Skessuhorn - 26.03.2014, Blaðsíða 30

30 MIÐVIKUDAGUR 26. MARS 2014
Hvað finnst þér um stöðu kenn-
arastéttarinnar í landinu?
Spurning
vikunnar
Guðmundur Garðarsson:
Ég styð þá í baráttunni.
Guðný Ársælsdóttir:
Þeirra kjör eru ekki nógu góð
frekar en margra annarra opin-
berra starfsmanna. Ég styð þá í
þeirra kjarabaráttu.
Karvel Lindberg Karvelsson:
Ég veit ósköp lítið um það.
Ingólfur Áki Þorleifsson:
Hef ekki hugmynd um það, veit
ekkert um þeirra kjör.
Garðar Gunnlaugsson:
Þeirra kjör eru til skammar mið-
að við menntun og mikilvægi
starfa þeirra í samfélaginu.
(Spurt í Stykkishólmi)
Arnar Pétursson úr ÍR og Hrafn-
hildur Tryggvadóttir úr hlaupa-
hópnum Flandra í Borgarnesi stóðu
uppi sem sigurvegarar í Flandra-
sprettum vetrarins, en verðlaun fyr-
ir stigahæstu einstaklinga voru af-
hent að loknum síðasta spretti vetr-
arins síðastliðið fimmtudagskvöld.
Flandrasprettirnir eru götuhlaupa-
röð hlaupahópsins Flandra. Sprett-
irnir eru háðir þriðja fimmtudags-
kvöld í hverjum mánuði frá því
í október og fram í mars, þann-
ig að samtals er sprett úr spori sex
sinnum yfir veturinn. Hlaupin eru
stigakeppni og fást 10 stig fyrir sig-
ur í hverju hlaupi, 9 stig fyrir 2.
sætið o.s.fv. Keppt var í fjórum ald-
ursflokkum karla og kvenna. Sigur-
vegarar vetrarins voru þessir:
Konur 18 ára og yngri:
Árný Helga Birkisdóttir, Margfætl-
um, 20 stig.
Konur 19-39 ára: Ingibjörg Em-
ilsdóttir, Margfætlum, 24 stig.
Konur 40-49 ára: Hrafnhildur
Tryggvadóttir, Flandra, 49 stig.
Konur 50 ára og eldri: Jenný Joh-
ansen, Flandra, 40 stig.
Karlar 18 ára og yngri:
Arnar Smári Bjarnason, Flandra, 20
stig.
Karlar 19-39 ára:
Arnar Pétursson, ÍR, 40 stig.
Karlar 40-49 ára:
Gunnar Viðar Gunnarsson, Flandra,
47 stig.
Karlar 50 ára og eldri:
Torfi H. Leifsson, Hlaup.is, 30 stig.
Konur samanlagt:
Hrafnhildur Tryggvadóttir,
Flandra, 48 stig.Karlar saman-
lagt:
Arnar Pétursson, ÍR, 40 stig.
Sigurvegarar vetrarins fengu
vegleg verðlaun, en fjöldinn allur
af útdráttarverðlaunum var einnig
í boði fyrir heppna þátttakendur í
hlaupum vetrarins. Þessi verðlaun
voru gefin af íþróttafataverslun-
inni Danssport í Reykjavík, Land-
námssetrinu í Borgarnesi, Eðal-
fiski og Mýranauti. Þetta var ann-
að árið sem Flandrasprettirnir eru
haldnir. Þátttaka nú var nokkru
minni en árið áður, enda tíðarfar
sýnu óhagstæðara. Þátttakendur
voru oftast um 20 talsins, en sam-
tals komu 69 manns við sögu í
sprettunum sex. Auk heimamanna
í Borgarfirði voru hlauparar norð-
an af Ströndum, vestan úr Dölum,
frá Akranesi og af höfuðborgar-
svæðinu í þeim hópi.
Hrafnhildur Tryggvadóttir vann
einnig stigakeppnina á síðasta
vetri, en í karlaflokki var krýnd-
ur nýr sigurvegari. Arnar Péturs-
son er einn af fremstu langhlaup-
urum hérlendis um þessar mund-
ir og keppir m.a. fyrir Íslands
hönd á heimsmeistaramótinu í
hálfmaraþoni í Kaupmannahöfn
29. mars nk. Hann á brautarmet-
ið í Flandrasprettunum, en hann
hljóp kílómetrana fimm um mis-
hæðóttar götur Borgarness á
16:06 mín í októbersprettinum. Í
sama hlaupi setti Arndís Ýr Haf-
þórsdóttir úr Fjölni brautarmet
í kvennaflokki þegar hún hljóp á
19:20 mín, en Arndís verður einn-
ig meðal keppenda í Kaupmanna-
höfn um helgina.
Fyrsti Flandrasprettur næsta
vetrar verður háður fimmtudag-
inn 16. október.
sg
Fyrsta tölublað af Sportveiði-
blaðinu kom nýverið í verslanir.
Um er að ræða fyrsta tölublaðið
2014, en hlé varð á útgáfu blaðs-
ins 2013. Í blaðinu má finna fróð-
leg viðtöl og greinar, bæði um
stangaveiði sem skotveiði. Í þessu
nýútkomna tölublaði má m.a.
finna viðtöl við: Harald Eiríks-
son, en hann starfar hjá Hregg-
nasa við sölu veiðileyfa. Haraldur
hefur stundað stangaveiðar frá því
hann var barn. Rætt er við Mjöll
og Gumma, en þau hafa séð um að
fæða veiðimenn í mörgum veiði-
húsum í gegnum árin. Nú eru þau
hætt í bili í veiðihúsum og hafa
keypt Kaffivagninn út á Granda.
Rætt er við Pál Reynisson – en
hann rekur Veiðisafnið á Stokks-
eyri. Páll veiðir mikið og hefur
sérstakt dálæti á byssum. Loks má
finna viðtal við Simma og Jóa en í
kringum þá er iðulega mikið líf og
fjör. Þeir hafa gaman að veiðiskap
og reyna að fara á hann nokkrum
sinnum á hverju ári.
Einnig má finna í blaðinu grein-
ar eftir:
Ólaf Birgisson skotveiðimann – en
hann kynnir okkur fyrir veiðum á
erlendri grundu.
Róbert Daníel Jónsson – fer yfir
veiðar í kringum bæinn sinn,
Blönduós.
Ágúst Mogensen – segir okkur frá
hrakförum í Hraunsfirði.
Elías Pétur Þórarinsson – fer yfir
haustveiðiferð í Vatnsá í Heiðar-
dal.
Guðrún Una, formaður SVAK –
kynnir okkur fyrir draumalandi
sínu, Jökuldalsheiði.
Halldór Gunnarsson – en hann fer
yfir veiðiferð í Hlíðarvatn í Sel-
vogi.
Gunnlaugur Stefánsson, Heydöl-
um – með hugleiðingar varðandi
veiðimarkaðinn.
Ástþór Jóhannson – Straumfjarðará
– Veiðistaðalýsing.
-fréttatilkynning
Ingveldur H. Ingibergsdóttir var fljótust kvenna í Flandrasprettinum sl. fimmtudag. Hér er hún á fullri ferð og kílómetri eftir í
mark. Ljósm. Kristín Gísladóttir.
Arnar og Hrafnhildur sigurvegarar
Flandrasprettanna
Sportveiðiblaðið er komið út
Sjómanns
Dag ur í lífi...
Nafn: Örvar Már Marteinsson
Starfsheiti/fyrirtæki: Smábáta-
skipstjóri á Sverri SH-126.
Fjölskylduhagir/búseta: Frá-
skilinn þriggja barna faðir. Tvö af
börnunum búa hjá mér í Ólafsvík.
Áhugamál: Fjallamennska, útivist
og stjórnmál.
Vinnudagurinn: Mánudagurinn
17. febrúar.
Mætt til vinnu og fyrstu verk:
Fyrstu verk eru alltaf að kíkja á
veðurspána og hringja í háset-
ann til að ræsa hann út. Þetta var
fremur óhefðbundinn dagur, við
fórum ekki á sjó fyrr en um 9 leyt-
ið um morguninn en venjulegur
dagur byrjar um klukkan 3.
Klukkan 10? Þá vorum við að
taka balana um borð. Við veiðum
á landbeitta línu. Við tókum bara
18 bala þennan dag því við vorum
svo seint á ferðinni.
Hádegið? Við vorum að leggja
línuna frá um hálf 12. Það var
norðvestan skítakaldi og velting-
ur sem átti að lægja en einu sinni
sem oftar rættist ekki úr spánni og
það var leiðindaveður.
Klukkan 14: Þá var verið að
draga línuna inn aftur. Miðað við
aðstæður voru aflabrögð í lagi.
Hvenær hætt og það síðasta
sem þú gerðir í vinnunni? Við
kláruðum að draga um 18 og
lögðum af stað í land. Klukkan
20 lönduðum við og klukkan 21
var ég að elda mat ofan í krakk-
ana mína. Klukkan 22 var ég svo
lagður af stað til Reykjavíkur til að
fara í flug til Ítalíu.
Fastir liðir alla daga? Það er að
skoða veðurspána og vera vakandi
yfir gæftum.
Hvað stendur upp úr eftir
vinnudaginn? Ég var allan dag-
inn að hlakka til þess að hitta
yngstu dóttur mína sem ég var að
fara að sækja til Ítalíu. En ann-
ars svona vinnulega séð myndi ég
segja að vonda veðrið hafi einnig
staðið upp úr.
Var dagurinn hefðbundinn?
Nei, það var slæmt veður. En fyr-
ir þennan vetur er það samt orð-
ið mjög hefðbundið. Það hafa fáir
góðir dagar verið í vetur.
Hvenær byrjaðir þú í þessu
starfi? Ég byrjaði 12 ára gamall
á sjó. En ætli ég hafi ekki byrjað
sem skipstjóri á Sverri 2003 eða
2004.
Er þetta framtíðarstarfið þitt?
Jú, ætli maður sé ekki orðinn fast-
ur í þessu.
Hlakkar þú til að mæta í vinn-
una? Já, ég geri það yfirleitt.
Eitthvað að lokum? Við vonumst
eftir betri tíð með vorinu.