Skessuhorn - 26.03.2014, Blaðsíða 31

31MIÐVIKUDAGUR 26. MARS 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Um liðna helgi tók Inga Elin Cryer
sundkona frá Akranesi þátt í Actav-
ismótinu í sundi í Hafnarfirði. Inga
Elín keppti í 200m, 400m, og 800m
skriðsundi og vann allar greinarn-
ar með yfirburðum. Hún var einnig
stigahæsta konan á mótinu og voru
peningaverðlaun í vinning. Þetta
sundmót var liður í undirbúningi
fyrir Íslandsmeistarmótið í 50m
laug sem verður eftir þrjár vikur.
mm
Það var ekki að sjá að ein deild væri á milli liða
þegar 1. deildarlið ÍA mætti 2. deildar liði Aftur-
eldingar í Lengjubikarnum í Akraneshöllinni sl.
laugardag. Gestirnir voru sterkari í fyrri hálfleikn-
um og skoruðu þá mark úr réttilega dæmdri víta-
spyrnu um miðjan hálfleikinn. Skagamenn voru
lengi að taka við sér í þessum leik, en Gunnlaug-
ur þjálfari hefur verið með nokkuð breytt lið milli
leikja að undanförnu, einkum vegna meiðsla í
leikmannahópnum. Það var ekki fyrr en á síðasta
fjórðungi leiksins gegn Aftureldingu sem Skaga-
menn voru sterkari. Þeir jöfnuðu með marki
Garðars Gunnlaugssonar, besta manns vallarins,
á 88. mínútu. Skömmu áður hafði Andri Adolp-
hsson átt þrumuskot í slána og niður. Niðurstað-
an því 1:1 jafntefli.
ÍA er nú með 8 stig í 5. sæti 1. riðils A-deildar. Í
næstsíðustu umferðinni fá þeir Breiðablik í heim-
sókn í Akraneshöllina nk. laugardag. Blikar eru
eftir í riðlinum með 11 stig og KR er í öðru sæti
með 10 stig. þá
Miklar sveiflur eru í leikjum Snæ-
fells og Vals í úrslitakeppni kvenna í
Domnisdeildinni í körfu og virðast
heimavellirnir skipta miklu máli.
Bæði lið hafa nú unnið tvo leiki á
sínum heimavöllum og því kem-
ur til oddaleiks á heimavelli deild-
armeistara Snæfells, eða öllu held-
ur kom, því leikurinn fór fram eft-
ir að Skessuhorn var sent í prentun
í gær, þriðjudag, og því ekki hægt
að greina frá úrslitunum á síðum
blaðsins að þessu sinni.
Fjórði leikurinn fór fram á Hlíð-
arenda sl. föstudagskvöld og vann
Valur þá öruggan sigur 82:56.
Valskonur voru með frumkvæð-
ið í leiknum frá upphafi. Það virt-
ist bitna á leik Snæfells að meidd
Chynna Brown virtist engan veg-
inn búinn að jafna sig eftir leikinn
þar á undan sem fram fór í Hólmin-
um á miðvikudagskvöldið og Snæ-
fell vann örugglega, 81:67. Staðan í
leik liðanna á föstudagskvöldið var
eftir fyrsta leikhluta 17:12 fyrir Val
og 41:25 í hálfleik. Snæfellskon-
um tókst að laga stöðuna í byrjun
seinni hálfleiks og þrettán stigum
munaði á liðunum fyrir lokafjórð-
unginn. Þá bættu Valskonur hrein-
lega í og juku forskotið allt til leiks-
loka. Lokatölur eins og áður sagði,
82:56.
Hjá Snæfelli var Hildur Sig-
urðardóttir með 12 stig og 6 frá-
köst, Guðrún Gróa Þorsteinsdótt-
ir 11 stig, Hildur Björg Kjartans-
dóttir 9 stig og 6 fráköst, Eva Mar-
grét Kristjánsdóttir 9 stig, Chynna
Brown 5, Berglind Gunnarsdóttir
4, Helga Hjördís Björgvinsdóttir 3
og 5 fráköst og Rebekka Rán Karls-
dóttir 3 stig. þá
Stjórn körfuknattleiksdeildar
Skallagríms tilkynnti í síðustu viku
að deildin muni ekki endurnýja
samning sinn við Pálma Þór Sæv-
arsson sem þjálfað hefur meistara-
flokk karla hjá félaginu frá 2010.
Samningur Pálma rennur út í vor
og því leita Skallagrímsmenn nú
að nýjum þjálfara fyrir meistara-
flokk félagsins sem leikur í úrvals-
deild á næsta tímabili. Í tilkynn-
ingunni segir að stjórnin og Pálmi
hafi komist að samkomulagi um að
endurnýja ekki samninginn. Með
Pálma sem þjálfara náðu Skalla-
grímsmenn að vinna sér sæti í úr-
valsdeild á nýjan leik árið 2012 og
komast í 8-liða úrslit úrvalsdeildar
tímabilið eftir.
„Pálmi hefur lagt mikið á sig til
að koma liðinu á þann stað sem það
á heima þ.e.a.s. í deild þeirra bestu
á Íslandi. Hann hefur verið vakinn
og sofinn yfir velferð liðsins og sýnt
mikinn vilja og dugnað til þess að
festa liðið í sessi í úrvalsdeildinni,“
segir í tilkynningu stjórnar sem
þakkar Pálma fyrir góð samskipti og
vasklega framgöngu í starfi. „Vænt-
ir stjórn Körfuknattleiksdeildar-
innar þess að Pálmi haldi áfram að
miðla af reynslu sinni og þekkingu
til framtíðar leikmanna Körfu-
knattleiksdeildar Skallagríms.“ hlh
Snæfellingar virðast ekki líklegir til
að stöðva sigurgöngu deildarmeist-
ara KR í 8-liða úrslitunum í úr-
slitakeppni Dominosdeildarinnar í
körfunni. Liðin mættust öðru sinni
í Hólminum á sunnudagskvöldið.
KR-ingar unnu þar öruggan 99:85
sigur. Staðan í einvíginu er þá 2:0
fyrir KR, en þeir unnu 98:76 í Vest-
urbænum sl. fimmtudagskvöld.
KR-ingar gætu klárað einvígið
með sigri annað kvöld, fimmtudag í
Vesturbænum, en þrjá sigra þarf til
að komast í undanúrslitin.
KR-ingar byrjuðu mun betur í
Hólminum á sunnudaginn og voru
eftir skamma stund komnir með
ellefu stiga forskot, 15:4. Heima-
mönnum tókst að halda í horfinu
og hanga í gestunum fram í hálf-
leik, en þá var KR með forustu
49:36. Snæfellingar þurftu því að
byrja seinni hálfleikinn vel, en það
voru hinsvegar gestirnir sem það
gerðu og létu kné fylgja kviði. Eftir
það má segja að engin spenna hafi
verið í leiknum. Staðan var 75:54
eftir þriðja leikhluta og lokafjórð-
ungurinn var ekkert vandamál fyr-
ir KR-inga.
Hjá Snæfelli voru atkvæðamestir
Trvis Cohn III og Sigurður Á Þor-
valdsson, hvor um sig með 24 stig
og 8 fráköst, Jón Ólafur Jónsson
skoraði 9 stig, Stefán Karel Torfa-
son 8, Pálmi Freyr Sigurgeirsson 6
og 6 fráköst, Kristján P Andrésson
6 stig, Þorbergur H Sæþórsson 4,
Sveinn Arnar Davíðsson og Finnur
Atli Magnússon 2 hvor og Snjólfur
Björnsson 1.
þá/ Ljósm. sá
Víkingar frá Ólafsvík gerðu góða ferð á Ásvelli í
Hafnarfirði sl. laugardag þar sem þeir mættu
Haukum í 3. riðli A-deildar Lengjubikarsins. Vík-
ingar áttu góðan leik og skoruðu mörk í sitthvor-
um hálfleiknum. Alfreð Már Hjaltalín skoraði á
28. mínútu og Samuel Hernandez bætti við marki
á 59. mínútu. Það var ekki fyrr en undir lokin sem
Haukum tókst að minnka muninn og þar við sat.
Víkingar sigruðu 2:1 í leiknum og eru nú komnir
með 6 stig í 5. sæti riðilsins. Þar eru Stjarnan og
Víkingur Reykjavík í efstu sætum með 11 stig.
Ólafsvíkingar fá í næstu umferð KV og fer leikur-
inn fram í Akraneshöllinni nk. sunnudag. þá
Það var í nógu að snúast hjá leik-
mönnum og aðstandendum knatt-
spyrnudeildar Víkings í Ólafs-
vík á sunnudaginn. Í fjáröflunar-
skyni fyrir Spánarferð félagsins,
sem farin verður 1.-8. apríl næst-
komandi, tóku strákarnir sig til og
buðu íbúum í Snæfellsbæ upp á al-
þrif á bifreiðum. Að sögn Jónasar
Gests Jónassonar formanns knatt-
spyrnudeildar Víkings, voru 15 bíl-
eigendur sem nýttu sér þessa þjón-
ustu og styrktu í leiðinni gott mál-
efni. Jónas segir að flestir hafi nýtt
sér alþrif þar sem bifreiðin er tjöru-
hreinsuð, bónuð og auk þess þrifin
að innan. Jónas segir ennfremur að
í þessari æfingaferð verði æft tvisvar
á dag auk þess sem Víkingur mun
spila tvo æfingaleiki. ,,Við vonumst
svo til að geta æft á fótboltavellin-
um á Hellissandi þegar heim verð-
ur komið. Sá völlur er með hraun
undirlagi og er fljótur af drena sig,“
sagði Jónas.
af
Oddaleikur hjá konunum í Hólminum
Víkingar lögðu
Hauka
ÍA og Afturelding
skildu jöfn
Víkingspiltar safna fyrir Spánarferð
Pálmi Þór Sævarsson.
Pálmi Þór hættir með Skallagrím
Inga Elín stigahæsta konan
Staða Snæfells þröng í
einvíginu gegn KR