Skessuhorn - 02.04.2014, Blaðsíða 12

12 MIÐVIKUDAGUR 2. APRÍL 2014
Hannibal Hauksson hefur ver-
ið ráðinn ferðamálafulltrúi Akra-
neskaupstaðar. Umsækjendur um
starfið voru 22. Verkefni ferða-
málafulltrúi felast meðal annars í að
kynna Akranes fyrir innlendum og
erlendum ferðamönnum, aðstoða
við að búa til ferðapakka í samstarfi
við ferðaþjónustuaðila á Akranesi
og víðar á Vesturlandi og hafa yfir-
umsjón með upplýsingamiðstöð og
tjaldsvæði.
„Hannibal Hauksson er með
stúdentspróf frá Fjölbrautaskóla
Vesturlands á Akranesi og BS
gráðu í ferðamálafræði frá Há-
skóla Íslands. Hann hefur starf-
að við ferðaþjónustu síðastliðin ár,
þar af síðustu fimm ár sem sölu-
stjóri og staðgengill framkvæmda-
stjóra ÍT ferða. Í starfi sínu sem
sölustjóri hefur Hannibal komið
að flestu sem viðkemur skipulagn-
ingu, framleiðslu, markaðssetn-
ingu, sölu og utanumhaldi ÍT ferða
en félagið sérhæfir sig meðal annars
í hópferðum.“ Hannibal sem er 35
ára að aldri er búsettur á Akranesi
og borinn og barnfæddur Skaga-
maður. Hann hefur verið formað-
ur körfuknattleiksfélags Akraness
undanfarin þrjú ár. Hann er í sam-
búð með Eygló Hlín Stefánsdóttur
og eiga þau þrjá syni.
mm
Vodafone er um þessar mund-
ir að innleiða nýtt stafrænt dreifi-
kerfi fyrir RÚV en með samstarf-
inu mun hliðrænt kerfi sjónvarpsins
heyra sögunni til. Voda-
fone mun reka kerfið fyr-
ir RÚV næstu 15 árin og
tryggja þannig dreifingu
á stafrænu háskerpusjón-
varpi sem 99,8% lands-
manna munu hafa aðgang að,“ seg-
ir í tilkynningu. Á mánudaginn
var slökkt á hliðrænum sendum á
mörgum stöðum á landinu. Meðal
annars í Kjós, á Akranesi, Borgar-
nesi, Reykholti, Stykkishólmi, Flat-
ey, Grundarfirði, Ólafsvík, Snæ-
fellsbæ, Hellissandi og Búðardal.
„Íbúar á þessum svæðum munu
geta móttekið stafræna útsendingu
án fyrirhafnar ef sjónvarpið er tengt
myndlykli en ef loftnet er notað þá
þarf að athuga hvort
stafrænn móttakari
sé í sjónvarpinu auk
þess sem nauðsynlegt
getur verið að skipta
um loftnet eða breyta
stefnu ef útsending næst ekki.Vakin
er athygli á því að með nýja dreifi-
kerfinu opnast fjölmargir mögu-
leikar fyrir íbúa í innsveitum sem
áður náðu eingöngu útsendingum
RÚV. Þeim býðst nú í fyrsta sinn
aðgangur að a.m.k. 9 sjónvarpsrás-
um.“ mm
Landbúnaðurinn á Íslandi sem og
sveitir landsins hafa gengið í gegn-
um mikið breytingaskeið síðustu
áratugina og ekki sér fyrir endann
á þeirri þróun. Stoðkerfi atvinnu-
greinarinnar hefur einnig tekið
miklum breytingum og um síðustu
áramót varð viðamikil breyting á
kerfi varðandi dýraeftirlit í landinu.
Grundvallarbreytingin var sú að eft-
irlitið var fært frá sveitarfélögum til
Matvælastofnunar. Í stað 40 forða-
gæslumanna í hlutastörfum voru
settar stöður sex dýraeftirlitsmanna
sem starfa hver um sig á svæðum
embætta héraðsdýralækna. Í starf
dýraeftirlitsmanns í Vesturumdæmi
var ráðinn Guðlaugur Antons-
son, sem áður var landsráðunautur
í hrossarækt hjá Ráðgjafarmiðstöð
landbúnaðarins. Reyndar fékk Guð-
laugur ársleyfi frá því starfi. „Mér
finnst spennandi að koma að því að
móta nýtt starf og það var þægilegt
fyrir mig að þurfa bara að flytja mig
milli skrifstofa hér á Hvanneyri.
Ég vildi ekki gefa gamla starfið al-
veg frá mér fyrr en reyndi á hvern-
ig mér reiddi af í nýja starfinu. Mér
líst ágætlega á nýja starfið en ljóst
er að það verður annasamt, enda
mjög víðfeðmt svæði og líka annað
af tveimur stærstu svæðum landsins
hvað fjölda búfjáreigenda varðar,“
sagði Guðlaugur þegar blaðamað-
ur Skessuhorns átti spjall við hann
í liðinni viku.
Litlu færri búfjár-
eigendur á vestur- en
suðursvæði
Aðspurður segist Guðlaugur eigin-
lega líta orðið á sig sem Borgfirð-
ing og Vestlending enda hefur hann
búið og starfað á Hvanneyri í um
aldarfjórðung eða um helming æv-
innar, alveg frá því hann kom í skóla
á Hvanneyri haustið 1988. Guð-
laugur ólst upp á Suðursvæðinu, í
Vík í Mýrdal. Hann segist einmitt
hafa búist við að hans gamla svæði,
það er suðursvæðið sem nær allt
frá Hellisheiði og austur að Lóma-
gnúpi, væri mun stærra en vestur-
svæðið hvað fjölda búfjáreigenda
varðar. Annað hafi komið á dag-
inn. Búfjáreigendur á suðursvæðinu
væru einungis um hundrað fleiri en
á vestursvæðinu þar sem búfjáreig-
endur þ.e. þeir sem eiga nautgripi,
sauðfé eða hross, eru samtals 1160.
Í þeirri tölu eru auðvitað allir mjólk-
urframleiðendur á svæðinu sem eru
nú 110, en eftirlit með þeirra starf-
semi er að mestu í höndum héraðs-
dýralæknis svæðisins sem er næsti
yfirmaður Guðlaugs. Nú gegnir
Flora-Josephine Hagen Liste því
starfi með aðsetur í Stykkishólmi.
Guðlaugur segir helstu skýringuna
á þessum mikla fjölda á vestursvæð-
inu að margir búfjáreigendur séu í
þéttbýlinu, einkum hestafólk og frí-
stundabændur með sauðfé, og tals-
vert fleiri þéttbýliskjarnar séu á
vestur- en suðursvæðinu. Vestur-
svæðið nær allt frá Hvalfirði um
Vestfirði og norður í Árneshrepp á
Ströndum.
Áhættuflokkað
dýraeftirlit
Við þá kerfisbreytingu sem nú á
sér stað með því að flytja dýraeftir-
lit frá sveitarfélögum til Matvæla-
stofnunar verður sú breyting á eft-
irlitinu að það verður meira áhættu-
miðað en áður og meira er skor-
ið á milli þess að sami aðilinn sem
á stundum hefur verið ráðunaut-
ur búnaðarsambands eða Ráðgjaf-
armiðstöðvar, sjái bæði um ráðgjöf
og eftirlit. Forðagæslumenn fóru og
skoðuðu á hverju vori hjá öllum bú-
fjáreigendum í landinu, það er hjá
þeim sem eru með sauðfé, nautgripi
og hross. Það gefur auga leið að
einn dýraeftirlitsmaður svo sem er
á vestursvæðinu gæti aldrei heim-
sótt á tólfta hundrað búfjáreigendur
á sama árinu. Þess vegna er farin sú
leið að áhættuflokka eftirlitið, svo
sem vegna áhættu af neyslu afurða,
vegna dýrasjúkdóma, vegna með-
ferðar dýra, stærðar búa og dýra-
tegunda. Í vetur verður t.d. sjónum
einkum beint að framleiðendum
nautakjöts, forsögu svo sem varð-
andi vorskoðun síðustu ára, stærð
búa og slembiúrtaki, auk viðbragða
vegna ábendinga um eitthvað sem
mætti betur fara varðandi dýravel-
ferð. Einnig er á hverjum tíma litið
til heilbrigðisskoðunar í sláturhús-
um sem stundum gefur vísbending-
ar um að eitthvað sé athugavert við
aðbúnað. Guðlaugur segir að góð
staða á búum hvað varðar aðbúnað
og heilbrigði dýra, þýði færri heim-
sóknir dýraeftirlitsmanna. Það þýð-
ir líka minni kostnað fyrir búfjár-
eigendur varðandi eftirlitið, en rík-
ið leggur ekki nema takmarkað fjár-
magn til dýraeftirlits. Eftirlitið er
að stærstum hluta fjármagnað með
gjaldtöku, það er frá búfjáreigend-
um.
Allt undir í
dýraeftirlitinu
Eins og að framan var greint er
eftirlit með búum í mjólkurfram-
leiðslu á svæðinu að mestu í hönd-
um héraðsdýralæknis. Að eftirliti í
frumframleiðslu koma einnig eftir-
litsdýralæknar á þeim svæðum þar
sem þeir eru. Þar er oft miðað við
fjölda verkefna og verkefna á borð
við sláturhús og eftirlit með inn- og
útflutningi dýra. Guðlaugur seg-
ir að í dýraeftirlitinu sé í raun allt
undir varðandi búpeninginn svo
sem heilnæmi fóðurs, heilbrigði og
líðan dýra, hollustuhætti í matvæla-
framleiðslu, notkun lyfja, merking-
ar dýra, fóðurbirgðir, gripafjölda og
gæðastýring.
Aðspurður segir Guðlaugur að
sá rammi sem búfjáreftirlitsmenn
starfi eftir séu lög og reglugerð-
ir er varða matvælaframleiðslu og
búfénað. Núna séu til dæmis kom-
in ný lög um velferð dýra og búfjár-
hald. Þá sé von á nýjum reglugerð-
um um velferð sauðfjár og geitfjár,
nautgripa og hrossa. Þessar nýju
reglugerðir veiti betri möguleika og
heimildir eftirlitsaðila til að grípa
inn í ef meðferð og aðbúnaður er
ekki sem skyldi.
Koma að mótun laga
og reglugerða
Guðlaugur segir að starfsemi Mat-
vælastofnunar eins og dýraeftir-
lits sé framkvæmd eftir lögum sem
Alþingi setur og reglugerðum frá
ráðuneytum. Ráðuneytið feli síðan
Matvælastofnun að hafa eftirlit með
að eftir reglugerðum sé farið. Að
smíði þeirra reglugerða komi hags-
munaaðilar svo sem búgreinafélög
bænda. Á öllum stigum hafi þeir að-
komu að laga- og reglugerðasmíði.
Sem dæmi má nefna nýja reglu-
gerð um gæðastýringu í sauðfjár-
rækt. Í henni eru auknar áherslur
hvað varðar umhverfi og umgengni
á býlum sem eru í grunninn komnar
beint frá sauðfjárbændum sjálfum.
Félög sauðfjárbænda í Borgar-
firði og á Snæfellsnesi hafa fengið
Guðlaug til sín á fundi núna á síð-
ustu vikum. Þar kynnti hann helstu
þætti í nýju fyrirkomulagi dýraeft-
irlits. Guðlaugur segir að sér hafi
fundist frekar gott hljóð í bændum
með þessa kerfisbreytingu og eftir
um hálftíma kynningu af hans hálfu
hefðu fyrirspurnir ekki verið marg-
ar og mun færri en hann hefði að
óreyndu búist við. Annars ráðlegg-
ur Guðlaugur bændum að kíkja inn
á vefinn, reglugerdir.is eða slóð á
heimasíðu MAST þar finna má all-
ar helstu upplýsingar svo sem lög
og reglugerðir.
Gátlistar og niðurstöður
í gagnagrunn
Guðlaugur segir að sérstakir gát-
listar hafi nú verið útbúnir fyrir
hverja búfjártegund varðandi að-
búnað, meðferð og líðan. Þeir séu
nokkuð langir og þar er hugað að
mörgu. Aftur á móti sé t.d. gátlist-
inn varðandi gæðastýringu í sauð-
fjárrækt mun styttri. Þar er metið
ástand girðinga, ástand umhverf-
is við mannvirki, umhirða og upp-
röðun lausra hluta og síðast en ekki
síst gæðahandbók. Guðlaugur seg-
ir að niðurstöður eftirlits fari í sér-
stakan miðlægan gagnagrunn og í
framhaldinu séu skýrslur sendar til
bænda. Þeir hafi síðan tveggja vikna
andmælarétt við athugsemdir sem
gerðar hafa verið. Ef andmæli hafa
borist er hvert mál skoðað og að
lokum endanleg skýrsla send. Guð-
laugur segir að sem betur fer gefi
ábendingar um vanrækslu dýra, sem
m.a. berast inn í gátt á heimasíðu
Matvælastofnunar, sjaldan tilefni til
aðgerða. Oft séu þar hlutir ekki eins
og sýnist í fyrstu. En að sjálfsögðu
sé brugðist við öllum ábendingum
og gengið úr skugga um hvort þær
eigi við rök að styðjast og mjög mik-
ilvægt sé að fólk sendi inn ábend-
ingar telji það ástæðu til.
Í langflestum tilfellum
sómabúskapur
Guðlaugur hefur nú á síðustu vik-
um heimsótt um 60 búfjáreigendur
og segir að í langflestum tilfellum
telji hann búin með sóma og hann
hafi þá einungis gert smávægileg-
ar athugasemdir um það sem betur
mætti fara eða stangist á við reglu-
gerðir. Þeir hlutir þurfi síðan að
hafa verið lagfærðir við næstu skoð-
un. „Auðvitað er líka eitthvað um
að viðhaldi hafi ekki verið sinnt sem
skyldi og aðstaða standist því ekki
þær kröfur sem gerðar eru í dag t.d.
varðandi rými og aðbúnað. Er þá
farið fram á tímasetta úrbótaáætlun
þar um,“ sagði Guðlaugur Antons-
son að endingu.
þá
Hannibal Hauksson.
Hannibal Hauksson ráðinn ferða-
málafulltrúi Akraneskaupstaðar
Slökkt á hliðrænum
sendingum RÚV
Spennandi að koma að því að móta nýtt starf
Spjallað við Guðlaug Antonsson nýráðinn dýraeftirlitsmann í Vesturumdæmi
Guðlaugur Antonsson dýraeftirlitsmaður í Vesturumdæmi.