Skessuhorn - 02.04.2014, Blaðsíða 22
22 MIÐVIKUDAGUR 2. APRÍL 2014
Ýmsar nýjungar er að sjá í Sam-
göngusafninu í Brákarey í Borgar-
nesi sem rekið er af Fornbílafjelagi
Borgarfjarðar. Blaðamaður Skessu-
horns var á ferðinni í liðinni viku
í Brákarey og fór í safnið þar sem
vel var tekið á móti gesti af fulltrú-
um fornbílunga, þeim Sigurði
Þorsteinssyni safnverði, Kristjáni
Andréssyni og Benedikt Gunnari
Lárussyni. Fornbílafjélagið fagn-
aði nýverið tveggja ára afmæli og
sögðu þremenningarnir að starf
félagsins væri í miklum blóma og
áhugi fyrir starfi þess mikill.
Allskyns munir til sýnis
Blaðamaður hafði ekki heimsótt
Samgöngusafnið síðan það var
opnað með pompi og prakt á Brák-
arhátíð í júní 2012 og sá hann strax
að ýmislegt nýtt bar fyrir sjónir.
Þremenningarnir greindu frá því
að vöxtur hafi orðið nánast á öll-
um vígstöðvum safnsins og félags-
ins frá stofnun. Í fyrsta lagi hafi fé-
lögum fjölgað og eru þeir nú orðnir
um 160 talsins. Flestir eru þeir bú-
settir í Borgarnesi og Borgarfirði,
en þó er býr drjúgur hluti félaga
utan héraðsins t.d. á Akranesi og
á höfuðborgarsvæðinu. Fornbílum
á snærum félagsins hefur að sama
skapi fjölgað og eru nú 35 geymdir
í Samgöngusafninu, sem þegar er
búið að sprengja utan af sér núver-
andi húsnæði. Þá hafi ýmsum bíla-
og samgöngutengdum safnmun-
um fjölgað umtalsvert í safninu og
má þar nú sjá allskyns muni á borð
við skilti, ljósmyndir, bensíndælur,
bílamódel, fána, fatnað og ýmislegt
fleira.
„Þetta hefur undið upp á sig síð-
an við fórum af stað og höfum við
fengið ótrúlegustu hluti til varð-
veislu úr ýmsum áttum,“ segir Sig-
urður safnvörður sem segir félaga
afar glaða yfir gjöfunum. „Það er
gott að geta kryddað safnið með
gripum sem þessum. Þeir gleðja
augað,“ bætir hann við. Með-
al annarra gripa sem safnið hefur
fengið til varðveislu eru verkfæri
og hlutir úr dánarbúi Guðmund-
ar Jónssonar bifvélavirkja við Þor-
steinsgötu í Borgarnesi. Þeim hef-
ur verið stillt upp á völdum stað í
einu horni safnsins, svona rétt til
að gefa gestum innsýn í hefðbund-
ið borgfirskt bílaverkstæði. Einn-
ig eru í safninu gamlir snjósleðar,
reiðhjól og mótorhjól.
Nýir fornbílar komnir
Félagsaðstaða Fornbílafjelagsins
hefur einnig tekið stakkaskiptum
og er þar nú fyrirtaks aðstaða til
að halda fundi og taka á móti hóp-
um sem koma að skoða Samgöngu-
safnið. „Það hefur verið keppikefli
okkar að búa til góða aðstöðu fyr-
ir félagsmenn og gesti. Félagið
stendur fyrir óformlegum fundum
á hverju einasta þriðjudagskvöldi í
félagsaðstöðunni þar sem félagar
hittast, drekka kaffi, skoða bíla-
myndir á skjávarpa og rabba sam-
an. Einnig erum við með stærri
viðburði einu sinni í mánuði og
horfum jafnvel á kvikmyndir,“ seg-
ir Kristján sem bætir því við að
stundum haldi félagið sameigin-
lega viðburði með Fornbílaklúbbi
Íslands.
Meðal bíla sem hafa nýlega ver-
Góð aðsókn og mikið líf í Samgöngusafninu í Brákarey
Fjölbreyttir fornbílar á öllum aldri eru nú í Samgöngusafninu í Brákarey. Þessir fornbílafélagar tóku vel á móti blaðamanni. F.v. Sigurður Þorsteinsson
safnvörður, Kristján Andrésson og Benedikt Gunnar Lárusson.
Fornbílafjelagið hefur komið sér upp góðri félagsaðstöðu í Samgöngusafninu.
Hér kryfja málin þeir Sæmundur Sigmundsson, Ólafur Helgason formaður
Fornbílafjélagsins, Benedikt Gunnar, Sigurður og Kristján.
Chevrolet C-15A herbíll, árgerð 1943. Eigandi bílsins er Jörundur Kristinsson.
Fyrrum einkabíll Vigdísar Finnbogadóttur forseta, Toyota Crown árgerð 1988.
Bíllinn er nú í eigu Fornbílafjélagsins.
Módel af Ford 42 mjólkurbíl, fallega smíðaður af Sigurgeiri Gíslasyni í Borgarnesi.
Þessi Cadillac er í eigu Davíðs Péturssonar og Jóhönnu Guðjónsdóttur á Grund
í Skorradal. Bílinn var áður í eigu Guðjóns B. Ólafssonar, síðasta forstjóra Sam-
bands íslenskra samvinnufélaga, sem flutti hann til landsins um svipað leyti og
hann tók við stjórn Sambandsins 1986.
Þessi Ford T, árgerð 1927, er einn elsti safngripurinn. Bíllinn var áður í eigu
Sæmundar Sigmundssonar en er nú í eigu Landbúnaðarsafns Íslands.
Verkstæðismunir úr bílaverkstæði
Guðmundar Jónssonar bifvélavirkja í
Borgarnesi.
BSÍ taska sem ófáir bílstjórar hafa
eflaust haft um öxl á árum áður.
Klassísk bensíndæluskilti, Shell, Esso
og BP.