Skessuhorn - 14.05.2014, Blaðsíða 31
31MIÐVIKUDAGUR 14. MAÍ 2014
Eimskip | Korngörðum 2 | 104 Reykjavík | Sími 525 7000 | www.ebox.is
eBOX er ný, þægileg og einföld lausn til að flytja minni sendingar
frá Evrópu til Íslands. Á ebox.is er reiknivél sem segir þér á
augabragði hver flutningskostnaðurinn er. Traust og áreiðanlegt
leiðakerfi Eimskips á Norður-Atlantshafi tryggir að sendingin þín
kemur heim með fyrstu ferð. Auðvelt og fljótlegt.
auðveldar smásendingar
Í STÓRUM SKIPUM RÚMAST LÍKA
SMÆRRI SENDINGAR
������� ���������
� e���.��
F
ÍT
O
N
/
S
ÍA
Andri Geir Alexandersson knattspyrnumaður frá
Akranesi er genginn til liðs við HK og spilar með
liðinu í 1. deildinni í sumar. Hann verður lögleg-
ur frá og með næsta leik sem er gegn Víkingum
frá Ólafsvík í 2. umferð bikarkeppninnar. Sá leik-
ur verður einmitt í Akraneshöllinni annað kvöld,
þriðjudagskvöld. Andri Geir er 23 ára gamall mið-
vörður sem hefur spilað með meistaraflokki ÍA
undanfarin fjögur ár. Hann lék sjö leiki með lið-
inu í Pepsi-deildinni í fyrra en fór erlendis vegna
náms á miðju tímabilinu. Andri hefur stundað
nám í Bandaríkjunum síðustu árin. „Ég er ánægð-
ur með að fá sterkan strák eins og Andra í barátt-
una með okkur og að hann skyldi velja þann kost
að koma í HK. Hann ætti að falla vel inn í okkar lið
á þessum tímapunkti,“ sagði Þorvaldur Örlygs-
son þjálfari HK í samtali við vef HK en Andri lék
undir stjórn Þorvalds á Akranesi í fyrra. þá
Opnað hefur verið fyrir
skráningu á 4. Lands-
mót UMFÍ 50+ sem
haldið verður á Húsa-
vík dagana 20.-22. júní
í sumar. Skráningin fer
fram á heimasíðu Ung-
mennafélags Íslands;
umfi.is. Þetta verður
fyrsta Landsmót UMFÍ
50+ sem haldið hefur
verið á norðausturhorni
landsins. Fyrri mót voru haldin á Hvammstanga,
Mosfellsbæ og Vík í Mýrdal. Þó nokkuð er síðan
að Landsmót hefur verið haldið á Húsavík, en það
var árið 1987.
Landsmót UMFÍ 50+ er ekki einungis íþrótta-
mót heldur einnig heilsuhátíð og verður boðið
upp á fyrirlestra um heilbrigðan lífsstíl og ýmsar
heilsufarsmælingar. Fjölmargar keppnisgreinar
verða í boði á Landsmóti UMFÍ 50+ á Húsavík, en
það eru: Fjallahlaup, boccia, bridds, bogfimi, blak,
frjálsar, hestaíþróttir, línudans, golf, pútt, ringó,
skák, dráttavélaakstur, jurtagreining, pönnu-
kökubakstur, skotfimi, sund, sýningar, stígvéla-
kast og þríþraut. Markmið mótsins er að skapa
fólki 50 ára og eldra vettvang til að koma saman
og keppa í hinum ýmsu íþróttagreinum og kynna
um leið þá möguleika sem eru í boði til þess.
mm
Stuðningsfólk ÍA í 1. deildinni fór
ánægt heim af Akranesvelli á föstu-
dagskvöldið. Skagamenn fóru með
sigur af hólmi í fyrsta leik í deild-
inni þegar Selfyssingar komu í
heimsókn. Eitt mark skildi liðin að
og það fór um marga stuðnings-
menn ÍA á lokamínútunum þegar
gestirnir sóttu stíft og fengu hverja
hornspyrnuna eftir aðra sem skil-
aði þeim þó ekki jöfnunarmarkinu.
Byrjunin er góð hjá Skagamönnun-
um, þrjú stig í sarpinn, en í næstu
umferð fara þeir til Grindavík-
ur á laugardaginn. Grindvíkingar
þurftu að sætta sig við 0:1 tap gegn
Leikni í Breiðholtinu um helgina.
Þau úrslit sem og önnur úrslit í 1.
deildinni um helgina undirstrika að
keppnin verður væntanlega mjög
jöfn og spennandi í sumar.
Skagamenn voru með boltann
um það bil 70% af fyrri hálfleikn-
um án þess að mikið væri að gerast
upp við mark Selfyssinga og gest-
unum tókst varla að sækja að marki
Skagamanna, hvað þá að skapa sér
færi. Seinni hálfleikurinn var varla
byrjaður þegar eina mark leiksins
var skorað. Andri Adolphsson, sem
var mjög ógnandi á hægri kantin-
um hjá ÍA, braust þá í gegn og sendi
góðan bolta fyrir markið. Jón Vil-
helm Ákason átti misheppnað skot
á markið en boltinn fór af varnar-
manni til Garðars Gunnlaugsson-
ar sem skoraði af öryggi. Skaga-
menn fylgdu markinu eftir með
öflugum sóknum og vörn Selfoss
og markvörðurinn þurftu að hafa
sig alla við. Síðasta stundafjórðung
leiksins voru það svo gestirnir sem
létu meira að sér kveða. Samt voru
það Skagamenn sem fengu lang-
besta marktækifærið. Það gerðist
á 81. mínútu þegar Andri Adolp-
hsson sólaði varnarmenn Selfoss
upp úr skónum fyrir framan teig-
inn, renndi síðan boltanum inn
og til hliðar á Eggert Kára Karls-
son sem skaut framhjá markinu úr
dauðafæri. Eins og áður segir gerðu
gestirnir síðan allt til þess að jafna
undir lokin en án árangurs. Heilt
yfir var annar bragur yfir Skagalið-
inu í þessum leik en í fyrra, eink-
um var það varnarleikurinn sem var
heilsteyptari og Árni Snær Ólason
öruggur í markinu. þá
Skagakonur luku keppni í B-deild
Lengjubikarsins sl. miðvikudagskvöld
þegar þær mættu Fylki á iðagrænum
Akranesvelli. Heimastúlkur fengu
óskabyrjun í leiknum þegar Guðrún
Karitas Sigurðardóttir skoraði strax
á 2. mínútu leiksins og þær fylgdu
síðan markinu eftir með nokkrum
ágætum sóknum. Fylkisstúlkur kom-
ust jafnt og þétt inn í leikinn. Þeim
tókst að jafna um miðjan hálfleik-
inn og komust svo yfir skömmu fyr-
ir leikhlé. Fylkisliðið var öllu sterkara
í fyrri hálfleiknum og styrkti stöðu
sína enn frekar með því að bæta við
marki þegar tæpar tíu mínútur voru
liðnar af seinni hálfleiknum. Meira
var ekki skorað í leiknum og Fylkir
sigraði því 3:1.
Fylkisstúlkur báru þar með sigur
úr bítum í riðlinum með 15 stig en
Skagakonur enduðu með 9 stig og í
2. sæti deildarinnar.
þá
Síðastliðið föstudags-
kvöld fór fram ár-
legt lokahóf Körfu-
knattleikssambands Ís-
lands. Þar var veturinn
gerður upp í Dom-
ino´s deildum karla
og kvenna og einstak-
lingsverðlaun afhent.
Besti leikmaður úr-
valsdeildar kvenna er
Hildur Sigurðardóttir
Snæfelli. Aðrir sem fengu atkvæði
voru: Bryndís Guðmundsdóttir
Keflavík og Hildur Björg Kjartans-
dóttir Snæfelli. Besti þjálfari Dom-
ino´s deild kvenna 2013-14 er Ingi
Þór Steinþórsson Snæfelli en Hall-
grímur Brynjólfsson Hamri fékk
einnig atkvæði. Úrvalslið deildar-
innar skipa Hildur Sigurðardóttir
Snæfelli Guðrún Gróa Þorsteins-
dóttir Snæfelli, Hildur Björg Kjart-
ansdóttir Snæfelli, Sigrún Sjöfn
Ámundadóttir KR og Bryndís Guð-
mundsdóttir Keflavík. Gaman er að
geta þess sérstaklega að Vesturland
er þannig að leggja fram fjórar af
fimm stúlkum í úrvalslið vetrarins,
en Sigrún Sjöfn er úr Borgarnesi
eins og flestir vita.
Gunnhildur Gunnarsdóttir
úr Stykkishólmi, sem spilar með
Haukum, var einnig í hópi þeirra
sem fengu tilnefningar í úrvalsliðið.
Eva Kristjánsdóttir Snæfelli var til-
nefnd sem besti ungi leikmaðurinn
en besti varnarmaðurinn var Guð-
rún Gróa Þorsteinsdóttir Snæfelli
en auk hennar voru m.a. tilnefnd-
ar þær Gunnhildur Gunnarsdótt-
ir Haukum og Hildur Björg Kjart-
ansdóttir Snæfelli. Besti erlendi
leikmaður Domino´s deild kvenna
2013-14 er Lele Hardy Haukum en
Chynna Brown var einnig tilnefnd.
Í karlaflokki fengu vestlensk-
ir leikmenn mun færri verðlaun og
tilnefningar. Besti leikmaður móts-
ins var Martin Hermannsson KR.
Páll Axel Vilbergsson Skallagrími
og Sigurður Þorvaldsson Snæ-
felli fengu tilnefningar til úrvals-
liðs mótsins, en komust þó ekki í
það. Önnur vestlensk nöfn komu
ekki upp úr karlapottinum að þessu
sinni. mm
Íþrótta- og Ólympíusamband Ís-
lands stendur nú tólfta árið í röð
fyrir verkefninu „Hjólað í vinn-
una,“ heilbrigðri vinnustaðakeppni
um allt land. Verkefnið stendur frá
7. til 27. maí. Landsmenn hafa tek-
ið átakinu vel og hefur verið auk-
in þátttaka með hverju árinu. Einn-
ig má merkja að hjólreiðar allt árið
hafa aukist til muna síðan verk-
efninu var hrundið af stað, hvort
sem þakka má það átakinu sjálfu,
bættum lífsstíl fólks eða einfald-
lega efnahagsástandinu. Markmið
„Hjólað í vinnuna“ er að vekja at-
hygli á virkum ferðamáta sem
heilsusamlegum, umhverfisvænum
og hagkvæmum samgöngumáta,
segir í tilkynningu frá ÍÓÍ.
mm
Víkingar frá Ólafsvík byrja vel í
1. deildinni í fótboltanum. Þeir
gerðu góða ferð norður á Akur-
eyri sl. laugardag þar sem þeir sigr-
uðu KA-menn 3:2 á nýja gervigras-
velli Akureyrarfélagins. Víkingslið-
ið spilaði vel í leiknum og ljóst að
liðsmenn eru til alls líklegir, jafn-
vel að gera harða atlögu að endur-
heimt sætis í Pepsídeildinni, en eins
og fótboltaáhugafólk veit er Vík-
ingur ásamt hinu Vesturlandslið-
inu komnir aftur í 1. deildina eftir
skamma veru í efstu deild.
Fyrri hálfleikurinn í leik KA og
Víkings var mjög jafn, allt í járn-
um og lítið um færi. Víkingar voru
síðan mun betri í seinni hálfleikn-
um. Steinar Már Ragnarsson kom
Ólafsvíkingum á bragðið með
marki á 51. mínútu. Eyþór Helgi
Birgisson bætti við marki fyrir Vík-
inga á 71. mínútu og spánski leik-
maðurinn Antonio Mossi skor-
aði síðan þriðja mark Víkinga á 82.
mínútu. Víkingar voru mun betri á
þessum kafla í leiknum en það voru
síðan KA-menn sem áttu lokakafl-
ann, þeir skoruðu á 85. og 89. mín-
útu og minnkuðu muninn í 2:3. Þá
voru um sex mínútur eftir með við-
bótartímanum og minnstu mun-
aði að KA-mönnum tækist að jafna
metin. Víkingar stóðu uppi sem sig-
urvegarar í leiknum og mæta næst í
deildinni Þrótti í Laugardalnum
nk. laugardag.
þá
Finnur Freyr Stefánsson landsliðsþjálfari U20 ára
karlalandsliðs Íslands í körfubolta hefur valið
þrjá Vestlendinga í æfingahóp sinn vegna Norð-
urlandamóts U20 ára liða sem fram fer í Finn-
landi um miðjan júlí næstkomandi. Þetta eru þeir
Stefán Karel Torfason og Snjólfur Björnsson, leik-
menn Snæfells, og Davíð Guðmundsson leikmað-
ur Skallagríms. Alls eru 28 leikmenn í æfinga-
hópnum sem kemur saman til æfinga um næstu
helgi. Í tilkynningu frá Körfuknattleikssambandi
Íslands segir að gert sé ráð fyrir því að fækkað
verði í æfingahópnum eftir æfingatörn helgar-
innar. hlh
Kristján Þór Júlíusson velferðarráðherra var í hópi fólks sem hóf verkefnið form-
lega þetta árið.
Verkefnið Hjólað í
vinnuna er hafið
Verðlaunahafar á uppskeruhátíð KKÍ.
Snæfellskar konur komu sáu
og sigruðu hjá KKÍ
Guðrún Karitas Sigurðardóttir skoraði
mark ÍA og hér sækir hún fast að marki
Fylkis í leiknum.
Skagakonur lágu fyrir Fylki
Opnað fyrir skrán-
ingu á Landsmót 50+
Hugi Harðarson
mundar hér
spjótið á síðasta
Landsmóti 50+.
Andri Geir Alexandersson, hér í fyrrum
liðsbúningi þegar hann spilaði með ÍA.
Andri Geir til HK
Þrír í U20
æfingahóp
Frá leik Víkings og KA á gervigrasvelli Akureyrarliðsins sl. laugardag.
Ljósm. Sævar Geir Sigurjónsson.
Víkingar unnu góðan
sigur fyrir norðan
Skagamann sóttu á köflum hart að
marki Selfyssinga.
Sigur í fyrsta leik
hjá Skagamönnum
Skagamenn fagna marki sínu í
leiknum en það var Garðar Gunn-
laugsson sem skoraði.