Skessuhorn - 02.04.2014, Blaðsíða 14
14 MIÐVIKUDAGUR 2. APRÍL 2014
Þessa dagana er fyrsta skemmti-
snekkjan sem skráð hefur verið á
Akranesi stödd í lögsögu Mexíkó í
mynni Kaliforníuflóa í Kyrrahafi.
Stefnan hefur verið sett á Panama-
skurð. Skipverjar ætla að sigla fleyji
sínu í gegnum hann og inn á Atl-
antshaf. Frá skurðinum verður siglt
í norður, framhjá Kúbu og til Flór-
ída. Þaðan verður svo haldið áfram
til norðurs heim til Íslands og Akra-
ness, nýrrar heimahafnar. Skemmti-
snekkjan er tíu ára gamalt skip,
útbúið miklum lúsus handa fólki
sem hefur nægt fé milli handanna.
Lystisnekkjan heitir Amelia Rose
og verður hin fyrsta sinnar tegund-
ar sem býðst ríkum ferðamönnum
til leigu á meðan þeir sækja Ísland
heim. Þannig er hún alger nýjung í
ferðaþjónustu á Íslandi.
Glæsiskip og
völundarsmíði
„Amelia Rose er mjög vel útbú-
in snekkja. Í henni eru klefar á
borð við hótelsvítur fyrir 18 far-
þega og fimm manna áhöfn. Skip-
ið er 35 metra langt og mælist 230
tonn. Það er búið tveimur öflug-
um Caterpillar aðalvélum og tveim-
ur ljósavélum. Olíutankar rúma 40
tonn, vatnstankar 20 tonn og um
borð er búnaður til að eima vatn
úr sjó. Skipið getur verið tvær vik-
ur á stöðugri siglingu miðað við 12
hnúta ferð. Hámarks siglingarhraði
er 16 hnútar,“ segir Gunnar Leifur
Stefánsson. Hann er annar tveggja
Akurnesinga sem nýverið festu kaup
á snekkjunni í Mexíkó.
„Snekkjan er rúmlega 300 milljóna
króna virði og í afar góðu standi.
Mikil völundarsmíði og sú eina sinn-
ar gerðar í heiminum. Allar innrétt-
ingar eru afar vandaðar, handunn-
ar og mikið um fallegan útskurð á
tréverki. Snekkjan var smíðuð fyrir
stóran byggingaverktaka sem stóð
í hótelbyggingum við Kaliforníu-
flóa. Það var á svipuðum tíma og í
aðdraganda efnahagshrunsins hér
á Íslandi. Við heimskreppuna sem
varð haustið 2008 fór að fjara und-
an rekstrinum. Við kaupum skipið
úr eins konar þrotabúi sem réttar-
höld hafa staðið yfir um. Það fylgir
því nokkur áhætta að fara til Mexíkó
og gera svona viðskipti þar. Um-
hverfið er óútreiknanlegt og Banda-
ríkjamenn forðast það til að mynda.
Við tókum áhættuna, fórum þarna
inn og fengum skipið keypt. Amelia
Rose hefur nú verið skráð á Íslandi.
Þar til hún komst í okkar eigu var
Amelia Rose stærsta einkasnekkjan í
Mexíkó. Nú er hún orðin sú stærsta
undir íslenskum fána,“ segir Gunn-
ar Leifur.
Verður leigð fjársterk-
um ferðamönnum
Fjögurra manna íslensk áhöfn er nú
að sigla Ameliu Rose áleiðis til Ís-
lands. Þar af eru tveir Akurnesing-
ar, þeir Guðmundur Jón Hafsteins-
son skipstjóri og Guðjón Valgeirs-
son yfirvélstjóri. Aðrir í áhöfn eru
Markús Alexandersson skipstjóri
og Bjarni Bogason vélstjóri. „Þegar
þeir koma til Flórída verður stopp-
að í stuttan tíma og síðan siglt áfram
til Íslands. Við áætlum að Amelia
Rose komi til landsins í maí.“
Sævar Matthíasson er félagi
Gunnars í kaupunum á Ameliu
Rose. „Við ætlum að bjóða efna-
meiri ferðamönnum að taka skip-
ið á leigu. Það yrði þá hægt að fara
í skemmtisiglingar hér á Faxaflóa
eða í lengri ferðir svo sem að Snæ-
fellsnesi, í Breiðafjörð, til Vestfjarða
eða hvert sem hugurinn girnist. Það
verður ekki selt í lausasölu um borð
í Ameliu Rose. Þetta er ekki þannig
skip. Fjórir menn verða í áhöfn.“
Sævar segir að góður markhóp-
ur sé til fyrir þessa viðskiptahug-
mynd. „Hann er til, já. Hingað
koma margir vel stæðir ferðamenn
sem eru reiðubúnir að greiða fyr-
ir dýra þjónustu. Dæmi um það eru
þyrluferðirnar. Þeir sem gera þær út
hafa vart undan að anna eftirspurn
ferðalanga sem vilja leigja sér þyrlu
til að ferðast yfir landinu.“
Sjá fjölmarga möguleika
Gunnar Leifur segir að heima-
höfn Ameliu Rose sé og verði Akra-
nes. „Við munum þó eflaust sækja
á markhópinn í Reykjavík. Það eru
ýmsir möguleikar í rekstri svona
skips. Amelia Rose er afar gott sjó-
skip. Meðal annars má nefna hug-
myndir um að fara með skipið til
Vestur Grænlands í samvinnu við
ferðaskrifstofur í Danmörku og
Grænlandi. Þar má bjóða veiði-
mönnum að leigja skipið í viku-
ferðum. Þeir gætu þá búið við lúx-
us í skipinu á meðan þeir stunduðu
veiðar hvort heldur í sjó, í vötn-
um og ám, eða á landi. Við höfum
þó mestan áhuga á að markaðssetja
skipið til nota við Ísland þar sem
tækifærin ættu að vera ótalmörg.“
Fjórir til fimm skipverjar verða í
áhöfn Ameliu Rose. mþh
Akurnesingarnir Gunnar Leifur Stefánsson og Sævar Matthíasson eru eigendur
Ameliu Rose.
Skagamenn með mikil áform í sjávartengdri ferðaþjónustu
Aðilar á Akranesi hyggja á mikil umsvif
í ferðaþjónustu á sumri komanda. Keypt
hafa verið tvö skip til að sigla með ferða-
menn. Annað þeirra er farþegaferja sem var
um árabil í rekstri við strendur Skotlands
og hefur verið síðustu árin í útsýnisferð-
um frá Pool í Bretlandi. Hún verður notuð
til hvalaskoðunar og sjóstangveiðiferða frá
Akraneshöfn. Boðið verður upp á ferðalög
um Vesturland með rútum í eigu hópferða-
fyrirtækisins Skagaverks á Akranesi þar sem
siglingar með skipinu verða hluti af ferðun-
um.
Hitt skipið er stór og öflug skemmti-
snekkja útbúin miklum þægindum. Hún
heitir Amelia Rose og verður leigð til einka-
afnota fyrir fjársterka ferðamenn sem koma
til landsins. Nú er verið að sigla Amelia
Rose áleiðis til Íslands frá Kyrrahafsströnd
Mexíkó. Hitt skipið bíður þess að verða sótt
til Akraness frá Englandi. Bæði skipin verða
skráð á Akranesi. Áætlað er að þau ver-
ið bæði komin í rekstur í júnímánuði næst-
komandi.
Auk þessa stendur til að stofna ferða-
skrifstofu á Akranesi sem mun skipuleggja,
markaðssetja og selja ferðir og afnot af báð-
um skipunum ásamt því að byggja upp
spennandi ferðir um Vesturland.
Skoða má kvikmyndir af skipunum á
myndbandaveitunni YouTube (slóð: https://
www.youtube.com/user/gunnarleifur). Auk
þess má fræðast um snekkjuna Amelia Rose
á fésbókarsíðu með nafni skipsins. Þar er
líka hægt að fylgjast með ferðalagi hennar
frá Mexíkó til Íslands. mþh
Dýrasta og stærsta snekkja Íslands
Lystisnekkjan Amalie Rose við bryggju í Kalforníuflóa á Kyrrahafsströnd Mexíkó áður en lagt var í hann heim til Íslands.
Séð aftan á skut snekkjunnar. Hún hefur þegar verið skráð í sinni nýju heimahöfn
sem er Akranes.
Skagamaðurinn Guðmundur Jón Hafsteinsson er skipstjóri Ameliu Rose á
siglingunni löngu frá Mexíkó til Akraness.
Amelia Rose er afar vönduð smíði. Skipið er aðeins tíu ára gamalt. Innréttingar
eru úr viði og mikið um útskurð.