Skessuhorn - 26.02.2014, Blaðsíða 21
21MIÐVIKUDAGUR 26. FEBRÚAR 2014
Þegar vika verður liðin af mars-
mánuði, nánar til tekið dagana 6.-
8. mars, verður haldin stór fram-
haldsskólakynning í Kórnum í
Kópavogi. Þar munu tæplega 30
framhaldsskólar og menntastofn-
anir kynna námsframboð sitt, bæði
verklegt og bóklegt. Starfsfólk skól-
anna og nemendur veita svör við
spurningum um námsframboð og
inntökuskilyrði. Grunnskólanem-
endur, foreldrar, forráðamenn og
allir sem eru að velta fyrir sér námi
á þessu skólastigi eru hvattir til að
nýta sér þetta tækifæri til að kynna
sér fjölbreytt námsframboð,” segir
í tilkynningu.
Á sama tíma fer fram Íslandsmót
iðn- og verkgreina og er keppnin sú
stærsta til þessa. Íslandsmótinu er
fyrst og fremst ætlað að kynna iðn-
og verkgreinar fyrir ungu fólki og
vekja athygli á þeim tækifærum sem
felast í námi og störfum í iðngrein-
um. Keppt verður í 23 greinum og
því margt að skoða. Auk keppn-
innar verða sýningar á margvísleg-
um iðn- og verkgreinum og einn-
ig atriði á sviði. Grunnskólanem-
endur verða boðnir sérstaklega vel-
komnir og þeim og öðrum gestum
gefinn kostur á að prófa ýmislegt
spennandi undir handleiðslu fag-
fólks. Ratleikur verður um svæð-
ið og verða verðlaun fyrir rétt svör
dregin út í lok hvers dags.
Félag náms- og starfsráðgjafa
verður með kynningarbása á svæð-
inu og munu svara fyrirspurnum
um val á námsleiðum, veita upp-
lýsingar um áhugasviðskannan-
ir og fleira. Opið er fyrir almenn-
ing alla daga og er aðgangur ókeyp-
is. Sjá dagskrá á menntagatt.is og á
Facebooksíðu Verkiðn.
mm
Á næstu dögum ættu nemendur af
yngsta stigi Grundaskóla á Akranesi
að sjást vel í umferðinni. „Okkur
finnst nauðsynlegt að börn á skóla-
aldri noti endurskinsvesti og ákváð-
um því að gefa öllum á yngsta stigi
slík vesti. Með því vildum við gera
þau sýnilegri í umferðinni og auka
öryggi þeirra til muna. Við viljum
að nemendur noti vestin þegar þeir
eru að koma og fara í skólann, fara
á milli vina eða húsa eftir skóla eða
við önnur tækifæri,“ segir í frétt á
vef skólans. Foreldrar eru hvattir
til að minna börnin á að nota vest-
in. Þess má einnig geta að það hef-
ur færst í vöxt að fullorðnir noti
vesti af þessu tagi á ferð um bæinn í
skammdeginu.
mm
Aðstandendur Hugheima, frum-
kvöðla- og nýsköpunarseturs
Vesturlands, nýttu tækifærið og
undirrituðu samstarfssamning um
stofnun setursins á atvinnusýn-
ingu Rótarýklúbbs Borgarness í
Hjálmakletti á laugardaginn. Að
Hugheimum standa samtals ell-
efu fyrirtæki eða stofnanir en setr-
ið verður til húsa í stjórnsýsluhús-
inu að Bjarnarbraut 8 í Borgar-
nesi. Stefnt er að Hugheimar taki
til starfa í næsta mánuði en mark-
miðið með stofnun setursins er
að skapa drífandi umhverfi fyrir
framþróun hugmynda og örvun
nýsköpunar á Vesturlandi.
Það voru þau Páll S. Brynjars-
son sveitarstjóri Borgarbyggð-
ar, Haraldur Örn Reynisson verk-
efnastjóri hjá KPMG, Hrefna B.
Jónsdóttir framkvæmdastjóri SSV,
Inga Dóra Halldórsdóttir fram-
kvæmdastjóri Símenntunarmið-
stöðvar Vesturlands, Guðsteinn
Einarsson kaupfélagsstjóri Kaup-
félags Borgfirðinga, Vilhjálmur
Egilsson rektor Háskólans á Bif-
röst, Gísli Karel Halldórsson úti-
bússtjóri Verkís á Vesturlandi og
Bernhard Þór Bernhardsson úti-
bússtjóri Arion banka í Borgarnesi
sem undirrituðu samninginn. Auk
þeirra standa Landbúnaðarháskóli
Íslands, Nepal hugbúnaður og
samtökin Vitbrigði Vesturlands að
Hugheimum.
hlh/ Ljósm. Þórir Páll
Guðjónsson.
Á fundi menningar- og ferðamála-
nefndar Dalabyggðar fyrir skömmu
var ákveðið að bæjarhátíðin Heim
í Búðardal yrði haldin helgina 11.-
13. júlí nk. Seinka þurfti hátíðinni
eilítið til að kraftakeppnin Vest-
fjarðavíkingurinn gæti orðið hluti
af dagskránni. Í tilkynningu frá
menningar- og ferðamálanefnd
segir að dagskrá bæjarhátíðarinnar
verði í samræmi við áhuga íbúa og
þeirra þátttöku. Allar hugmyndir
séu vel þegnar. Á síðustu bæjarhá-
tíð var m.a. á dagskrá listasmiðja
fyrir börn, blindrabolti, kjötsúpa,
kvöldvökur, Vestfjarðavíkingur-
inn, markaður, lambakjötskynning,
fornbíla- og dráttarvélasýning, ljós-
myndasýning, tónlistaratriði, nytja-
markaður, kassabílarallý og dans-
leikur. „Bæjarhátíð sem þessi bygg-
ist á að félagasamtök, fyrirtæki eða
einstaklingar taki einstök verkefni í
fóstur og fylgi þeim eftir. Ekki eru
aðrar greiðslur í boði fyrir þátttöku
en bros frá gestum og eigin gleði,“
segir einnig í tilkynningunni. Jón
Egill Jóhannsson formaður nefnd-
arinnar hefur tekið að sér að halda
utan um skipulag og undirbúning
hátíðarinnar í samvinnu við aðra
áhugasama. þá
Hressir krakkar af yngsta stigi í nýju vestunum.
Grundaskóli gefur nem
endum endurskinsvesti
Vestfjarðarvíkingurinn verður meðal
dagskrárliða á Heim í Búðardal. Ljósm.
bae.
Sumarhátíðin Heim í
Búðardal næsta sumar
Framhaldsskólakynning og
Íslandsmót iðn og verkgreina
Hér er keppt í hárgreiðslu.
Keppt í smíðum.
Skrifað undir samning um
stofnun Hugheima
Víkurhvarf 5
Verð kr. 9.900 stk.
S
K
E
S
S
U
H
O
R
N
2
01
4