Skessuhorn - 11.06.2014, Blaðsíða 5
5MIÐVIKUDAGUR 11. JÚNÍ 2014
Upplýsingar veita:
Þórir Þorvarðarson
thorir@hagvangur.is
Elísabet Sverrisdóttir
elisabet@hagvangur.is.
Umsóknarfrestur er til og
með 22. júní nk.
Umsóknir óskast fylltar út á
hagvangur.is ásamt upplýsingum
um starfsheiti, menntun og
fyrri störf.
SKÓGARHLÍÐ 12 105 REYKJAVÍK SÍMI 520 4700
www.hagvangur.is
Skólameistari Menntaskóla Borgarfjarðar
SJÁLFSTÆÐI - FÆRNI - FRAMFARIR
Starfssvið
Skólameistari veitir framhaldsskólanum
forstöðu. Hann stjórnar daglegum
rekstri og starfi skólans og gætir þess
að skólastarfið sé í samræmi við lög,
reglugerðir, aðalnámskrá og önnur
gildandi fyrirmæli á hverjum tíma. Hann
ber ábyrgð á gerð fjárhagsáætlunar og
að henni sé fylgt og hefur frumkvæði að
gerð skólanámskrár og umbótastarfi
innan skólans.
Laust er til umsóknar embætti skólameistara við Menntaskóla Borgarfjarðar í
Borgarnesi. Skólinn býður upp á þriggja ára nám og fjórar námsleiðir: Opna braut,
félagsfræðibraut, náttúrufræðibraut og starfsbraut.
Menntunar- og hæfniskröfur
Skólameistari skal uppfylla skilyrði laga um
hæfi, nr. 87/2008. Skólameistari þarf m.a. að
hafa kennsluréttindi á framhaldsskólastigi.
Leitað er eftir einstaklingi með stjórnunar- og
rekstrarreynslu, leiðtoga- og samskiptahæfni,
reynslu af stefnumótunarvinnu og hæfileika
til nýsköpunar. Ný lög um framhaldsskóla nr.
92/2008 fela framhaldsskólum aukna ábyrgð á
skilgreiningu námsbrauta, þróun námsframboðs
á mörkum skólastiga og fræðsluskyldu til 18
ára aldurs. Skólameistari gegnir því mikilvægu
hlutverki í mótun skólastarfs.
Ráðning og kjör
Stjórn Menntaskóla Borgarfjarðar
ræður skólameistara. Æskilegt væri
að skólameistari hæfi störf í síðasta
lagi 1. ágúst 2014 og kæmi að
undirbúningi skólastarfs fyrir skólaárið
2014-2015. Laun skólameistara eru
samningsatriði. Skólameistari skal
búa í Borgarbyggð.
Íslenskt atvinnulíf komið á sýningu á Bifröst
Síðastliðinn laugardag var opnuð
sýning í Háskólanum á Bifröst um
íslenskt atvinnulíf. Sýningin fjallar
um íslensk fyrirtæki og gefur innsýn
í verðmætasköpun þeirra og hvern-
ig starfsmenn sjá framtíð þeirra fyr-
ir sér. Á sýningunni eru ýmis fyrir-
tæki á öllum sviðum atvinnulífsins.
Þar eru stór myndræn veggspjöld
ásamt myndböndum og ljósmynda-
sýningu. Þrjátíu og fimm fyrirtæki
eru með nú í upphafi en sýningunni
er ætlað að verða lifandi þannig að
sífellt fleiri þátttakendur geti bæst í
hópinn.
Vilhjálmur Egilsson rektor skól-
ans opnaði sýninguna og sagði að
með henni væri gefin jákvæð og
bjartsýn mynd af þeim verðmætum
sem verið væri að skapa í íslensku at-
vinnulífi og um leið verið að vekja
athygli á háskólanum. Vilhjálmur
sagðist bera þá von í brjósti að fólk
myndi kíkja við á Bifröst og líta á
sýninguna sem yrði opin allt árið og
ekkert kostaði inn. „Þótt búið sé að
opna sýninguna núna, erum við rétt
að byrja og vonumst til þess að fleiri
fyrirtæki komi að verkefninu er fram
líða stundir.“ Hann gat þess einnig
að sýningin yrði útbúin í skólaút-
gáfu sem hægt verði að fara með á
milli grunn- og framhaldsskóla til að
kynna íslenskt atvinnulíf.
María Ólafsdóttir er sýningar-
stjóri og hefur hún unnið að verk-
efninu síðan í haust. María þakk-
aði í ávarpi sínu fyrir samstarfið við
fyrirtækin sem þegar væru þátttak-
endur svo og starfsfólki Háskólans á
Bifröst fyrir alla þá aðstoð sem hún
hefur notið í tengslum við uppsetn-
ingu sýningarinnar. Hún greindi frá
því að sýningin væri á landsvísu því
fyrirtækin sem þegar eru með, væru
allsstaðar af landinu. Þau spanna
jafnframt vítt starfssvið, allt frá mat-
vælafyrirtækjum upp í stóriðju. Fyr-
irtækin eru kynnt eftir margvísleg-
um leiðum, flest á stórum spjöldum
en einnig með skjávörpum og snert-
iskjáum og er meiningin að sýning-
argestir nái góðri snertingu við ís-
lenskt nútímaatvinnulíf á sýning-
unni. Sagt er frá starfsemi fyrirtækj-
anna, hvað verðmæti þar sé verið að
skapa eða í hverju þeirra starfsemi
felst og hver sé framtíðarsýn þeirra.
Þegar litið er yfir sýninguna mátti
sem dæmi sjá Kaupfélag Borgfirð-
inga í hópi þátttakenda en annars
má sjá þar fyrirtæki og félög eins og
Landssamband kúabænda, Marel,
Hraðfrystihús Hellissands, Elkem,
Samskip, N1, Landsvirkjun, Sjávar-
iðjuna Rifi, Norðurál, Saga Medica
og ýmis fleiri. Í sýningarrýminu er
einnig brugðið upp myndum frá at-
vinnulífi fyrri ára. Er áhugavert að
bera saman þær gríðarlegu breyting-
ar sem hafa orðið á vélum og tækja-
búnaði, samgöngum og samgöngu-
tækjum á tiltölulega stuttum tíma.
Sýningin er í Vikrafelli þar sem
Kaffihúsið á Bifröst var áður og er
gengið inn í gegnum Hótel Bifröst
og þaðan fylgt leiðarvísi. Hafa má
samband við Maríu á netfanginu
syning@bifrost.is.
bgk
María Ólafsdóttir sýningarstjóri atvinnusýningarinnar og Vilhjálmur Egilsson rektor háskólans á Bifröst.
Kolfinna Jóhannesdóttir nýráðin sveitarstjóri Borgarbyggðar, Inga Dóra Hall-
dórsdóttir framkvæmdarstjóri Símenntunarmiðstöðvar Vesturlands, Kjartan
Ragnarsson í Landnámssetri Íslands, Páll S Brynjarsson fráfarandi sveitarstjóri og
dr Ágúst Einarsson fv. rektor voru meðal gesta við opnun sýningarinnar.
Kaupfélag Borgfirðinga er meðal þátttakenda á sýningunni.
Gestir gerðu góðan róm að sýningunni og fannst ýmislegt athyglisvert koma fram í kynningum fyrirtækjanna á starfsemi
þeirra og framtíðarsýn.