Skessuhorn - 04.06.2014, Blaðsíða 16

16 MIÐVIKUDAGUR 4. JÚNÍ 2014
Staðarsveitin á Snæfellsnesi er með-
al þeirra sveita á landinu sem hvað
mestan þátt hafa tekið í uppbygg-
ingu ferðaþjónustu á síðasta áratug
og jafnvel fyrr. Við Lýsuhól þar sem
heitt vatn kemur upp úr jörðu er
þessi uppbygging mikil og m.a var
fyrir fjórum árum byggt upp gisti-
hús á skika frá jörðinni Lýsudal.
Kast Guesthouse heitir gistihúsið
og þar virðist uppbyggingin vera á
fullu. Nú í júnímánuði verður tekin
í notkun nýbygging sem byrjað var
að reisa í byrjun aprílmánaðar. Þar
bætast við stór ellefu manna her-
bergi með glæsilegri aðstöðu, tvö
fjögurra manna með aðstöðu fyr-
ir fatlaða, tvö þriggja manna og sjö
tveggja manna. Það er Lydía Fann-
berg Gunnarsdóttir sem á og starf-
rækir Kast Guesthouse, en hún er
ættuð frá Lýsudal og var þar mik-
ið sem stelpa. Núna kemur hún úr
Garðabænum og ætlar sér að flytja
alfarið í Staðarsveitina.
Byrjaði í
Eyjafjallagosinu
„Það hafði lengi verið hugmynd hjá
mér að fara út í ferðaþjónustu og
svo stækkaði hún bara. Síðan þeg-
ar ég eignaðist hérna landspildu þá
var ekkert annað en stinga sér út í
djúpu laugina. Annars hefði aldrei
getað þetta án hjálpar frá foreldr-
um mínum, þeim Gunnari Jónas-
syni og Svanfríði Guðmundsdóttir.
Þau hafa staðið við hlið mér eins og
klettar í gegnum allt ferlið,“ segir
Lydía. Þetta er fjórða árið sem hún
starfrækir gistihúsið. Hún byrjaði
vorið 2011 og þá strax var mikið
um bókanir. „Þá var Eyjafjallagos-
ið og þeir sem ætluðu á þær slóð-
ir komu hingað. Það hefur ver-
ið mikið að gera hjá okkur, bók-
anir í gegnum ferðaskrifstofurn ar
og hinn almenni ferðamaður hef-
ur líka litið við. Svo hefur ýmis-
legt verið að gerast á svæðinu líka
eins og kvikmyndatökur þegar Ben
Stiller kom og margt annað. Þótt
síðasta sumar væri ekki skemmti-
legt veðurfarslega þá bitnaði það
ekki á okkur. Fólk stoppaði hjá okk-
ur yfir daginn og leit við á kaffihús-
inu. Kvöld eftir kvöld var svo fullt
í mat hjá okkur og mikið fjör oft á
tíðum. Ég er því ekkert að spá í það
hvernig veðrið verður í sumar. Það
lítur mjög vel út með pantanir hjá
okkur og verður greinlega nóg að
gera. Ég vona þó að verði einhver
sól svo ég geti þá hent mér aðeins
í sólbað ef tími gefst,“ segir Lydía
Fannberg og brosir.
Allt heimabakað
Lydía segist þurfa sjö starfsmenn
með sér í sumar, þar á meðal ætli
María vinkona hennar að koma aft-
ur af Suðurnesjunum og kokka eins
og hún gerði í fyrra. „Svo fæ ég
einn kokk í viðbót og hann kemur
frá Tékkóslóvakíu. Það veitir ekki
af mannskapnum, því hér er boð-
ið upp á góðan morgunmat, kaffi-
hús yfir daginn, súpu og brauð og
svo er matseðill á kvöldin. Hérna
á Kast eru öll matarbrauð bök-
uð. Ég fer upp klukkan hálfsex á
morgnana til að baka, rúnstykki,
matarbrauðin og kökur í kaffihús-
ið,“ segir Lydía þar sem við sitj-
um í veitingastofunni. Í Kast Gu-
esthouse eru alls 27 herbergi þar af
eru 16 í þeirri byggingu sem tek-
in var í notkun vorið 2011 og nú
eru að bætast við ellefu herbergi.
Lydía segist leggja mikið upp úr
því að hafa notalegt og snyrtilegt í
húsakynnunum. Í veitingastofunni
eru t. d. skemmtileg hljóðdempun
sem íslensk kona hannaði, klukka
sem hönnuð er af annarri konu og
þá ekki síst olíumálverk sem unn-
in eru af Lísu Fannberg, systur Ly-
díu. „Myndefnið er sótt hérna í
umhverfið hjá systur minni og ég
er stolt af því að konur hafa kom-
ið að hönnuninni hérna hjá mér,“
segir Lydía.
Nafnið sótt
í landareignina
„Mér finnst það æðislegt og mér
líður mjög vel hérna,“ segir Lydía
þegar hún er spurð hvernig það
leggist í hana að búa allt árið í
Staðarsveitinni. Fram að þessu hef-
ur hún mest verið frá apríl og fram
í októbermánuð. „Það er að aukast
að hópar komi hingað á árshátíð-
ir og í vinnuferðir. Við gerum ým-
islegt fyrir ferðamanninn hérna.
Það er hestaleiga sem faðir minn,
Gunnar Jónasson í Lýsudal, sér um
og svo seljum við veiðileyfi í vatna-
svæði Lýsu. Það er mjög vinsælt
að hópar fari í gönguferðir héðan,
sundlaugin náttúrlega hérna hin-
um megin og margt hægt að gera
til afþreyingar,“ segir Lydía. Spurð
út í hvernig þetta sérstæða nafn
Kast sé tilkomið segir hún: „Ég
vildi endilega vera með tengingu
hérna við staðinn. Þegar ég var lítil
stelpa hérna fórum við krakkarnir
oft hérna upp fyrir og lékum okk-
ur við stein sem er kallaður Kast-
ið. Ég setti nafnið á steininum allt-
af í samband við það að hryssurn-
ar hefðu kastað þar, þótt ég hefði
aldrei spurt út í það,“ segir Lydía
og hlær. Hún virðist ánægð með
lífið og tilveruna í Staðasveitinni
enda að sjá að starfsemin hjá henni
þar hafi farið vel af stað.
þá
Síðastliðinn föstudag fögn-
uðu væntanlegir útskriftarnemar
Menntaskóla Borgarfjarðar síðasta
kennsludegi í skólanum með svo-
kölluðu dimmisjoni. Í ár var þem-
að sótt úr kvikmyndinni Top Gun
og klæddust því útskriftarnemarn-
ir samfestingum merktum banda-
ríska flughernum. Byrjuðu þeir
daginn á morgunverði í skólan-
um og eftir hann var tekinn rúnt-
ur um Borgarnes þar sem nemend-
ur stóðu á vagni sem dreginn var af
dráttarvél. Því næst var haldið aftur
í byggingu MB þar sem nemendur
héldu leiksýningu og skólaárið var
gert upp með gamansömum hætti.
Dagskrá útskriftanemenda lauk svo
með skemmtiferð til Reykjavík-
ur. Nemendur verða útskrifaðir frá
MB föstudaginn 6. júní. jsb
Elstu nemendur Tónlistarskóla
Snæfellsbæjar héldu vortónleika
í skólanum 20. maí síðastliðinn.
Fram komu Bjargmundur Sigurðs-
son á trommur, Ómar Hall sem
söng, Steinunn Stefánsdóttir söng,
Sóley Jónsdóttir söng og Þor-
steinn Jakobsson spilaði á harmon-
ikka. Kennarar tónlistarskólans þau
Valentina Kay, Nanna Þórðardótt-
ir og Evgeny Makeev spiluðu und-
ir ásamt Ástu Dóru Valgeirsdóttur
fyrrum nemanda sem lék á tromm-
ur. Tónleikarnir heppnuðust mjög
vel og stóðu nemendur sig með
prýði. Var góð stemning og í lok-
in sungu nemendur og gestir sam-
an Undir Bláhimni við góðar und-
irtektir.
þa
Vortónleikar elstu nem-
enda tónlistarskólans
Hér má sjá nemendur klædda Top Gun búningum að fagna síðasta kennsludegi á sal MB.
Nemendur Menntaskóla
Borgarfjarðar dimmiteruðu
„Þá var ekkert annað en stinga sér út í djúpu laugina“
Lýdía Fannberg byrjaði uppbyggingu gistihúss við Lýsudal fyrir fjórum árum
Hluti byggingarinnar sem reist var fyrir fjórum árum. Alls eru herbergin orðin 27 í
Kast í tveimur húsum.
Lydía í veitingastofunni í Kast Guesthouse.