Skessuhorn - 19.03.2014, Blaðsíða 39
39MIÐVIKUDAGUR 19. MARS 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Sjötti og síðasti Flandrasprettur
vetrarins verður hlaupinn á götum
Borganess nk. fimmtudagskvöld 20.
mars og hefst að vanda við Íþrótta-
miðstöðina kl. 20. Hlaupahópur-
inn Flandri stendur fyrir sprettin-
um og að spretti loknum fá stiga-
hæstu einstaklingarnir í hverjum
aldursflokki afhent verðlaun fyrir
frammistöðu vetrarins. Í nokkrum
flokkum eru úrslitin þegar ráðin, en
í öðrum verður hart barist um sig-
urlaunin. Flandrasprettir eru 5 km
götuhlaup, sem haldin eru þriðja
fimmtudagskvöld í hverjum mánuði
frá október og fram í mars. Þátttak-
endur hafa verið á öllum aldri og á
mismunandi hraða, allt frá lands-
liðsfólki í hlaupum upp í miðaldra
Borgnesinga sem eru nýbúnir að
taka fram hlaupaskóna. Búast má
við góðri þátttöku í þessum síðasta
spretti vetrarins og allt eins líklegt
að í þeim hópi verði einhverjir af
bestu hlaupurum landsins.
Það sem af er vetri hafa 63 hlaup-
arar tekið þátt í Flandrasprettun-
um, en oftast hafa 20-30 manns
tekið þátt í hverju hlaupi. Flestir
voru þátttakendurnir í októbersp-
rettinum, en þá skilaði 31 hlaupari
sér í markið. Þátttökumetið gæti
sem best fallið á fimmtudagskvöld-
ið og hugsanlega verður gerð atlaga
að brautarmetunum, að sögn Stef-
áns Gíslasonar hjá Flandra. Met-
in eru þó ekki á hvers manns færi.
Flandrasprettirnir eru svo sannar-
lega farnir að setja svip á bæjarbrag-
inn í Borgarnesi. Stefán segir fulla
ástæðu til að hvetja fólk að fara út á
götur, fylgjast með og hvetja hlaup-
arana til dáða. Síðasti hluti hlaups-
ins fer meðfram aðalgötunni í bæn-
um ofan úr Bjargslandi og stystu
leið niður í íþróttamiðstöð. Von er
á fyrsta manni þangað um kl. 20:16.
Nánari upplýsingar um Flandra-
sprettina er að finna á hlaup.is
þá
Skagakonur byrja vel keppni í
b-deild Lengjubikarins. Þær
mættu FH í fyrsta leik sínum í
keppninni sl. föstudagskvöld í
Akraneshöllinni. Skagakonur unnu
2:0 og voru bæði mörkin skoruð á síðustu tíu
mínútum leiksins. Guðrún Karitas Sigurðar-
dóttir var að verki í bæði skiptin. Í næstu um-
ferð fara Skagakonur í Mosfellsbæ og mæta
liði Aftureldingar að Varmá laugardaginn 29.
maí. Öll leika umrædd lið í efstu deild, Pepsí-
deildinni, næsta sumar. þá
Skagamenn náðu ekki að fylgja
eftir góðri byrjun í Lengjubik-
arnum þegar þeir mættu Ís-
landsmeisturum KR í Egilshöll sl.
fimmtudag. KR ingar komust yfir í fyrri
hálfleik og bættu síðan við tveimur mörkum
undir lokin. Lokatölur því 3:0 fyrir KR. ÍA lið-
ið þótti leika ágætlega þrátt fyrir tapið. Mik-
il meiðsli eru í herbúðum Skagamanna um
þessar mundir og í þessum leik vantaði til
dæmis báða miðverðina sem spilað hafa
flesta leikina, en reyndar var Ármann Smári
fyrirliði í leikbanni frá síðasta leik gegn Fram
þegar hann var rekinn af velli.
Í næstu umferð mætir ÍA nágrönnum
sínum í Aftureldingu og fer leikurinn fram í
Akraneshöllinni nk. laugardag. þá
Skallagrímsmenn náðu að tryggja
sæti sitt í Dominos deild karla í
körfubolta í liðinni viku þegar síð-
ustu tvær umferðir deildarinn-
ar fóru fram. Fyrri leikurinn var á
fimmtudaginn í Borgarnesi þar sem
heimamenn báru sigurorð af Hauk-
um í spennuleik. Jafnt var að lokn-
um venjulegum leiktíma 79:79 og
því þurfti að grípa til framlenging-
ar þar sem heimamenn höfðu betur
99:90. Benjamin Curtis Smith fór
hamförum í leiknum fyrir Borgnes-
inga og skoraði hann hvorki meira
né minna en 52 stig. Að auki tók
hann 10 fráköst og gaf 8 stoðsend-
ingar. Grétar Ingi Erlendsson kom
næstur með 16 stig og þá skoraði
Egill Egilsson 12. Einnig skoruðu
Páll Axel Vilbergsson 9, Ármann
Ö. Vilbergsson 5, Trausti Eiríksson
3 og Atli Aðalsteinsson 2.
Síðari leikurinn fór fram í
Grindavík á sunnudagskvöldið.
Jafnfræði var með liðunum í fyrri
hálfleik. Heimamenn voru þó skref-
inu á undan og voru yfir 20:16 að
loknum fyrsta leikhluta og 47:39 í
hálfleik. Grindvíkingar spýttu síðan
í lófana í síðari hálfleik og juku við
forskotið. Borgnesingar áttu fá svör
við leik heimamanna og var stað-
an að lokum þriðja leikhluta 67:51.
Stigamunurinn hélst í lokaleikhlut-
anum og báru Grindvíkingar sigur-
orð að lokum 86:70. Aftur var Ben-
jamin Curtis Smith stigahæstur í
liði Skallagríms, nú með 21 stig.
Grétar Ingi Erlendsson kom síðan
næstur með 14 stig.
Þar með er leiktímabilið á enda
hjá Skallagrímsmönnum og höfn-
uðu þeir í 10. sæti deildarinnar
með 12 stig. Tímabilið hefur ver-
ið þrautaganga hjá liðinu sem hef-
ur mátt þola ýmislegt, innan vall-
ar sem utan. Þrátt fyrir það náðu
Skallagrímsmenn að þétta raðirn-
ar á nýja árinu og tryggja veru sína
í deildinni að ári. Það voru síðan
Valur og KFÍ sem féllu úr úrvals-
deild niður í 1. deild. hlh
Keflvíkingar reyndust sterkari þeg-
ar Snæfellingar fengu þá í heimsókn
í síðustu umferð Dominosdeildar
karla sl. sunnudagskvöld. Loktöl-
ur urðu 89:84 og þar með hafnaði
Snæfell í 8. sæti deildarinnar. Það
þýðir að Hólmarar mæta deildar-
meisturum KR í 8-liða úrslitum úr-
slitakeppninnar sem hefst annað
kvöld, fimmtudag. Þá mætast liðin í
Vesturbænum en þrjá sigra þarf til
að komast í 4-liða úrslitin.
Keflvíkingar byrjuðu betur í
leiknum gegn Snæfelli í Hólminum
og voru tíu stigum yfir eftir fyrsta
leikhluta. Aðeins dró saman með
liðunum í öðrum leikhluta, staðan
var 43:35 fyrir Keflvíkinga í hálfleik.
Gestirnir voru sterkari í þriðja leik-
hluta sem þeir unnu með fjögurra
stiga mun og þrátt fyrir að heima-
menn væru talsvert sterkari á loka-
kaflanum dugði það ekki til. Hjá
Snæfelli var Jón Ólafur Jónsson at-
kvæðamestur með 23 stig, 11 frá-
köst og 3 varin skot. Travis Cohn
III skoraði 19 stig, tók 12 fráköst
og átti 6 stoðsendingar, Stefán Kar-
el Torfason skoraði 11 stig og tók
9 fráköst, Pálmi Freyr Sigurgeirs-
son 9 stig, Finnur Atli Magnússon
og Kristján Pétur Andrésson 8 stig
hvor, Þorbergur H Sæþórsson 3 og
Snjólfur Björnsson 2. Hjá Keflavík
var Michael Craion atkvæðamest-
ur með 27 stig, 10 fráköst og 3 var-
in skot.
Í næstsíðustu umferð Dominos-
deildarinnar sl. fimmtudagskvöld
töpuðu Snæfellingar 83:81 fyrir
heimamönnum í Njarðvík í Ljóna-
gryfjunni. Áhorfendur þar urðu
vitni að hörkuleik þar sem Snæfell-
ingar sóttu sig mjög undir lokin eft-
ir að heimamenn höfðu haft góð tök
á leiknum lengi vel. Snæfellingar
gyrtu sig í brók og úr varð háspenna
á lokamínútunum. þá/ ljósm. sá.
Snæfellskonur virðast komnar í
bullandi vandræði í úrslitakeppninni
í Dominosdeildinni eftir að tveir
af máttarstólpum liðsins meiddust
í fyrsta leik viðureignarinnar gegn
Val sl. laugardag í Hólminum. Þann
leik vann Snæfell 95:84, en þegar
liðin mættust í öðrum leik einvígis-
ins á mánudagskvöld á Hlíðarenda
vann Valur 78:66. Snæfellskonur
virtust þá sakna sárt bandaríska leik-
mannsins Chynnu Brown sem er
meidd á rist og grunsemdir um lið-
bandameiðsl, sem og Hugrúnar Evu
Valdimarsdóttur sem er úr leik út
tímabilið eftir hnémeiðsli sem hún
varð fyrir snemma leiks á laugardag.
Liðin mætast í þriðja sinn í Hólm-
inum í kvöld, miðvikudagskvöld,
og þá kann að vera að reynt verði
að tefla Brown fram þótt hún verði
hölt. Ljóst að mikil barátta verð-
ur milli Snæfells og Vals um að ná
þeim þremur sigrum sem þarf til að
komast í úrslitaeinvígið. Í hinni við-
ureigninni í undanúrslitunum eru
Haukar komnir með tvo sigra gegn
Keflavík.
Snæfell byrjaði betur í leikum
gegn Val sl. mánudagskvöld og var
fimm stigum yfir eftir fyrsta leik-
hluta. Í öðrum leikhluta fór banda-
ríski leikmaðurinn í liði Vals Anna
Alys Martin í gang og vann hún
nánast leikinn fyrir sitt lið. Lið Snæ-
fells virtist brotna við mótlætið og
þótt Hildur Sigurðardóttir og Guð-
rún Gróa Þorsteinsdóttir reyndu að
halda uppi baráttu í herbúðum Snæ-
fells dugði það skammt. Valur var
með ellefu stiga forskot í hálfleik,
41:32 og munurinn var orðinn 14
stig eftir þriðja leikhluta, 58:44.
Hjá Snæfelli var Guðrún Gróa
Þorsteinsdóttir atkvæðamest með 20
stig og 9 fráköst. Eva Margrét Krist-
jánsdóttir kom næst með 15 stig og
7 fráköst, Helga Hjördís Björgvins-
dóttir 11 stig og 6 fráköst, Hild-
ur Sigurðardóttir 10 stig, 8 fráköst
og 9 stoðsendingar, Hildur Björg
Kjartansdóttir 8 stig, 15 fráköst og
5 stoðsendingar og Alda Leif Jóns-
dóttir 2 stig. Hjá Val skoraði Mart-
in 38 stig.
þá
Skagamenn töpuðu stórt fyrir Fjölni
í síðasta leik sínum í 1. deildinni í
körfuboltanum þennan veturinn.
Liðin mættust í Grafarvoginum sl.
föstudagskvöld og sigraði Fjölnir í leiknum
109:82. Fjölnir hafnaði í 2. sæti deildarinnar og stend-
ur því vel að vígi í baráttunni um eitt laust sæti í úrvals-
deildinni, en Tindastóll varð í efsta sæti deildarinnar og
fór beint upp. ÍA endaði með 12 stig og hafnaði í 8. sæti,
sex stigum minna en FSu og Hamar sem urðu í sætun-
um fyrir ofan. Það féll svo í hlut Augnabliks og Vængja
Júpíters að falla niður í aðra deild.
Fjölnismenn byrjuðu mjög vel í leiknum gegn ÍA og
staðan eftir fyrsta leikhluta var 29:14. Staðan í leikhléi
var 55:27 og Grafavogsbúar gerðu síðan út um leikinn
í þriðja leikhluta sem þeir unnu 40:19. Hjá ÍA var Jam-
arco Warren atkvæðamestur með 23 stig. Birkir Guðjóns-
son kom næstur með12 stig, Áskell Jónsson 11, Sigurð-
ur Rúnar Sigurðsson og Þorleifur Baldvinsson 8 stig hvor,
Birkir Guðlaugsson 7, Þorsteinn Helgason og Örn Arnars-
son 3 stig hvor og Ómar Örn Helgason 2 stig. þá
Umferðarverðlaun fyrir seinni
hluta Dominos deildar kvenna í
körfuknattleik voru afhent síðast-
liðinn miðvikudag, daginn eftir að
umferðinni lauk. Snæfellsstúlkurn-
ar Hildur Sigurðardóttir og Hild-
ur Björg Kjartansdóttir eru í hópn-
um en auk þess Borgnesingurinn
Sigrún Ámundadóttir sem spil-
ar með KR, Lele Hardy í Hauk-
um og Bryndís Guðmundsdóttir í
Keflavík. Dugnaðarforkur umferð-
arinnar var valin Íris Ásgeirsdóttir
í Hamri. Besti þjálfarinn var síðan
Ingi Þór Steinþórsson hjá Snæfelli.
Lele Hardy var að endingu valin
besti leikmaður Dominos deildar
kvenna. mm
Víkingar Ólafsvík töp-
uðu 2:3 fyrir nöfn-
um sínum úr Reykja-
vík þegar liðin mættust
í Lengjubikarnum í Akra-
neshöllinni sl. laugardag. Reykja-
víkurliðið komst yfir snemma
leiks en Eyþór Helgi Birgisson
jafnaði metin fyrir Ólafsvíkinga á
30. mínútu. Reykjavíkur Víking-
ar bættu svo við tveimur mörkum
sitt hvorum megin við leikhléið
og staðan orðin 3:1. Ólafsvíkingar
gáfust ekki upp og Brynjar Krist-
mundsson minnkaði muninn á 77.
mínútu. Lengra komust þeir ekki í
leiknum. Víkingur Ólafsvík er í 7.-
8. sæti síns riðils í a-deild Lengju-
bikarsins ásamt Haukum. Þessi lið
mætast í 5. umferðinni á Ásvöllum
í Hafnarfirði nk. laugardag. þá
Svipmynd úr fyrsta leiknum sem spilaður var á laugardaginn. Ljósm. sá.
Snæfellskonur í erfiðleikum í úrslitakeppninni
Stórtap ÍA gegn
Fjölni
Skagamenn töpuðu
fyrir KR
Skagakonur byrja vel
Síðasti Flandrasprettur vetrarins
Vestlendingar sigursælir hjá KKÍ
Skallagrímsmenn áfram
í úrvalsdeild
Snæfellingar mæta KR
í úrslitakeppninni
Barátta í leik Snæfells og Keflavíkur í
Hólminum.
Víkingar lágu fyrir
nöfnum sínum