Skessuhorn - 07.05.2014, Blaðsíða 10

10 MIÐVIKUDAGUR 7. MAÍ 2014
Sveitarstjórn Hvalfjarðarsveit-
ar hefur lýst yfir stuðningi við
hugmyndir bandaríska fyrirtæk-
isins Silicor Materials um bygg-
ingu og rekstur sólarkísilsverk-
smiðju í landi Kataness við Grund-
artanga. Skessuhorn hefur áður
greint frá málinu en um er að ræða
gríðarstóra framkvæmd sem áætl-
að er að kosti um 77 milljarða ís-
lenska króna. Nú hefur Skipulags-
stofnun úrskurðað að verksmiðjan
sé ekki háð mati á umhverfisáhrif-
um og því er hægt að flýta eins og
kostur er undirbúningi þessa verk-
efnis þannig að ákvörðun um hvort
verksmiðjan rísi á Grundartanga,
eða annars staðar, verði brátt tekin.
Um er að ræða gríðarstóran vinnu-
stað og mikilvægan fyrir atvinnulíf
á Vesturlandi og þjóðarbúið allt.
Fjárfesting góð
fyrir hagkerfið
„Sveitarstjórn Hvalfjarðarsveit-
ar hefur tekið jákvætt í hugmynd-
ir um fyrirhugaða uppbyggingu og
hefur t.a.m. unnið að breytingum á
aðalskipulagi sveitarfélagsins sem
eru til þess fallnar að fyrirhuguð
framkvæmd geti átt sér stað,“ seg-
ir í bókun um málið á fundi sveit-
arstjórnar, sem samþykkt var sam-
hljóða. Að sögn Laufeyjar Jóhanns-
dóttur, sveitarstjóra Hvalfjarðar-
sveitar, er stefnan sú að ljúka vinnu
við aðalskipulagsbreytingarnar í
ágúst eða september næstkomandi.
Samhliða verði unnið að breyting-
um á deiliskipulagi á svæðinu í takt
við skipulagslög. Hún segir að um
sé að ræða gríðarstórt hagsmuna-
mál fyrir sveitarfélagið og Vestur-
land allt. Verkefnið feli í sér mik-
ilvæga atvinnuuppbyggingu og um
leið nauðsynlega fjárfestingu fyrir
hagkerfið sem vöntun hefur verið á
að undanförnu.
Jákvætt í ívilnun til
fyrirtækisins
Laufey segir einnig að sveitarstjórn
sé búin að taka jákvætt í erindi frá
svokallaðri ívilnunarnefnd stjórn-
valda vegna nýfjárfestinga. Silicor
hafi óskað eftir ívilnunum til nefnd-
arinnar, en um sé að ræða ívilnanir
eða lækkun tryggingagjalds, tekju-
skatts og fasteignaskatts til ákveð-
ins tíma. Stjórnvöld vinna nú að
því að endurskoða lög um ívilnanir
vegna nýfjárfestinga sem tóku gildi
2010, en þau féllu úr gildi um síð-
ustu áramót.
Ekki háð mati á um-
hverfisáhrifum
Sólarkísilverksmiðjan sem Silicor
hefur hug á að reisa er stór að um-
fangi en stærð hennar er áætluð um
93 þúsund fermetrar. Framleiðslu-
geta verksmiðjunnar verður 16 þús-
und tonn af sólarkísil á ári sem ráð-
gert er að nota til framleiðslu á sól-
arsellum. Heildar raforkuþörf verk-
smiðjunnar verður að meðaltali 61
MW. Gert er ráð fyrir að um 400
manns muni starfa við verksmiðj-
una. Framleiðsluvara verksmiðj-
unnar verða sólarkísil-kubbar sem
verða fluttir út til frekari vinnslu.
Um sé að ræða nýtt framleiðsluferli
sem Silicor á nú einkaleyfi fyrir. Það
byggist á hreinsun á kísli með því
að bræða hann í fljótandi áli. Starf-
semin fyrirhugaða þykir umhverfis-
væn í meira lagi því Skipulagsstofn-
un úrskurðaði 25. apríl síðastliðinn
að hún væri ekki líkleg til að hafa
í för með sér umtalsverð umhverf-
isáhrif. Því skuli hún ekki háð mati
á umhverfisáhrifum.
Mikilvægt að
tímamörk standist
Að sögn Gísla Gíslasonar hafnar-
stjóra Faxaflóahafna, sem eiga lóð-
irnar á Grundartanga sem Silicor
hefur augastað á, mun það ráðast á
næstunni hvort tanginn verði fyrir
valinu. „Silicor hefur skoðað ýmsa
valkosti varðandi staðsetningu
verksmiðju m.a. hér á Íslandi og
í Saudi Arabíu. Þeir hafa líka ver-
ið að skoða fleiri kosti hér á landi
en á Grundartanga og þar liggur
samkeppnin núna þar sem fyrir-
tækið hefur að því er virðist mest-
an hug á að staðsetja starfsemi sína
á Íslandi,“ sagði Gísli. Hann bæt-
ir því við að velji Silicor Grund-
artanga verður framkvæmt á bak-
svæði hafnarinnar vegna geymslu-
svæðis og fleira. Höfnin sé þó vel
í stakk búin til að taka á móti fleiri
skipum. „Með lengingunni á hafn-
arbakkanum sem verður tilbúin
í lok árs verður ágætlega séð fyr-
ir plássi til móttöku á fleiri skip-
um. Hins vegar erum við meðvit-
aðir um að ef eitthvað bætist við
umfram það þá tekur það okkur
ekki langan tíma að lengja bakkann
enn frekar,“ segir Gísli. Hann segir
mikilvægt að halda vel á spöðunum
á næstu vikum: „Samkeppnishæfni
okkar snýst m.a. um hversu hratt
við getum gengið frá nauðsynleg-
um skipulagsbreytingum og ef þau
tímamörk eiga að standa, sem ósk-
að er eftir, þurfa allir þeir sem vett-
lingi geta valdið að leggjast á árarn-
ar með okkur.“
hlh
Samkvæmt umsókn Norðuráls um
starfsleyfi er stefnt að tæplega 20%
framleiðsluaukningu í verksmiðj-
unni á næstu árum. Framleiðslan
verði allt að 350 þúsund tonn á ári
en hefur síðustu ár verið um 290.000
tonn á ári. Gert er ráð fyrir að það
muni taka nokkur ár að auka fram-
leiðsluna og það verði gert með því
að keyra aukinn rafstraum í gegn-
um kerin sem álið er framleitt í, en
ekki þurfi að koma að öðru leyti til
meiriháttar breytinga á búnaði eða
húsnæði. Hvalfjarðarsveit er einn
umsagnaraðila um nýja starfsleyf-
istillögu áður en hún fer til um-
fjöllunar Umhverfisstofnunar sem
er eftirlitsaðili og gefur út starfs-
leyfi fyrir iðnað í landinu. Umsögn
Hvalfjarðarsveitar var samþykkt á
fundi sveitarstjórnar þriðjudaginn
22. apríl. Sævar Ari Finnbogason
sveitarstjórnarfulltrúi og formaður
Umhverfis,- skipulags- og náttúru-
verndarnefndar Hvalfjarðarsveitar
segir að umsögnin sé í samræmi við
stefnu sveitarfélagsins. Það seti þau
skilyrði fyrir þessari framleiðslu-
aukningu að það verði ekki til þess
að útblástur flúors og brennisteins-
díoxíðs aukist frá verksmiðjunni,
heldur bæti verksmiðjan afsogið,
mengunarvarnirnar, á móti.
Að hefja álblöndun fyrir
bílaframleiðsluna
„Við höfum unnið að framleiðslu-
aukningu allt frá árinu 2007 þegar
núverandi kerskálar voru fullbyggð-
ir. Þá var framleiðslugetan um 260
þúsund tonn á ári en á síðasta ári
framleiddum við 294 þúsund tonn.
Þannig höfðum við aukið fram-
leiðsluna um ríflega 30 þúsund tonn
á sex árum. Þessi framleiðsluaukn-
ing hefur ekki náðst með því að bæta
við kerjum eða stækka verksmiðj-
una heldur með rannsóknum og
þróun sérfræðinga Norðuráls. Nú
er svo komið að ekkert álver í heim-
inum nær betri árangri en Norður-
ál í framleiðslu áls með þeirri tækni
sem notuð er á Grundartanga. Það
er nauðsynlegt að viðhalda þessu
forskoti álversins á markaði þar sem
gríðarleg samkeppni er til staðar en
um leið miklir möguleikar á þró-
un og vexti,“ segir Ágúst F Hafberg
framkvæmdastjóri viðskiptaþróunar
hjá Norðuráli í samtali við Skessu-
horn.
Ágúst segir starfsfólk Norður-
áls ávallt stefna að því að gera bet-
ur. „Framleiðsluaukning er lykilat-
riði í því sambandi, ekki síst í ljósi
þess að við finnum fyrir auknum
áhuga á frekari vinnslu á álinu okk-
ar hér á landi, möguleikar felast í
mörkuðum nærri okkur og tæki-
færi í þjónustugreinum eru mik-
il. Veruleg tækifæri eru að opnast
á álmörkuðum í Evrópu. Norður-
ál er nú að hefja framleiðslu á sér-
stökum álblöndum fyrir bílafram-
leiðslu og ýmis verkefni eru í skoð-
un. Þeirra stærst er líklega mögu-
legt samstarf við Silicor um bygg-
ingu hreinkísilframleiðslu á Grund-
artanga sem notar ál við framleiðsl-
una. Til að þessi áform nái fram að
ganga er nauðsynlegt fyrir Norður-
ál að auka framleiðsluna á Grund-
artanga, enda er eftirspurn eftir áli
þaðan mikil,“ segir Ágúst.
Ánægjulegur árangur í
umhverfismálum
Ágúst segir að það sé einnig sérlega
ánægjulegt hversu góður árangur
Norðuráls er í umhverfismálum.
„Losun flúors er langt undir starfs-
leyfismörkum og hefur farið lækk-
andi þrátt fyrir að framleiðslan hafi
aukist. Meðalstyrkur brennisteins-
díoxíðs frá Norðuráli er og hefur
verið vel undir viðmiðunarmörk-
um. Þessi árangur er á heimsmæli-
kvarða og að sjálfsögðu höfum við
gert ráðstafanir til að tryggja að svo
verði áfram þegar framleiðslan fer
úr 300 þúsund tonnum í 350 þús-
und tonn. Þennan góða árangur má
þakka vönduðum vinnubrögðum
starfsfólks, stöðugleika í rekstri og
öruggum tækjabúnaði. Framleiðslu-
aukningin mun leiða til þess að við
verðum enn frekar í stakk búin til
að tryggja að svo verði áfram,“ segir
Ágúst F Hafberg.
þá
Hvalfjarðarsveit lýsir yfir stuðningi við
sólarkísilverksmiðju á Grundartanga
Sólarkísill er meðal annars notaður í framleiðslu á sólarsellum. Framleiðslugeta
verksmiðjunnar sem mögulega verður reist á Grundartanga er 16 þúsund tonn af
sólarkísil á ári.
Svipmynd frá Grundartanga. Ljósm. áþ.
Norðurál er nú að hefja framleiðslu á sérstökum álblöndum fyrir bílaframleiðslu.
Stefnt að framleiðsluaukningu Norðuráls um allt að fimmtung
Ágúst F Hafberg framkvæmdastjóri viðskiptaþróunar hjá Norðuráli.