Skessuhorn - 07.05.2014, Blaðsíða 19
19MIÐVIKUDAGUR 7. MAÍ 2014
Líkt og komið hefur fram í Skessu-
horni hefur Kári Viðarsson, leikari
og leikhússtjóri í Rifi sett upp ýms-
ar leiksýningar undanfarin ár. Nú er
svo komið að Kári hefur fest kaup á
Frystiklefanum gamla og mun starf-
semi hússins færast í aukana á næstu
misserum með alls kyns breytingum
sem Kári hyggst ráðast í. „Ég fékk
leyfi til að gera húsið upp og breyta
því í menningarmiðstöð og farfugla-
heimili. Ég hef þegar ráðist í um-
fangsmiklar breytingar á húsnæðinu
til þess að mæta kröfum leyfisveitenda
og mun þetta „Leikhúshostel“ opna
nú í sumar,“ segir Kári Viðarsson.
Samhliða rekstri farfuglaheim-
ilisins mun Frystiklefinn færast frá
því að setja upp eina atvinnuleiksýn-
ingu á ári yfir í tvær eða jafnvel þrjár.
Líkt og greint var frá í 17. tbl. Skessu-
horns munu sýningar í Frystiklef-
anum nú verða bæði á ensku og ís-
lensku. „Það geri ég til að mæta þörf-
um ferðamanna um aukna afþreyingu
á Snæfellsnesi. Ég mun einnig leggja
áherslu á að fá fleiri listamenn, list-
hópa og hljómsveitir í heimsókn til að
gæða húsið lífi,“ bætir Kári við. Hús-
næðið sem um ræðir er 600 fermetr-
ar og inniheldur nú meðal annars fyr-
irtaks farfuglaaðstöðu og þrjá sýning-
arsali. Þar á meðal stóran tónleikasal
sem getur rúmað allt að 500 áhorf-
endur.
Miðapantanir ásamt öllum upp-
lýsingum um viðburði og sýningar
Frystiklefans má finna bæði á ensku
og íslensku á nýrri heimasíðu hans,
www.frystiklefinn.is. grþ
Matsölustaðurinn Grímur grall-
ari verður opnaður á Akranesi um
miðjan þennan mánuð. Um er að
ræða einn af fyrstu veitingastöðun-
um í keðju skyndibitastaða sem allir
munu bera sama nafn. „Við stefnum
á að opna á Akranesi 15. maí næst-
komandi. Við opnum stað í Njarð-
vík 9. maí og svo setjum við allt á
fullt til að opna á Akranesi. Draum-
urinn er svo að opna á Hvolsvelli
eða Skagaströnd næst,“ segir Sverr-
ir Júlíusson, sem mun opna mat-
sölustaðina í samvinnu við Grím
Vilhelmsson.
Sverrir segir staðina koma til
með að verða eins í grunninn, sama
grallaraþemað verði allsráðandi
á þeim öllum. „Við erum komn-
ir með húsnæði við Stillholt 23
og hlökkum til að komast á Skag-
ann. Við ætlum ekki að opna stað
í Reykjavík að svo stöddu, viljum
frekar byrja á landsbyggðinni, öf-
ugt við marga aðra. Stefnan er svo
að verða með staði um allt land.“
Sverrir segir staðina tengjast bæjar-
félögunum og fólkinu sem þar býr.
Til dæmis verði matseðillinn alls
staðar eins, en mismunandi nöfn
verði á réttunum fyrir hvert bæjar-
félag fyrir sig. Þá segir hann lógóið,
Grallarann, vera ÍA mann sem kem-
ur til með að klæðast ÍA búningi á
matseðlinum á Akranesi. „Annars
er hugmyndin fyrst og fremst sú
að vera með góðan og þægilegan
matseðil. Við leggjum áherslu á ís-
lenskan fisk og bjóðum upp á „Fish
& Chips“ eins og þekkt er víða er-
lendis. Einnig sérhæfum við okk-
ur í grillsósu og gerum okkar eig-
in „bbq-sósu.“ En auðvitað verðum
við með annan mat á matseðlinum
líka, svo sem pizzur, hamborgara
og góð fjölskyldutilboð.“ grþ
Úrslit kosninga í stjórn Nemenda-
félag Fjölbrautaskóla Vesturlands
voru kynnt í lok aðalfundar félags-
ins í síðustu viku. Þorsteinn Bjarki
Pétursson, 18 ára nemi á náttúru-
fræðibraut, var kjörinn formaður
fyrir næsta skólaár. Með honum í
stjórn verða Bergþóra Ingþórsdótt-
ir, Elínborg Egilsdóttir, Heiðmar
Eyjólfsson, Sindri Snær Alfreðs-
son og einn úr hópi nýnema sem
kjörinn verður í ágúst. Á fundinum
var einnig tilkynnt hverjir stjórna
ýmsum klúbbum félagsins á næsta
skólaári. Þá var Rakel Rósa Þor-
steinsdóttir sjálfkjörin tengiliður
nemendafélagsins við Samband ís-
lenskra framhaldsskólanema. Þor-
steinn Bjarki er að ljúka öðru ári
við skólann og er sveitastrákur í
húð og hár. „Ég kem frá Geirshlíð
í Flókadal. Það má því segja að ég
sé fulltrúi dreifbýlisins í nemenda-
félaginu,“ segir Þorsteinn brosandi.
Aðspurður um hvers vegna hann
bauð sig fram svarar hann: „Ég
gerði það aðallega vegna þrýstings
vina og fólksins í kringum mig. Þeir
töldu mig greinilega vera manninn
í þetta.“ Þorsteinn Bjarki bætir því
við að hann hafi gaman af félags-
störfum og hafi áður verið í nem-
endafélaginu í grunnskólanum á
Kleppjárnsreykjum og tekið þátt í
starfi Ungmennafélags Reykdæla.
Vill halda áfram
góðu starfi
Þorsteinn Bjarki hefur ekki verið
í stjórn NFFA áður en hefur tekið
þátt í starfinu á vegum þess og haft
gaman að. Honum þykir mikilvægt
að gott félagslíf sé við skólann og
vill halda því áfram sem allra bestu.
„Ég hef gaman að félagsstörfum og
reyndar bara lífinu og tilverunni al-
mennt. Félagsstarfið við skólann
hefur verið gott undanfarin ár. Mér
fannst til dæmis gaman að taka þátt
í uppsetningu á Gauragangi í fyrra,
þar sem ég og félagar mínir tók-
um þátt í að setja upp sviðsmynd-
ina. Starfið verður að mestu leyti
með óbreyttum hætti næsta vet-
ur og við höfum hug á því að halda
áfram því góða starfi sem verið hef-
ur í nemendafélaginu,“ segir hann.
Hann segir að nú sé félagsstarf við
skólann minna en vanalega enda
séu prófin handan við hornið. „Við
erum ekki tekin formlega við ennþá
og höfum ekkert fundað ennþá. Það
stendur samt til að hittast fljótlega
og fara aðeins yfir málin. Svo tekur
nýja stjórnin við næsta skólaár, eft-
ir sumarfrí,“ segir Þorsteinn Bjarki,
nýkjörinn formaður NFFA.
grþ
Það eru margir sjómenn í Ólafsvík
sem bera hlýjan hug til Sjómanna-
garðsins eins og sést hefur und-
anfarið. Einn af þeim er Matth-
ías Gunnarsson annar vélstjóri á
Gunnari Bjarnasyni SH en hann
lætur ekki sitt eftir liggja. Nýver-
ið smíðaði hann skjólvegg á nýja
trépallinn við Kaldalæk og fékk til
þess góða aðstoð frá sonum sín-
um tveimur. Hann gerði meira en
það því hann teiknaði skjólvegg-
inn og tók saman allt efnið sem
kaupa þurfti og það passaði nánast
upp á flís svo nákvæmt var það. Á
næstu dögum verður steyptur stíg-
ur í gegnum garðinn en það átti
að gera síðastliðið haust en vegna
óhagstæðs veðurs þá gekk það ekki
eftir. Það er kapp við tímann að
ljúka verkinu fyrir Sjómannadag-
inn. Unnið er eftir teikningu sem
Valgerður Hlín Kristmannsdóttir
gerði fyrir garðinn og gaf sjómönn-
um í Ólafsvík 2011.
psj
„Það er full ástæða til að vara fólk
við því að ganga á Skessuhorn á
næstunni. Það hafa fallið snjóflóð,
margar spýjur úr Skarðsheiðinni, og
eitt flóð fallið í grennd við hefðbundna
gönguleið á tindinn,“ segja björgunar-
sveitarmenn sem höfðu samband við
blaðið Skessuhorn sl. mánudag. Sjá
má ummerki eftir allstórt snjóflóð til
hægri á meðfylgjandi mynd.
mm/ Ljósm. þþ.
Vara við göngu á Skessuhorn
Sjómaður smíðar í Sjómannagarðinum
Frystiklefanum hefur nú verið breytt í atvinnuleikhús og farfuglaheimili.
Frystiklefinn verður atvinnu-
leikhús og farfuglaheimili
Kári Viðarsson eigandi Frystiklefans
í Rifi.
Grímur grallari verður til húsa í
Stillholti 23 í rými á jarðhæð fjærst á
myndinni. Breytingar eru einnig fyrir-
hugaðar í öðrum rýmum, en verslunin
Hljómsýn fer og SD þjónustan stækkar
við sig.
Grímur grallari opnaður á
Akranesi um miðjan maí
Þorsteinn Bjarki Pétursson, nýkjörinn
formaður NFFA.
Kosið í stjórn NFFA á Akranesi
Að loknum aðalfundi bauð nemendafélagið upp á grillaðar pylsur í Miðgarði.
Ljósm. FVA.