Skessuhorn - 12.03.2014, Blaðsíða 36
36 MIÐVIKUDAGUR 12. MARS 2014
www.skessuhorn.is
Á þriðja þúsund síður af efni á ári – um 160.000 fréttir, tilkynningar, greinar og annað efni af Vesturlandi
Þetta allt færðu í Skessuhorni – hvergi annars staðar
Ertu nokkuð að missa af? Ertu áskrifandi?
Áskriftarsíminn er 433-5500 og á heimasiðunni: www.skessuhorn.is
Í tilefni af Alþjóðlegum baráttudegi
kvenna, þann 8. mars síðastliðinn,
fannst mér ekki annað hægt en að
vekja athygli á misrétti kvenna og
karla í körfuboltaheiminum á Ís-
landi í dag. Til eru endalaus dæmi.
Ég ætla einungis að nefna örfá en
ég veit varla hvar ég á að byrja.
Þegar ég var 17 ára var ekkert
A-landslið kvenna starfandi. Ekki
heldur þegar ég var 18 ára. Eft-
ir síðasta leik minn á mínu síðasta
Norðurlandamóti yngri landsliða
þurfti ég að spyrja mig að því hvert
ég stefndi. Ég sá ekki næsta skref.
Ég þurfti að leita eftir fyrirmynd-
unum mínum á meðan besti vinur
minn horfði á fyrirmyndirnar sín-
ar í A-landsliði karla með stjörnur
í augunum, því það var þangað sem
hann stefndi.
Þann 15. janúar 2011 fór ég á fyr-
irlestur fyrir öll yngri stúlknalands-
lið í Ásgarði. Þar voru mjög áhuga-
verðir fyrirlestrar varðandi afreks-
starf. Á þessum fundi varpaði ég
fram spurningu varðandi U-20 ára
landslið karla sem senda átti á Evr-
ópumót um sumarið, og af hverju
það væri ekkert U-20 ára landslið
stúlkna. Svarið sem ég fékk var það
að einhvers staðar þyrfti að byrja.
Árið 2013 var svo U-22 ára landslið
karla kallað saman, en aldrei heyrð-
ist neitt af stúlknalandsliðum í þess-
um aldursflokkum, hvorki U-20 ára
né U-22 ára.
Stjörnuleikir karla og kvenna
hafa alltaf verið skemmtilegir við-
burðir í íslenskum körfubolta.
Þetta voru leikir sem sýndir voru
í beinni útsendingu á laugardög-
um og fullkomið tilefni fyrir popp,
kók og körfuboltagláp. Stjörnuleik-
ur kvenna var lagður niður í tvö ár,
2011 og 2012. Í janúar 2013 var
hins vegar svakaleg endurkoma á
stjörnuleik kvenna. Leikurinn var
auglýstur og haldinn á miðvikudegi
í Keflavík(!) á meðan karlaleikur-
inn var haldinn á laugardegi í Ás-
garði. Þetta hlaut að vera eitthvað
grín. Þvílík vanvirðing við íslenska
kvennakörfu.
Umfjöllun um körfubolta al-
mennt hefur ekki verið upp á marga
fiska síðastliðin ár í sjónvarpi, og
hvað þá umfjöllun um kvenna-
körfubolta. Það er ekki langt síð-
an RÚV fór að segja frá úrslitum í
körfuboltaleikjum kvöldsins í frétt-
unum og ennþá í dag er það ekki
alltaf gert.
Íslenski boltinn hóf göngu sína
á RÚV árið 2011 þar sem fjallað
var aðallega um handbolta, körfu-
boltinn fékk smá part og körfu-
bolti kvenna fékk nokkrar mínút-
ur. 8. október 2013 var mikill gleði-
dagur fyrir áhugafólk um íslenskan
(karla)körfubolta því þá var gerður
samstarfssamningur á milli KKÍ og
Stöðvar 2 Sport um að sýna frá ís-
lenskum körfuknattleik í sjónvarpi.
Stöðin hafði greinilega engan áhuga
á að sýna leiki í beinni útsendingu í
Dominos deild kvenna en 10 leikir
voru á dagskrá í beinni útsendingu
frá Dominos deild karla!
Fyrir utan misrétti í dómara-
málum kvenna og karla í körfu-
bolta sem er mjög greinilegt mis-
rétti í landsliðsmálum og í umfjöll-
un um kvennakörfubolta í sjónvarpi
er umgjörð kvennaleikja það sem
mér finnst allra sorglegast. Oftar en
ekki líður mér eins og ég sé kom-
in á minniboltamót en ekki að spila
leik í efstu deild kvenna. Ég veit að
taka átti m.a. á þessum þáttum eftir
síðasta leiktímabil, þ.e. að hafa um-
gjörðina eins á kvennaleikjum og
karlaleikjum liða. Því miður sé ég
enga breytingu þar á.
Það er einungis á heimaleikj-
um í Stykkishólmi sem mér finnst
eitthvað vera í gangi. Snæfelling-
ar eru að gera virkilega góða hluti
að mínu mati í jafnréttismálum í
körfunni enda er árið 2014 komið
í Hólminn.
Á hverjum einasta leik bæði hjá
konum og körlum, í deildinni sem
og í úrslitakeppninni, er kynning
á öllum leikmönnum beggja liða,
ásamt dómurum. Þar er leikskrá
þar sem nöfn leikmanna koma fram
og þar er einnig dagskrá yfir næstu
leiki. Þar er tónlist og stemning.
Og þar er alveg sama hvort þú sért
með typpi eða píku.
Ég skora á þig að líta á þitt eigið
íþróttafélag með gagnrýnum aug-
um. Ég skora á þig að sýna í verki
að þú viljir það sama fyrir dóttur
þína og son þinn í íslenskum körfu-
bolta. Hafðu áhrif og breyttu ein-
hverju í kringum þig. Ég veit innst
inni að 2014 er ekki bara komið í
Stykkishólm.
Áfram stelpur - og áfram körfu-
bolti!
Berglind Gunnarsdóttir
Könnun hefur verið gerð með-
al landsmanna þar sem spurt var
hvar svarendur vildu helst búa.
Niðurstaðan var að flestir vildu
búa á höfuðborgarsvæðinu. Þar
á eftir nefndu svarendur Reykja-
nesbæ. Ekki var af svörum séð að
hið ágæta Akranes þætti vænleg-
ur valkostur. Þessi niðurstaða hlýt-
ur að vekja spurningar hjá Akur-
nesingum. Svipuð vegalengd er frá
Keflavík og Akranesi til Reykja-
víkur. Augljós aukakostnaður er að
búa á Akranesi miðað við að búa í
Keflavík. Skattheimta Akurnesinga
í Hvalfjarðargöng er kostnaður sem
nemur tugum þúsunda á ári. Þessa
tugi þúsunda sækir Spölur í vasa
Akurnesinga sem stunda atvinnu,
skóla, eða eiga oft erindi til Reykja-
víkur. Þeir sem tóku þátt í könnun-
inni hafa væntanlega gert sér ljóst
að verulegur kostnaður er fólginn
í þeim fjármunum sem Spölur ehf.
reitir af Akurnesingum. Ætla má að
tollur Spalar ehf. í Hvalfjarðargöng
hafi neikvæð áhrif á fasteignaverð á
Akranesi.
Suðurnesjamenn hrundu með
eftirminnilegum hætti af höndum
sér gjaldtöku á Keflavíkurveginum
á áttunda áratugnum og njóta þess
í dag að vera ekki í viðjum vegtolla.
Þeir sem eru með búsetu í nálægð
Hvalfjarðarganga hafa verið krafð-
ir um verulegar fjárhæðir og greitt
mest allra í Spalartollinn í gegnum
árin. Akurnesingar voru farnir að
telja niður og láta sig hlakka til að
losna úr viðjum vegtolla Spalar ehf.
árið 2018. Stjórnarformaður Spal-
ar, Gísli Gíslason, hefur nú vænt-
anlega slegið á væntingar Akurnes-
inga, þegar hann ítrekað hefur lát-
ið þess getið í fjölmiðlum að nú fari
að verða nauðsyn þess að tvöfalda
Hvalfjarðargöng, því þau væru að
því komin að anna ekki umferðinni.
Forsvarsmenn Hvalfjarðarganga/
Spalar, hafa á síðustu árum af og
til komið fram í fjölmiðlum og tal-
að um nauðsyn á tvöföldun Hval-
fjarðarganga og samtímis birt áróð-
ursmyndir sem teknar eru á mestu
ferðamannahelgum miðsumars, þar
sem sjá má langar bílalestir á þjóð-
veginum við vegtollsskýlið. Ef toll-
heimta Spalar væri ekki þar til traf-
ala, mynduðust ekki umferðartepp-
ur. Umferðarteppur myndast að-
eins þar sem Spölur ehf. er að reita
tollinn af landsmönnum. Þjóðveg-
ir landsins eru flestir það sem kall-
að er einn+einn vegur. Í gegnum
Hvalfjarðargöng er einn+einn veg-
ur.
Formaður Spalar ehf. boðar að
verði af tvöföldun Hvalfjarðar-
ganga á vegum þess félags, verði
væntanlega áframhald á tollheimtu
í göngin. Þar með segir að íbú-
ar Akraness sem og aðrir sem eru
á miðjum aldri nú, geta ekki vænst
þess að lifa það, að geta ekið þessi
einu jarðgöng á Íslandi án vegtolls.
Spölur ehf. þarf sitt. Spölur
óttast að mjólkurkýrin sé að verða
geld. Spölur óttast árið 2018.
Eðvarð L. Árnason.
Ellefu fyrirtæki, stofnanir og sam-
tök hafa myndað samstarfshóp
um varnir gegn vatnstjóni. „Gríð-
arlegt eignatjón, mikil óþæg-
indi og jafnvel heilsutjón verður
vegna vatns-
leka, raka
og myglu
á íslensk-
um heimil-
um ár hvert.
Trygg inga-
félögin bæta
hluta tjóns-
ins en veru-
legar fjár-
hæðir lenda á
heimilunum.
S a m s t a r f s -
hópurinn tel-
ur að mjög
megi draga
úr þessu tjóni
með fræðslu
til almenn-
ings og auk-
inni þekk-
ingu og fagmennsku iðnaðar-
manna,“ segir í tilkynningu.
Hópurinn bendir á ýmsar leið-
ir til að draga úr vatnstjóni. Með-
al annars:
Að láta löggilta fagmenn ávallt
annast pípulagnir og frágang í
votrýmum (eldhús, bað, þvotta-
hús), svo sem múrverk, flísalögn
og dúklögn. Reynslan sýnir að
ófagleg vinnubrögð eða fúsk getur
orðið fólki afar dýrkeypt. Einnig
þarf að hafa fagmenn með í ráðum
um val á tækjum og efnum.
Að auka þekkingu og fag-
mennsku iðnaðarmanna sem koma
að frágangi í votrýmum með því
að gefa þeim
kost á fram-
haldsmennt-
un.
Að fólk
sinni um-
hirðu og eft-
irliti með
lögnum og
tækjum og
bregðist við
til að draga
úr líkum á
v a t n s t j ó n i
eða koma í
veg fyrir það.
Að fólk
kunni að
b r e g ð a s t
rétt við þeg-
ar vatns-
leki verður.
Þannig má koma í veg fyrir tjón
eða draga úr því.
Að samstarfshópnum standa
Félag dúklagninga- og vegg-
fóðrarameistara, Félag pípulagn-
ingameistara, IÐAN fræðaset-
ur, Mannvirkjastofnun, Múrara-
meistarafélag Reykjavíkur, Ný-
sköpunarmiðstöð Íslands, Samtök
um loftgæði auk tryggingafélag-
anna Sjóvá, TM, VÍS og Vörður.
mm
Pennagrein
Hvalfjarðargöng
Samstarf um varnir
gegn vatnstjóni á
heimilum
Pennagrein
„Einhvers staðar verður að byrja“