Skessuhorn - 19.03.2014, Blaðsíða 11

11MIÐVIKUDAGUR 19. MARS 2014

























 
Reykjavík
Grundartangi
Akranes
Borganes
Útboð
Faxa óahafnir sf. óska eftir tilboðum í verkið:
Klafastaðaland Grundartanga
Lóðir og gatnagerð
3. áfangi 2014
Verkið felst í gera lóð tilbúna til bygginga og tilheyrandi
gatnagerð við lóðina. Fjarlægja skal óburðarhæfan
jarðveg, sprengja klöpp og fylla í svæði. Einnig skal
leggja lagnir og malbika götuna.
Helstu magntölur:
Gröftur 13.100 m3
Fylling 6.100 m³
Fráveitulagnir 150 m
Malbikun 300 m2
Verklok eru 15. júní 2014.
Útboðsgögn verða seld á skrifstofu Mannvits að
Grensásvegi 1, 108 Reykjavík og Garðabraut 2A, 300
Akranesi frá og með þriðjudeginum 18. mars á 5.000 kr
hvert eintak.
Tilboð verða opnuð á skrifstofu Faxa óahafna,
Hafnarhúsinu, Tryggvagötu 17, 101 Reykjavík,
þriðjudaginn, 1. apríl 2014 kl. 11:00
Sumarafleysingar á svínabúi
Óskum eftir starfsmanni í sumarafleysingastarf á svínabúið á
Hýrumel í Hálsasveit á tímabilinu 1. maí til 31. júlí.
Um er að ræða störf við almenna umhirðu dýra, þrif o.fl. Kostur ef
viðkomandi getur sinnt léttu viðhaldi.
Í boði er húsnæði á staðnum. Upplýsingar í síma 895 8844.
Um síðustu mánaðamót var opnuð
í Stykkishólmi upplýsingamiðstöð
fyrir ferðamenn á nýjum stað í bæn-
um. Núna er hún staðsett í íþrótta-
miðstöðinni, í svokölluðu glerher-
bergi til hliðar við afgreiðsluna. Til
svara og þjónustu reiðibúin á upp-
lýsingamiðstöðinni er nýr upplýs-
inga- og markaðsfulltrúi Stykkis-
hólmsbæjar, Bjarney Inga Sigurð-
ardóttir. Hún er ein af tengdadætr-
um staðarins og þekkir þar ágæt-
lega til þótt hún hafi mestan sinn
aldur alið í 101 í Reykjavík. „Það
voru einmitt einhverjir sem hentu
gaman af því að ég væri að fara í
þetta starf hér, þar sem þetta svæði
í borginni sé aðallega kennt við
lattelepjandi listafólk og bóhema.
Ég hló nú bara og benti þessu gam-
ansama fólki á að ég drykki nú ekki
einu sinni kaffi,“ sagði Bjarney og
hló þegar blaðamaður Skessuhorns
hitti hana í svolitlu spjalli í lok síð-
ustu viku.
Vel staðsett við
sundlaugina
Breytingar voru gerðar varðandi
ferða- og upplýsingamálin í Stykk-
ishólmi í vetur þegar ákveðið var
að færa upplýsingamiðstöðina úr
golfskálanum, þar sem hún hefur
verið til húsa í nokkur ár. Jafnframt
var ákveðið að Efling, félag fyrir-
tækja og aðila í atvinnulífi bæjar-
ins, ásamt Stykkishólmsbæ myndu
starfrækja upplýsingamiðstöðina
í sameiningu. Í fyrstu verður hún
opin frá klukkan níu á morgnana til
fimm síðdegis virka daga. Með vor-
inu verður opnunartímanum vænt-
anlega breytt eitthvað. Bjarney
Inga telur að upplýsingamiðstöðin
sé mjög vel staðsett í íþróttamið-
stöðinni. „Sundlaugin hérna hefur
einmitt verið hvað helsta aðdrátt-
araflið fyrir ferðamanninn. Þess
vegna held ég að þetta fari ágætlega
saman. Fyrir mig persónulega, þá
er gott og frískandi að hafa svona
mikið líf í kring eins og hér er. Það
er líka mjög þægilegt og gott að
taka smá sundsprett á morgnana
áður en ég byrja að vinna.“
Djamm og partí var
ekki í boði
Bjarney Inga lauk mastersnámi í
fornleifafræði frá Háskóla Íslands
í júnímánuði í fyrra. Hún segist
síðan hafa leitað að vinnu, en litl-
ar fjárveitingar væru til fornleifa-
rannsókna þessi misserin. „Ég held
Spennandi að kynnast betur
svæðinu og fólkinu
Spjallað við nýjan upplýsinga- og markaðsfulltrúa í Stykkishólmi
það fari ágætlega saman ferða-
málin og áhugi minn á forleifa-
fræði og sögunni sem er hér við
hvert fótmál. Ég þekki þó nokkuð
til hérna á svæðinu og hlakka til að
kynnast því og fólki hér enn bet-
ur. Núna undanfarið hef ég heim-
sótt þau fyrirtæki hérna í Hólmin-
um sem tengjast ferðamennskunni
og kynnt mér starfsemi þeirra.
Við erum líka í góðu samstarfi
við Markaðsstofu Vesturlands og
verðum í samstarfi við aðrar upp-
lýsingaveitur hérna á Snæfells-
nesi og í nágrenni. Við erum hluti
af Breiðafjarðarfléttunni svoköll-
uðu sem núna er reyndar farið að
kalla Breiðafjarðarfaðminn,“ segir
Bjarney Inga. Hún segist fyrst hafa
komið í Stykkishólm um versl-
unarmannahelgina 2002. „Vinur
minn hérna sagði að þetta yrði að-
alstaðurinn. Þá var haldið hér ung-
lingalandsmót að mig minnir eða
eitthvað svoleiðis. Ég ætlaði á ball
hérna og bjóst við partíi og djammi.
Það var náttúrlega ekkert svoleiðis
í boði en þarna hitti ég strák sem
ég varð ákaflega skotin í, Hrafnkell
Thorlacius heitir hann. Það hittist
svo vel á að hann var í skóla í bæn-
um og síðan höfum við verið sam-
an. Við giftum okkur árið 2008 og
eigum saman tvö börn, Brynju 4
ára og Egil 2 ára. Við bjuggum í lít-
illi íbúð í Reykjavík og töldum okk-
ur ekki ráða við að kaupa stærra.“
Líst vel á starf og bú-
setu í Hólminum
Bjarney segir að það hafi verið í
myndinni hjá þeim Hrafnkeli að
flytja til Stykkishólms eða til út-
landa. „Það hentaði ágætlega að
koma hingað fyrst að þetta starf
bauðst. Fjölskyldan hans er hér,
meira að segja bæði settin af öfum
og ömmum. Starfið mitt er til-
raunaverkefni til eins árs en mér
sýnist að þetta sé sett þannig upp
að það sé framtíð í þessu. Mér líst
vel á bæði starfið og framtíðarbú-
setu fyrir fjölskylduna. Hrafnkell er
bifvélavirki og hann sagði starfinu
upp hjá Hekluumboðin í Reykja-
vík. Hann átti svolítið eftir af fæð-
ingarorlofinu sem hann nýtir með-
an hann finnur sér vinnu hérna.
Við höfum góða von um að eignast
hér mun rýmra og betra núsnæði
en við höfðum fyrir sunnan,“ sagði
Bjarney Inga að endingu.
þá
Nýr upplýsinga- og markaðsfulltrúi Stykkishólmsbæjar, Bjarney Inga Sigurðardóttir, í upplýsingamiðstöðinni sem er í
íþróttamiðstöðinni.