Skessuhorn - 15.04.2014, Qupperneq 12
12 MIÐVIKUDAGUR 15. APRÍL 2014
Grímshúsfélagið í Borgarnesi var
stofnað í október 2011. Tilgangur
félagsins er endurbygging Gríms
húss í Brákarey í Borgarnesi. Húsið
var byggt 1942 og er búið að standa
í mikilli niðurníðslu síðustu ára
tugi, íbúum í Borgarbyggð til ar
mæðu og leiðinda. Grímshús er
eina byggingin í Borgarnesi sem
reist var yfir merkilega útgerð, sem
stóð með blóma um nokkurt skeið
frá Borgarnesi. Það var Útgerðar
félagið Grímur sem lét reisa húsið
yfir starfsemi sína, en það var stofn
að árið 1933. Eins og fram kemur
í auglýsingu í Skessuhorni í dag
verður aðalfundur félagsins hald
inn í Alþýðuhúsinu í Borgarnesi
miðvikudaginn 23. þessa mánaðar.
Skessuhorn leitaði frétta af gangi
mála hjá Sveini G. Hálfdánarsyni,
stjórnarmanni í Grímshúsfélaginu.
„Húsið er mikið verr farið en
menn reiknuðu með. Eftir tvo elds
voða í húsinu á áttunda áratugn
um var þak þess gjörsamlega ónýtt.
Í fyrrasumar var það endurbyggt
úr nýju efni og var kostnaður við
þá framkvæmd um fimm milljón
ir króna. Nú á þessu ári er ætlunin
að setja nýja glugga og gler í mest
allt húsið. Og síðan á árinu 2015
að gera við múrskemmdir og ljúka
viðgerð að fullu utan húss,“ seg
ir Sveinn. Auk hefðbundinna aðal
fundarstarfa 23. apríl verður geng
ið frá endanlegu samkomulagi við
Borgarbyggð um Grímshúsið, en
bráðabirgða samkomulag hefur
verið í gildi. „Annað aðalefni fund
arins verður að hefja umræðu um
innra fyrirkomulag hússins og nýt
ingu þess. Vissulega hefur ýmsum
nýtingarmöguleikum verið velt upp
og mætti þar auðvitað fyrst nefna
varðveislu útgerðar og atvinnu
sögunnar. Einnig að nýta mætti
húsið jafnframt til ýmiskonar sam
komuhalds.“
Þá segir Sveinn að meginvinna
stjórnar félagsins væri fólgin í fjár
öflun til framkvæmdanna. „Ágæt
lega hefði tekist til með það sem
komið er. Búið er að greiða þakið
að fullu og nokkur hundruð þúsund
krónur eru til í sjóði og vilyrði fyrir
framlögum sem ættu að fara langt
til með að greiða glugga og gler í
húsið. En það er mikið verk fram
undan við að koma húsinu í ásætt
anlegt horf.“ Sveinn vildi að lok
um koma fram sérstöku þakklæti
stjórnar Grímshúsfélagsins til allra
þeirra sem stutt hafa þetta verk
efni bæði með fjárframlögum, sjálf
boðavinnu og ýmiskonar annarri
fyrirgreiðslu. mm
Kaþólska kirkjan í Stykkishólmi
vill breyta einni af byggingum sín
um í gistirými fyrir 50 manns. Um
er að ræða hús sem áður hýsti leik
skóla á vegum reglu St. Fransiskus
systra í bænum. Einnig hefur verið
sótt um leyfi til bæjaryfirvalda að
byggja ofan á Hótel Stykkishólm
svo stækka megi það um 13 her
bergi. Í undirbúningi er að skipta
núverandi flóabátnum Baldri út
fyrir annað skip og stærra. Lár
us Ástmar Hannesson bæjarstóri í
Stykkishólmi segir að fjölmörg já
kvæð teikn séu á lofti í bænum.
Stöðug fjölgun
gistiherbergja
Lárus segir að gistirýmum fyrir
ferðafólk sé að fjölga hratt í Stykk
ishólmi. Þetta sé framhald á þró
un sem hafi átt sér stað á síðustu
árum. „Ætli þeim hafi ekki fjölg
að um 50 árlega núna undanfar
in ár ef allt er talið, heimagisting
og gistiheimili. Miðað við nýj
ustu áform mun þeim enn fjölga.
Það hefur verið aðeins meiri ferða
mannastraumur hingað í vetur en í
fyrra en samt ekki nóg. Við þurf
um að fá meiri vetrarumferð hing
að til að geta skapað fleiri heilsárs
störf í ferðaþjónustunni. Þá næst
betri stöðugleiki.“ Bæjarstjór
inn segir mjög jákvætt að húsnæði
gamla leikskóla St. Fransiskusregl
unnar fái nýtt hlutverk. „Þetta yrði
þá væntanlega að veruleika á næsta
ári. Byggingin er mjög vel staðsett
með tilliti til þessa. Það er gott út
sýni yfir höfnina og margar góðar
gönguleiðir í nágrenninu.“
Jákvæð nýting á lausu
húsnæði
Bæjaryfirvöld í Stykkishólmi hafa
um skeið horft til þess að koma mik
illi og öflugri starfsemi í bygging
arnar sem standa á lóð sjúkrahúss
ins í Stykkishólmi. „Það var verið að
horfa á að koma allri öldrunarþjón
ustu í bænum þarna inn auk þess
að vera með háls og bakdeildina,
sjúkrarými, heilsugæslu og tann
lækni. Þá hefði náðst mjög góð nýt
ing á þessum húsakosti. Hvað sem
verður er hins vegar óljóst. Nú síð
ast fengum við beiðni frá Velferðar
ráðuneytinu um að skipa í nefnd til
að samstilla öldrunarþjónustuna í
Stykkishólmi en ekki minnst á háls
og bakdeildina né sjúkrarými. Við
skipuðum í þá nefnd með því skil
yrði að hlutverk hennar yrði útvíkk
að. Það yrði að taka háls og bak
deildina og sjúkrarýmin inn í þetta.
Við verðum að skoða framtíð þessa
húsnæðis sjúkrahússins með heild
stæðum hætti. Það gengur ekki að
taka bara öldrunarþjónustuna út
fyrir en fjalla ekkert um hina þætt
ina. Ef það á að raða ýmsri starf
semi inn í þetta húsnæði þá verður
að horfa á það í heild.“
Kaup skoðuð á
nýjum Baldri
Bæjaryfirvöld í Stykkishólmi hafa
nú til umföllunar umsókn frá Hótel
Stykkishólmi um stækkun. „Það yrði
þá byggt þar ofan á núverandi hús
næði og bætt við hæð með 13 her
bergjum en rekstur hótelsins hefur
verið að eflast ár frá ári. Rekstrar
aðilar hótelsins hafa verið útsjónar
samir til að fá ný verkefni. Það sem
kallast Unaðsdagar í Stykkishólmi
eru gott dæmi um það. Þeim vikum
hefur fjölgað sem eru svokallaðar
Unaðsvikur. Svo lítur allt út fyrir
að við séum brátt að fá nýjan Bald
ur, stærri ferju í staðinn fyrir þá
sem er nú. Hér voru menn um dag
inn frá Grænhöfðaeyjum að skoða
Baldur með það í huga að kaupa
hann hugsanlega. Hann annar ekki
lengur umferðinni þegar mest er að
gera á sumrin. Nú er einmitt ver
ið að lengja ferjubryggjuna. Líklega
þarf að sækja strax um meiri leng
ingu ef ný og lengri ferja kemur í
Stykkishólm.“
Ýmsar framkvæmdir
við höfnina
Lárus segir að búið sé að vinna ým
islegt til að bæta og fegra hafnar
svæðið í Stykkishólmi. „Við erum
búin að skipta um löndunarkrana
og höfum fjölgað og endurnýjað
flotbryggjur fyrir smábáta. Þær eru
smíðaðar hjá Skipavík hér í bæn
um. Bílastæði við höfnina hefur
verið malbikað og skipt um rekk
verk á brúnni út í Stykkið. Það hef
ur verið vöxtur í starfsemi við hana,
bæði í sambandi við veiðar smábáta
og svo í ferðamennskunni. Höfnin
hefur verið rekin með hagnaði síð
ustu árin. Reyndar lítur ekki vel út
með grásleppuveiðarnar í ár. Þeg
ar besta grásleppuvertíðin var 2010
þá bárust hér á land verðmæti fyrir
450 til 490 milljónir króna. Hrogn
kelsin gáfu yfir sjö milljónir í hafn
argjöld. Nú verður þetta hins vegar
óverulegt í samanburði.“
Til viðbótar þessu hefur verið
unnið að endurbótum í Súgandisey.
„Þar fengum við styrk frá Fram
kvæmdasjóði ferðamannastaða.
Göngustígar hafa verið lagðir upp
eftir henni, hlaðið upp umhverf
is vitann og nú er verið að lagfæra
tröppurnar í eyjunni. Hún er mjög
vinsæl meðal ferðamanna enda fal
legt útsýni af henni.“
Bjart framundan
í byggingaiðnaði
Verði áform um fjölgun gistirýma
að veruleika í Stykkishólmi er ljóst
að mikið verður um að vera í bygg
ingariðnaði í bænum síðar á þessu
ári og því næsta.
„Svo var verið að sækja um lóð
fyrir einbýlishús sem alltaf er gleði
efni. Vonbrigðin á þessari stundu
eru að hrognkelsaveiðarnar virð
ast ekki ætla að skila miklu í ár. Auk
þess sem síldveiðarnar urðu minni
en væntingar stóðu til og minni
en fiskveiðiárið á undan. Eitthvað
hefur verið óljóst með framvindu
vaxtar og menningarsamnings og
sóknaráætlunin er dregin saman
um 75%. Það er því ekki hægt að
segja að ríkisvaldið sé landsbyggð
arvænt segir Lárus Ástmar Hann
esson bæjarstjóri í Stykkishólmi og
oddviti Llistans þar í bæ.
mþh
Skipt var um þak á húsinu í fyrrasumar.
Framundan er að ákveða notkun Grímshússins
Lárus Ástmar Hannesson bæjarstjóri í Stykkishólmi:
Segir mikla grósku framundan í Hólminum
Lárus Ástmar Hannesson bæjarstjóri í Stykkishólmi.
Ferðamönnum fjölgar stöðugt í Stykkishólmi. Þessir fóru í
útsýnissiglingu með Sæferðum í liðinni viku.
Þetta hús hýsti fyrrum leikskóla St. Fransiskureglunnar í
Stykkishólmi. Nú vill kaþólska kirkjan breyta því í gistiheimili
sem myndi rúma 50 ferðamenn.
Fyrir bæjaryfirvöldum liggur umsókn um að stækka
Hótel Stykkishólm með því að byggja ofan á hluta af
núverandi húsnæði.