Skessuhorn - 23.04.2014, Blaðsíða 17

17MIÐVIKUDAGUR 23. APRÍL 2014
Þessa dagana er unnið hörðum
höndum að því að innrétta Hall-
dórsfjós á Hvanneyri vegna flutn-
ings á Landbúnaðarsafni Íslands
þangað í sumar. Fjósið er kennt
við Halldór Vilhjálmsson fyrrum
skólastjóra Bændaskólans á Hvann-
eyri en það var teiknað af Guðjóni
Samúelssyni og reist árið 1928. Að
sögn Bjarna Guðmundssonar for-
stöðumanns safnsins miðar fram-
kvæmdum vel áfram og er útlit fyr-
ir að nýja sýningarrýmið verði hið
glæsilegasta. Það er hannað af Sig-
ríði Sigþórsdóttur arkitekt frá Ein-
arsnesi og Birni G. Björnssyni sýn-
ingarhönnuði. Með Landbúnað-
arsafninu flyst Ullarselið einn-
ig í Halldórsfjós og verður selið í
móttökusal safnsins þar sem einn-
ig verður safnbúð. Þar var áður
mjólkurhús og mjaltagryfja fjóssins.
Bjarni segir að grunnsýning safns-
ins verði á tveimur hæðum, annars
vegar í fjósinu sjálfu, beggja megin
fóðurgangs, og í haughúsinu í kjall-
ara. Gólfflötur rýmisins sem tekinn
verður í notkun er tæplega 1.000
fermetrar, en fjósið var hannað fyr-
ir um 80 mjólkandi kýr.
Gengið til móts
við nútíðina
„Gengið verður frá fortíð og inn í
nútíð á sýningunni,“ segir Bjarni.
„Við miðum upphaf hennar við ný-
háttaskeiðið í landbúnaði er hófst
undir lok 19. aldar þegar farið var
að stofna búnaðarskóla hér á landi,
búnaðarfélög komu til sögu og
ráðunautar hófu að ferðast um land-
ið og kynna nýja búhætti. Síðan er
gengið til móts við vélvæðingu nú-
tíðarinnar. Á leiðinni mun ýmislegt
fróðlegt koma fyrir sjónir um bú-
hætti tuttugustu aldar, svo sem jarð-
rækt, mjólkurvinnslu og fleira. Um-
hverfi Gamla staðarins á Hvanneyri
mun einnig leika hlutverk á sýning-
unni. Á einum stað í sýningunni
mun gestum nefnilega gefast færi
á að skyggnast yfir flæðiengjarn-
ar meðfram Hvítá sér til fróðleiks
og yndisauka en ótal ræktunarm-
injar er að finna í grenndinni,“ seg-
ir Bjarni. Við enda fóðurgangsins
er loks gengið stiga í votheysgryfju
og niður í haughús þar sem drátt-
arvélar og önnur landbúnaðartæki
verða til sýnis. „Stefnt er einnig á
að byggja hús yfir þúfna banann svo
hann verði ekki útundan.“
Framkvæmt í
öruggum skrefum
Bjarni segir að framkvæmdir í
Halldórsfjósi hafi staðið yfir með
hléum síðan 2009. Stefna safnsins
hafi verið sú að framkvæma ein-
ungis fyrir það fé sem tiltækt hefur
verið hverju sinni. Því sé búið að
framkvæma í öruggum skrefum.
„Í vetur fengum við myndarlegan
styrk frá forsætisráðuneytinu sem
gerir okkur kleyft að opna safnið
í sumar, þótt ýmislegt verði óklár-
að,“ segir Bjarni. Hann vill einnig
minna á að Fasteignir ríkisins hafa
komið myndarlega að viðhaldi á
Halldórsfjósi á liðnum árum og
undirbúningi þess sem sýning-
arhúsnæðis. „Við horfum síðan
til þess að taka allt húsið í notk-
un með tímanum. Okkar sýn er
sú að í hlöðunni verði sýningar-
rými fyrir farandsýningar og fjöl-
nota salur. Sem dæmi má nefna að
við Snorri á Fossum erum nú þeg-
Svið og bekkir voru settir upp í hlöðu Halldórsfjóss á dögunum vegna árshátíðar
Hvanneyrardeildar GBF sem þar var haldin. Bjarni segir að horft sé til þess að gera
fjölnota- og viðhafnarsal í hlöðunni enda sé hljómburður þar góður.
Stefnt að opnun Landbúnaðarsafns Íslands
í Halldórsfjósi í sumar
ar búnir að prófa hljómburðinn í
hlöðunni og er hann býsna góð-
ur. Á fjósloftinu er horft til þess
að verði skrifstofur safnsins, kaffi-
stofa og skjalageymsla, auk þess að
þar er rými fyrir stærri og minni
sýningarsali.“
Opið hús á Safnadegi
Í tilefni Safnadags Vesturlands,
sem verður á sumardaginn fyrsta,
verður opið hús í Halldórsfjósi
fyrir gesti. Bjarni segir markmiðið
að veita fólki tækifæri til að skoða
gang framkvæmda og kynnast því
sem verið er að vinna að í safninu.
„Síðan vonum við að allar áætlan-
ir gangi upp þannig að við munum
opna safnið snemma í sumar.“
hlh
Bjarni Guðmundsson forstöðumaður Landbúnaðarsafnsins við innganginn á
Halldórsfjósi.
Halldórsfjós á Hvanneyri.
Grunnsýning Landbúnaðarsafnsins verður beggja megin fóðurgangsins.
Unnsteinn Elíasson hleðslumaður frá
Ferjubakka og Páll Guðmundsson
listamaður frá Húsafelli í dæmigerðri
eldsmiðju fyrir daga ljáanna sem reist
hefur verið í Halldórsfjósi. Það var
Unnsteinn sem hlóð smiðjuna en Páll
og Þorsteinn bróðir hans gáfu safninu
hellur úr gamla fjósinu í Húsafelli til að
nota í gólf „nýju“ smiðjunnar. Ljósm.
Bjarni Guðmunds.
Allar upplýsingar í síma 435 0000 og á
Gleðilegt sumar
Gardatunnan.is
• Ódýr leið til að losna við garðaúrganginn.
• Losuð á tveggja vikna fresti yfir sumartímann.
• Garðatunnan er á hjólum og getur því fylgt þér um allan garðinn.
• Það er ótrúlega þægilegt að hafa svona tunnu alltaf við hendina.
• Þú losnar við að aka með garðaúrganginn á næstu endurvinnslustöð.
• Garðaúrgangurinn fer til moltugerðar hjá Gámaþjónustunni hf.
með Garðatunnunni!
m
ag
gi
@
12
og
3.
is
7
7.
04
4
Höfðasel 15 • 300 Akranesi • www.gvest.is • vesturland@gamar.is • Sími: 435 0000
Helstu kostir
Garðatunnunnar:
Gardatunnan.is
Garðaúrgangur