Skessuhorn - 15.04.2014, Blaðsíða 30

30 MIÐVIKUDAGUR 15. APRÍL 2014
Hvað ætlar þú að gera
um páskana?
Spurning
vikunnar
Ingibjörg Unnur Pétursdóttir:
Ég ætla bara að vera heima
hjá mér um páskana og sjá um
ferðaþjónustuna og aðeins að
vinna hér í Olís.
Guðjón Sólmundarson:
Ætli maður slaki ekki á og noti
góða veðrið ef það verður.
Bryndís Bragadóttir:
Vera heima við og taka því ró­
lega.
Hlédís Sveinsdóttir:
Ég ætla að kenna dóttur minni
á skíði. Ég ætla að klára það, ég
byrjaði í fyrra.
Runólfur Þór Sigurðsson:
Ég ætla að vera uppi í bústað í
Úthlíð.
(Spurt á Akranesi)
Hundraðasta og fjórða Íslands­
glíman fór fram í íþróttahúsi Kenn­
araháskólans laugardaginn 5. apríl.
Í glímunni um Freyjumenið sigr­
aði Sólveig Rós Jóhannsdóttir úr
Glímufélagi Dalamanna og hlaut
sæmdarheitið glímudrottning Ís­
lands í þriðja sinn, en hún hlaut
sæmdarheitið síðast árið 2005. Í
glímunni um Grettisbeltið sigraði
Pétur Eyþórsson Glímufélaginu
Ármanni og hlaut þar með sæmd­
arheitið glímukóngur Íslands í ní­
unda sinn. Fjölmargir áhorfend­
ur urðu vitni að keppninni sem
var spennandi frá upphafi til enda.
Heiðursgestur á mótinu var Lárus
Blöndal forseti ÍSÍ og sá hann um
að afhenda keppendum verðlaun í
mótslok.
Grunnskólamót Glímusam­
bandsins fór fram sama dag í
íþróttahúsi Melaskóla. Krakkarn­
ir skemmtu sér vel og voru ánægð­
ir í mótslok. Glímt var á tveimur
völlum samtímis og gekk keppnin
vel fyrir sig. Frá Glímufélagi Dala­
manna mættu þrír keppendur og
varð Sigríður Ósk Jónsdóttir í 5.
sæti í 5. bekk, Páll Andri Sveins­
son í 2. sæti í 9. bekk og Sindri Geir
Sigurðsson í 5. sæti í 10. bekk.
þá/ Ljósm. asg.
Sjötugasta ársþing Íþróttabanda­
lags Akraness fór fram síðastlið­
inn fimmtudag. Þingið var nokk­
uð vel sótt en alls mættu 32 full­
trúar frá 16 aðildarfélögum ÍA. Auk
þess voru á þinginu fjöldi boðsgeta
frá Akraneskaupstað og þeim fram­
boðum sem bjóða fram í komandi
sveitarstjórnarkosningum. Í ræðu
sinni fór Sturlaugur Sturlaugsson
formaður ÍA yfir það helsta í starfi
íþróttahreyfingarinnar á Akranesi
á liðnu ári. Hann minntist Ólafs
Rafnssonar forseta ÍSÍ sem lést á
síðasta ári. Þar sem Sturlaugur var
að láta af formennsku ÍA, eftir að
hafa setið í formannsstóli frá 1999,
notaði hann tækifærið og fór yfir
það sem honum finnst mikilvægast
í starfi íþróttahreyfingarinnar.
Lögð var fram ársskýrsla ÍA fyrir
árið 2013 og farið yfir ársreikninga
íþróttabandalagsins. Heildarvelta
íþróttahreyfingarinnar á Akranesi
árið 2013 var rúmlega 342 millj­
ónir króna og reksturinn í ágæt­
is jafnvægi. Helga Steinunn Guð­
mundsdóttir varaforseti ÍSÍ ávarp­
aði þingið. Hrósaði hún ÍA fyrir
mjög öflugt starf og ábyrgan rekst­
ur. Minntist hún hversu kært Ólafi
Rafnssyni þótti að koma á Skagann
og var hann þar vel kunnugur. Ósk­
aði hún ÍA alls hins besta í framtíð­
inni.
Verulegar breytingar urðu á
framkvæmdastjórn ÍA þar sem stór
hluti stjórnarmanna hafði ákveðið
að stíga til hliðar og nokkrir eftir
áratuga setu í framkvæmdastjórn­
inni eins og t.d. Ellert Ingvarsson
og Halldór Fr. Jónsson. Sigurður
Arnar Sigurðsson var kjörinn nýr
formaður ÍA og Helga Sjöfn Jó­
hannesdóttir varaformaður. Aðr­
ir sem kosnir voru í framkvæmda­
stjórn ÍA eru: Sigríður Ragnars­
dóttir, Bjarki Jóhannesson og Sig­
urður Elvar Þórólfsson. Varamenn
voru kosin þau Steindóra Steins­
dóttir og Brynjar Sigurðsson.
Fulltrúar þeirra framboða sem
bjóða fram í komandi sveitarstjórn­
arkosningum fluttu stutt ávarp
varðandi þeirra sýn á íþróttamálinn.
Jákvæðni kom fram í þeirra máli
gagnvart íþróttastarfinu og Akra­
nesi. Voru frambjóðendur bjartsýn­
ir á að rofa færi til í fjármálum bæj­
arins þannig að hægt verði að fara
að huga að frekari uppbyggingu
íþróttamannvirkja og viðhalda bet­
ur þeim sem fyrir eru. Töluðu um
að brýnt væri að huga að stefnu­
mótun til framtíðar í íþróttamálum
og byggja þá á því góða starfi sem
unnið er innan ÍA. Að lokum þakk­
aði Sigurður Arnar nýr formaður
ÍA öllum fyrir gott þing, kvaddi frá­
farandi stjórnarfólk með rósum og
sleit 70. ársþingi ÍA.
jþþ
Tilkynnt var um úthlutun úr af­
reksmannasjóði Ungmennasam­
bands Borgarfjarðar, fyrir afrek á
árinu 2013, á stjórnarfundi UMSB
8. apríl síðastliðinn. Auglýst var
eftir umsóknum fyrr á þessu ári og
rann umsóknarfrestur út 1. mars sl.
Til úthlutunar úr sjóðnum að þessu
sinni voru 240.000 krónur. Átta
umsóknir bárust til sjóðsins. All­
ir þessir einstaklingar höfðu farið
utan í æfingabúðir eða til keppni og
hlutu allir styrk. Þetta voru: Arnar
Þórsson fyrir dans, Benjamín Karl
Styrmisson fyrir dans, Bjarki Pét­
ursson fyrir golf, Bjarni Guðmann
Jónsson fyrir badminton, Birgitta
Björnsdóttir fyrir dans, Daði Freyr
Guðjónsson fyrir dans, Helgi Guð­
jónsson fyrir ýmsar íþróttagreinar
og Tinna Kristín Finnbogadóttir
fyrir skák.
Um sjóðinn
Afreksmannasjóður UMSB var
stofnaður á 86. sambandsþingi 13.
mars 2008. Stofnframlag var styrk­
ur frá Orkuveitu Reykjavíkur að
upphæð 500.000 krónur. Tekjur af­
reksmannasjóðs eru síðan hlutfall
af Lottótekjum UMSB samkvæmt
reglugerð þar um og síðan frjáls
framlög og vaxtatekjur. Í reglum
sjóðsins kemur fram að ekki megi
skerða höfuðstól við úthlutun.
Sjóðurinn er í raun táknræn viður­
kenning á dugnaði íþróttafólksins,
en sökum smæðar hans eru upp­
hæðirnar ekki háar sem hver hlýt­
ur. Nota má allt að 75% af tekjum
sjóðsins árlega til styrkveitinga. Í
stjórn sjóðsins sitja nú Ingimund­
ur Ingimundarson, Íris Grönfeld
og Rósa Marinósdóttir og hafa þau
verið í sjóðstjórn frá upphafi. mm
Sigurður Arnar ásamt fráfarandi stjórnarfólki. F.v. Sturlaugur, Ellert, Halldór,
Laufey og Kalli Þórðar.
Sigurður Arnar er nýr formaður ÍA
Styrkþegar eða fulltrúar þeirra. F.v: Tinna, Birgitta, Bjarni, Benjamín, Arnar, Daði
og Guðjón Guðmundsson faðir Helga. Á myndina vantar golfarann Bjarka Péturs-
son sem einnig fékk styrk. Ljósm. UMSB.
Úthlutað úr afreksmannasjóði UMSB
Dalakona glímudrottning Íslands
Sólveig Rós Jóhannsdóttir glímudrottning Íslands.
Glímt á grunnskólamótinu. Glímufólk úr Dölunum tekur við verðlaunum á grunnskólamótinu.
Andri Páll Sveinsson GD, til hægri,
vann til silfurverðlauna í sínum flokki.