Skessuhorn - 14.05.2014, Blaðsíða 18
18 MIÐVIKUDAGUR 14. MAÍ 2014
Vortónleikar Kirkjukórs Ólafsvík-
ur fóru fram fimmtudaginn 8. maí
síðastliðinn. Þema tónleikanna í ár
var: All you need is love. Á efnis-
skránni voru eingöngu lög sem
tengjast ástinni og hjónabandinu.
Félagar í kórnum hófu dagskrána
á því að ganga inn í kirkjuna veif-
andi hjörtum og sápukúlum á með-
an þeir tóku undir Bítlalagið All
you need is love. Kórfélagar skipt-
ust á að kynna lögin og lásu í leið-
inni skemmtilegar tilvitnanir sem
tengdust þemanu. Að söng lokn-
um var gestum boðið upp á kær-
leikshressingu í safnaðarheimilinu
sem samanstóð af rauðum kærleiks-
drykk, ávöxtum og nammi. Mjög
vel var mætt á tónleikana og voru
félagar í Kirkjukór Ólafsvíkur afar
ánægðir og fullvissir um að tón-
leikagestir hafi farið heim með ást
og frið í hjarta.
þa
Dagana 2. til 4. maí síðastliðinn sótti
Lúðrasveit Tónlistarskóla Grund-
arfjarðar landsmót Sambands ís-
lenskra skólalúðrasveita (SÍSL) í
Grindavík. Lúðrasveitum á mótinu
var skipt upp eftir aldri og getu og
var þetta mót fyrir yngsta aldurs-
flokkinn, svokallaðar A-sveitir. Þær
eru skipaðar börnum á aldrinum 8
til 12 ára. Á landsmótinu voru um
350 krakkar víðsvegar af landinu.
Var þeim skipt í fjórar lúðrasveit-
ir auk trommusveitar. Fá krakk-
arnir þá að spila með stórri lúðra-
sveit og kynnast fleiri spilurum frá
ýmsum stöðum af landinu. Sveit-
irnar fimm æfðu hver í sínu lagi
frá föstudagskvöldi til sunnudags.
Á sunnudeginum voru svo haldn-
ir lokatónleikar fyrir fullu íþrótta-
húsi Grindavíkur þar sem afrakstur
helgarinnar var fluttur.
Lúðrasveit Tónlistarskóla
Grundarfjarðar er skipuð 12 krökk-
um á aldrinum 9-12 ára og sóttu
allir mótið. Á landsmótum SÍSL
eru aðeins gefin ein verðlaun,
hegðunarverðlaun fyrir sérstaklega
góða framkomu, kurteisi og frá-
gang. Skemmst er frá því að segja
að hegðunarverðlaunin í ár féllu í
skaut Grundfirðinga.
mm/grundarfjordur.is
Kiwanishreyfingin og Eimskipafélag Íslands gefa öllum
grunnskólabörnum sem ljúka 1. bekk í vor reiðhjólahjálma.
Þetta er árviss viðburður félaganna til að bæta umferðaröryggi
yngstu hjólreiðamanna landsins. Í ár kallast verkefnið „Óska-
börn þjóðarinnar“ og samkvæmt tilkynningu fá um 4.500
börn á öllu landinu hjálma, buff, bolta og endurskinsborða
að gjöf. Líkt og undanfarin ár sá Kiwanisklúbburinn Þyrill
á Akranesi um að færa börnunum í Borgarnesi, Hvalfjarðar-
sveit og á Akranesi hjálmana. „Það er okkur mikil ánægja að
færa börnunum hjálma á hverju ári enda er tilgangurinn að
stuðla að öryggi íslenskra barna og vernda höfuð þeirra gegn
hnjaski. Við færðum 146 börnum í þessum þremur sveitarfé-
lögum hjálma í ár og höfum gert þetta í um það bil áratug,“
segir Björgvin Eyþórsson forseti Þyrils. Kiwanishreyfingin
er alþjóðleg þjónustuhreyfing sjálfboðaliða karla og kvenna
sem hefur frá upphafi lagt áherslu á að vinna að velferðar-
málum barna og annarra. „Eimskip lætur framleiða hjálmana
og við sjáum um dreifingu þeirra. Það hefur sýnt sig að börn-
in nota hjálmana og þeir hafa bjargað börnum frá alvarlegum
meiðslum. Til þess er leikurinn gerður,“ bætir Björgvin við.
grþ
Krakkarnir á leikskólanum Sól-
völlum í Grundarfirði voru í mikl-
um Eurovisionham fyrir helgina.
Margir létu sjá sig í pollapönksfatn-
aði og sungu framlag Íslendinga há-
stöfum. Kennarar og leiðbeinendur
á leikskólanum brugðu á það ráð að
halda Eurovision dag síðasta föstu-
dag. Þá mættu allir krakkarnir í lit-
ríkum fötum í anda Pollapönks og
margir komu með hljóðfæri með
sér. Þá var einnig farið í göngutúr
um Grundarfjörð og sungið hátt
svo að undir tók í bænum.
tfk
All you need is love var
þema kirkjukórstónleika
Pollapönkstemning í Grundarfirði
Hlutu verðlaun á landsmóti lúðrasveita
Gáfu fyrstu bekkingum hjálma líkt og undanfarin ár
Jóhannes Karl Engilbertsson, Björgvin Eyþórsson, Bjarni Vésteinsson og Halldór Jónsson, fulltrúar Kiwanisklúbbsins Þyrils
ásamt Karen Ólafsdóttur, verkefnisstjóra umferðarfræðslu í Grundaskóla.
Hér eru börn úr Borgarnesi ásamt fulltrúum Kiwanisklúbbsins Þyrils.
Kiwanismenn ásamt nemendum úr 1. bekk í Borgarnesi.
Ánægðir nemendur Brekkubæjarskóla ásamt Þyrilsmönnum. Þyrilsmenn og nemendur Heiðarskóla með sínar gjafir.
Fyrstu bekkingar í Grundaskóla á Akranesi fengu einnig hjálma.