipti sem rótarýmenn
í héraðinu efna til sýningar af þessu
tagi en fyrri sýning þeirra fór ein-
mitt fram á sama stað fyrir tveimur
árum. Um 50 fyrirtæki og þjónustu-
aðilar með starfsemi í Borgarbyggð
og nágrenni kynntu starfsemi sína
á sýningunni og voru sýningarbásar
hver öðrum fjölbreyttari.
Í tengslum við sýninguna stóðu
rótarýmenn fyrir málstofu undir
yfirskriftinni samfélagsleg ábyrgð
fyrirtækja. Málstofan fór fram í
Hjálmakletti á laugardagsmorgn-
inum og fluttu erindi þau Birna
Bjarnadóttir formaður Rótarýsjóðs-
ins á Íslandi, Ketill Berg Magnús-
son framkvæmdastjóri Festu, mið-
stöðvar um samfélagsábyrgð og
Haraldur Örn Reynisson endur-
skoðandi hjá KPMG í Borgarnesi
sem kynnti starfsemi Hugheima,
frumkvöðla- og nýsköpunarseturs
Vesturlands. Eftir málstofuna not-
uðu síðan aðstandendur Hugheima
tækifærið og skrifuðu undir sam-
starfssamning um formlega stofn-
un setursins.
Að sögn Kristjáns Rafns Sig-
urðssonar formanns Rótarýklúbbs
Borgarness var almenn ánægja hjá
gestum og þátttakendum með dag-
inn. Gestir voru yfir 650 manns og
voru þátttakendur auk rótarýfélaga
mjög sáttir í ljósi heilmargra við-
burða sem fram fóru annars stað-
ar sama dag. „Þátttakendum fannst
reyndar fólk staldra lengur við á
básum en síðast sem er vel. Hvað
okkur rótarýmenn snertir þá erum
við mjög sáttir við daginn og von-
um að hann hafi skilað hvatn-
ingu og jákvæðni í garð atvinnu-
lífsins á svæðinu. Við vonumst síð-
an til að þessi viðburður örvi frum-
kvæði einstaklinga til aukinnar ný-
sköpunar í atvinnulífi Vesturlands,“
sagði Kristján sem vildi þakka öll-
um gestum fyrir komuna og þátt-
takendum fyrir þátttökuna.
hlh
Hér eru þau Ása Harðardóttir sem kynnti starfsemi gistiheimilisins Borgarnes Bed
and Breakfast, Helga Björk Bjarnadóttir og Inga Dóra Halldórsdóttir hjá Símennt-
unarmiðstöð Vesturlands og Haraldur Örn Reynisson hjá KPMG í Borgarnesi. Öll
stóðu þau vaktina á sínum kynningarbásum.
Atvinnusýning Rótarýklúbbs Borgarness
haldin í annað skipti
Haraldur Örn Reynisson flytur erindi í málstofunni. Með honum á myndinni
eru rótarýmennirnir Magnús Þorgrímsson, Kristján Rafn Sigurðsson forseti
Rótarýklúbbs Borgarness og Lárus Ársælsson forseti Rótarýklúbbs Akraness.
Málstofugestir hlýða á erindi af athygli.
Karl Ingi Torfason kynnti starfsemi
Eðalfisks.
Rótarýmennirnir Guðmundur Brynjúlfsson og Haukur Valsson buðu gesti
velkomna og afhentu bæklinga. Hér eru þeir nýbúnir að afhenda Guðbjarti
Hannessyni alþingismanni bækling.
Bræðurnir Bjarni og Svanur Steinarssynir tóku þátt í sýningunni. Bjarni kynnti málningarþjónustu sína og skiltagerð og
Svanur starfsemi Framköllunarþjónustunnar. Börn Bjarna voru föður sínum einnig innan handar, þau Logi, Ásrún og Eyrún.
Elín Elísabet Einarsdóttir, klædd þjóð-
búningi, sá um að kynna starfsemi
ferðaþjónustunnar í Ensku húsunum
við Langárósa á Mýrum.
Þorsteinn Guðmundur Erlendsson
hjá Geirabakarí býður Ullu Pedersen
að smakka heilkorna rúgbrauð úr
bakaríinu.
Páll S. Brynjarsson sveitarstjóri Borgarbyggðar lét sig ekki vanta. Hér er hann
ásamt Kristjáni Guðmundssyni verkefnisstjóra hjá Markaðsstofu Vesturlands við
kynningarbás stofunnar.
Guðsteinn Einarsson kaupfélagsstjóri og Óli Jón Gunnarsson framkvæmdastjóri
Loftorku ræða málin við Hauk Júlíusson frá Jörva á Hvanneyri.
Þær Sigurlaug Þorsteinsdóttir og
Guðdís Jónsdóttir sáu um að kynna
Landbúnaðarháskóla Íslands.
Pálmi Þór Sævarsson og Gísli Karel
Halldórsson hjá Verkís verkfræðistofu.