Skessuhorn - 26.03.2014, Blaðsíða 13

13MIÐVIKUDAGUR 26. MARS 2014
Verkið er fólgið í gerð steyptra kantsteina og gangstétta,
hellulagðrar gangstéttar og malarstíga.
Helstu magntölur eru:
Hellulögn 235 m2
Steyptur kantsteinn 10 cm 600 m
Steyptur kansteinn 15 cm 148 m
Steyptar gangstéttar 875 m2
Malbiksviðgerðir 230 m2
Malarstígar 510 m2
Þökulögn 92 m2

Útboðsgögn verða afhent með rafrænum hætti, hægt er að
óska eftir gögnum á skrifstofu Borgarbyggðar, Borgarbraut 14,
310 Borgarnesi eða á netfangið: jokull@borgarbyggd.is frá og
með föstudeginum 28. mars 2014.
Tilboð verða opnuð á sama stað,
föstudaginn 11. apríl 2014, kl 11:00.

Jökull Helgason
Forstöðumaður umhverfis- og skipulagssviðs

Gerð gangstétta og göngustíga
í Borgarnesi 2014, hellulögn,
steyptar stéttar og malarstígar
Umhverfis- og skipulagssvið Borgarbyggðar óskar eftir tilboðum í verkið:
Launagreiðendur athugið!
Vakin er athygli launagreiðenda á því að framlög
til fræðslu- og starfsmenntasjóða hækka um 0,10%
og kemur sú hækkun til framkvæmda sem hér segir:

1. janúar 2014 til Landsmenntar•
1. júní 2014 til fræðslusjóða iðnaðarmanna•
1. janúar 2015 til Starfsmenntasjóðs verslunar- og skrifstofufólks•

Stéttarfélag Vesturlands
S
ke
ss
u
h
o
rn
2
01
4

Kvennakórinn Sóldís í Skagafirði
heldur tónleika laugardaginn 29. mars í

Reykholtskirkju Borgarfirði kl. 15:00
og
Tónbergi á Akranesi kl. 20:00

Söngstjóri: Sólveig S. Einarsdóttir
Undirleikari: Rögnvaldur Valbergsson

Aðgangseyrir kr. 3.000 ath. ekki er tekið við kortum

Hlökkum til að sjá ykkur
Fyrsti aðalfundur Samtaka sveit-
arfélaga á Vesturlandi samkvæmt
nýju skipulagi samtakana fer fram
á föstudaginn á Hótel Borgarnesi.
Nýtt skipulag SSV var samþykkt á
síðasta ári en það kveður á um að
aðalfundur fari fram fyrir apríl-
lok ár hvert. Á haustin verði á hinn
bóginn haldið haustþing þar sem
málefni komandi vetrar verða tek-
in til umræðu. Að sögn Hrefnu B.
Jónsdóttur framkvæmdastjóra SSV
er á dagskrá vorfundarins að af-
greiða reikninga samtakanna og
ræða ýmis önnur mál, t.d. þá óvissu
sem er uppi í samningum sveitarfé-
laga við ríkið varðandi menningar-
samning, sóknaráætlun og vaxtar-
samning. Hún segir að samkvæmt
nýjum samþykktum SSV eigi að
kjósa í stjórn samtakana á aðalfundi
en þar sem sveitarstjórnarkosning-
ar fara fram í maí frestast stjórnar-
kjör fram á haustþing.
Samhliða aðalfundinum verða
haldnir aðalfundir í fyrirtækjum og
stofnunum á forræði SSV en þau
eru Sorpurðun Vesturlands, Heil-
brigðiseftirlit Vesturlands og Sí-
menntunarmiðstöð Vesturlands.
Að auki verða haldnir aðalfund-
ir Menningarráðs Vesturlands og
Vesturlandsstofu. hlh
Líkt og fram kemur í frétt hér að
ofan um aðalfund Samtaka sveitar-
félaga á Vesturlandi ríkir óvissa um
framtíð menningarsamnings, sókn-
aráætlunar og vaxtarsamnings, en
verkefnin þrjú hafa verið unnin á
grundvelli samninga ríkis og sveit-
arfélaganna í landshlutanum und-
anfarin ár. Hrefna B. Jónsdóttur
framkvæmdastjóri SSV segir óviss-
una ekki góða og veldur hún sveit-
arstjórnarmönnum í landshlutan-
um töluverðum áhyggjum. Hún
nefnir óvissuna vegna menningar-
samningsins sem dæmi. Mennta-
og menningarmálaráðuneytið hafði
á síðasta ári tilkynnt að menning-
arsamningar yrðu endurnýjaðir og
kynnti ráðuneytið til sögunnar nýj-
ar gagnsæjar skiptireglur varðandi
úthlutun fjár í framhaldinu. Al-
menn ánægja var með nýju regl-
urnar hjá sveitarstjórnarmönnum á
Vesturlandi, en óánægja hafði ver-
ið með gömlu reglurnar sem þóttu
ógagnsæjar. Nýju reglurnar voru
þó dregnar fyrirvaralaust til baka
í lok janúar og tilkynnti ráðuneyt-
ið að gömlu reglurnar væru áfram í
gildi auk þess sem framlög til samn-
ingsaðila frá ráðneytinu yrðu dreg-
in saman um 10%. Þessu mótmælti
stjórn SSV harðlega í bréfi til að-
stoðarmanns menntamálaráðherra
27. janúar. Síðan þá hafa stjórnvöld
enga endanlega ákvörðun tekið í
málinu. Atvinnuvegaráðuneytið til-
kynnti hins vegar í vikunni að það
muni ekki leggja til fé vegna menn-
ingarsamningsins eins og gert var
ráð fyrir sem þýðir að menningar-
samningur Vesturlands verður af
5 milljónum króna til viðbótar við
boðaða skerðingu menntamála-
ráðuneytisins.
Vesturland fær því líklega um 16
milljónir króna í sinn hlut vegna
samningsins, segir Hrefna. Hún
bætir því við að nú þegar hafi for-
maður og varaformaður SSV fundað
með þingmönnum kjördæmisins
vegna málsins og kynnt þeim þró-
un mála. Hrefna segir jafnframt að
tafirnar séu að valda töluverðum
óþægindum hjá SSV. Starfshópur
sem hefur verið að störfum frá ára-
mótum við að vinna úr umsóknum
vegna samningsins hefur ekki getað
afgreitt þær, en sumar áttu að fara í
framkvæmd á fyrri hluta þessa árs.
Hrefna vonaðist þó til að stjórn-
völd klári málið fljótlega til að eyða
óvissunni. hlh
Um eitthundrað manns mættu á
fund um samgöngumál, rafmagns-
mál, fjarskiptamál og ýmiss önnur
byggðatengd hagsmunamál, sem
haldinn var á Sveitasetrinu Vogi
á Fellsströnd sl. mánudagskvöld.
Mæting á fundinn var framar von-
um en það var Trausti Bjarna-
son bóndi á Á sem var einn helsti
hvatamaður fyrir fundinum.
Þarna voru mættir auk íbúa í
Dalabyggð og sveitarstjórnarfólks,
fjórir alþingismenn; þau Elsa Lára
Arnardóttir, Jóhanna Sigmunds-
dóttir, Einar K Guðfinnsson og
Haraldur Benediktsson. Magnús
Valur Jóhannsson frá Vegagerð-
inni mætti á fundinn sem og Björn
Sverrisson frá Rarik. Sveinn Páls-
son sveitarstjóri Dalabyggðar sagði
að fundurinn hafi að mörgu leyti
verið ágætur, upplýsingagjöfin góð
en engin loforð hafi verið gefin.
Sveinn segir að peningaleysi hafi
verið nefnt sem helsta ástæðan fyr-
ir því að varla væri von á stórkost-
legum úrbótum í hagsmunamálum
héraðsins alveg á næstunni. Sam-
göngumálin hafi mikið verið rædd
og sú staðreynd að Dalir hefðu
setið á hakanum í langan tíma,
svo sem varðandi fjárveitingar til
stofnvega. Hvað rafmagnsmál-
in varðaði hafi helst verið rætt um
að tryggja afhendingaröryggi með
því að laga útsláttarkerfið, þann-
ig að minni svæði yrði þá úti ef til
rafmagnsleysis kæmi. Einnig væri
vilji til að koma strengjum í jörð
þar sem flutningskerfið væri veik-
ast, en í Saurbænum var strengur
lagður í jörð á sjö kílómetra kafla á
síðasta ári. Sveinn sagði að enginn
fulltrúi hafi verið mættur frá fjar-
skiptafyrirtækjunum, en fjarskipta-
málin brynni mjög á íbúum í Döl-
um. Auk þess sem fulltrúar frá fyrr-
greindum stofnunum; Vegagerð og
Rarik, skýrðu mál tóku allir þing-
mennirnir sem mættu á fundinn til
máls og íbúar í Dölum beindu til
þeirra fyrirspurnum um byggða-
málin.
Halla Steinólfsdóttir bóndi í
Ytri-Fagradal sagði að á fundinum
hefði m.a. borið á góma að ókostur
væri víða í Dölum að ekki væri hægt
að fá þriggja fasa rafmagn, þá væru
dauðir punktar í fjarskiptakerfinu
ekki síst bagalegir fyrir ferðafólk á
svæðinu. „Það eina sem við förum
fram á er betra vegakerfi, trygg-
ara rafmagn og fjarskiptakerfi eins
og aðrir landsmenn,“ segir Halla í
Ytri-Fagradal. þá
Frá úthlutun vegna menningarsamningsins árið 2012. Ljósm. mm.
Enn er beðið eftir nýjum menningarsamningi
Aðalfundur SSV fer fram á föstudaginn
Ágætlega var mætt á fundinn á Vogi. Ljósm. Sigurður Sigurbjörnsson.
Fjölmenni á fundi um
byggðamál í Dölum