Skessuhorn - 04.06.2014, Blaðsíða 5
5MIÐVIKUDAGUR 4. JÚNÍ 2014
Vitbrigði Vesturlands, félag ungs
fólks í skapandi greinum á Vest-
urlandi, eru nú búin að vera starf-
andi síðan í nóvember og hægt og
rólega eru samtökin að „rokka“ í
menningarlífinu á Vesturlandi, eins
og Sigursteinn Sigurðsson formað-
ur félagsins kemst að orði. „Nú sem
stendur er þungamiðja starfsem-
innar í Borgarnesi og vonandi mun
ganga vel að tengja starfið frekar
um allan landshlutann. Meðlimir
koma úr þó víða að úr fjórðungn-
um og samtökin vaxa því hægt en
örugglega,“ segir Sigursteinn.
Styrkur úr Menningar-
sjóði Vesturlands
Fyrir skemmstu fékk félagið styrk
úr Menningarsjóði Vesturlands að
upphæð 600.000 krónur sem mun
koma sér vel til að koma samtökun-
um á koppinn. „Í haust stendur til
að halda Ráðstefnuhlé (einfaldlega
vegna þess að í ráðstefnuhléunum
gerast hlutirnir) og fer hluti sjóðs-
ins í að halda þann viðburð. Einnig
er draumur að opna heimasíðu VV
þar sem upplýsingum sem gagnast
meðlimum samtakanna má finna,
t.d. um aðgang að prentþjónustu,
galleríum og fleiru auk þess sem al-
menningur getur fengið haldbærar
upplýsingar um hvernig má finna
þjónustu fólks í skapandi greinum
á sínu heimasvæði.“
Í maí opnuðu Hugheimar að
Bjarnarbraut 8 í Borgarnesi. Hug-
heimar eru setur nýsköpunar og
fumkvöðla og eru Vitbrigði Vest-
urlands stoltur stofnaðili að verk-
efninu. Sigursteinn segir að hlut-
verk VV sé að miðla upplýsing-
um um Hugheima til sinna félags-
manna og hvetja þá til að sækja
þá aðstoð sem Hugheimar veita. Í
Hugheimum gefst frumkvöðlum
kostur á að leigja á „fáránlega“ lágu
verði vinnuaðstöðu. Á staðnum
eru líka fagaðilar eins og atvinnu-
og rekstrarráðgjafar á vegum Sam-
tökum sveitarfélaga á Vesturlandi
auk bókhaldsráðgjafa frá KPMG
sem veita frumkvöðlum ráðgjöf. Að
auki gefst frumkvöðlum tækifæri til
að sækja styrki á vegum Hugheima
í boði styrktaraðila setursins. Nú
þegar er Geir Konráð Theódórs-
son búinn að koma sér fyrstur fyrir
í aðstöðunni. Hann er að vinna að
sínu verkefni í aðstöðunni en hann
er jafnframt félagi í Vitbrigðum
Vesturlands. Nánari upplýsingar
um Hugheima eru á Facebook-síðu
þeirra, facebook.com/hugheimar.
Hittingur á föstudaginn
Föstudaginn 6. júní klukkan 20:00
er félögum Vitbrigðanna boðið að
koma og kynna sér Hugheima í
húsakynnunum að Bjarnarbraut 8.
Skapandi fólk er nú mest líklegast
að vera með einhverjar hugmynd-
ir að frumkvöðlaverkefnum og því
er þetta gullið tækifæri að kynnast
verkefninu.
Kaffistopp
Síðan Vitbrigðin voru stofnuð hafa
samtökin haldið Kaffistopp þar sem
meðlimir hittast, kynnast hlutverki
Fréttir frá Vitbrigðum Vesturlands
samtakanna og hvort öðru. Fyrsta
Kaffistoppið var í Landnámssetrinu
í Borgarnesi en síðan hefur félags-
skapurinn hist í Leir 7 í Stykkis-
hólmi og í Hannesarholti í Reykja-
vík í til tilefni Hönnunarmars. Á
öllum þessum hittingum hefur
mikið verið rætt og skipulagt. Til
að mynda var ákveðið að Vitbrigði
Vesturlands skyldu stefna að því að
halda samsýningu ungra hönnuða
af Vesturlandi á Hönnunarmars að
ári. Kaffistoppin hafa verið það vel
heppnuð að áætlað er að fara víðar
um landshlutann og hittast. „Búð-
ardalur, Grundarfjörður og Akra-
nes, HERE WE COME,“ segir
Sigursteinn.
Um félagið
Vitbrigði Vesturlands er opið ungu
fólki sem starfar eða er menntað í
skapandi greinum og hafa tengingu
við Vesturland. Fagfólk, sem hef-
ur lagt allt undir til að starfa í sínu
fagi eru meðlimir í samtökunum í
dag. Þetta eru grafískir hönnuðir,
arkitektar, fatahönnuðir, myndlist-
armenn, leikarar, rithöfundar, kvik-
myndagerðarmenn, tónlistarfólk og
svona má lengi telja. „Þekkir þú ein-
hvern sem á heima í samtökum sem
þessum skaltu endilega benda þeim
á að hafa samband á facebook síðu
samtakanna eða beint við undirrit-
aðan,“ segir Sigursteinn að endingu
og bætir við; „Lifi listin.“ mm
Sigursteinn Sigurðsson.
Svipmynd frá einum kaffihittingi félaga í Vitbrigðum Vesturlands. F.v. Heiðar Lind
Hansson, Geir Konráð Theodórsson og Elín Elísabet Einarsdóttir.
Ljósm. Kristín Jónsdóttir.