Skessuhorn - 04.06.2014, Blaðsíða 17
17MIÐVIKUDAGUR 4. JÚNÍ 2014
Bláfáninn við Langasand var dreg-
inn að húni í gær, þriðjudaginn 3.
júní, í annað sinn. Bláfáninn er al-
þjóðlegt umhverfismerki, veitt sem
tákn um góða umhverfisstjórnun.
Til að fá Bláfánann þarf baðströnd-
in á Langasandi að uppfylla 32 skil-
yrði sem lúta að vatnsgæðum, um-
hverfisstjórnun, upplýsingagjöf
og öryggi. Það var Salome Hall-
freðsdóttir sem afhenti Regínu Ás-
valdsdóttur bæjarstjóra fánann fyr-
ir hönd Landverndar. Hún veitti
einnig Írisi Reynisdóttur garð-
yrkjustjóra viðurkenningu fyrir
hönd Landverndar. Í máli Salome
kom fram að ströng skilyrði eru til
að fá bláfánann en það eru einung-
is tvær aðrar baðstrendur sem hafa
fengið fánann á Íslandi, Bláa Lónið
og Nauthólsvík, en sérstaða Langa-
sands er að vera náttúruleg strönd.
Á vegum Akraneskaupstað-
ar eru tekin sýni úr sjónum reglu-
lega og hafa þau sýnt fram á hrein-
leika. Fræðsluverkefni eru unn-
in í tengslum við Bláfánann með
börnum og ungmennum á Akra-
nesi. Börn í 6. bekk í báðum grunn-
skólunum hreinsa strandlengjuna á
vorin, leikskólabörn á Akranes hafa
unnið með sérstök verkefni sem
tengjast Langasandi sem og börn
í hópnum Gaman saman í félags-
miðstöðinni Þorpinu.
þá
Verkefnið Ice cave var kynnt á
blaðamannafundi í Reykjavík í gær
í höfuðstöðvum verkfræðistofunn-
ar Eflu. Eins og áður hefur ver-
ið greint frá í Skessuhorni hefur
sjóður sem nefnist Iceland Tour-
ism Fund, sem er í eigu Icelandair
Group, Landsbankans og nokk-
urra lífeyrissjóða, hafist handa við
að grafa um 800 metra löng ís-
göng í vestanverðum Langjökli,
ofan við Geitlandsjökul í Borg-
arfirði. Á blaðamannafundinum
kynntu Sigurður Skarphéðinsson
framkvæmdastjóri Ísganganna og
Reynir Sævarsson verkfræðing-
ur hjá Eflu og Ari Trausti Guð-
mundsson nýjar útlitsteikningar
og tölvugert myndband sem sýnir
hönnun ganganna. Fjallað var um
framkvæmdina. Kom fram að mik-
il áhersla verður lögð á að göng-
in verði sem náttúrulegust og veiti
um leið fágæta innsýn í gerð og
þróun jökla.
Staða verkefnisins
Á fundinum kom meðal annars
fram að frá því að byrjað var á ís-
göngunum snemma í vor hafa verið
grafin um 40 metra löng göng inn í
jökulinn. Einnig kom fram að flest
ísgöng eru gerð með handafli en
vegna stærðar ganganna í Langjökli
er notast við vinnuvélar. Þá er ver-
ið að horfa til véla sem Bandaríkja-
her notaði við gangagerð á Græn-
landi á tímum kalda stríðsins til að
klára verkið. Fullgerð verða göngin
um 7.000 rúmmetrar og verða þau
á meðal stærstu manngerðu ísganga
í heimi. Í göngunum verða allskyns
afhellar og afkimar, listaverk úr
ís, kapella, veitingaaðstaða, jökla-
sýningar og margt fleira. Auk þess
verður mikið lagt upp úr lýsingu
og sjónarspili í ísnum með vand-
aðri LED-lýsingu til að gera upp-
lifunina sem mesta.
Byggja á dagsferðum
Þeir sem standa að verkefninu telja
að ísgöngin verði einstakur áfanga-
staður og mun heimsókn þang-
að veita nýja sýn í gerð og þróun
jökla. Búist er við að 20-30 þúsund
gestir komi í göngin árlega, bæði
að sumri til sem og utan háanna-
tímans. Þess er vænst að ísgöngin
laði nýja markhópa til landsins. Þá
segja aðstandendur verkefnisins að
staðsetning ganganna sé afar hent-
ug og munu því ferðaþjónustufyrir-
tæki geta markaðssett ferðir í göng-
in sem dagsferðir frá Reykjavík.
Annað hvort með viðkomu á Þing-
völlum, við Geysi og Gullfoss eða í
gegnum Borgarfjörð með viðkomu
á Kleppjárnsreykjum, Reykholti og
Húsafelli. Stefnt er á að ísgöngin í
Langjökli verði tilbúin í maí 2015
og er talið að þau muni standa í um
tíu ár áður en þau fara að síga og
sameinast jöklinum á ný.
jsb
Borgfirðingurinn Heimir Klemenz-
son gaf nýverið út sína fyrstu sóló-
plötu sem ber nafnið Kalt. Heim-
ir er frá Dýrastöðum í Norðurár-
dal í Borgarfirði. „Ég kláraði í fyrra
framhaldspróf í píanóleik við Tón-
listarskóla Borgarfjarðar og ákvað
að gefa mér það í útskriftargjöf
að taka upp sólóplötu og gefa út.
Upptökur hófust svo í júní í fyrra
í Hljóðverksmiðjunni í Hveragerði
undir upptökustjórn Péturs Hjalte-
sted,“ segir Heimir. Alls spila 11
tónlistarmenn á plötunni sem inni-
heldur átta frumsamin lög. Text-
ana samdi Heimir ásamt Krist-
jáni Gauta Karlssyni frá Kambi í
Reykhólasveit. Heimir segir helstu
áhrifavalda sína í tónlist vera Trú-
brot, Pink Floyd, Deep purple, Yes,
Weather Report og Steely Dan.
Tónleikar á Hraunsnefi
Heimir gefur plötuna út sjálfur og
dreifir henni jafnframt. „Hægt er
að nálgast plötuna í Lucky Records,
12 tónum og Smekkleysu. Einn-
ig er hægt að kaupa hana beint af
mér sjálfum en þá er best að senda
mér tölvupóst á gauthals@gmail.
com,“ útskýrir Heimir. Hann mun
fylgja plötunni eftir með tónleika-
haldi. Laugardagskvöldið verða
tónleikar á Hraunsnefi með Quar-
tet Heimis Klemenzsonar. Hljóm-
sveitina skipa: Heimir Klemenzson
– Hljómborð, Heiðmar Eyjólfs-
son – söngur og gítar, Jakob Grétar
Sigurðsson – Trommur og Þórður
Helgi Guðjónsson – Bassi. Eyrún
Margrét Eiðsdóttir mun hita upp
og taka nokkur lög áður á Quar-
tettin stígur á svið.Tónleikarnir
hefjast stundvíslega klukkan 20.30
og aðgangseyrir er 1000 krónur.
Fimmtudaginn 12.júní spilar Quar-
tet Heimis Klemenzsonar í Frysti-
klefanum á Rifi, Snæfellsnesi.
grþ
Regína bæjarstjóri og Anney Ágústsdóttir leikskólastjóri flagga bláfánanum.
Bláfánanum flaggað við
Langasand í annað sinn
Heimir Klemenzson með eintak af geisladisknum. Teikningar og hönnun um-
slagsins voru í höndum Baldurs Kristjánssonar.
Heimir gefur út geisladisk
Sigurður Skarphéðinsson framkvæmdastjóri Ísganganna kynnti verkefnið fyrir
blaðamönnum.
Einstök ísgöng í Langjökli kynnt
Veitingaaðstaða verður í göngunum þar sem borð og stólar verða úr ís. Tölvugerð
mynd frá verkfræðistofunni Efla.
Mikil vinna er á bakvið hvern metra af göngunum en þau eru þegar orðin um 40
m löng.
Reynir Sævarsson og félagar á Langjökli fyrr í vor um svipað leyti og framkvæmdir hófust á jöklinum. Vaskir Borgfirðingar
munu vinna verkið. F.v. Bragi Geir Gunnarsson, Reynir Sævarsson, Hjörtur Örn Arnarson, Gunnar Konráðsson og Andrés
Eyjólfsson. Einar Steinþór Traustason vantar á myndina.