Skessuhorn - 21.05.2014, Blaðsíða 18
18 MIÐVIKUDAGUR 21. MAÍ 2014
Andrea Björnsdóttir oddviti Reyk-
hólahrepps ætlar nú að láta af störf-
um sem sveitarstjórnarfulltrúi eftir
að hafa setið þetta kjörtímabil þar
sem hún hefur verið oddviti í þrjú
ár af fjórum árum. Á starfstíma sín-
um sem oddviti Reykhólahrepps
hefur Andrea fengið ýmsu áork-
að. Það skemmtilegasta og jafn-
framt óvenjulegasta er að hún hef-
ur prjónað ellefu peysur og sokka
á nýbura sem hafa fæðst í sveitinni
frá því síðla árs 2012 fram til vors-
ins 2014.
Býr á vestasta bæ
Reykhólasveitar
Andrea er menntaður þroskaþjálfi
og starfar sem slíkur við grunnskól-
ann á Reykhólum. Hún býr á vest-
asta bæ í byggð í sveitinni. Það er
Skálanes. Þar rekur hún bú ásamt
eiginmanni sínum Sveini Hall-
grímssyni. Þar eru þau með um 180
kindur á vetrarfóðrum. „Við vor-
um með búskap á Skálanesi í ein 14
ár en hættum árið 2000. Þá flutt-
um við að Laugabakka í Húnaþingi
vestra. Þar vorum við til 2008. Ég
starfaði sem stuðningsfulltrúi og
stundaði nám í þroskaþjálfun. Þegar
því lauk fluttum við aftur að Skála-
nesi og ég hóf þroskaþjálfastörf
við grunnskólann hér á Reykhól-
um. Sveinn er frá Skálanesi en ég er
hins vegar fædd og uppalin á Akur-
eyri. Við eigum fjögur börn sem öll
eru uppkomin. Þau tvö yngri eru á
framhaldsskólaaldri.“
Fæðingar tóku
mikinn kipp
Andrea var kjörin í sveitarstjórn
Reykhólahrepps í kosningunum
2010. Síðustu þrjú árin hefur hún
Tónlistarmyndband sem tekið var
að miklu leyti upp í og við gamla
vitann á Suðurflös á Akranesi á
síðasta ári hefur fengið tvær til-
nefningar til verðlauna í keppn-
inni Nordic Music Video Awards,
en verðlaunin verða kunngjörð
31. maí næstkomandi. Auk þess að
myndbandið er tilefnt sem besta
tónlistarmyndbandið er leikari í
því einnig tilnefndur til verðlauna.
Myndbandið er við lag Ólafs Arn-
alds, Old skin. Sá sem tilnefndur
er til verðlauna í myndbandinu
fyrir leik er Tryggve Jonas Elia-
sen yfirmaður leikmyndadeildar í
Þjóðleikhúsinu. Tryggve sem van-
ari er að vinna bak við tjöldin seg-
ist þó ekki ætla að leggja leiklist-
arferilinn fyrir sig, en tónlistin við
lagið sé ótrúlega falleg og söngur
söngvarans í laginu sé himneskur.
Hilmar Sigvaldson vitavörður í
Akranesvita segir að myndbandið
sé að detta í 4000 áhorf á Youtube
þessa dagana. „Ég er gríðarlega
stoltur af vinsældum og velgengni
þeirra sem stóðu að myndband-
inu. Ég er viss um að umherfið
hefur þarna mikil áhrif og von-
andi eykur þetta aðsókn hingað í
vitana,“ segir Hilmar. þá
Gamli vitinn á Suðurflös á Akranesi. Ljósm. ki.
Myndband tekið upp við
gamla vitann tilnefnt til
tveggja verðlauna
Andrea Björnsóttir á Skálanesi í Reykhólahreppi:
Oddvitinn sem prjónaði peysur og sokka
á alla nýbura sveitarinnar
verið oddviti. Það var í krafti þess
embættis sem henni rann blóðið til
skyldunnar að reyna að hvetja til
barneigna og fjölgunar íbúa í sveit-
arfélaginu. Til þess valdi Andrea þá
frumlegu aðferð að prjóna sjálf á öll
börn sem fæddust í sveitinni. Þetta
hefur vakið mikla athygli.
„Mér datt í hug að byrja á þessu
þegar við vorum að ræða það að
ekki væru neinar horfur á að það
fæddist barn í sveitinni árið 2012.
Það var leiðinleg tilhugsun að það
yrðu engin börn í heilum árgangi
hér í hreppnum. Í upphafi árs-
ins 2012 sagði ég við Vilberg Þrá-
insson á Hríshóli að ég lofaði að
prjóna peysu á barnið ef hann og
Katla Ingibjörg Tryggvadóttir kona
hans kæmu nú með eitt fyrir árslok.
Í nóvember 2012 eignuðust þau
svo stúlku og ég prjónaði á hana
peysu og sokka. Svo fór nýburum
að fjölga. Ég hélt þessu samt áfram
og prjónaði á þau öll. Þau eru þann-
ig orðin ellefu síðustu tæp tvö árin.
Öll börnin búa hér nema eitt sem er
flutt í burtu með foreldrum sínum,“
segir Andrea.
„Þetta er búið að vera mjög
skemmtilegt. Foreldrarnir eru svo
þakklátir og fólk hefur haft gam-
an að þessu. Ég er búin með þetta
verkefni að prjóna á öll börn sem
fæddust á kjörtímabilinu því það er
ekki von á neinu nú fram að kjör-
degi laugardaginn 31. maí.“
Ætlar nú að hætta í
sveitarstjórn
Eftir að hafa setið eitt kjörtímabil
hefur Andrea nú komist að þeirri
niðurstöðu að þessi störf taki of mik-
ið af tíma hennar. „Þetta er erill sem
bætist ofan á vinnutímann, bæði hér
í skólanum og svo við bústörfin. Í
mínu tilviki tekur það svo klukku-
stund og jafnvel lengur að aka milli
Skálaness og Reykhóla þar sem ég
vinn og sveitarstjórnin heldur sína
fundi. Þeir eru einu sinni í mánuði
en síðan er einnig alltaf óformlegur
vinnufundur hvert mánudagskvöld
fyrir fundina í sveitarstjórninni.
Fyrir mitt leyti þá finn ég einfald-
lega að mig langar ekki til að halda
áfram. Það að sitja í sveitarstjórn er
ekki þakklátasta starf í heimi. Mér
finnst sem þetta höfði ekki til mín.“
Andrea segir að sveitarstjórnar-
störfin séu þó auðvitað ekki með
öllu leiðinleg. „Við höfum sem
betur fer ekki þurft að taka mjög
óvinsælar ákvarðanir á kjörtíma-
bilinu. Reykhólahreppur stendur
vel að mörgu leyti og fjárhagsstað-
an er viðunandi. Þó varð vissulega
að hagræða og forgangsraða í upp-
hafi kjörtímabilsins. Sveitarstjór-
inn okkar, Ingibjörg Birna Erlings-
dóttir, hefur staðið sig afskaplega
vel í að vinna fyrir okkur. Hún kom
hingað úr starfi sem skrifstofustjóri
hjá Hvalfjarðarsveit árið 2010 og
kann mjög vel til verka. Ég veit að
Ingibjörg vill halda áfram og hún
fær mín bestu meðmæli.“
Allir sitjandi
fulltrúar hætta
Enginn framboðslisti barst vegna
sveitarstjórnarkosninganna í
hreppnum. Andrea er ekki eini
sitjandi sveitarstjórnarfulltrúi sem
biðst undan endurkjöri í lok mánað-
arins. Allir hinir aðalmenn í sveitar-
stjórninni hafa gert hið sama. Auk
Andreu eru það Ásta Sjöfn Krist-
jánsdóttir, Eiríkur Kristjánsson,
Gústaf Jökull Ólafsson og Sveinn
Ragnarsson sem hætta nú.
„Það verður því persónukjör í
Reykhólasveit eins og reyndar hef-
ur verið lengst af hér um slóðir.
Þannig eru allir íbúar í kjöri. Þau
setjast í sveitarstjórn sem fá flest
atkvæði. Reglurnar eru þó þann-
ig að við sem höfum setið í sveit-
arstjórn og biðjumst undan því að
halda áfram erum sjáfkrafa undan-
þegin kjöri nú. Við erum búin að
afplána,“ segir Andrea og hlær við.
„Fólk verður bara að kjósa aðra í
staðinn.“
Hún bætir því við að lokum að
það sé hlutfallslega margt ungt fólk
í Reykhólahreppi og það sé þokka-
lega bjart yfir atvinnumálunum.
„Staðan er að mörgu leyti ágæt.
Vandamál okkar núna er kannski
helst að við stöndum frammi fyr-
ir húsnæðisskorti í sveitarfélaginu.
Það vantar fjármagn til að fara í ný-
byggingar.“
mþh
Andrea Björnsdóttir oddviti og þroskaþjálfi ásamt hressum nemendum við grunnskólann á Reykhólum.
Andrea situr fyrir miðju í sófanum. Með henni á myndinni eru mæður og tíu af ell-
efu nýburum Reykhólahrepps frá nóvember 2012 til fyrri hluta árs 2014 í peysum
og sokkum sem hún hefur prjónað. Ljósm. af vef Reykhólahrepps.
Oddvitinn og börnin tíu uppáklædd í prjónlesinu. Ellefta barnið er flutt norður
í land ásamt fjölskyldu sinni. Þegar myndin var tekin var smá flensa í gangi hjá
nokkrum og því lítil þolinmæði fyrir myndatökur. Önnur sváfu hins vegar vært.
Ljósm. af vef Reykhólahrepps.