Skessuhorn - 21.05.2014, Blaðsíða 12

12 MIÐVIKUDAGUR 21. MAÍ 2014
Fyrir níu árum var heimatilbún-
um kastala komið fyrir á lóð Laug-
argerðisskóla og unnu foreldrar
barna í skólanum það verk. Þar sem
kastalinn var orðinn gamall, farinn
að láta á sjá og uppfyllti þar að auki
ekki staðla um öryggi, var hann rif-
inn þegar lóðin var endurgerð og
settur upp sparkvöllur. Síðan hefur
leikkastali verið draumur nemenda
við skólann. Nú er sá draumur orð-
inn að veruleika, þökk sé góðu fólki
sem ber hlýjan hug til Laugargerð-
isskóla. Sá sem átti frumkvæði að
því að láta drauminn rætast er for-
maður skólanefndar, Eggert Kjart-
ansson á Hofsstöðum.
Fyrirtækin Múlavirkjun, HS
Orka og Fiskþurrkunin Miðhrauni
gáfu skólanum kastalann og und-
irlag undir hann. Þá komu feður
skólabarna og kennarar og lögðu
til tæki og vinnu til að setja mann-
virkið niður. Var það verk unn-
ið á fjórum dögum. Gestur Úlfars-
son kom með tæki og tól og stjórn-
aði vinnunni. Atli Svansson kom
einnig með dráttarvél og lagði til
vinnu. Sigurður Jónsson, faðir og
kennari, vann við verkið allan tím-
ann. Einnig komu þeir Jón Odds-
son í Kolviðarnesi og Sigurbjörn
Magnússon á Minni-Borg og unnu
við uppsetninguna og Guttorm-
ur í Miklaholtsseli hjálpaði til við
steypuvinnu. Mottur og undirlag
settu Atli Svansson í Dalsmynni,
Eggert Kjartansson á Hofsstöðum,
Halldór Sigurkarlsson í Hrossholti,
Kristján Magnússon á Snorrastöð-
um, Friðbjörn Örn Steingrímsson í
Laugargerði og Sigurður Jónsson í
Laugargerði.
Nemendur og starfsfólk Laugar-
gerðisskóla vilja þakka öllum þess-
um aðilum fyrir þessa einstöku gjöf
og vinnuna sem því fylgdi að koma
kastalanum upp. iss
Næstkomandi laugardag verður
ekin fyrsta umferðin af fimm í Ís-
landsmeistaramótinu í rallý 2014.
Keppnin fer fram á sérleiðum um
Djúpavatn og Hvaleyrarvatn á
Reykjanesi og verður í umsjón Bif-
reiðaíþróttaklúbbs Reykjavíkur.
Verður dagurinn tekinn snemma
en keppnin hefst á Djúpavatni kl.
9.00. Nánari upplýsingar um tíma-
setningar og fleira er að finna á
bikr.is.
Ein landsbyggðaráhöfn er með-
al þeirra tólf sem skráðar eru til
leiks en hana skipa Skagfirðingur-
inn Baldur Haraldsson og Borg-
firðingurinn Aðalsteinn Símon-
arson. Þeir eru að hefja sitt þriðja
keppnistímabil saman og mæta til
leiks á mun aflmeiri Subaru Imp-
reza bíl en þeir hafa verið á fram
til þessa. Er stefnan hjá þeim fé-
lögum að gera enn betur en und-
anfarin ár en þeir urðu í þriðja sæti
Íslandsmótsins 2012 og 2013. Mik-
il vinna hefur undanfarna mánuði
verið lögð í að undirbúa bílinn sem
best fyrir átök sumarsins. Hægt er
að fylgjast með hvernig þeim fé-
lögum gengur á Facebook síðunni
TímON rallý.
mm/gg
Í sumar mun ferðamönnum í Stykk-
ishólmi bjóðast að láta leiða sig á
nýjar slóðir með aðstoð snjalltækja.
Sú nýjung hefur verið innleidd á
Eldfjallasafninu að gestum býðst að
fræðast um eldfjöll og jarðfræði á
Snæfellsnesi í spjaldtölvum á safn-
inu. Nú er stefnan auk þess sett á að
færa fræðsluna út úr safninu og gera
hana aðgengilegri fyrir snjalltæki
og tölvur. Að sögn Haraldar Sig-
urðssonar, eldfjallafræðings, sem er
höfundur efnisins, er stefnt að því
að fræðsluefnið verði allt aðgengi-
legt á næstu misserum. Anok marg-
miðlun ehf. í Stykkishólmi hefur
unnið að verkefninu ásamt starfs-
mönnum Eldfjallasafnsins. „Þetta
verkefni er núna búið að vera eitt
ár í vinnslu en við stefnum á að
hægt verði að miðla hluta efnisins í
sumar. Hugmyndin er sú að ferða-
menn geti nýtt sér efnið á ferðum
sínum um Snæfellsnes með því að
hafa það í snjallsímum eða spjald-
tölvum. Efnið virkar þannig að það
sýnir notendum þess með GPS
punktum staðsetningar 60 göngu-
leiða að eldfjöllum og staðreyndir
um jarðfræði sem tengjast eldfjöll-
unum á Snæfellsnesi, allt frá Eld-
borg til Snæfellsjökuls.“
Kveikjan að því að miðla efn-
inu á þennan hátt kom í kjölfar
þess að margir gestir safnsins voru
með snjallsíma þegar þeir heim-
sóttu safnið. „Við höfum tekið eftir
því að margir gesta okkar eru með
snjallsímann á lofti og þetta er sú
þróun sem er að eiga sér stað í sam-
félaginu. Þess vegna fannst okkur
kjörið tækifæri að nýta þessa tækni
til að koma okkar upplýsingum út
fyrir dyr safnsins og út í náttúruna
sjálfa,“ segir Haraldur og bætir við
að efnið verði frítt í sumar. „Efn-
ið verður frítt að minnsta kosti fyrst
um sinn. Við lítum á þetta fyrst og
fremst sem þjónustu við ferðamenn
á Vesturlandi. Það er svo stefnt að
því að þróa þetta enn frekar og ætl-
um meðal annars að bæta við sögu-
legum staðreyndum um þá staði
sem þarna eru en við eigum enn
eftir að sjá hvað gerist í þeim mál-
um,“ sagði Haraldur.
jsb
Aðalfundur Rauða kross Íslands
fór fram sl. laugardag í Grunda-
skóla á Akranesi. Á fundinum voru
afhentar viðurkenningar fyrir starf í
þágu RKÍ. Meðal annars var afhent
sérstök heiðursviðurkenning vegna
fræðslu- og sjálfboðastarfa í þágu
þeirra sem minnst mega sín og kom
viðurkenningin í hlut Grundaskóla.
Viðurkenningu þessa fær skólinn
fyrir að hafa á undanförnum átta
árum safnað rúmum tveimur millj-
ónum króna sem runnið hafa til
nauðstaddra barna í Malaví. Hefur
þessi fjárhæð skilað miklum árangri
fyrir hundruð barna í þessu fátæk-
asta landi veraldar.
Á annað hundrað fulltrúa frá 42
deildum Rauða krossins sótti aðal-
fundinn. Tekin voru fyrir brýnustu
málefni félagsins um forgangs-
röðun verkefna í nærsamfélaginu
í ljósi nýrrar skýrslu Rauða kross-
ins: „Hvar þrengir að?“ sem kynnt
var fyrir helgina. Þá var fjallað um
herferð um skyndihjálp í tilefni af
90. afmælisári félagsins og hvern-
ig auka megi fjáraflanir og styrkja
tekjustofna en helstu tekjur RKÍ
hafa dregist verulega saman síðast-
liðin fimm ár.
Kosin var ný stjórn á aðalfund-
inum. Formaður RKÍ nú er Skaga-
maðurinn Sveinn Kristinsson.
Kosningin var söguleg að því leyti
að þetta var í fyrsta sinn í sögu
Rauða krossins á Íslandi var kos-
ið um formann. Sveinn tekur við
þessu embætti af Önnu Stefánsdótt-
ur sem lætur af formennsku eftir að
hafa gegnt henni frá 2008. Sveinn
Kristinsson hefur verið formað-
ur Rauða krossins á Akranesi í níu
ár. Hann er fyrrverandi kennari og
skólastjóri og hefur gegnt forystu
innan Rauða krossins og sinnt fjöl-
mörgum félags- og trúnaðarstörf-
um á vettvangi sveitarstjórnarmála.
Til setu í stjórn Rauða krossins á Ís-
landi til fjögurra ára voru kjörnir:
Halldór Valdimarsson fyrrverandi
skólastjóri sem kemur úr Húsavík-
urdeild RKÍ, Hrund Snorradótt-
ir verkefnisstjóri hjá Austurbrú úr
Vopnafjarðardeild, Margrét Vagns-
dóttir rekstrarstjóri í Háskólanum á
Bifröst úr Borgarfjarðardeild, Jón-
as Sigurðsson varayfirlögreglustjóri
á Vestfjörðum úr Barðastrandar-
sýsludeild og Sigrún Árnadóttir
sveitarstjóri í Sandgerði úr Suður-
nesjadeild.
mm/sas
Draumur barna í Laugar-
gerðisskóla uppfylltur
með höfðinglegri gjöf
Aðalsteinn og Baldur ásamt aðstoðarmönnum.
Einn vestlenskur keppandi
á Íslandsmótinu í rallý
Logo nýja forritsins á Eldfjallasafninu.
Gönguleiðir og jarðfræði Snæfells-
ness aðgengilegar í snjallsímum
Stefnt er að því að ferðamenn geti fengið leiðsögn í snjallsíma sína um ýmsa jarð-
fræði tengda eldfjöllum á Snæfellsnesi.
Sveinn Kristinsson er nýr formaður RKÍ
á Íslandi.
Rauði krossinn verðlaunar fyrir
góðan árangur í Malaví söfnun
Sigurður Arnar Sigurðsson aðstoðarskólastjóri í Grundaskóla ásamt þremur
fulltrúum nemenda. Skólinn og nemendur þar hafa safnað um tveimur milljónum
króna síðastliðin sex ár handa nauðstöddum í Malaví.