Skessuhorn - 14.05.2014, Blaðsíða 25
25MIÐVIKUDAGUR 14. MAÍ 2014
Þær Íris Petra Jónsdóttir og Ag-
nes Mist Flosadóttir á Akranesi
héldu nýverið tombólu. Söfnuðu
þær 2.615 krónum sem þær færðu
Rauða krossinum. Starfsfólk þar
vill koma á framfæri kærri þökk til
stúlknanna.
mm
Í Borgarbyggð hefur meirihluti
Sjálfstæðisflokks og Vinstri grænna
því miður ekki ástæðu til að hreykja
sér af fjármálastjórn undanfarinna
ára. Fram kemur í ársreikningi fyr-
ir árið 2013, sem lagður var fram
til seinni umræðu á sveitarstjórn-
arfundi síðastliðinn mánudag, að
fjárhagsáætlun gerði ráð fyrir 4
milljón króna hagnaði á síðasta ári
en raunin varð um 42 milljón króna
tap. Ársreikningurinn sýnir raunar
verstu rekstrarniðurstöðu sem ver-
ið hefur frá árinu 2009. Þetta ger-
ist þrátt fyrir að tekjur hafi auk-
ist um 7,6% milli ára og að fjár-
magnskostnaður var lægri en áætl-
að var. Fjármagnskostnaður hækk-
aði reyndar á milli ára um 78% og
fór úr 137 milljónum í 245 millj-
ónir. Útgjöld jukust á sama tíma
um 9,4% og varð rekstrarkostnaður
143 milljónum hærri en áætlað var.
Af þessu má sjá að verulega vant-
ar upp á kostnaðareftirlit og festu í
fjármálastjórn hjá meirihluta Sjálf-
stæðisflokks og Vinstri grænna.
Brýn þörf er því á að bæta áætl-
anagerð og kostnaðareftirlit með
framkvæmdum svo þær haldist inn-
an samþykkts fjárhagsramma. Fjár-
festingar í varanlegum rekstrarfjár-
munum voru áætlaðar 119 milljón-
ir en raunin varð um 195 milljónir
eða um 63% umfram áætlun.
Frá árinu 2011 hefur veltufé frá
rekstri lækkað um þriðjung og farið
úr 297 milljónum niður í 196 millj-
ónir árið 2013. Það þýðir að fjár-
magn út úr rekstrinum sem nýta
þyrfti til framkvæmda og niður-
greiðslu skulda hefur dregist veru-
lega saman á kjörtímabilinu. Frá
2007 hefur aðeins einu sinni, árið
2009, verið lægra veltufé frá rekstri
heldur en fram kemur í ársreikn-
ingi 2013.
Handbært fé lækkar um 172
milljón á milli ára eða um 68%.
Til að geta greitt af lánum þarf af-
koma sveitarfélagsins að vera ásætt-
anleg en sú er því miður ekki raun-
in. Ljóst er að ráðast þarf í frekari
lántöku til að standa skil á afborg-
un lána á þessu ári. Framundan er
því áframhaldandi skuldsetning í
Borgarbyggð nema brugðist verði
við með öðrum hætti eins og t.d.
eignasölu til niðurgreiðslu skulda.
Samfylkingin í Borgarbyggð
hefur birt stefnuskrá sína á vefn-
um www.samborg.is en þar er m.a.
lögð áhersla á ábyrga fjármálastjórn
og kynntar mögulegar leiðir til að
ná betri tökum á rekstri sveitar-
félagsins. Við hvetjum kjósendur til
að kynna sér stefnumálin okkar og
bjóðum íbúa jafnframt velkomna
á kosningaskrifstofuna sem er til
húsa við Brákarbraut gegnt Land-
námssetrinu. Opnunarhátíð verð-
ur fimmtudaginn 15. maí kl. 18 og
tökum við fagnandi á móti gestum
og gangandi.
Geirlaug Jóhannsdóttir
Oddviti Samfylkingarinnar í
Borgarbyggð
Vordagar 2014 og sveitarstjórnar-
kosningar á næstu grösum. Fram-
bjóðendur og stjórnmálasamtök
eru farin að láta í sér heyra. Hér á
Akranesi eru boðnir fram fimm list-
ar og eru margir nýliðar kallaðir á
vettvang í bland við þá sem reynslu
hafa. Ég hef verið að huga að helstu
áherslum framboðanna og verð að
játa að munurinn á þeim er beinlín-
is grunsamlega lítill. Allir vilja fegra
bæinn og bæta mannlífið, sýna
ábyrga fjármálastjórn og þar fram
eftir götunum; þó nú væri. Þar að
auki sýnist mér frambjóðendur al-
mennt forðast eins og heitan eld að
minnast á nokkuð sem gæti valdið
deilum eða styggt háttvirt atkvæði –
að ekki sé minnst á frambjóðendur
annarra flokka. Guð forði okkur frá
að frambjóðendur fari að deila!
Að komast um bæinn
Þegar ég og fjölskylda mín fluttum
í bæinn, snemma á öldinni, tók ég
strax eftir því hversu illa var búið að
þeim sem vildu og þurftu að komast
um öðruvísi en á bíl, fyrst og fremst
á Neðri-Skaga. Gamla steypan var
hvarvetna orðin í meira lagi brot-
in og lúin, bæði á götum og gang-
stéttum. Og það sem enn verra var;
gangstéttabrúnir við gangbraut-
ir voru meira og minna í ólagi. Ég
og dóttir mín höfðum hjólað hindr-
unarlítið um alla Reykjavík, en hér
voru þverhníptar gangstéttarbrún-
ir útum allt, eða ranglega frágengn-
ir hallar upp á gangstéttir. Sums-
staðar var þetta í lagi, en ekki var
nokkur leið að sjá hvort unnið væri
skipulega að lagfæringum. Ég skrif-
aði greinar um málið í Skessuhorn.
Síðan er líklega liðinn tíundi partur
úr öld. Á þeim tíma hefur sáralítið
breyst til batnaðar í þesum efnum.
Um þessar mundir standa yfir
breytingar á Akratorgi og fræsing
nokkurra gatnaparta, með það í
huga að leggja malbik yfir og verð-
ur það áreiðanlega mikil framför.
Ég tók hinsvegar eftir því á dögun-
um að gerður hafði verið skái uppá
gangstéttina við torgið, algerlega
ófullnægjandi og ekki í neinu sam-
ræmi við staðalfrágang sem miðað-
ur er við þarfir þeirra sem erfitt eiga
með að komast um. Breytingum á
torginu er ekki lokið og er vonandi
að við þurfum ekki að horfa uppá
vondan frágang að þessu leyti.
Frá landnámi
til nútímans
Hluti af sögu Akraness, eftir Gunn-
laug Haraldsson, hefur verið gef-
in út. Ekki ætla ég að blanda mér
í ádeilur sem komu fram á verk-
ið. Segi þó þetta: Hinir harðorðu
gagnrýnendur voru ótrúlega fljót-
ir að kynna sér þetta mikla verk. Á
örfáum dögum tókst þeim að finna
það léttvægt og lagði gagnrýnandi
Kiljunnar til að teknar yrðu upp
bókabrennur að nýju, og verkinu
kastað á bál.
Hvað sem þessu líður hefur
höfundur safnað óhemju mörg-
um heimildum, um mannlíf und-
ir Akrafjalli frá landnámstíð. Til-
vísanirnar skipta þúsundum. Þetta
mikla verk sem hefur kostað háar
upphæðir kemur að litlu gagni eins
og er, nema fyrir þá sem hafa sér-
stakan áhuga á sögu. Á hinn bóg-
inn er lafhægt að nota ritið til að
auka almennan skilning á byggðar-
sögunni. Ég legg því til að verkinu
verði haldið áfram á nýjum braut-
um, fyrir utan að skrifa meira (sem
þegar hefur verið ákveðið): Í fyrsta
lagi að gerður verði upplýsinga- og
kennsluvefur sem gagnast gæti skól-
unum, almenningi og innlendum
og erlendum gestum. Í öðru lagi að
komið verði upp sýningu og kelt-
nesku fræðsetri, á vegum byggða-
safnsins um lífið undir Akrafjalli frá
landnámi til nútímans. Geri mér
ljóst að þetta verður ekki hrist fram
úr erminni í einu vetvangi (ekki síst
á meðan Sigurfari er eins og fleinn í
samviskuholdi Akraness). Söguvef-
ur getur orðið fyrsta skrefið.
Reikningar bæjarins fyrir síðasta
ár hafa verið birtir og sýna, að sögn,
rekstrarafgang uppá 200 milljónir.
Þessar 200 milljónir hefði mátt nota
til að lækka skuldir enn meir, eða að
leggja fram myndarlega upphæð til
að bjarga Sigurfara og efla Byggða-
safnið. Helmingur upphæðarinnar
til safnsins hefði skipt miklu og trú-
lega vakið áhuga og skilning annara
á að Akranesbær á ekki einn að bera
ábyrgð á skipinu. Það er varðveitt
hér, en er í rauninni þjóðareign.
Helgi Guðmundsson
Matvælaframleiðsla er mikilvægur
partur af atvinnulífi landsins. Ekki
einungis í þeim skilningi að hún
skipti máli þegar kemur að eigin-
legri framleiðslu matvælanna held-
ur líka í byggðarlegu tilliti. Þau
störf sem skapast bæði bein og af-
leidd hafa gríðarmikla þýðingu
fyrir þau samfélög sem byggja á
matvælaframleiðslu að meira eða
minna leyti. Í Borgarbyggð er mat-
vælaframleiðsla ein af undirstöðu
atvinnugreinunum og er því mjög
mikilvægt að hlúa vel að þeim þátt-
um sem hafa áhrif á stafsumhverfi
og aðstæður til framleiðslunnar.
Mikilvægt er að búa frumkvöðlum
og öðrum þeim sem að vilja hefja
starfsemi á sviði matvælafram-
leiðslu sem best umhverfi og skapa
þeim ákjósanlegar aðstæður í hví-
vetna. Því var ákaflega ánægjulegt
í síðastliðinni viku þegar formlega
var opnuð matarsmiðja í Borgarnesi
sem ætlað er að koma til móts við þá
aðila sem vilja stunda nýsköpun og
þróunarstarf í matvælaframleiðslu.
Slíkur vettvangur er ekki einung-
is mikilvægur fyrir fólkið sem mun
nota matarsmiðjuna heldur er þetta
líka mikill auður fyrir sveitarfélagið
allt. Þar mun vonandi á komandi
árum verða gróskumikið nýsköp-
unarstarf sem mun leiða af sér fleiri
störf og meiri tekjur fyrir samfé-
lagið. Vonandi mun þetta frábæra
framtak verða til þess að skapa víð-
ara og öflugra framboð af vörum úr
héraði.
Ljómalind frábært
framtak
Einnig er vert að minnast á það
frábæra framtak sem verslunin
Ljóma lind er. Þar endurspeglast vel
krafturinn sem býr í íbúum sveitar-
félagsins. Þar sem að nokkrar kon-
ur tóku sig saman og opnuðu versl-
un með vörum úr héraði og skapa
með því bæði góða tengingu við
samfélagið og ekki síður þá ferða-
menn sem koma á svæðið.
Fjölbreytt atvinnulíf
Eins og áður hefur komið fram er
gríðarlega mikilvægt að hlúa vel að
þeim greinum og þeirri starfsemi
sem að við kemur matvælafram-
leiðslu. Það á að vera metnaðarmál
í hverju sveitarfélagi að byggja upp
öflugt og gott atvinnulíf sem byggir á
fjölbreytileika og þar er Borgarbyggð
engin undantekning. Framsóknar-
menn í Borgarbyggð líta á atvinnu-
mál sem eitt af undirstöðuatriðun-
um þegar kemur að búsetu í sveitar-
félaginu og vilja hlúa að atvinnulífinu
með sem bestum hætti með hags-
muni íbúanna að leiðarljósi.
Helgi Haukur Hauksson
Höfundur skipar 2. sætið á lista
Framsóknarflokksins í Borgarbyggð.
Verkefnisstjórn um framtíðarskip-
an húsnæðismála skilaði skýrslu
sinni í liðinni viku. Þar er lagt til
að hér á landi verði tekið upp nýtt
húsnæðislánakerfi að danskri fyr-
irmynd. Þegar kemur að lausnum
á vanda þeirra tekjulægstu í sam-
félaginu skilar verkefnisstjórnin
hins vegar auðu og mótmælir for-
ysta ASÍ því. Húsnæðislánakerfi að
danskri fyrirmynd gerir ráð fyrir að
gætt sé betra jafnræðis milli lán-
takenda og fjárfesta í lánaflokkum
sem í ríkara mæli byggja á föstum
óverðtryggðum vöxtum. Jafnframt
leggur verkefnisstjórnin til að stað-
inn verði vörður um framtíðarhlut-
verk Íbúðalánasjóðs í nýja lánakerf-
inu. Hann verði ein af þeim hús-
næðislánastofnunum sem hér starfi
á lánamarkaði og verði áfram í eigu
ríkisins. Gylfi Arnbjörnsson, for-
seti ASÍ, fagnar þessari niðurstöðu
og segir hana í samræmi við tillög-
ur ASÍ varðandi húsnæðislánakerf-
ið sem kynntar voru fyrir rúmu ári
síðan.
Þegar kemur að umfjöllun um
þarfir og vanda þeirra tekjulægstu
í samfélaginu, og sýnilega eru í
mestum húsnæðisvanda, er ljóst að
verkefnisstjórnin skilar auðu, seg-
ir Gylfi Arnbjörnsson. „Þetta tel-
ur forseti ASÍ algerlega óforsvar-
anlegt. Engar tillögur er að finna
um það með hvaða hætti stjórn-
völd ætli að koma til móts við gríð-
arlegan vanda þessa fólks sem þarf
að nota allt að helming tekna sinna
til að borga fyrir húsnæði. Skýtur
þetta nokkur skökku við í ljósi þess
að ASÍ setti nýlega fram ítarlegar
og útfærðar tillögur að nýju félags-
legu húsnæðisleigukerfi, sem skilað
gæti þeim árangri að tryggja tekju-
lægstu þjóðfélagshópunum aðgang
að húsnæði á viðráðanlegum kjör-
um,“ segir Gylfi.
mm
Pennagrein
Um það sem hefur dregist –
og annað sem bíður
Rangt frágenginn skái.
Rétt frágenginn skái.
Matvælaframleiðsla
í Borgarbyggð
Pennagrein
Héldu tombólu fyrir RKÍ
Tillögur um framtíðar-
skipan húsnæðismála
Pennagrein
Frábær fjármálastjórn í Borgarbyggð?