Skessuhorn - 26.03.2014, Blaðsíða 18

18 MIÐVIKUDAGUR 26. MARS 2014
Í einbýlishúsi við Grenigrund á
Akranesi býr kjólaklæðskerinn og
hönnuðurinn Kristín Ósk Hall-
dórsdóttir. Hún er Akurnesingur
í húð og hár, gift Borgnesingnum
Finnboga Jónssyni málara. Sam-
an búa þau á fallegu heimili ásamt
þremur börnum sínum. Blaðamað-
ur Skessuhorns kíkti í heimsókn til
Kristínar Óskar til að spjalla við
hana um klæðskerastarfið og hönn-
unina en hún selur fatnað undir
vörumerkinu KrÓsk. Kristín rekur
einnig, í samvinnu við eiginmann
sinn og önnur hjón; bróðir Finn-
boga og mágkonu, fyrirtækið Eg-
ilsguesthouse.ehf. þar sem þau hafa
til útleigu orlofshús í Borgarnesi.
Hægt er að skoða fatnað Kristínar
á síðunni www.krosk.com eða á fa-
cebook undir nafninu KrÓsk.
Hannar aðallega peysur
„Ég geri aðallega kvenmannsflíkur,
mest peysur. En það stendur til að
bæta við. Nú er ég að þróa blússur,
kjóla og leggings líka. Svo geri ég
líka loðbönd,“ segir Kristín Ósk.
Hún hefur haft áhuga á hönnun svo
lengi sem hún man eftir sér enda
verið í alls kyns sköpun frá barns-
aldri. „Ég hef mikið stundað mál-
aralistina, byrjaði að mála sem ung-
lingur og hef helst málað olíumál-
verk. Á tímabili málaði ég líka mik-
ið af veggmyndum í barnaherbergi
og var svolítil eftirspurn eftir því,“
útskýrir Kristín Ósk. Hún hafði
áhuga á alls kyns sköpun sem ung-
lingur en eins og algengt er með-
al unglinga, þá vissi hún ekki alveg
hvað hún vildi. „Ég fór því í fjöl-
brautaskólann hér og var þar í eitt
ár en fór svo til Reykjavíkur í hönn-
unarnám. Ég lauk námi af hönnun-
arbraut í Iðnskólanum í Reykja-
vík og tveimur árum síðar útskrif-
aðist ég sem tækniteiknari.“ Krist-
ín Ósk starfaði sem tækniteiknari
í nokkur ár. Á endanum rann upp
fyrir henni hvað hana langaði til
að læra meira og fór í klæðskera-
nám í Tækniskólanum. „Ég byrj-
aði að sauma sjálf sem unglingur.
Ef ég sá eitthvað sniðugt, þá saum-
aði ég það oft sjálf með smá hjálp
frá mömmu, en breytti flíkinni að
mínum þörfum. Mig langaði lengi
að fara í klæðskeranám, þetta var
alltaf á bakvið eyrað en ég hélt að
þetta væri kannski ekki nógu prakt-
ískt,“ segir hún brosandi.
Er í draumastarfi
Kristín útskrifaðist með sveins-
próf í kjólaklæðskurði 2012. Síð-
an þá hefur hún unnið við fram-
leiðslu á flíkum og í dag er hún í
70% starfi sem klæðskeri hjá fata-
hönnuðinum Bóasi Kristjánssyni
í fyrirtækinu 8045. Þar þróar hún
snið og frágang á karlmannsföt-
um sem aðallega eru seld úr landi.
Um er að ræða tískufatnað, hann-
aðan af Bóasi, sem seldur er í leið-
andi hátískuverslunum víða um
heim. „Þetta er auðvitað vinnan
sem maður óskaði sér að komast í
eftir námið, þetta er draumastarf.
Ég hef lært mikið þarna á einu ári
og er þetta rosalega gott framhald
af skólanum. Þarna fæ ég tækifæri
til að þróa kunnáttu mína úr skól-
anum á ýmsa vegu,“ segir Kristín.
„Það er algjör snilld að geta bland-
að þessu saman, að vinna hjá hon-
um og fá svo útrás fyrir mína eig-
in hönnun hér heima,“ bætir hún
við.
Ótrúlega góð viðbrögð
Kristín Ósk hefur ekki haft hönn-
un sína til sölu í nema í rúmt ár.
„Sumar flíkur urðu þannig til
að ég var kannski bara að sauma
jólagjafir og þær spurðust út. Ég
hóf svo að hanna og sauma til að
selja fyrir rúmu ári.“ Innblástur-
inn sækir Kristín Ósk oft út í nátt-
úruna og bera nöfnin á flíkunum
þess merki. „Ég stofnaði þessa fa-
cebook síðu núna í janúar og hef
fengið skemmtileg viðbrögð. Það
kom eiginlega á óvart hvað við-
brögðin voru góð, það er greini-
lega markaður fyrir svona fatnað
hérna. Maður verður bara að skapa
sér sérstöðu, koma með eittvað
nýtt, vinna flíkina úr góðum efn-
um og hafa fallegan frágang,“ seg-
ir Kristín Ósk. Hún var með tísku-
sýningu á Lionskvöldi hjá Lions-
klúbbnum Eðnu á dögunum en
tók einnig þátt í sýningum á veg-
um Unglistar á meðan hún var í
náminu. Að hennar sögn ætlar hún
að sækja um þátttöku á fleiri sýn-
ingum og koma sér meira á fram-
færi fljótlega. „Ég vil fyrst koma
mér upp betri aðstöðu. Það stend-
ur til bóta því ég er að fara að koma
mér fyrir við Smiðjuvelli 8 á næst-
unni. Það verður allt annað að vera
með sér aðstöðu undir fatnaðinn,
þar sem fólk getur komið og skoð-
að og verslað í stað þess að vera
með þetta hérna heima. Þar hef ég
hugsað mér að hafa opið einu sinni
í viku til að byrja með. Það er einn-
ig verið að vinna í heimasíðunni.
Taka myndir af fötunum og gera
síðuna öflugri og betri,“ útskýrir
Kristín Ósk. „Draumurinn er að
geta lifað af þessu seinna,“ bætir
kjólaklæðskerinn Kristín Ósk við.
grþ
Ljósmyndir:
Guðmundur Bjarki Halldórsson.
Fyrirsæta:
Glódís Una Ríkharðsdóttir.
„Væntumþykja í verki“ er nýtt átak
sem hrundið hefur verið af stað
innan veggja Brákarhlíðar í Borg-
arnesi. Það er gert fyrir tilstuðlan
sjúkraþjálfaranna Hildar Aðalbjarg-
ar Ingadóttur og Halldóru Jónas-
dóttur. Um er að ræða hreyfiátak
sem hefur það markmið að virkja
heimilisfólk til hreyfingar í takt við
hreyfigetu með aðstoð aðstandenda
og ástvina. Um nýjung er að ræða
og segir Hildur að hún hafi fengið
þessa hugmynd fyrir ekki svo löngu
í gegnum starf sitt sem sjúkraþjálf-
ari. „Hreyfing er öllu fólki nauð-
synleg heilsubót og eykur vellíðan
og heilbrigði. Þetta á ekki síst við
hjá eldra fólki. Tilgangur átaksins
að virkja þennan hóp til hreyfing-
ar og fá aðstandendur með til að
aðstoða og leiðbeina sínum ástvini
í heimsóknum. Með því að leggja
sínu fólki lið með þessum hætti get-
ur fólk stuðlað að aukinni vellíðan
hjá ástvini og gefið meira af sér í
heimsóknum,“ segir Hildur.
„Við höfum búið til þrjár mis-
munandi æfingaáætlanir vegna
átaksins, fyrir þá sem eru rúm-
liggjandi, sitjandi eða í hjólastól
og loks fyrir þá sem eru göngu-
færir. Nú þegar höfum við afhent
heimilisfólki spjald með æfingum
og sýnidæmum og geta aðstand-
endur fundið spjaldið í herbergj-
unum,“ bætir Hildur við, en átak-
ið hófst í byrjun febrúar síðastliðn-
um. Þær segja brýnt að eldra fólk
líkt og aðrir aldurshópar stundi
hreyfingu með einhverju móti.
„Það skiptir máli fyrir fólk að gera
reglulegar æfingar. Engu skiptir
hvort fólk liggur eða gengur, það
er alltaf hægt að hreyfa sig. Kost-
irnir eru ótvíræðir. Hreyfing og
þjálfun tvöfaldar til dæmis líkurnar
á að hreyfigeta og sjálfshjálp varð-
veitist og þá dregur reglubund-
in þjálfun úr líkum á fjölda sjúk-
dóma. Lífsgæði aukast fyrir vik-
ið,“ segir Halldóra sem segir sig
og Hildi vonast til að átakið hreyfi
við mörgum.
Að sögn Jórunnar Maríu Ólafs-
dóttur forstöðumanns hjúkrun-
arsviðs Brákarhlíðar mun starfs-
fólk heimilisins leggja áherslu á
að minna aðstandendur og heim-
ilisfólk á æfingaáætlanir sem finna
má á herbergjum. „Við erum opin
fyrir þessu átaki og vonumst til að
það muni efla hreyfingu hjá okkar
heimilisfólki. Þetta kemur til við-
bótar annarri hreyfingu í Brák-
arhlíð en þar er m.a. boðið upp
á jógatíma, morgunleikfimi og
boccia svo dæmi séu tekið. Þetta
mun vonandi efla vellíðan heimil-
isfólks enn frekar,“ segir Jórunn.
hlh
Væntumþykja í verki sýnd með hreyfingu
Hildur Aðalbjörg Ingadóttir, Halldóra Jónasdóttir og Jórunn María Ólafsdóttir.
Íslensk hönnun á Akranesi:
Kjólaklæðskeri í hönnun og framleiðslu á fatnaði
Kristín Ósk stendur við gínu sem klæðist flík undir merkinu KrÓsk. Í bakgrunn má
sjá málverk sem Kristín Ósk málaði fyrir nokkrum árum.
Peysa þessi heitir „Hraun.“ Um hálsinn hefur Glódís
Una loðband.
Ullarslá á herðar og loðband um höfuðið, hlýtt og notalegt. „Tindur“ hefur verið vinsælasta
peysan. Hún fæst í fleiri litasam-
setningum.
Peysan Alda, en hún fæst einnig í fleiri
litasamsetningum.