Skessuhorn - 05.03.2014, Blaðsíða 16
16 MIÐVIKUDAGUR 5. MARS 2014
Háskóladagurinn var haldinn hátíð-
legur síðastliðinn laugardag í blíð-
skaparveðri í Reykjavík. Landbún-
aðarháskóli Íslands var með kynn-
ingu í HÍ auk þess að kynna starf-
semina í Hörpunni sama dag. Há-
skólinn á Bifröst kynnti námsfram-
boð sitt ásamt HR í Nauthólsvík.
Mikill mannfjöldi kom og heilsaði
uppá glaða og hressa nemendur frá
Háskólanum á Bifröst ásamt kenn-
urum og öðru starfsfólki skólans.
Mátti að sögn Bifrestinga merkja
mikinn áhuga á Háskólanum á Bif-
röst og því námi og kennsluaðferð-
um sem í boði eru. Þá voru einnig
fulltrúar frá leikskólanum Hraun-
borg og grunnskólanum á Varma-
landi á staðnum til að svara spurn-
ingum.
Á staðnum var einnig lukku-
hjól, eins og sjá má á meðfylgjandi
mynd. Vakti það mikla athygli og
mun einn heppinn þátttakandi fá
í verðlaun miða á tónleika Justin
Timberlake.
mm
„Umboðsmaður barna og Heim-
ili og skóli hafa verulegar áhyggjur
af nemendum í framhaldsskólum
vegna fyrirhugaðs verkfalls fram-
haldsskólakennara sem boðað hefur
verið til þann 17. mars. næstkom-
andi,“ segir í tilkynningu. „Brott-
fall nemenda úr framhaldsskólum
hefur verið mikið áhyggjuefni hér
á landi og er hætt við að langvar-
andi verkfall verði til þess að fleiri
nemendur hætti í skóla og ljúki ekki
framhaldsnámi.“
Fyrrgreindir aðilar vilja koma
eftirfarandi skilaboðum á framfæri:
„Framhaldsskólanemendur eru
hvattir til að missa ekki móðinn
og stunda nám af fullum krafti þó
hætta sé á verkfalli. Óvíst er hvort
til verkfalls komi og þá hvaða áhrif
það mun hafa á skólastarf. Mikil-
vægt er að huga sérstaklega að vel-
ferð og menntun nemenda í fram-
haldsskólum. Kennarar og ann-
að starfsfólk framhaldskóla er því
hvatt til að undirbúa nemendur
eins vel og hægt er fyrir hugsanlegt
verkfall og gera allt sem í þeirra
valdi stendur til að stuðla að því að
nemendur flosni ekki upp úr námi.
Foreldrar bera ábyrgð á velferð
barna sinna og eiga að stuðla að því
að þau fái menntun við hæfi. For-
eldrar eru því hvattir til að halda vel
utan um börn og ungmenni í fram-
haldsskólum ef til verkfalls kem-
ur og veita þeim þá aðstoð sem þau
þurfa. Börn og ungmenni eiga rétt
á framhaldsmenntun í faglegu um-
hverfi þar sem stuðlað er að alhliða
þroska hver og eins. Það skiptir
sköpum fyrir starf framhaldsskóla
að hægt sé að ráða hæfa kennara og
borga þeim viðunandi laun miðað
við menntun og reynslu. Hvetjum
við því samningsaðila til að semja
um kjör sem fyrst, svo verkfall bitni
ekki á hagsmunum og menntun
nemenda.“
mm
Undanfarnar vikur hafa nokkrir
landeigendur stigið fram og kynnt
áætlanir sínar um að hefja gjald-
töku við nokkrar af náttúruperl-
um landsins. „Slík vinnubrögð eru
með öllu óásættanleg og fordæm-
ir stjórn Samtaka ferðaþjónustunn-
ar (SAF) þá leið sem þarna er far-
in,“ segir í tilkynningu frá samtök-
unum. „Samtök ferðaþjónstunnar
hafa ávallt lagt áherslu á að við út-
færslu á gjaldtöku sé horft til heild-
arhagsmuna ferðaþjónustunn-
ar, hvort heldur verið er að meta
möguleika til gjaldtöku eða við út-
færslu á uppbyggingu ferðamanna-
staða. Þá verður líka að tryggja
að þær tekjur sem af gjaldtökunni
verða skili sér örugglega að fullu
til áframhaldandi uppbygging-
ar ferðamannastaða víðs vegar um
landið.“
Nú liggur fyrir að ráðherra
ferðamála muni um mánaðamót-
in kynna útfærslur að heildstæðri
lausn hvað varðar fjármögnun til
uppbyggingar ferðamannastaða.
Telur SAF mikilvægt að horft sé til
slíkra heildarlausna frekar en far-
ið verði af stað með staðbundn-
ar lausnir. Þannig eru heildarhags-
munir einnar stærstu og mest vax-
Um 75% þeirra sem skráðir voru
hjá Vinnumálastofnun í atvinnu-
leit á árunum 2009–2013 voru í
vinnu eða námi haustið 2013 sam-
kvæmt niðurstöðum könnunar sem
Vinnumálastofnun lét gera á að-
stæðum þessa hóps. Markmið-
ið var að kanna stöðu hópsins og
einnig viðhorf einstaklinga innan
hans til mismunandi vinnumark-
aðsúrræða. Þýði könnunarinnar
voru um 24.000 einstaklingar sem
skráðir voru í atvinnuleit á fyrr-
nefndu árabili en úrtakið var um
3.500 einstaklingar. Svarhlutfall
var tæp 60%. Vinnumarkaðsúrræði
sem könnuð voru sérstaklega voru:
Vinnandi vegur, Nám er vinnandi
vegur, Liðsstyrkur, ÞOR þekking
og reynsla og Ungt fólk til athafna.
Stærstur hluti svarenda var í
vinnu þegar könnunin var gerð eða
63,5% en þar af voru 1,5% í fæð-
ingarorlofi. Því til viðbótar voru
tæplega 5% í vinnu samhliða námi
og 8% voru í námi. Samtals voru
því 75,5% í vinnu og/eða námi. Ef
þessi niðurstaða er umreiknuð á
þýðið má áætla að tæplega 18.100
af 24.000 einstaklingum sem í hlut
áttu hafi verið í vinnu og/eða námi
haustið 2013. Samkvæmt könnun-
inni má ætla að um 2.100 einstak-
lingar af heildinni hafi hætt þátt-
töku á vinnumarkaði á tímabilinu
vegna aldurs, örorku eða langtíma-
veikinda. Um 200 einstaklingar
voru í fæðingarorlofi.
Niðurstöður könnunarinnar sýna
að um 15% þátttakenda eru hvorki
virk á vinnumarkaði né í námi án
þess að fyrir því séu tilgreindar
ástæður. Nánari skoðun á aðstæð-
um þessa hóps sýndi að karlar eru
þar fleiri en konur, einstaklingar af
erlendum uppruna eru þar fleiri en
Íslendingar og flestir í þessum hópi
eru 45 ára og eldri. Ósérhæft starfs-
fólk er áberandi í þessum hópi og
fólk sem áður var í störfum sem
kröfðust ýmis konar tæknikunn-
áttu. Niðurstöðurnar benda einnig
til þess að hlutfallslega fleiri í þess-
um hópi búi í leiguhúsnæði, í for-
eldrahúsum eða séu húsnæðislaus-
ir borið saman við fólk í hinum
hópunum. „Velferðarráðuneytið
og Vinnumálastofnun munu skoða
hvaða leiðir eru færar til að koma til
móts við þennan hóp sem hvorki er
virkur á vinnumarkaði né í námi,“
segir að endingu í tilkynningu um
könnunina frá Vinnumálastofnun.
mm
Þrír af fjórum sem voru án atvinnu
eftir hrun eru nú í vinnu
Líf og fjör á háskóladegi
Lýsa áhyggjum vegna
yfirvofandi verkfalls
framhaldsskólakennara
Grjótagjá.
Segja vegið að framtíð ferðaþjónustunnar
andi atvinnugreinar landsins best
tryggðir. Þá vilja SAF ítreka enn og
aftur mikilvægi þess að allar kröfur
um gjaldtöku þurfa að liggja fyrir
með góðum fyrirvara þar sem sala
til erlendra ferðaheildsala á sér stað
langt fram í tímann. Tímabund-
inn vanda væri t.a.m. hægt að leysa
með valkvæðum greiðslum ferða-
manna. Ferðaþjónustunni er mik-
ið mun að standa við gerða samn-
inga. Eitt stærsta ferðamannasum-
ar sögunnar er handan hornsins og
því skiptir öllu máli að aðilar innan
greinarinnar sæki á miðin í sátt og
samlyndi,“ segir í tilkynningu frá
SAF. mm
Víti í Þingeyjarsýslu. Eigendur Reykjahlíðar eru í hópi þeirra sem hyggjast hefja gjaldtöku.