Skessuhorn - 04.06.2014, Blaðsíða 31
31MIÐVIKUDAGUR 4. JÚNÍ 2014
www.skessuhorn.is • Sími: 433 5500
Skessuhorn fjallar um málefni Vesturlands
á vandaðan og líflegan hátt
Ertu áskrifandi?
„Þetta hefur gengið ágætlega. Það
hefur enginn dáið í bílnum en
fæddust tveir á þessum tíma sem
ég var í sjúkraflutningunum. Þetta
hefur að mörgu leyti verið gefandi
starf og samstarfsfólkið mjög gott.
Það versta við starfið er hvað þetta
er bindandi. Það má segja að það
verði núna loksins eftir á þriðja tug
ára sem ég þarf ekki að velta því
fyrir mér þegar ég fer inn í helgina
hvort ég er á vakt eða ekki,“ seg-
ir Þorkell Gunnar Þorkelsson sem
á dögunum hætti formlega starfi
sjúkraflutningsmanns í Grundar-
firði. Hann var þá kvaddur, sem og
Hildur Sæmundsdóttir ljósmóð-
ir, af samstarfsfólki í Heilbrigðis-
stofnun Vesturlands í Grundarfirði.
Þorkell Gunnar hefur starfað við
sjúkraflutningana frá árinu 1992
eða í 22 ár. Áður en hann byrjaði
í sjúkraflutningunum starfaði hann
sem lögreglumaður í nokkur ár, þá
aðallega á helgarvöktum. Þann-
ig að starfsskyldur um helgarnar
hafa ansi lengi fylgt Þorkeli Gunn-
ari, eða Gunna múr eins og hann
er kallaður.
Á vakt allan
sólarhringinn
„Ég segi að þetta hefur verið góð-
ur vinnustaður, í sjúkraflutning-
unum. Ég hef unnið með góðu
fólki og fengið mikinn stuðn-
ing í starfinu og af fjölskyldunni,
enda hefði maður ekki enst í þessu
annars. Það hafa ekki verið mikil
mannaskipti hjá okkur. En það má
ekki gleyma því að maður er að
eldast og það er betra að ákveða
það sjálfur hvenær þetta er orð-
ið gott en einhverjir aðrir ákveði
það. Þetta fer heldur ekki alveg
vel saman við mína vinnu. Í múr-
verkinu er kannski búið að ákveða
að steypa þennan daginn og þá er
ég ef til vill að keyra steypubílinn.
Svo næsta kvöld eða nótt kemur
útkall og þá er ekki gott að keyra
sjúkrabílinn þreyttur, því yfirleitt
eru þeir ekki styttri en svona 6-8
tímar túrarnir hjá okkur á þessu
svæði. Við þurfum líka að geta
brugðist hratt við að koma á vett-
vang, eftir fimm til tíu mínútur
ef kallið kemur innanbæjar. Þá
er ég kannski að vinna fyrir utan
bæinn,“ segir Gunni. Hann seg-
ist alltaf hafa fundist það svolít-
ið sérkennilegt að þeir sem starfa
í sjúkraflutningunum úti á landi,
eru kallaðir hlutastarfandi sjúkra-
flutningsmenn. „Við vinnum í 15
daga og erum á vöktum allan sól-
arhringinn, samt erum við kall-
aðir hlutastarfandi. Svo er þetta
sveiflukennt hvað er mikið að
gera hjá okkur, en þetta hafa að
jafnaði verið þrír sjúkraflutningar
á tveimur vikum. Það gerir starf-
ið í raun erfiðara hvað getur liðið
langt á milli ferða. Það verður allt
mikið sjálfvirkara einhvern veginn
þegar þjálfunin er stanslaus.“
Gamli maðurinn
hresstist
Þorkell Gunnar segir að sjúkra-
flutningarnir hafi gengið áfallalaust
þennan tíma en nokkrar ferðir séu
þó minnisstæðar. „Það var meiri
snjór hérna á fyrstu árunum sem ég
var í þessu og þá gátu sumar ferð-
irnar orðið ansi langar í endalausri
ófærð. Við erum náttúrlega hér
á svæði þar sem ansi er mikið um
bylji og sviptivinda. Það eru þess-
ar hviður sem eru hættulegar. Það
er ein slík ferð sem er mjög minnis-
stæð. Við vorum þá að flytja gaml-
an mann sem var orðinn ansi slapp-
ur og við héldum að væri hrein-
lega að skilja við í bílnum. Þeg-
ar við vorum að fara framhjá Ber-
serkseyri hérna rétt við Grund-
arfjörð og komum að brúnni þar
kom þessi feikna vindhviða. Bíllinn
kastaðist til og við rétt náðum inn
á brúnna, bíllinn stoppaði eigin-
lega við brúarstöpulinn. Þá heyrð-
ist í þeim gamla, „hvað, fenguð þið
brot á ykkur,“ sagði hann en þetta
var gamall sjómaður. Hann virtist
hressast við þetta og skrafaði tals-
vert það sem eftir var leiðarinnar.“
Nóg að gera
í múrverkinu
Gunnar múr er fæddur og uppalinn
í sveitinni austan við Grundarfjörð
á bænum Akurtröðum. Hann lærði
múrverk hjá Kristni Finnssyni múr-
arameistara í Stykkishólmi. Gunni
segir nóg að gera í múrverkinu og
honum hafi tekist að halda heilsu í
iðninni, en liðir og stoðkerfið hafa
viljað gefa sig hjá mörgum múrar-
anum með árunum. „Ég hef alltaf
lagt áherslu á að búa mig vel tækj-
um og búnaði. Það skiptir mjög
miklu máli og svo líka rétt líkams-
beiting. Ég byrjaði að læra múr-
verkið 1972 og fór að starfa sjálf-
stætt 1976. Á árum áður var stund-
um lítið að gera yfir veturinn og þá
vann maður í löndunum og ýmsu
tengt sjónum. Núna seinustu árin
hefur verið nóg að gera allan árs-
ins hring að minnsta kosti með-
an hitinn hefur haldist yfir fimm
gráðunum. En við erum að sinna
miklu fjölbreyttari verkefnum en
áður, svo sem hellulögnum og öðr-
um frágangi,“ sagði Gunni. Það var
einmitt við nýja hafnarhúsið í Rifi
sem blaðamaður Skessuhorn hitti
Gunna í síðustu viku þar sem hann
var að vinna að hellulögn og frá-
gangi. þá
Þorkell Gunnar við sjúkrabílinn. Ljósm. tfk.
Enginn dó í bílnum en tveir fæddust
Spjallað við Gunna múr sem var að láta af starfi sjúkraflutningamanns