Skessuhorn - 02.04.2014, Blaðsíða 32
32 MIÐVIKUDAGUR 2. APRÍL 2014
Það var mikil stemning og fullt
hús gesta þegar hestamannafélög-
in fimm á Vesturlandi, í samráði
við Hrossaræktarsamband Vestur-
lands og hússtjórn reiðhallarinn-
ar, hélt sína fjórðu Vesturlands-
sýningu í Faxaborg í Borgarnesi á
laugardagskvöldið. Þétt var setið
á pöllunum og talið að áhorfend-
ur og sýnendur hafi verið hátt í sex
hundruð. Mörg glæsihross voru
sýnd og vel útfærð og fjölbreytt at-
riði ýmist í höndum fagfólks eða
minna vanra sýnenda.
Meðal atriða má nefna kynbóta-
sýningar, skeiðspretti (með mis-
jafnlega mikið klæddum knöpum),
og bestu hrossin í landshlutanum
í A og B flokki gæðinga. Þá voru
vel útfærðar og glæsilegar sýning-
ar hjá börnum og unglingum og
ekki síst ungmennum sem komu
frá Menntaskóla Borgarfjarðar. At-
riði þeirra þótti vel undirbúið og
til fyrirmyndar. Greinilegt að sterk
hestamenning er að skapast í skól-
anum.
Vestlensku valkyrjurnar komu,
sáu og sigruðu. Þar er á ferðinni
hópur atvinnukvenna eða mik-
ið vanra í hestamennsku. Atriði
þeirra var fagmannlegt í alla staði.
Að vísu varð það óhapp að eitt sýn-
ingarhross þeirra hrasaði, en knap-
inn, Heiða Dís Fjeldsted í Ferju-
koti kom ósködduð úr biltunni
og gat haldið sýningu áfram. Á
undan valkyrjunum kom reynd-
ar óvænt atriði félaganna Reyn-
is Magnússonar og Inga Tryggva-
sonar í Borgarnesi í gervi glæsi-
kvenna með glæsiinnkomu undir
söng Skriðjökla á laginu Hryssan
mín blá. Vakti pistill Inga og sprell
þeirra félaga mikla kátínu meðal
gesta.
Ræktunarbússýningar voru frá
Hrísdal, Skipaskaga, Skáney auk
Grafarkots í Húnavatnssýslu sem
kom með vel útfærða gestasýn-
ingu. Tvær afkvæmasýningar voru í
boði. Annars vegar afkvæmi Glyms
frá Innri Skeljabrekku en hins veg-
ar afkvæmi Auðs frá Lundum II.
Unglingsstúlkan Guðný Margrét
Siguroddsdóttir frá Hrísdal bauð
upp á skemmtilega sýningu á hest-
inum Háfeta, frumraun þeirra í
óvenjulegri en listrænni sýningu.
Tveir stóðhestar sem verða á veg-
um Hrossaræktarsambands Vest-
urlands í sumar voru sýndir, báð-
ir klárhestar. Annars vegar var það
Hringur frá Gunnarsstöðum undan
Hróð frá Refsstöðum en hins veg-
ar Sjálfur Álfsson frá Austurkoti.
Lokaatriði var sýning á stóðhest-
inum Skýr frá Skálakoti, glæsihesti
með einkunnina 8,59. Skýr er und-
an Sólon frá Skáney. Það var Jakob
Svavar Sigurðsson sem sýndi.
Að sögn gesta sem Skessuhorn
ræddi við var hér um afar góða sýn-
ingu að ræða, vel að verki staðið
við skipulagningu og framkvæmd
og gott flæði. Fólk fór því sérlega
ánægt heim þremur tímum síðar og
fullvisst um að ekki þurfi að kvíða
hestakosti á Vesturlandi á næst-
unni.
„Við forsvarsmenn sýningarinnar
erum mjög ánægðir með hvernig til
tókst. Þetta er greinilega viðburður
sem er kominn til að vera. Sýning-
in sýndi mikla breidd, þ.e. allt frá
því að atvinnumenn sýna toppana
í hrossarækt á svæðinu og glæsileg
ræktunarbú yfir í frábærar skraut-
sýningar sem endurspegla félags-
lífið í hestamannafélögunum bæði
hjá börnum og fullorðnum,“ seg-
ir Svala Svavarsdóttir, sem átt hef-
ur sæti í framkvæmdnefnd sýning-
arinnar frá upphafi.
mm/ Ljósm. iss.
Fullt hús á fjórðu Vesturlandssýningunni
Vestlenskar valkyrjur. Hér er Ásdís Ólöf Sigurðardóttir að taka Hryn frá Hrísdal til kostanna.
Guðný M Siguroddsdóttir og Háfeti sýndu skemmtilegt samspil milla tveggja vina.
Ingi Tryggvason og Reynir Magnússon fóru á kostum sem vestlenskar valkyrjur.
Jakob Sigurðsson sýnir hér Abraham frá Lundum II.
Fanney Þóra Gísladóttir reið í söðli
klædd þjóðbúningi í opnunaratriði
Vesturlandssýningarinnar.
Þórarinn Ragnarsson og Hringur frá Gunnarstöðum. Hringur vakti athygli fyrir
mikinn fótaburð.