Skessuhorn - 04.06.2014, Blaðsíða 8

8 MIÐVIKUDAGUR 4. JÚNÍ 2014
Meðan frost er að fara úr jörðu
þarf að banna akstur á ýmsum há-
lendisvegum til að koma í veg fyr-
ir skemmdir á þeim og náttúrunni.
Vegagerðin beinir þeim tilmælum
til fólks sem hyggur á fjallaferðir
að kynna sér ástand á viðkomandi
leiðum og virða akstursbann þar
sem það er. Umferð um Kaldadal er
til dæmis bönnuð enda er þar bæði
snjór og aurbleyta. Á meðfylgjandi
mynd má sjá vegalokanir sem voru
í gildi á hálendinu um miðja síðustu
viku. mm
Vel á þriðja hundarð manns sóttu
Safnasvæðið á Akranesi heim um
síðustu helgi á stórri eldsmiða-
og handverkshátíð sem haldin var
í samstarfi við Íslenska eldsmiði.
Hátíðin hófst á fimmtudaginn með
námskeiðum í eldsmíði. Hand-
verksfólk kom og sýndi og seldi
muni sína en einnig var hægt að
fylgjast með rennismiðum renna
í ferskan við, útskurðarfólki tálga
út ýmsar fígúrur og leirkerasmið
renna bolla í postulín. Hið eigin-
lega Íslandsmeistaramót í eldsmíði
var svo á sunnudeginum, þegar tólf
manns kepptu um Íslandsmeist-
aratitilinn. Verkefnið var að smíða
hurðarhamar. Þrír dómarar, þeir
John Simpkins frá Bandaríkjunum
og Michael Maasing og Jon Olofs-
son frá Svíþjóð dæmdu að keppni
lokinni. Þeir hrósuðu Íslending-
um fyrir elju sína við uppbyggingu
eldsmíðinnar hér á landi og hvöttu
fólk áfram í tilraunastarfsemi og
æfingum við smíðina.
Það var Beate Stormo sem bar
sigur úr býtum með afar fallegan
hurðarhamar. Fékk hún sérstakt
hrós frá dómnefnd fyrir hönnun og
jafnvægi í smíðisgripnum. Annað
sætið hlaut Ingvar Matthiasson fyrir
hurðarhamar þar sem hann bland-
aði saman járni og grjóti á hagan-
lega hátt. Þriðja sæti hlaut svo Ósk-
ar Birgisson fyrir hurðarhamar sem
bar af fyrir einfaldleika. Þetta var í
fyrsta sinn sem Óskar keppir í eld-
smíði. mm/ale
„Ég segi ekki að það sé árlegt að
malbikið fjúki mikið upp hérna á
Snæfellsnesi, en norðanveðrin í
vetur voru mörg hver ansi slæm,“
sagði Guðjón Hrannar Björnsson
starfsmaður Vegagerðarinnar þar
sem unnið var að viðgerðum á slit-
lagi neðst í Fróðaráheiðinni. „Það
er annað svæði sem þarf að gera
við hérna rétt ofan við í heiðinni.
Svo þurfti að gera við á Lýsuhóli, í
Breiðuvíkinni og í Seljadal í Hraun-
firði. Það er á þessum fimm stöðum
sem malbikið fauk upp í vetur og
ætli það sé ekki með meira móti,“
sagði Guðjón í samtali við blaða-
mann Skessuhorns, þegar hann átti
leið um Staðarsveit og Fróðárheiði
um miðja síðustu viku.
þá
„Hlutföll tilverunnar röskuðust aðeins.
Allt varð svo agnarsmátt og undarlegt
í samanburðinum,“ skrifaði Hólmfríður
Friðjónsdóttir íbúi í Stykkishólmi á
Fésbókina. Tilefni skrifanna var að
skemmtiferðaskipið Fram lagðist að
bryggjunni við Súgandisey á mánu-
daginn á leið sinni frá Grundarfirði.
„Það birgði fyrir sólu,“ skrifaði annar.
Gömlu og fallegu húsin við höfnina
urðu skyndilega agnarsmá í saman-
burðinum við gestinn. Farþegarnir á
skipinu voru í skýjunum yfir fegurð
staðarins og einn vildi m.a.s. verða
eftir til búsetu. Eyþór Benediktsson tók
meðfylgjandi mynd þegar skipið átti
viðdvöl í Stykkishólmi.
mm
Hjónin Edda Baldursdóttir og
Rúnar Birgisson opnuðu 1. júní
síðastliðinn kaffihúsið Sælkerakaffi
í Stykkishólmi. Kaffihúsið er stað-
sett í hinum skjólsæla Freyjulundi
í Kvenfélagsgarðinum, steinsnar frá
helstu verslunum, sundlauginni og
íþróttahúsinu. „Við erum með gott
úrval kaffidrykkja og kökur, ásamt
boozt drykkjum. Stefnan er á að
vera með eitthvað við allra hæfi,
þannig að ef fólk er í hollustunni þá
munum við einnig vera með eitt-
hvað hollt á boðstólunum. Í sum-
ar verðum við með borð og stóla
út og fólk getur annað hvort setið
inni eða úti,“ segir Edda í samtali
við Skessuhorn.
Þetta er frumraun hennar í slík-
um rekstri. „Mig er búið að langa
til að prufa þetta í langan tíma. Ég
er mikið fyrir að baka og þetta er
eiginlega áhugamálið mitt. Það
má því segja að ég sé að vinna við
áhugamálið mitt núna.“ Edda seg-
ir að stefnan sé tekin á að vera með
opið fram í október og sjá svo til
hvort opnað verður aftur í apríl á
næsta ári. „Hugsunin er að hafa
opið í hálft ár og lokað í hálft ár.
Það er þó ekkert endanleg ákvörð-
un, ef það verður grundvöllur fyr-
ir ársopnun þá munum við alveg
skoða það,“ segir Edda hress að
lokum.
grþ
Aðfararnótt sunnudags eða mánu-
dags voru rúður brotnar í húsinu
Geirsstöðum, einu af gömlu hús-
unum á Safnasvæðinu í Görðum á
Akranesi. Einnig var brotist inn í
húsið en ekki unnar skemmdir þar.
Anna Leif Elídóttir verkefnisstjóri
á Safnasvæðinu segir bagalegt þeg-
ar skemmdarvargar fá útrás þarna,
en slíkt gerist þar sem engin býr á
svæðinu. Biðlar hún til íbúa í nær-
liggjandi húsum að fylgjast með og
láta vita ef grunsamlegar manna-
ferðir eru á svæðinu utan opnunar-
tíma. Einnig óskar hún eftir að lög-
regla fái að vita hafi fólk hugsan-
lega séð til fyrrgreindra skemmdar-
varga. mm
Fram kemur í fundargerð skóla-
nefndar Grundarfjarðarbæjar frá
26. maí að talsverðar breytingar
eru framundan í stjórnunarstöðum
í skólum bæjarins. Anna Bergsdótt-
ir, skólastjóri Grunnskóla Grundar-
fjarðar, hefur sagt starfi sínu lausu
og það hefur einnig gert aðstoðar-
skólastjórinn Helga Guðrún Guð-
jónsdóttir. Þá hefur Matthildur S.
Guðmundsdóttir leikskólastjóri á
Sólvöllum einnig sagt upp starfi
sínu. Skólanefndin þakkaði Önnu
og Matthildi fyrir vel unnin störf
og farsælt samstarf en Matthild-
ur mun áfram verða í hlutastarfi í
leikskólanum. Stöðurnar hafa verið
auglýstar. grþ
Skemmdarverk unnin á
Geirsstaðahúsinu í Görðum
Skólastjórar segja
upp í Grundarfirði
Akstursbann í gildi
á hálendisvegum
Gert við malbiksskemmdir
eftir veturinn
Kaffihúsið er í Freyjulundi, félagsheimili Kvenfélagsins Hringsins í Hólmgarði.
Ljósm. Eyþór Ben.
Nýtt kaffihús hefur verið
opnað í Hólminum
Hjónin Edda Baldursdóttir og Rúnar Birgisson í Sælkerakaffi í Stykkishólmi.
Ljósm. Sumarliði Ásgeirsson.
Hólmurum þótti mikið til
stærðarinnar koma
Beate Stormo er Íslandsmeistari í eldsmíði