Skessuhorn - 19.03.2014, Blaðsíða 13

Ókeypis heimsendingaþjónusta!
Opið alla daga ársins
Smiðjuvellir 32 - 300 Akranes - Sími 431 5090 - Fax 431 5091 - www.apvest.is
Óskum öllum fermin
garbörnum
á Vesturlandi til ham
ingju
með merkan áfanga
Mikið úrval af ilmvörum fyrir stelpur og stráka! Afgre
iðslu
tíma
r:
Virka
daga
9
–18
Laug
ardag
a 10
–14
Sunn
udag
a 12
–14
Hér á landi hefur tíðkast lengi sá siður að
láta ferma ungmenni. Eftir siðaskiptin á
sextándu öld féll ferming víðast hvar niður
meðal Lútherstrúarmanna þar sem þeir við-
urkenndu hana ekki sem sakramenti. Hún
hélst hins vegar við á Íslandi og var lög-
fest í danska ríkinu 1736 sem athöfn á und-
an fyrstu altarisgöngu, að undangenginni
fræðslu í kristnum fræðum. Altarisgangan
var því aðal málið.
Fyrir flesta Íslendinga þýðir ferming stað-
festing. Staðfesting á þeirri ákvörðun for-
eldra að láta skíra barnið og yfirlýsing við-
komandi að hann vilji gera Jesú Krist að
leiðtoga lífs síns. Miklar vangaveltur hafa af
og til blossað upp um hvort barn sé nógu
gamalt til að staðfesta skírn sína 14 ára, eða
hvort það sé of gamalt. Ekki skal lagður
dómur á það. Sumir prestar hafa þó farið þá
leið að spyrja ekki hinnar mikilvægu spurn-
ingar um hvort einstaklingurinn vilji leitast
við að gera Jesú Krist að leiðtoga lífs síns.
Spurningin sem stendur eftir er þá hvort um
eiginlega fermingu sé að ræða?
En fermingin er einnig annað og meira.
Hún hefur löngum táknað að viðkomandi
einstaklingur væri þar með kominn í full-
orðinna manna tölu. Það er ekki lítið stökk.
Á einum degi fer einstaklingur frá því að
vera barn til þess að verða fullorðinn. Áður
fyrr urðu mikil þáttaskil við þessa athöfn,
líklega meira en við þekkjum nú. Umbún-
aður í kringum ferminguna var einnig mis-
jafn milli heimila, þá eins og nú. Misjafnt
eftir efnahag, aðstæðum fólks og áherslum.
Þó virðist ætíð hafa verið reynt að gera dag-
inn eftirminnilegan fyrir fermingarbarn-
ið, hér á landi sem erlendis, þótt fólk byggi
við misjöfn kjör. Áður fyrr þótti jafnvel gott
ef bakaðar voru pönnukökur í tilefni dags-
ins. Það var kannski svo mikil nýbreytni að
fermingarbarnið mundi það alla ævi. Ekki
fengu heldur öll börn fermingargjafir. Efnin
hrukku ekki til þess en dagurinn og umgjörð
hans urðu þess í stað sú dýrmæta minning
sem eftir lifði í huga fermingarbarnsins.
Þetta skal rifjað upp til áminningar um að
veraldlegum gæðum hefur ekki alltaf verið
réttlátlega skipt og svo er ekki enn.
Vonandi eiga þó öll fermingarbörn eft-
ir að upplifa ánægjulegan dag þegar stóra
stundin rennur upp. Fjölskyldur koma sam-
an og gleðjast. Það er nefnilega svo að gleði,
öryggi og væntumþykja er það besta sem
hverju fermingarbarni er veitt.
Að þessu sinni eru fermingarbörnin sjálf
í forgrunni í Skessuhorni. Börnin eru spurð
um hvað hafi komið þeim mest á óvart í
fermingarfræðslunni, hvort þau hafi verið í
vafa um hvort þau ættu að fermast og hvort
þau taki þátt í undirbúningi fermingarveisl-
unnar. Fyrstu fermingar á Vesturlandi eru
um næstu helgi og þær síðustu þegar kom-
ið verður sumar.
Skessuhorn óskar öllum ungmennum til
hamingju með þann stóra áfanga sem fram-
undan er í lífi þeirra, með von um bjarta og
gæfuríka framtíð.
Staðfesting skírnarinnar í athöfn
Ferming