Skessuhorn - 21.05.2014, Blaðsíða 30

30 MIÐVIKUDAGUR 21. MAÍ 2014
Hvað er það fallegasta við
Borgarnes á sumrin?
Spurning
vikunnar
Guttormur Jón Gíslason og
Guðjón Snær Magnússon
Stelpurnar.
Guðmundur Stefán Guð-
mundsson
Skallagrímsgarður og restin af
Borgarnesi.
Svanhvít Rós Guðsteinsdóttir
Stelpurnar í vínbúðinni.
Valgerður Halldórsdóttir og
Hrönn Håkansson
Fjaran og svæðið í kringum
Bjössaróló.
Aðalheiður Valdimarsdóttir
Ferðamannastraumurinn sem
lífgar svo upp á staðinn.
(Spurt í Borgarnesi.)
Vilhjálmur Egilsson rektor Háskól-
ans á Bifröst og Kolbeinn Pálsson
frá Golfklúbbnum Glanna í Norð-
urárdal undirrituðu á dögunum
samning sem kveður á um samstarf
golfklúbbsins og Hótel Bifrastar,
sem rekið er af skólanum. Tilgang-
urinn er að vekja athygli á golfvell-
inum Glanna og auka þannig við
afþreyingarmöguleika í ferðaþjón-
ustu á svæðinu. Hótel Bifröst og
golfvöllurinn Glanni eru staðsett-
ir sitthvorum megin við þjóðveg-
inn og samvinna skapar því mikla
möguleika til þess að bæta þjónustu
við golfáhugamenn, sumarbústaða-
fólk og almennt ferðafólk á leið um
Norðurárdal. Hótel Bifröst mun
hafa umsjón með notkun á golf-
vellinum og annast þjónustu vegna
veitinga og gistingar fyrir notendur
vallarins. mm/ fréttatilk.
Helgina 28. – 31. ágúst stendur
Landssamband blandaðra kóra fyr-
ir Söngdögum í Skálholti. Stjórn-
endur verða Lynnel Joy Jenkins frá
Bandaríkjunum og Jón Stefánsson,
kantor í Langholtskirkju. Æft verð-
ur í tveimur hópum og einnig sam-
eiginlega. Báðir stjórnendur vinna
með hópunum og verða sungin
ættjarðarlög, heimstónlist, banda-
rísk kórtónlist, kirkjuleg og verald-
leg lög.
Boðið er upp á tvo möguleika til
þátttöku; frá fimmtudagskvöldi til
sunnudags og frá föstudagskvöldi
til sunnudags. Dagskrá lýkur með
messu og stuttum tónleikum eftir
hádegi á sunnudag. Hámarksfjöldi
þátttakenda er um 130 manns. Kór-
félagar í aðildarkórum LBK ganga
fyrir við skráningu og greiða lægra
verð en kórfélagar utan sambands.
LBK hvetur blandaða kóra til að
ganga í sambandið og styrkja starf-
semina. Þátttökugjald fyrir LBK
félaga: kr. 5.000.- (sama verð fyrir
2 og 3 daga). Aðrir greiða kr. 7.500.
Dvalar- og fæðiskostnaður verð-
ur greiddur í Skálholti. Upplýsing-
ar og skráning (fyrir 15. júní) á net-
fanginu lbk@lbk.is
-fréttatilkynning
Kammerkór Suðurlands mun á
Listahátíð í Reykjavík um aðra helgi,
og víðar á næstu vikum og mánuð-
um, flytja fjölbreytta menningardag-
skrá. Meðal verka sem kórinn mun
flytja er nýtt lag eftir Pál Guðmunds-
son á Húsafelli sem hann samdi við
ljóð eftir afa sinn og alnafna frá
Hjálmsstöðum í Laugardal. Sjálf-
ur mun Páll leika undir í verkinu á
rabarbaraflautu sem hann hefur gert.
Ljóð Páls heitins á Hjálmsstöðum er
þannig til komið að einhverju sinni
hitti Páll Jóhannes Kjarval í Þing-
vallarétt og síðar einnig nokkrum
sinnum í Reykjavík. Páll bauð Kjar-
val heim að Hjálmsstöðum en sá
síðarnefndi kvaðst ekki myndu koma
nema Páll heilsaði sér með kvæði.
Þannig að Páll orti kvæði „Heilsa
þér Kjarval.“ En aldrei kom Kjar-
val austur í Laugardal. Því greip Páll
til þess ráðs að birta kvæðið í dag-
blaði. Vitanlega brást Kjarval höfð-
inglega við því og sendi Páli málverk
að launum fyrir kvæðið. Nú hefur
Páll Guðmundsson yngri samið lag
við ljóð afa síns og mun hann leika
með kórnum á rabarbaraflautu sem
einnig er hans eigin smíð.
Verkefni þetta hefur því hvort
tveggja djúpar rætur í byggðum
Borgarfjarðar og Suðurlands og
tengingar við hinn alþjóðlega tón-
listarheim. Fyrst er að telja tón-
leika Kammerkórsins á Listahátíð
í Reykjavík 24. maí. Þá er stefnan
tekin á Salisbury International Arts
Festival í Bretlandi í byrjun júní og
í framhaldinu á alþjóðlegt kóramót í
Umeå í Svíþjóð. Lokapunkturinn á
þessari tónleikarispu kórsins verð-
ur á Sumartónleikum í Skálholts-
kirkju. Í haust sendir kórinn svo frá
sér geisladisk með nýjum kórverkum
eftir ung íslensk tónskáld.
Á tónleikunum á Listahátíð flytur
kórinn Þrjár Shakespeare-sonnett-
ur eftir Sir John Tavener, verkið Is-
lands (Ynysoedd) eftir annað breskt
tónskáld, Jack White, og Heilsa þér
Kjarval eftir Pál á Húsafelli í útsetn-
ingu Snorra Sigfúsar Birgissonar.
Tvö fyrrnefndu verkin voru frum-
flutt á tónleikum Kammerkórs Suð-
urlands í Southwark-dómkirkjunni í
Lundúnum í nóvember síðastliðn-
um, sem óvænt urðu að minning-
artónleikum um Sir John Tavener,
sem lést skyndilega þremur dögum
fyrir tónleikana. Tónleikarnir vöktu
heimsathygli og hlutu afburðadóma
í bresku pressunni. Þessi verk verða
nú frumflutt á Íslandi.
Verk sitt samdi Jack White fyrir
kórinn árið 2013 en hann var valinn
til þess af bresku tónlistarsamtökun-
um Sound and Music sem ein skær-
asta unga stjarna Breta á sviði tón-
smíða um þessar mundir. Tónskáld-
ið, sem er upprunnið í Wales, leggur
áherslu á að tengja saman í verkinu
Ísland og Wales í gegnum hljóðblæ-
brigði vatns. Sungið er á ýmsum
tungumálum; fornvelsku, ensku og
íslensku, en íslenska part verksins
samdi verðlaunaljóðskáldið og rit-
höfundurinn Sjón. Að auki verða
flutt nokkur af eldri verkum Tave-
ners og nýleg verk eftir ung íslensk
tónskáld, þau Georg Kára Hilmars-
son, Völu Gestsdóttur og Margréti
Kristínu Blöndal. Öll eru þessi verk
samin séstaklega fyrir kórinn.
Einsöngvarar með kórnum verða
sópransöngkonurnar Björg Þór-
hallsdóttir, Elísabet Einarsdóttir,
Tui Hirv og Margrét Kristín Blön-
dal, ásamt Hrólfi Sæmundssyni barí-
ton. Sérstakur heiðursgestur og vel-
unnari Kammerkórs Suðurlands
verður hin heimsþekkta sópransöng-
kona Patricia Rozario, en hún hef-
ur frumflutt fjölda verka eftir Tave-
ner og heillaðist af flutningi Kamm-
erkórsins á tónleikunum í Sout-
hwark-dómkirkjunni sl. haust. Þá
syngur með kórnum djúp-bassa-
söngvarinn Adrian Peacock, sem
hefur starfað með kórnum um ára-
bil. Tólf manna barokksveit leikur
ennfremur á tónleikunum, skipuð
félögum úr Bachsveitinni í Skálholti
og Barokk Reykjavík. Þá eru ótaldir
tveir kórar sem hlaupa undir bagga í
verkinu Song for Athene eftir John
Tavener; ungmeyjakórinn sem söng
með Megasi á Passíusálmatónleik-
um í Grafarvogskirkju á nýliðinni
föstu og karlakórinn Vox Humana,
sem var settur saman sérstaklega af
þessu tilefni. Í lok verksins hljómar
sterkt orgel, sem hafði valdið kór-
stjóranum nokkrum heilabrotum,
þar sem ekki er orgel í Hörpu. Loks
hugkvæmdist honum að hóa saman
40 manna karlakór sem mun taka að
sér hlutverk orgelsins. Myndlistar-
konan Hildur Hákonardóttir sér um
listræna umgjörð tónleikanna. Hún
fléttar inn í umgjörðina myndverk-
um ýmissa listamanna, á borð við
Pál frá Húsafelli og Kristínu Gunn-
laugsdóttur. mm
Samstarf Hótel Bifrastar
og golfklúbbsins Glanna
Söngdagar bland-
aðra kóra í Skálholti
Nýverið voru frambjóðendur til sveitarstjórnar á ferð í Húsafelli. Hér tekur Jónína
Erna Arnardóttir lagið á steinhörpuna og Páll spilar með á rabarbaraflautu.
Tónverk eftir Pál á Húsafelli frumflutt við
ljóð eftir alnafna hans og afa
Hilmar Örn Agnarsson og Páll á Húsafelli eru hér staddir í Skálholti nýverið. Þarna
eru þeir að fara yfir verk Páls sem Kammerkór Suðurlands flytur á Listahátíð í
Reykjavík þann 24. maí. Þess má geta að Páll gerði steinlistaverkið sem sjá má í
bakgrunninum til minningar um afa sinn, Pál á Hjálmsstöðum.