Skessuhorn - 11.06.2014, Blaðsíða 13

13MIÐVIKUDAGUR 11. JÚNÍ 2014
IsNord tónlistarhátíðin
er nú hafin
IsNord er borgfirsk tónlistarhá-
tíð sem leggur áherslu á íslenska
og norræna tónlist. Hátíðin hófst
sl. mánudag en lýkur sunnudaginn
15. júní nk. Á hátíðinni eru einatt
dregnar fram perlur frá íslenskum
tónskáldum í bland við það besta
frá Norðurlöndunum og sameig-
inlegi tónlistararfur þannig gerður
aðgengilegur. Jónína Erna Arnar-
dóttir píanóleikar er frumkvöðull
að hátíðinni og listrænn stjórnandi
hennar. Meðstjórnandi er Margrét
Guðjónsdóttir.
Jónína Erna segir að markmið
með IsNord sé að gera norræna
tónlist, og sérstaklega íslenska, að-
gengilegri almenningi. „Markmið
hátíðarinnar er að fylgjast með því
sem er að gerast hjá ungum tón-
skáldum en einnig að flytja sígild
verk eldri tónskálda sem mættu
heyrast oftar. Hátíðin leggur einn-
ig mikið upp úr að í hópi flytjenda
og tónskálda séu listamenn sem eru
búsettir í eða ættaðir úr Borgar-
firði.“
Síðastliðinn mánudag var í Reyk-
holtskirkju flutt dagskráin Tónar
frá Einarsnesi. Þaðan hefur komið
mjög efnilegt listafólk og mun það
bjóða upp á fjölbreytta efnisskrá.
Þar eru mest áberandi systurn-
ar Soffía, Kristín Birna, Karítas og
Sigríður Þóra Óðinsdætur en fleiri
komu þó að tónleikunum.
Dagskrá IsNord er að
öðru leyti eftirfarandi:
Laugardaginn 14. Júní kl. 16.00 í
Borgarneskirkju: Trio Danois:
Trio Danois er nýtt tríó, skipað
hornleikaranum Pernille Karlslev
og píanistunum Morten Fagerli
og Jónínu Ernu Arnardóttur, það
var stofnað 2013 og mun á árinu
2014 halda tónleika í Noregi, Dan-
mörku, Færeyjum og Eystrasalts-
löndunum. Tónleikarnir á IsNord
verða Íslandsheimsókn tríósins en
tónlistin er frá þessum löndum og
er tilefnið að minnast þess að 200
ár eru síðan þessi lönd (fyrir utan
Eystrasaltslöndin) voru undir sömu
stjórn.
Sunnudagurinn 15. Júní kl. 16.00
í Borgarkirkju: Nordic Affect:
Halla Steinunn Stefánsdóttir fiðlu-
leikari og Guðrún Óskarsdóttir
semballeikari munu spila barrokk-
tónlist í gömlu kirkjunni á Borg,
sem hæfir tilefninu vel. mm
Nordic Affect.
Íþróttamót og Sumarhátíð á Teigaseli
Síðastliðinn föstudag var stór
dagur í leikskólanum Teigaseli á
Akranesi. Þá var haldið íþrótta-
mót og í framhaldi af því Sum-
arhátíð foreldrafélagsins. „Til
okkar komu góðir gestir. Fyrr-
um nemendur leikskólans opn-
uðu hátíðina með söng og undir-
leik en síðan voru til sýnis sjúkra-
bíll, björgunarsveitarbíll, lög-
reglubíll og slökkviliðsbíll. Þessar
heimsóknir vöktu mikla hrifningu
barnanna. Veðrið lék við mann-
skapinn og áttum við góða stund
saman,“ segir Guðrún Bragadótt-
ir aðstoðarleikskólastjóri á Teiga-
seli.
mm
Trio Danois.
Kristín Birna og Soffía Óðinsdætur voru hluti af þeim sem fram komu í dagskránni
Tónar frá Einarsnesi í Reykholtskirkju sl. mánudagskvöld.