Skessuhorn - 21.05.2014, Blaðsíða 8

8 MIÐVIKUDAGUR 21. MAÍ 2014
Bæjarstjórn
fagnar hug-
myndabanka
GRUNDARFJ: Á fundi sín-
um sl. fimmtudag fagnaði
bæjarstjórn Grundarfjarð-
ar hugmyndabanka bæjarins
á Facebook, sem er lifandi
umræðuvettvangur íbúa. Í
fundargerð segir að mikil-
vægt sé að upplýsa um hvort
og hvernig Grundarfjarðar-
bær fjalli um þær hugmynd-
ir og ábendingar sem þar
koma fram þannig að leik-
reglurnar séu skýrar. Á fund-
inum var svohljóðandi stefna
bæjarstjórnar varðandi hug-
myndabanka samþykkt sam-
hljóða: „Bæjarstjórn hef-
ur ekki skuldbundið sig til
að fjalla um þær hugmyndir
sem hér koma fram, en get-
ur engu að síður ákveðið að
gera það. Ef eigendur hug-
mynda vilja leita til Grundar-
fjarðarbæjar eða koma hug-
myndum sínum formlega á
framfæri, er hægt að senda
bréf eða tölvupóst til bæjar-
stjóra eða hafa samband við
menningar- og markaðsfull-
trúa. Þá getur atvinnuráð-
gjafi SSV aðstoðað við mót-
un verkefna, gerð viðskipta-
áætlana og styrkumsókna og
bent á sjóði sem veita styrki
í allskonar verkefni,“ seg-
ir í bókun frá bæjarstjórnar-
fundinum. –þá
Tækifæri safna
og sýninga
VESTURLAND: Samtök
um söguferðaþjónustu (SSF)
hélt málþing í síðustu viku í
samvinnu við Íslandsstofu.
Þar var fjallað um stöðu, ný-
sköpun og framtíðartæki-
færi safna, sýninga og sögu-
ferðaþjónustu við markaðs-
setningu á Íslandi. Um eitt
hundrað aðilar standa nú
að samtökunum og koma
þeir víðsvegar af landinu.
Af Vesturlandi eru það Ei-
ríksstaðir, Landnámssetr-
ið í Borgarnesi, Snorrastofa
í Reykholti, Víkingafélagið
í Grundarfirði og Byggða-
safnið í Görðum á Akranesi.
Auk þess hefur Markaðsstofa
Vesturlands aukaðild. –mm
Frjálsi valinn líf-
eyrissjóður ársins
LANDIÐ: Frjálsi lífeyris-
sjóðurinn hefur verið valinn
lífeyrissjóður ársins á Íslandi
af fagtímaritinu Acquisition
International. Þetta kemur
fram í sérstakri útgáfu tíma-
ritsins um verðlaunin sem
veitt eru á hverju ári þeim
sem þykja hafa skarað fram
úr á sínu sviði sl. 12 mán-
uði. Dómnefnd tímaritsins
horfði til ýmissa þátta í val-
inu, m.a. til uppbygging-
ar sjóðsins, fjölbreyttra val-
kosta í útgreiðslum fyrir
sjóðfélaga og mikla fjölgun
sjóðfélaga þrátt fyrir frjálsa
aðildarskyldu að sjóðnum.
Jafnframt var horft til þess
að sjóðnum hefði tekist að
verja hagsmuni sjóðfélaga
við erfiðar aðstæður á fjár-
málamörkuðum. Frjálsi líf-
eyrissjóðurinn er rúmlega
136 milljarðar að stærð og
sjóðfélagar eru tæplega 50
þúsund talsins. Það er Ar-
ion banki sem sér um rekstur
sjóðsins. –hlh
Hagnaður
af rekstri
Samkaupa
LANDIÐ: Velta Samkaupa
og dótturfélagsins Búrs,
var tæplega 23,5 milljarð-
ar króna á árinu 2013 og
jókst um 3,6% frá fyrra ári.
Hagnaður félagsins eftir
skatta var rúmar 296 millj-
ónir, segir í tilkynningu frá
fyrirtækinu í kjölfar aðal-
fundar þess. Samkaup reka
48 verslanir undir merkjum
Nettó, Kaskó, Samkaup úr-
val og Samkaup strax. Versl-
anirnar eru á 34 stöðum um
landið. Starfsmenn félags-
ins á árinu 2013 voru 874 í
498 stöðugildum. Hluthaf-
ar Samkaupa voru 177 í lok
síðasta árs. Kaupfélag Suð-
urnesja ásamt dótturfélögum
átti 62,9% hlut og Kaupfélag
Borgfirðinga ásamt dóttur-
félagi 21,9%. Aðrir hluthaf-
ar áttu minna en 10% hver
um sig. Hlutur Kaupfélags
Borgfirðinga í Samkaupum
er stærsta einstaka eign KB.
Kaupfélag Borgfirðinga var
eins og kunnugt er stofnað
1904 og hélt í vor upp á 110
ára afmæli sitt. Félagar í KB
eru um 1500 og nær félags-
svæðið frá Breiðafirði suður
í Hvalfjörð. –mm
Aflatölur fyrir
Vesturland
10. - 16. maí.
Tölur (í kílóum) frá
Fiskistofu:
Akranes 29 bátar.
Heildarlöndun: 41.584 kg.
Mestur afli: Magnús HU:
3.638 kg í fjórum löndun-
um.
Arnarstapi 30 bátar.
Heildarlöndun:
135.929 kg.
Mestur afli: Tryggvi Eð-
varðs SH: 35.087 kg í fimm
löndunum.
Grundarfjörður 51 bátur.
Heildarlöndun:
385.327 kg.
Mestur afli: Hringur SH:
73.244 kg í einni löndun.
Ólafsvík 48 bátar.
Heildarlöndun: 459.432 kg.
Mestur afli: Steinunn SH:
81.827 kg í þremur lönd-
unum.
Rif 56 bátar.
Heildarlöndun: 590776 kg.
Mestur afli: Tjaldur SH:
154.582 kg í tveimur lönd-
unum.
Stykkishólmur 14 bátar.
Heildarlöndun: 84.689 kg.
Mestur afli: Þórsnes SH:
71.820 kg í fjórum lönd-
unum.
Topp fimm landanir á
tímabilinu:
1. Tjaldur SH – RIF:
77.580 kg. 15. maí
2. Tjaldur SH – RIF:
77.002 kg. 10.maí
3. Hringur SH- GRU:
73.244 kg. 13. maí
4. Örvar SH – RIF:
53.327 kg. 12. maí
5. Helgi SH – GRU:
48.771 kg. 12. maí
mþh
Um síðustu mánaðamót rak hnúfu-
bak á land við Öffersey á Skarðs-
strönd, skammt norðan við Skarðs-
stöð. Á vefnum budardalur.is er
haft eftir Boga Kristni Mogesen
skipulags- og byggingafulltrúa, sem
tók meðfylgjandi mynd, að hvalur-
inn sé 7-8 metra langur og nú þegar
farinn að lykta illa. Hvalurinn mun
hafa sést í fjörunni fyrst á baráttu-
degi verkalýðsins 1. maí sl. Sjá nán-
ar www.budardalur.is
mm
Björgunarsveitir í Borgar-
firði, Borgarnesi og Akranesi
voru að beiðni lögreglu kall-
aðar út til leitar á fimmta tím-
anum aðfararnótt sl. mánu-
dags til leitar að einstaklingi
eða fólki sem óttast var að
væri í vandræðum við Hraun-
fossa. Þá var þyrla Landhelg-
isgæslunnar einnig kölluð til
leitar. Leitarbeiðni var síðan
afturkölluð um fjörutíu mín-
útum síðar. Kvöldið áður var
Snorri Jóhannesson á Auga-
stöðum og rekstraraðili við Hraun-
fossa var við bíl sem lagt hafði ver-
ið á bílastæðið skammt við foss-
ana. Upp úr miðnættinu var bíllinn
enn á bílastæðinu og var þá farið að
grennslast fyrir um fólkið úr
bílnum. Fannst það ekki þrátt
fyrir leit. „Ég hafði áhyggjur
af fólki, að það hefði hugsan-
lega farið sér að voða við ána
eða í skóginum,“ sagði Snorri.
Skömmu eftir útkallið, þegar
þyrla var mætt á svæðið, kom
svo ferðamaður út úr tjaldi.
Tjaldið reyndist samlitt um-
hverfinu og nær ómögulegt
að sjá það. Hafði maðurinn
tjaldað um 400 metra frá bíla-
stæðinu. Reyndist hann eig-
andi bílsins og var því málið farsæl-
lega leyst. þá
17. maí er eins og margir vita
þjóðhátíðardagur Norðmanna.
Dagurinn er hins vegar einn-
ig merktur á almanakið fyrir aðr-
ar sakir og ólíkar. Í tilkynningu frá
Akraneskaupstað sl. föstudag segir:
„Þann 17. maí árið 1990 var sam-
kynhneigð tekin út af sjúkdómalista
Alþjóða heilbrigðisstofnunarinnar.
Að því tilefni er 17. maí Alþjóðleg-
ur baráttudagur gegn homo-, bi-
og transfóbíu. Akraneskaupstaður
flaggar því regnbogafánum í dag
við skrifstofur sínar að Stillholti
16-18 og við aðra stofnanir kaup-
staðarins.“
Þá segir að mannréttindastefna
Akraneskaupstaðar hafi nýlega ver-
ið samþykkt í bæjarstjórn og þar
komi fram að Akraneskaupstað-
ur styðji réttindabaráttu hinsegin
fólks. „Orðið ,,hinsegin“ er regn-
hlífarhugtak sem nær yfir alla þá
hópa sem skilgreina kynhneigð sína
og kynvitund utan hins gagnkyn-
hneigða ramma. Í stefnunni seg-
ir að óheimilt sé að mismuna fólki
á grundvelli kynhneigðar eða kyn-
vitundar og að framlag hvers og
eins skuli metið að verðleikum
óháð kynvitundar eða kynhneigð-
ar.“ Meðfylgjandi er ljósmynd tek-
in fyrir utan bæjarskrifstofu Akra-
neskaupstaðar.
mm
Bæjarstjórn Grundarfjarðar hélt seinasta bæjarstjórnarfund kjörtímabilsins fimmtudaginn 15. maí. Þó að fundurinn hafi
verið síðasti fundur núverandi bæjarstjórnar þá var hann jafnframt fyrsti fundurinn sem fram fór í nýjum fundarsal Grundar-
fjarðarbæjar.
Á myndinni eru frá vinstri: Björn Steinar Pálmason bæjarstjóri, Eyþór Garðarsson, Ásthildur Erlingsdóttir, Sigurborg Kr.
Hannesdóttir forseti bæjarstjórnar, Þórey Jónsdóttir, Rósa Guðmundsdóttir, Þórður Magnússon, Gísli Ólafsson og Sigurlaug
R. Sævarsdóttir skrifstofustjóri. tf
Hvalreki á Skarðsströnd
Regnbogafánanum flaggað við
bæjarskrifstofurnar
Síðasti fundur bæjarstjórnar sá
fyrsti í nýju húsnæði
Óttast var um ferðamenn við Hraunfossa